17/03/2026
കണ്ണൂർ സിറ്റി: കൊടപറമ്പ് പൊന്നാങ്കണ്ടി റോഡിൽ സ്കൂൾ കുട്ടികളെയും കൊണ്ട് പോവുകയായിരുന്ന വാൻ മറിഞ്ഞ് 11 കുട്ടികൾക്കും, ഡ്രൈവർക്കും പരിക്കേറ്റു. ഇന്ന് വൈകിട്ട് 4 മണിയോടെയായിരുന്നു അപകടം.
താണ-ആനയിടുക്ക് മദ്റസ സിറാജുൽ ഉലൂം യു.പി സ്കൂളിൻ്റെ വാനാണ് അപകടത്തിൽപ്പെട്ടത്. വാൻ പിന്നോട്ടെടുക്കുന്നതിനിടെ സ്ലാബിൽ തട്ടി മറിയുകയായിരുന്നു. അപകടത്തിൽ പരിക്കേറ്റ കുട്ടികളെ ജില്ലാ ആശുപത്രിയിൽ പ്രവേശിപ്പിച്ചു.
പരുക്കേറ്റ കുട്ടികളെയും, ഡ്രൈവറെയും എസ്.ഡി.പി.ഐ ജില്ല പ്രസിഡന്റ് ബഷീർ കണ്ണാടി പറമ്പ്, ജില്ല കമ്മിറ്റി അംഗം എ. ഫൈസൽ, മണ്ഡലം പ്രസിഡന്റ് ഇക്ബാൽ പൂക്കുണ്ടിൽ, അറക്കൽ ഡിവിഷൻ കൗൺസിലർ സമീറ. കെ എന്നിവർ ആശുപത്രിയിൽ സന്ദർശിച്ചു.
