Arogya Jagratha

04/10/2023

ആരോഗ്യ ബോധവൽക്കരണവുമായി ബന്ധപ്പെട്ട അറിയിപ്പുകളും വിവരങ്ങളും കൃത്യമായി ലഭിക്കുന്നതിന് ഔദ്യോഗിക വാട്സ്ആപ് ചാനലായ ആരോഗ്യകേരളം ആരംഭിച്ചിട്ടുണ്ട്. ലിങ്ക് ചുവടെ കൊടുക്കുന്നു..

14/07/2023

എല്ലാ റീലും നന്നല്ല

08/11/2022

സ്നേഹപൂർവ്വം ഡോക്ടർ ലബാൻ.....

05/09/2022

നല്ലോണം ആരോഗ്യത്തോടെ ആഘോഷിക്കാൻ ആരോഗ്യകേരളത്തിന്റെ ഓണം സ്പെഷ്യൽ മ്യൂസിക്കൽ സോങ്ങ്

12/08/2021

മുറ്റത്തും മനസ്സിലും പൂക്കളമൊരുക്കുന്ന പോന്നോണനാളുകൾക്ക്‌ തുടക്കം കുറിച്ചുകൊണ്ട് അത്തം വന്നെത്തുകയായി. കോവിഡ് സാഹചര്യത്തിൽ ആഘോഷങ്ങൾ നമുക്കു വീടുകളിലൊതുക്കാം. കരുതലോടെയാവട്ടെ ഇത്തവണത്തെ നമ്മുടെ ഓണം. #കോവിഡ്ഓർത്തോണം

17/04/2021

കോവിഡ്‌ വ്യാപനം രൂക്ഷമാകുന്ന സാഹചര്യത്തിൽ നിയന്ത്രണങ്ങൾ ശക്തമാക്കുകയാണ്. ഇതിന്റെ ഭാഗമായി മറ്റു രാജ്യങ്ങളിൽ നിന്നും അന്യസംസ്ഥാനങ്ങളില്‍ നിന്നും കേരളത്തിലേക്ക് വരുന്ന യാത്രക്കാര്‍ കോവിഡ് ജാഗ്രതാ പോര്‍ട്ടലില്‍ രജിസ്റ്റര്‍ ചെയ്യണ്ടതുണ്ട്.

ഇതിനായി റവന്യൂ വകുപ്പിന്റെ കോവിഡ് ജാഗ്രതാ പോർട്ടലായ
https://covid19jagratha.kerala.nic.in വെബ്സൈറ്റ് സന്ദര്ശിക്കുക.

ഏറ്റവും മുകളിൽ കാണുന്ന Citizen ഓപ്ഷനില്‍ ക്ലിക്ക് ചെയ്യുമ്പോള്‍ കാണുന്ന Visitor's entry ഓപ്ഷനില്‍ നിന്നും Domestic entry തെരഞ്ഞെടുക്കണം.

ട്രെയിനിലോ ഫ്ലൈറ്റിലോ വരുന്നവർ പുതുതായി രെജിസ്റ്റർ ചെയ്യുന്നതിന് പേജിൽ താഴെ കാണുന്ന new registration ക്ലിക്ക് ചെയ്തു Covid 19 jagratha portal ക്ലിക്ക് ചെയ്ത് മൊബൈല്‍ നമ്പര്‍ നല്‍കി വേരിഫൈ ചെയ്യണം.

NORKA Registration ID ഇല്ലാത്ത റോഡ് മാർഗ്ഗം വരുന്നവരും new registration ചെയ്യണ്ടതുണ്ട്.

സ്‌ക്രീനില്‍ വരുന്ന കാപ്ച്ച കോഡ് കൂടി എന്റര്‍ ചെയ്ത് കഴിയുമ്പോള്‍ അല്‍പസമയത്തിനകം നല്‍കിയ മൊബൈല്‍ നമ്പറിലേക്ക് ഒ.ടി.പി നമ്പര്‍ വരും. ഒ.ടി.പി എന്റര്‍ ചെയ്ത ശേഷം വേരിഫൈ ചെയ്യുക.

വേരിഫിക്കേഷനു ശേഷം നിങ്ങളുടെ പേര്, ജനന തിയ്യതി, ഐ.ഡി നമ്പര്‍ ഉള്‍പ്പടെ ആവശ്യമായ വിവരങ്ങള്‍ നല്‍കുക. ശേഷം നല്‍കിയ വിവരങ്ങള്‍ സേവ് ചെയ്യുന്നതോടെ രജിസ്ട്രേഷന്‍ പൂര്‍ത്തിയാവും.

