01/11/2020
आजे के दिन हिस्सा होंगे मध्यप्रदेश भाई से बड़,
नाव रखागे तोर छत्तीसगढ़
भारत के पहली राज्य जेला कहिथे महतारी,
बचा के रखना हे प्रकृति नरवा अउ बारी।
राजिम,शिवरीनारायण,सिरपुर आबे देखे मेला
आदिवासी के बहुत पुराना संस्कृति कला करमा अउ रेला।
बिना आगी पानी के जेवन बनादिस संत गुरु घासीदास बाबा जन्म लिस गिरौदपुरी,
कबीर पंथ के आस्था केंद्र दामाखेड़ा राजधानी से नई हे ज्यादा दूरी।
अंग्रेजन ल मार भगाइस बस्तर के वीर तोर नाव हे गुण्डाधुर
प्रकृति के सुघ्घर दृश्य सरगुजा अउ बस्तर जगदलपुर।
मुख्य फसल हे इहा के हरियावत धान,
छत्तीसगढ़ के पहली स्वतंत्रता संग्राम सेनानी वीर नारायण
जन्म कर्म भूमि बलौदाबाजार सोनाखान।
छत्तीसगढ़ स्थापना दिवस के अबड़ अकन बधाई 🌸🌸
✍️✍️✍️✍️
कोयतुर हेमन्त गोंड़ ठाकुर
