Kerala CIVIL Defence kanjirappally

22/04/2026

🚒

21/04/2026

ശ്വാസനാള തടസ്സം

(Choking)

ശ്വാസനാളത്തിൽ പുറമെ നിന്നുള്ള വസ്‌തുക്കൾ പ്രവേശിച്ച് വായുസഞ്ചാരം തടസ്സപ്പെടുന്ന അവസ്ഥ

യാണിത്.

ലക്ഷണങ്ങൾ

* ശ്വാസനാളം പൂർണ്ണമായി അടഞ്ഞാൽ ശ്വസനം തടസ്സപ്പെടും
ശബ്ദം പുറത്ത് വരില്ല

ചുമയ്ക്കാൻ പോലും സാധ്യമാകാതെ വരും

* രോഗി അബോധാവസ്ഥയിലാകും

* തൊണ്ടയിൽ ഇരു കൈകൾ കൊണ്ടും പിടിച്ച് ശ്വാസമെടുക്കാനാവാതെ പ്രയാസപ്പെടുന്ന അവസ്ഥയാണ്

ഇതിന്റെ ലക്ഷണം

പ്രഥമശുശ്രൂഷ

* രോഗിയെ ഒരു കൈ നെഞ്ചിന് കുറുകെ വെച്ച്, താങ്ങി നിർത്തി, കുനിച്ച് നിർത്തിയ ശേഷം രണ്ട് ചുമൽ പലകകൾക്കിടയിൽ ശക്തിയായി അടിക്കുക. അഞ്ച് തവണയെങ്കിലും ഇത് ആവർത്തിക്കുക

* രോഗിയുടെ പിന്നിൽ നിന്ന് കൊണ്ട് ഒരു കൈയുടെ തള്ളവിരൽ ആദ്യം ഉള്ളിലേക്ക് മടക്കി മുഷ്ടി ചുരുട്ടി പൊക്കിളിനും നെഞ്ചെല്ലിന്റെ കീഴറ്റത്തിനും മധ്യത്തിൽ വെച്ച് മറുകൈ കൂടി ചേർത്ത് വെച്ച ശേഷം അകത്തേക്കും മുകളിലേക്കുമായി നല്ല ബലം പ്രയോഗിച്ച് അമർത്തുക അഞ്ച് തവണയെങ്കിലും ഇത് ആവർത്തിക്കുക. കുടുങ്ങിയ വസ്തു‌ വായിൽ എത്തിയോ എന്ന് പരിശോധിച്ച ശേഷം ആവശ്യമെങ്കിൽ ആവർത്തിക്കുക

* ഗർഭിണിയോ കുടവയർ ഉള്ള ആളോ ആണെങ്കിൽ രോഗിയുടെ പിന്നിൽ നിലയുറപ്പിച്ച് മാറെല്ലിൻ്റെ മധ്യത്തിലായി ഇരു കൈകളും വെച്ച് ശക്തിയായി അമർത്തി കുരുങ്ങിയ വസ്തു‌ പുറത്ത് എടുക്കാൻ ശ്രമിക്കുക

* രോഗി അബോധാവസ്ഥയിലാകുകയും ശ്വാസം നിലയ്ക്കുകയും ചെയ്‌താൽ ഹൃദയ ശ്വാസ പുനരുജ്ജീവനം (Cardio Pulmonary Resuscitation) നൽകുക
കുട്ടികളാണെങ്കിൽ കൈത്തലത്തിൽ കിടത്തി പുറത്ത് കൈ കൊണ്ട് തട്ടുക. രണ്ട് വിരൽ ഉപയോഗിച്ച് നെഞ്ചിൽ മർദ്ദം കൊടുക്കുക

18/04/2026

17/04/2026

അഗ്‌നിശമനികൾ

(Fire Extinguishers)

വാട്ടർ ടൈപ്പ് (Water type)

കാർബണേഷ്യസ് ഫയർ അഥവാ കത്തിയാൽ കരി അവശേഷിക്കുന്ന കടലാസ്, തുണി, മരത്തടികൾ, പ്ലാസ്റ്റിക് തുടങ്ങിയവക്ക് തീപിടിച്ചാൽ ഉപയോഗിക്കുന്നു.