രജിസ്ട്രേഷന്‍ ചെയ്ത മൊബൈല്‍ നമ്പറിലേക്ക് രജിസട്രേഷന്‍ വിവരങ്ങള്‍ ടെക്സ്റ്റ് മെസേജായി വരുന്നതാണ്.

മെസേജിലുള്ള ലിങ്കില്‍ ക്ലിക്ക് ചെയ്താല്‍ പാസ്സിന്റെ പി.ഡി.എഫ് ഫോം ഡൗണ്‍ലോഡ് ചെയ്തെടുക്കാവുന്നതാണ്.

യാത്രക്കാര്‍ക്ക് കേരളത്തിലേക്ക് വരുമ്പോള്‍ ചെക്പോസ്റ്റില്‍ ഈ യാത്രാ പാസ്സ് കാണിച്ച് യാത്ര ചെയ്യാന്‍ സാധിക്കും.

29/03/2021

ഇ-സഞ്‌ജീവനി സേവനങ്ങള്‍
പരമാവധി
പ്രയോജനപ്പെടുത്തണമെന്ന്‌ ആരോഗ്യവകുപ്പ്

: കോവിഡ്‌ പശ്ചാത്തലത്തില്‍ ആശുപത്രികളില്‍ തിരക്ക്‌ കൂടുന്ന സാഹചര്യമുള്ളതിനാല്‍ ഇ-സഞ്‌ജീവനി ടെലി മെഡിസിന്‍ സംവിധാനം പരമാവധി ഉപയോഗപ്പെടുത്തണമെന്ന്‌ ആരോഗ്യവകുപ്പ്‌. ഇതര സംസ്ഥാനങ്ങളില്‍ കോവിഡ്‌ വകഭേദം കണ്ടെത്തിയതും രോഗവ്യാപനം കൂടുന്നതും കണക്കിലെടുത്താണ്‌ ആശുപത്രിയില്‍ എത്താതെ തന്നെ ചികിത്സ തേടാനുള്ള സംവിധാനത്തെ ആശ്രയിക്കണമെന്ന നിര്‍ദ്ദേശം വന്നിരിക്കുന്നത്‌. ഇ-സഞ്‌ജീവനിയില്‍ ചികിത്സ പൂര്‍ണമായും സൗജന്യമാണ്‌. ആശുപത്രി സന്ദര്‍ശനങ്ങള്‍ ഒഴിവാക്കി രോഗിക്ക്‌ ഓണ്‍ലൈന്‍ വഴി സൗകര്യമുള്ള സ്ഥലത്തിരുന്ന്‌ ചികിത്സ തേടാമെന്നതാണ്‌ ഇ-സഞ്‌ജീവനി ടെലിമെഡിസിന്റെ പ്രധാന നേട്ടങ്ങളിലൊന്ന്‌. നിര്‍ദേശിക്കുന്ന സമയത്ത്‌ വീഡിയോ കോളിലൂടെ ഡോക്ടറെ കണ്ട്‌ രോഗവിവരങ്ങള്‍ അറിയിക്കാം. സമയം ലാഭിക്കാം. കണക്കുകള്‍ പ്രകാരം ഒരു കണ്‍സള്‍ട്ടേഷന്‍ പൂര്‍ത്തീകരിക്കുന്നതിനെടുക്കുന്ന സമയം 6 മിനിറ്റും 52 സെക്കന്റുമാണ്‌. കൂടാതെ ഇ-സഞ്‌ജീവനി സേവനങ്ങള്‍ക്കായി വ്യക്തികള്‍ക്ക്‌ എടുക്കേണ്ടിവരുന്ന ശരാശരി കാലതാമസം 5 മിനിറ്റും 11 സെക്കന്റും മാത്രം. സ്‌പെഷ്യാലിറ്റി, സൂപ്പര്‍ സ്‌പെഷ്യാലിറ്റി സേവനങ്ങള്‍ വിരല്‍ത്തുമ്പില്‍ ലഭ്യമാകുമെന്നതാണ്‌ മറ്റൊരു പ്രത്യേകത. ഇ-പ്ലാറ്റ്‌ഫോമിലൂടെ ഡോക്ടര്‍ നല്‍കുന്ന സഞ്‌ജീവനി കുറിപ്പടികള്‍ തൊട്ടടുത്ത സര്‍ക്കാര്‍ ആശുപത്രിയില്‍ കാണിച്ചാല്‍ മരുന്നുകള്‍ സൗജന്യമായി ലഭിക്കും. ഇതോടൊപ്പം കുറിപ്പടി പ്രകാരം ആശുപത്രിയില്‍ ലഭ്യമായ പരിശോധനകളും സൗജന്യമായി നടത്താം.

