25/08/2026
ডিজিটেল শস্য জৰীপ, খাৰিফ-২০২৬
কেন্দ্ৰীয় চৰকাৰৰ উদ্যোগত দেশজুৰি কৃষিভূমিৰ তথ্য ডিজিটেলভাৱে সংগ্ৰহৰ উদ্দেশ্যে আৰম্ভ হোৱা 'ডিজিটেল শস্য জৰীপ, খাৰিফ-২০২৬' যোৰহাট জিলাতো জিলা প্ৰশাসন আৰু জিলা কৃষি বিভাগৰ উদ্যোগত আৰম্ভ হৈছে।
এই উপলক্ষ্যে যোৰহাট জিলা প্ৰশাসনৰ উদ্যোগত আৰু জিলা কৃষি বিষয়াৰ কাৰ্যালয়ৰ সহযোগত জিলাখনৰ সকলো উন্নয়ন খণ্ডতে ৰাজহ চক্ৰ পৰ্যায়ৰ জৰীপকাৰী, তত্ত্বাৱধায়ক আৰু পৰীক্ষকসকলক প্ৰশিক্ষণ প্ৰদান কৰা হয়। প্ৰশিক্ষণত Agristack এপৰ জৰিয়তে ডিজিটেলভাৱে শস্যৰ তথ্য সংগ্ৰহ, তথ্য সংৰক্ষণ, জৰীপৰ পদ্ধতিৰ সম্পৰ্কে প্ৰশিক্ষণ দিয়া হয়।
ডিজিটেল শস্য জৰীপৰ জৰিয়তে শস্য উৎপাদনৰ সঠিক তথ্য লাভ, কৃষি পৰিকল্পনা আৰু নীতি প্ৰস্তুতকৰণ, জলসিঞ্চন তথা শস্য উৎপাদন সম্পৰ্কীয় সিদ্ধান্ত গ্ৰহণৰ লগতে PM-KISAN, প্ৰধানমন্ত্ৰী ফচল বীমা যোজনা আদি আঁচনিৰ সফল ৰূপায়ণত সহায় লাভ কৰিব।
কৃষকৰ সামগ্ৰিক কল্যাণ আৰু কৃষিখণ্ডৰ উন্নত পৰিকল্পনাৰ ক্ষেত্ৰত এই ডিজিটেল ব্যৱস্থাই এক গুৰুত্বপূৰ্ণ ভূমিকা পালন কৰিব। সেয়েহে, জিলাখনত জৰীপ কাৰ্যসূচী সুকলমে সম্পন্ন কৰিবলৈ জিলা প্ৰশাসন আৰু জিলা কৃষি বিভাগে সকলো জনসাধাৰণৰ সহযোগিতা আশা কৰিছে।
জিলাখনত অনুষ্ঠিত প্ৰশিক্ষণ কাৰ্যসূচীৰ কিছু স্থিৰচিত্ৰ সংলগ্ন কৰা হ’ল।
Pijush Hazarika
Department of Agriculture, Assam
District Administration, Jorhat
DIPRO Jorhat
District Agriculture Office, Jorhat