ഖര വസ്തു‌ക്കൾ കത്തുമ്പോൾ ഉപയോഗിക്കുന്നു

ഫോം ടൈപ്പ് (Foam type)

ദ്രവരൂപത്തിലുള്ള എണ്ണകൾ, ഇന്ധനങ്ങൾ മുതലായവക്ക് തീപിടിച്ചാൽ ഉപയോഗിക്കുന്നു

കാർബൺ ഡൈ ഓക്സൈഡ് ടൈപ്പ് (Carbon dioxide type)
ഇലക്ട്രിക് ഉപകരണങ്ങളും വാതകങ്ങളും ദ്രാവകങ്ങളും

തീ പിടിച്ചാൽ ഉപയോഗിക്കുന്നു. ഖരവസ്‌തുക്കളിൽ ചെറിയ അളവിലെങ്കിൽ ഉപയോഗിക്കാം

ഡ്രൈ കെമിക്കൽ പൗഡർ ടൈപ്പ് (Dry Chemical powder type)
കാർബൺ ഡൈ ഓക്സൈഡ് എക്സ്റ്റിംഗുഷർ പോലെ തന്നെ ഖരം ദ്രാവകം വാതകം എന്നി വകൾക്ക് തീപിടിച്ചാൽ ഉപയോഗിക്കാം. കൂടാതെ സോഡിയം, പൊട്ടാസ്യം, മഗ്‌നീഷ്യം തുടങ്ങിയ ലോഹങ്ങൾക്ക് തീപിടിച്ചാലും ഉപയോഗിക്കാം.

അഗ്ന‌ി ശമനികൾ ഉപയോഗിക്കേണ്ട വിധം PASS മെത്തേഡ്

P. Pull out the Safty Pin

അബദ്ധത്തിൽ അമർന്ന് പോകാതിരിക്കാനായി സ്ഥാപിച്ച സേഫ്റ്റി പിൻ / ലോക്ക് ഊരിമാറ്റുക

A. Aim the nozzle at the base of Fire നോസിൽ തീയുടെ അടിഭാഗത്തേക്ക് ലക്ഷ്യം വെയ്ക്കുക

S. Squeeze the liver ലിവറിൽ അമർത്തുക

S. Sweep the Fire using estinguishers discharge നോസിൽ ഇരുവശങ്ങളിലേക്കും ചലിപ്പിച്ച് ഡിസ്‌ചാർജ്ജ് ഉപയോഗപ്പെടുത്തി തീ അടിച്ച് കെടുത്തുക

17/04/2026

17/04/2026

17/04/2026

ഹൃദയ ശ്വാസപുനരുജ്ജീവനം

(Cardio Pulmonary Resuscitation - CPR)

ഹൃദയത്തിന്റെ പ്രവർത്തനം നിലച്ചാൽ സ്വാഭാവികമായും രക്തചംക്രമണം നിന്ന് പോകുന്നു. അതോടെ തലച്ചോറിലേ ക്കുള്ള രക്തപ്രവാഹം നിലയ്ക്കുന്നു, തലച്ചോറിലെ കോശ ങ്ങൾ നശിച്ച് തുടങ്ങുന്നു. ഇത് അധികനേരം തുടർന്നാൽ മരണം സംഭവിക്കും.

അബോധാവസ്ഥയിലായ ഒരാൾ ശ്വസിക്കുന്നില്ല എന്ന് ഉറപ്പാ യാൽ അയാളുടെ ഹൃദയത്തിനും ശ്വാസകോശത്തിനും പുനരുജ്ജീവനം നൽകണം.

* CPR ആരംഭിക്കുന്നതിന് മുമ്പ് പീഡിതന് ബോധമുണ്ടോ എന്ന് പരിശോധിക്കുന്നതിനായി തട്ടിവിളിച്ച് ഉണർത്താൻ ശ്രമിക്കുക

ബോധമില്ലെങ്കിൽ മലർത്തിക്കിടത്തി തല നിവർത്തി താടി ഉയർത്തി ശ്വസനപഥം തുറന്ന് വെച്ച ശേഷം നെഞ്ചിൻ ഉയർച്ചയും താഴ്ചയും നോക്കുക (Look)
ചെവി പീഡിതൻ്റെ വായ മൂക്ക് ഭാഗത്ത് ചേർത്ത് വെച്ച് നിശ്വാസവായുവിൻ്റെ ശബ്ദം ശ്രദ്ധിക്കുക (Listen)

നിശ്വാസവായുവിന്റെ ബഹിർഗമനം പീഡിതനിൽനിന്നും

അനുഭവിച്ചറിയുക (Feel) ഹൃദയസ്‌തംഭനം സംഭവിച്ചയാൾ ശ്വസിക്കുന്നില്ല എന്ന് ഉറപ്പായാൽ CPR നടപടികൾ ആരംഭിക്കണം CAB എന്ന ചുരുക്കപ്പേരിൽ ഇത് ഓർത്ത് വെക്കാം

നെഞ്ച് അമർത്തൽ (Chest compression)

ശ്വാസപഥത്തിലെ തടസ്സം നീക്കൽ (Airway opening)

കൃത്രിമശ്വാസോച്ഛാസം നൽകൽ (Breathing) . ഹൃദയത്തിന്റെ പ്രവർത്തനം നിലച്ചാൽ രക്തചംക്രമണം നിൽക്കും. ഈ സമയം നെഞ്ചിൽ ശക്തി യായി അമർത്തി ഹൃദയത്തിൽ നേരിട്ട് സമ്മർദ്ദം ചെലുത്തി ധമനികളിലേക്ക് (Arteries) രക്തമെത്തി ക്കാനും അതുവഴി തലച്ചോറിലേക്കുള്ള രക്തപ്രവാഹം കുറഞ്ഞതോതിലെങ്കിലും പുനഃസ്ഥാപി ക്കാനുമുള്ള പ്രവർത്തനമാണ് നെഞ്ച് അമർത്തൽ (Chest Compression)