സ്‌മാര്‍ട്ട്‌ ഫോണ്‍, കമ്പ്യൂട്ടര്‍, ലാപ്‌ടോപ്പ്‌ എന്നിവയിലേതെങ്കിലുമൊന്നും ഇന്റര്‍നെറ്റ്‌ കണക്ഷനുമാണ്‌ ഇതിനു വേണ്ടത്‌. www.esanjeevaniopd.in എന്ന വെബ്‌സൈറ്റില്‍ ലോഗിന്‍ ചെയ്‌ത ശേഷം ഈ സേവനം ഉപയോഗിക്കാവുന്നതാണ്‌. ഇ-സഞ്‌ജീവനി ഒപിഡി എന്ന ആപ്പ്‌ വഴിയും സേവനം ലഭ്യമാണ്‌. കൂടുതല്‍ വിവരങ്ങള്‍ക്കും സംശയങ്ങള്‍ക്കുമായി 1056/0471 2552056 എന്ന ദിശ ടോള്‍ഫ്രീ നമ്പറുകളില്‍ ബന്ധപ്പെടാം.

രജിസ്‌റ്റര്‍ ചെയ്യുന്ന വിധം

* https://www.esanjeevaniopd.in സന്ദര്‍ശിക്കുക
* പേഷ്യന്റ്‌ രജിസ്‌ട്രേഷന്‍ ബട്ടണ്‍ അമര്‍ത്തുക
* മൊബൈല്‍ നമ്പര്‍ നല്‍കുക. ഒടിപിക്കായി കാത്തിരിക്കുക
* ഒടിപി ലഭിച്ചില്ലെങ്കില്‍ വീണ്ടും പ്രസ്‌ ബട്ടണ്‍ അമര്‍ത്തുക
* ലഭിക്കുന്ന ഒടിപി പേഷ്യന്റ്‌ രജിസ്‌ട്രേഷന്‍ കോളത്തില്‍ ചേര്‍ക്കുക
* സേവനം ആവശ്യമുള്ള മേഖലയില്‍ സ്‌റ്റാര്‍ ചിഹ്നമിടുക
* ആവശ്യമുള്ള വിവരങ്ങള്‍, ഫയലുകള്‍, റിസല്‍ട്ടുകള്‍, റിപ്പോര്‍ട്ടുകള്‍ എന്നിവ നിര്‍ദ്ദിഷ്ട പ്ലാറ്റ്‌ഫോമുകളില്‍ ചേര്‍ക്കുക
* വിവരങ്ങള്‍ രേഖപ്പെടുത്തിയതിനു ശേഷം ഐ.ഡി നമ്പര്‍ ലഭിക്കുന്നതിനും ടോക്കണിനുമായി ബട്ടണ്‍ അമര്‍ത്തുക

ലോഗിന്‍ ചെയ്യുന്ന വിധം

* https://www.esanjeevaniopd.in സന്ദര്‍ശിക്കുക
* പേഷ്യന്റ്‌ ലോഗിന്‍ ബട്ടണ്‍ ക്ലിക്ക്‌ ചെയ്യുക
* മൊബൈല്‍ നമ്പറും ലഭിച്ച ടോക്കണും നിര്‍ദ്ദിഷ്ട കോളത്തില്‍ രേഖപ്പെടുത്തുക
* പേഷ്യന്റ്‌ ക്യൂവില്‍ പ്രവേശിക്കുക (ലാബ്‌ റിപ്പോര്‍ട്ടുകളും ഇമേജിങ്‌ റിസല്‍ട്ടുകളും അപ്‌ലോഡ്‌ ചെയ്യുക-സൈസ്‌ 5 എംബി വരെ)
* തുടര്‍ന്ന്‌ 2 മിനിറ്റില്‍ കൂടുതല്‍ താമസമെടുത്താല്‍ (ഡോക്ടറുടെ സേവനം ലഭിച്ചില്ലെങ്കില്‍) റിഫ്രഷ്‌ ബട്ടണ്‍ അമര്‍ത്തുക

ഡോക്ടറുടെ സേവനം ലഭ്യമായാൽ

* കോള്‍ നൗ ബട്ടണ്‍ അമര്‍ത്തി ക്യാമറ, ഹെഡ്‌ഫോണ്‍ എന്നിവയുടെ സഹായത്തോടെ ഡോക്ടറുമായി സംസാരിക്കാം
* പരിശോധനയ്‌ക്കിടെ കൂടുതല്‍ വിവരങ്ങള്‍ നല്‍കുന്നതിനായി സന്ദേശങ്ങള്‍ അയക്കാനും സൗകര്യമുണ്ട്‌
* ഇതിനിടെ ഫയലകള്‍ കൈമാറാനും കഴിയും
* പരിശോധനയുമായി ബന്ധപ്പെട്ട വിവരങ്ങള്‍ ഡൗണ്‍ലോഡ്‌ ചെയ്‌ത്‌ പ്രിന്റെടുത്ത്‌ സൂക്ഷിക്കുകയും ചെയ്യാം

