27/03/2026
రైల్వే బ్రిడ్జి పూర్తి చేయాలని సిఐటియు నగర కమిటీ ఆధ్వర్యంలో ధర్నా.
కడప నగరంలోని ఎరముక్కపల్లె మామిళ్ళ పల్లె రోడ్డు రైల్వే బ్రిడ్జిని పూర్తి చేయాలని సిఐటియు నగర కమిటీ ఆధ్వర్యంలో ధర్నా నిర్వహించారు .ఈ సందర్భంగా సిఐటియు జిల్లా ప్రధాన కార్యదర్శి మనోహర్ మాట్లాడుతూ ముఖ్యంగా మామిళ్ళ పల్లె ప్రాంతంలో తెలుగు గంగ ప్రాజెక్టు ఉన్నదని తెలిపారు. ఆ ప్రాంతంలో వందల మంది ఉద్యోగం చేస్తున్నారని తెలిపారు. అదే తరుణంలో చుట్టుపక్కల ప్రాంతాల నందు వేలమంది కడపకు రాకపోకలు సాగిస్తున్నారని తెలిపారు. ఇలాంటి పరిస్థితుల్లో రైల్వే బ్రిడ్జిని పూర్తిచేయకపోవడం దుర్మార్గమని తెలిపారు. అనారోగ్యం బాగా లేకపోతే హాస్పిటల్స్ రావాలంటే పదుల సంఖ్యలో కిలోమీటర్లు తిరిగి రావాల్సినటువంటి అవసరం ఉన్నదని తెలిపారు. అలాంటప్పుడు అత్యంత ప్రమాదం జరిగే అవకాశం ఉన్నదని ఆవేదన వ్యక్తం చేశారు. కనుక ప్రభుత్వం రైల్వే అధికారులు జోక్యం, చేసుకొని స్థలం ఇచ్చిన వారికి పునరవాసం కల్పించి, వెంటనే రైల్వే బ్రిడ్జి పూర్తి చేయాలని కోరారు .ఈ కార్యక్రమంలో సిఐటియు జిల్లా అధ్యక్షులు శ్రీనివాస్ రెడ్డి నగర నగర అధ్యక్ష కార్యదర్శులు వెంకటసుబ్బయ్య , చంద్రా రెడ్డి ,సిఐటియు జిల్లా కోశాధికారి బి లక్ష్మీదేవి సిపిఎం నగర కార్యదర్శి ,రామ్మోహన్, రైతు సంఘం జిల్లా ప్రధాన కార్యదర్శి దస్తగిరి రెడ్డి, రైల్వే బ్రిడ్జి సాధన కమిటీ కన్వీనర్ రామకృష్ణారెడ్డి, నారాయణరెడ్డి ,రిమ్స్ నాయకులు పవన్, దస్తగిరి ,మున్సిపల్ జిల్లా కోశాధికారి గోపి, అధ్యక్షులు రవి , ఆనంద్ ,ప్రకాష్, కిరణ్, కెవిపిఎస్ నాయకులు నరసింహ, శ్రీను, ఉదయ్, తిమ్మయ్య సాయి తదితరులు పాల్గొన్నారు.