രോഗിയെ കട്ടിയുള്ള ഏതെങ്കിലും പ്രതലത്തിൽ മലർത്തിക്കി ടത്തി പ്രഥമ ശുശ്രൂഷകൻ നെഞ്ചിന് ചേർന്ന് ഒരു വശത്തായി മുട്ടുകുത്തിയിരിക്കണം

ഒരുകൈ നിവർത്തി കൈപ്പത്തിയുടെ കട്ടിയുള്ള ഭാഗം രോഗി യുടെ മാറെല്ലിന് (Sternum) മുകളിലായി വെച്ച് മറുകൈ അതിന് മുകളിൽ വെച്ച് മുന്നിലേക്ക് ആഞ്ഞ് നിന്ന് പ്രഥമ ശുശ്രൂഷകൻ്റെ ഭാരം മുഴുവൻ കൈകളിലേക്ക് വരത്തക്ക വിധം നെഞ്ചിൽ ശക്തിയായി അമർത്തുകയും കൈകൾ സ്ഥാനം മാറ്റാതെ സമ്മർദ്ദം പിൻവലിക്കുകയും ചെയ്യുക

കുറഞ്ഞത് 2 ഇഞ്ച് (5 സെ.മി) എങ്കിലും നെഞ്ച് താഴുന്ന രീതി യിൽ അമർത്തിയാലേ ഹൃദയത്തിൽ നേരിട്ട് സമ്മർദ്ദമേൽ പ്പിക്കാനും നിലച്ച് പോയ ഹൃദയപേശികളുടെ പ്രവർത്തനം പുനരാരംഭിക്കാനുമാവൂ. മിനുട്ടിൽ 100 എണ്ണം എന്ന വേഗത യിൽ ആവണം ഈ പ്രക്രിയ തുടരേണ്ടത് 1, 2, 3, 4-5 1, 2, 3, 4-10 1, 2, 3, 4-15 1, 2, 3, 4-20 1, 2, 3, 4-25 1, 2, 3, 4-30

ഈ ക്രമത്തിൽ എണ്ണിയാൽ സമയനഷ്ടം വരാതെ ഒരു ചക്രം പൂർത്തിയാക്കാനും നെഞ്ചിൽ നിശ്ചിത എണ്ണം സമ്മർദ്ദമേൽപ്പിക്കാനും എളുപ്പത്തിൽ സാധിക്കുന്നു.

30 എണ്ണം പൂർത്തിയായാൽ രണ്ട് തവണ കൃത്രിമ ശ്വാസോച്ഛാസം നൽകണം.

തലനേരെ വെച്ച് കീഴ്‌താടി ഉയർത്തി ശ്വസനപഥം തുറന്ന ശേഷം മൗത്ത് ടു മൗത്ത് കൃത്രിമശ്വാസോച്ഛ്വാസം നടത്ത ണം. രോഗിയുടെ വായ്‌ഭാഗവുമായുള്ള നേരിട്ടുള്ള സർ ശനം ഒഴിവാക്കാൻ ഫെയ്‌സ് ഷീൾ‌ഡ് (Face Shield), പോക്കറ്റ് മാസ്ക്‌ക് (Pocket Mask) എന്നിവ ഉപയോഗിക്കാം

പീഡിതൻ്റെ മൂക്ക് അടച്ച് പിടിച്ച് വായിലൂടെ ശക്തി യായി ഊതി ശ്വാസകോശം നിറച്ചശേഷം വായു പുറത്ത് പോകാൻ അനുവദിക്കുകയാണ് ചെയ്യേണ്ടത്

30:2 എന്ന അനുപാതത്തിൽ നെഞ്ചിലെ സമ്മർദ്ദവും കൃത്രിമശ്വാസം നൽകലും തുടരണം

രോഗി ജീവന്റെ ലക്ഷണങ്ങൾ കാണിക്കുന്നത് വരെയോ വൈദ്യസഹായം ലഭ്യമാകുന്നത് വരെയോ ഹൃദയശ്വാസ പുനരുജ്ജീവനം തുടർന്ന് കൊണ്ടിരിക്കണം
കുട്ടികൾക്ക് ആണെങ്കിൽ നെഞ്ചിൽ ഒരു കൈ കൊണ്ട് അമർത്തിയാൽ മതി. നവജാത ശിശുക്കൾ ആണെങ്കിൽ നെഞ്ചിൽ സമ്മർദ്ദമേൽപ്പിക്കുന്നതിന് രണ്ട് വിരൽ ഉപയോഗിച്ചാൽ മതി