C-DAC

26/02/2021

വിദേശത്ത് നിന്നെത്തുന്നവര്‍ക്ക് സൗജന്യ ആര്‍ടിപിസിആര്‍ പരിശോധന

19/02/2021

സംസ്ഥാനത്ത് ഇ ഹെല്‍ത്ത് പദ്ധതി നടപ്പിലാകുന്ന 200 മത്തെ ആശുപത്രിയായി നെടുമങ്ങാട് ജില്ലാ ആശുപത്രി മാറി. ഇതോടൊപ്പം കേന്ദ്ര സര്‍ക്കാര്‍ സ്ഥാപനമായ പാലക്കാട് ഐ.ടി.ഐ. ലിമിറ്റഡിന്റെ സാങ്കേതിക വിദ്യയില്‍ വികസിപ്പിച്ചെടുത്ത ഏറ്റവും കുറഞ്ഞ വൈദ്യുതി ഉപഭോഗമുള്ള മൈക്രോ കമ്പൂട്ടറും ഇന്‍ബില്‍റ്റ് ബാറ്ററി സംവിധാനമുള്ള യു.പി.എസും സോളര്‍ പാനലുമായി ബന്ധിപ്പിച്ചു പി.ഒ.സി. (Proof of Concept) പൈലറ്റ് അടിസ്ഥാനത്തില്‍ സജ്ജീകരിച്ചിട്ടുള്ള സംവിധാനങ്ങളുടെ പിന്‍ബലത്തില്‍ കേരളത്തിലെ ആദ്യത്തെ സമ്പൂര്‍ണ ഹരിത ഊര്‍ജ്ജ ആശുപത്രിയായി വലിയതുറ തീരദേശ സ്‌പെഷ്യാലിറ്റി ആശുപത്രി പ്രവര്‍ത്തനം ആരംഭിച്ചു. ഈ രണ്ട് പദ്ധതികളുടേയും ഔദ്യോഗിക പ്രഖ്യാപനം ഓണ്‍ലൈന്‍ വഴി നിര്‍വഹിച്ചു.

സംസ്ഥാനത്തെ ആരോഗ്യ രംഗത്തെ വിവര സാങ്കേതിക വിദ്യയുടെ അനന്തസാധ്യതകള്‍ പ്രയോജനപ്പെടുത്തി കൂടുതല്‍ കാര്യക്ഷമമാക്കാനാണ് സര്‍ക്കാര്‍ ശ്രമിക്കുന്നത്. ഓരോ പ്രദേശത്തെയും ജനസംഖ്യാപരമായ പശ്ചാത്തലത്തില്‍ വ്യക്തികളെ സംബന്ധിച്ച് കൃത്യവും സാര്‍വര്‍ത്തികവുമായ വിവരശേഖരണം നടത്തി കേന്ദ്രീകൃതമായി സൂക്ഷിച്ചു കൃത്യതയാര്‍ന്ന രോഗ നിര്‍ണയത്തിനുവേണ്ടി പുനരുപയോഗിക്കുകയാണ് ഇ ഹെല്‍ത്തിലൂടെ ചെയ്യുന്നത്. ഇതിലൂടെ കടലാസ് രഹിത ആശുപത്രി പ്രവര്‍ത്തനം സാധ്യമാക്കും.

09/11/2020

" WOMAN OF THE YEAR 2020."

Comrade K K Shailaja Teacher 🔥

" ഭയപ്പെടാൻ സമയമില്ല. ഭയത്തേക്കാൾ, അതിൽ പങ്കാളിയാകാൻ എനിക്ക് ഒരു ആവേശം തോന്നുന്നു, ”

കേരളത്തിലെ ആരോഗ്യ, സാമൂഹിക നീതി, സ്ത്രീകൾ, ശിശു വികസനം മന്ത്രി കെ കെ ഷൈലജ പറയുന്നു.

മുൻ‌കൂട്ടി ചിന്തിക്കുന്ന മന്ത്രി, ആദ്യം നിപ വൈറസ് പകർച്ചവ്യാധി കൈകാര്യം ചെയ്തു, ഇപ്പോൾ പാൻഡെമിക്. ഇന്ന്, പ്രതിസന്ധിയോടുള്ള പ്രതികരണത്തിന് ആഗോളതലത്തിൽ പ്രശംസിക്കപ്പെടുന്ന അധികാരത്തിലിരിക്കുന്ന ചെറിയ സ്ത്രീകളുടെ കൂട്ടത്തിൽ അവരുടെ പേരിനു സവിശേഷതകളാണ്.

ശൈലജ ടീച്ചറെക്കുറിച്ച്‌ VOGUE India