Karaikal Municipality

Karaikal Municipality Contact information, map and directions, contact form, opening hours, services, ratings, photos, videos and announcements from Karaikal Municipality, Government Organization, Dr. Ambetkar Street, karaikal.

22/08/2026

காரைக்கால் நகராட்சி – புகாரின் பேரில் உடனடி நடவடிக்கை

கீழகாசாகுடி, சிவன் கோவில் எதிரே உள்ள சிமெண்ட் சாலையில் மருத்துவக் கழிவுகள் கொட்டப்பட்டுள்ளதாக பொதுமக்களிடமிருந்து புகார் பெறப்பட்டது.

புகார் தொடர்பாக காரைக்கால் நகராட்சி ஆணையர் அவர்கள் உடனடியாக நேரில் ஆய்வு செய்து, சம்பந்தப்பட்ட இடத்தை தூய்மைப்படுத்த உரிய நடவடிக்கை மேற்கொள்ள உத்தரவிட்டார்.

அதன்படி, இன்று ஆணையர் அவர்களின் உத்தரவின்படி சிறப்பு மாஸ் கிளீனிங் பணி மேற்கொள்ளப்பட்டது. மருத்துவக் கழிவுகள் உள்ளிட்ட தேங்கியிருந்த கழிவுகள் அகற்றப்பட்டு, அப்பகுதி முழுமையாக தூய்மைப்படுத்தப்பட்டது.

பொதுமக்களின் சுகாதாரம் மற்றும் சுற்றுச்சூழல் பாதுகாப்பை கருத்தில் கொண்டு, பெறப்படும் புகார்கள் மீது காரைக்கால் நகராட்சி உடனுக்குடன் நடவடிக்கை எடுத்து வருகிறது.

14/08/2026

🇮🇳 இனிய 80-வது சுதந்திர தின நல்வாழ்த்துகள்! 🇮🇳

நாட்டின் சுதந்திரத்திற்காக பாடுபட்ட தியாகிகளை நினைவுகூர்ந்து,
ஒற்றுமை • தூய்மை • வளர்ச்சி என
நம் காரைக்காலை மேலும் சிறப்பான நகரமாக உருவாக்குவோம்.

காரைக்கால் நகராட்சி சார்பாக
சுதந்திர தின நல்வாழ்த்துகள்! 🇮🇳

12/08/2026

காரைக்கால் நகராட்சியின் Resource Recovery Park (RRP)-ல் நீண்ட காலமாக செயல்படாமல் இருந்த Bio-Methanation Plant, இன்று மீண்டும் செயல்பாட்டிற்கு கொண்டு வரப்பட்டது.
மக்கும் உணவுக் கழிவுகளை உயிரியல் முறையில் சிதைத்து Biogas உற்பத்தி செய்யப்பட்டு, அந்த Biogas மூலம் அடுப்பு பற்ற வைத்து வெற்றிகரமாக சோதனை செய்யப்பட்டது.
இன்று மாலை காரைக்கால் நகராட்சி ஆணையர், துணை இயக்குநர், நகராட்சி பணியாளர்கள் மற்றும் HR Square பணியாளர்கள் RRP-க்கு நேரில் சென்று இதனை பார்வையிட்டனர். மேலும், Biogas மூலம் பால் காய்ச்சி தேநீர் தயாரித்து அனைவரும் பருகினர். ☕🔥

11/08/2026

இன்று, காரைக்கால் நகராட்சி மற்றும் HR Square சார்பில், கோத்துகுளம் வார்டில் உள்ள YOUNG LEGENDS PRIMARY SCHOOL பள்ளி மாணவர்களிடையே தூய்மை மற்றும் சுகாதாரம் குறித்த விழிப்புணர்வு நிகழ்ச்சி நடைபெற்றது.
இந்நிகழ்ச்சியில், மாணவர்கள் தங்களது வகுப்பறைகள் மற்றும் பள்ளி சுற்றுப்புறங்களை தூய்மையாக வைத்திருப்பதன் அவசியம் குறித்து எடுத்துரைக்கப்பட்டது.
மேலும், மக்கும் குப்பை மற்றும் மக்காத குப்பை குறித்து மாணவர்களுக்கு விழிப்புணர்வு அளிக்கப்பட்டதுடன், குப்பைகளை முறையாகப் பிரித்து வழங்குவதன் முக்கியத்துவமும் விளக்கப்பட்டது.
மாணவர்கள் தங்கள் வீடு மற்றும் சுற்றுப்புறங்களிலும் தூய்மையை கடைப்பிடித்து, முறையான குப்பை பிரித்தல் முறையை பின்பற்ற வேண்டும் என அறிவுறுத்தப்பட்டனர்.

07/08/2026

வர்த்தக உரிமம் மற்றும் விதிமுறைகளை மீறிய குறிஞ்சி ஹோட்டலுக்கு சீல் வைப்பு

காரைக்கால் புதிய பேருந்து நிலையம் அருகே செயல்பட்டு வந்த குறிஞ்சி ஹோட்டல், செல்லுபடியாகும் நகராட்சி வர்த்தக உரிமம் (Trade Licence) மற்றும் உணவு உரிமம் (Food Licence) இன்றி செயல்பட்டது கண்டறியப்பட்டது.
மேலும், ஹோட்டலில் உருவாகும் உணவுக் கழிவுகளை விதிமுறைகளுக்கு புறம்பாக அப்புறப்படுத்தியது தொடர்பாகவும் நடவடிக்கை மேற்கொள்ளப்பட்டது.

இதுதொடர்பாக அளிக்கப்பட்ட விளக்கம் திருப்திகரமாக இல்லாத நிலையில், புதுச்சேரி நகராட்சிகள் சட்டம், 1973 மற்றும் தொடர்புடைய விதிமுறைகளின் கீழ், காரைக்கால் நகராட்சி ஆணையரின் உத்தரவின்படி 07.08.2026 முதல் குறிஞ்சி ஹோட்டலை மூடி சீல் வைக்கும் நடவடிக்கை மேற்கொள்ளப்பட்டது.

இந்நடவடிக்கையில் காரைக்கால் நகராட்சி ஆணையர், வருவாய் ஆய்வாளர், நகராட்சி பணியாளர்கள், வட்டாட்சியர் மற்றும் காவல்துறையினர் உள்ளிட்டோர் உடனிருந்தனர்.

நகராட்சி விதிமுறைகள் மற்றும் பொதுசுகாதார நடைமுறைகளை முறையாக பின்பற்றி, உரிய உரிமங்களைப் பெற்று மட்டுமே வணிக நிறுவனங்களை நடத்த வேண்டும் என அறிவுறுத்தப்பட்டுள்ளது.

06/08/2026

காரைக்கால் நகராட்சியின் RRP-யில் புதிய Vajra Power Screener இயந்திரம் அறிமுகம் – ஆணையர் நேரில் பார்வையிட்டு ஆய்வு

இன்று காரைக்கால் நகராட்சியின் RRP (Resource Recovery Park) வளாகத்தில் புதிய Vajra Power Screener இயந்திரம் அறிமுகப்படுத்தப்பட்டது.

இதனைத் தொடர்ந்து, காரைக்கால் நகராட்சி ஆணையர் அவர்கள் புதிய இயந்திரத்தின் செயல்பாடுகளை நேரில் பார்வையிட்டு ஆய்வு செய்தார். இயந்திரம் திடக்கழிவுகளை எவ்வாறு தரம் பிரிக்கிறது, அதன் செயல்திறன், பயன்பாட்டு முறை மற்றும் கழிவு மேலாண்மை பணிகளில் ஏற்படுத்தும் முன்னேற்றங்கள் குறித்து விரிவாக ஆய்வு மேற்கொண்டார்.

மேலும், இயந்திரத்தை பாதுகாப்பாகவும் திறமையாகவும் இயக்குவது தொடர்பாக நகராட்சி பணியாளர்கள் மற்றும் HR Square நிறுவன பணியாளர்களுக்கு தேவையான வழிகாட்டுதல்களையும் ஆலோசனைகளையும் வழங்கினார்.

இந்த நிகழ்வில் நகராட்சி அலுவலர்கள், நகராட்சி பணியாளர்கள் மற்றும் HR Square நிறுவன பணியாளர்கள் கலந்து கொண்டு புதிய இயந்திரத்தின் செயல்பாடுகளை நேரில் பார்வையிட்டு அதன் பயன்பாடுகள் குறித்து அறிந்து கொண்டனர்.

புதிய Vajra Power Screener இயந்திரத்தின் அறிமுகம் மூலம் திடக்கழிவுகளை விரைவாகவும் திறமையாகவும் தரம் பிரித்து மறுசுழற்சிக்குத் தகுந்த வகையில் செயல்படுத்தும் பணிகள் மேலும் வலுப்பெறுவதுடன், காரைக்கால் நகராட்சியின் திடக்கழிவு மேலாண்மை நடவடிக்கைகள் அடுத்த கட்டத்திற்கு முன்னேறும் என எதிர்பார்க்கப்படுகிறது.

Address

Dr. Ambetkar Street
Karaikal
609602

Website

Alerts

Be the first to know and let us send you an email when Karaikal Municipality posts news and promotions. Your email address will not be used for any other purpose, and you can unsubscribe at any time.

Shortcuts

Share

Category