16/11/2024
ुहागर_विधानसभा_निवडणूक_२०२४
सन 2024 मधील विधानसभा निवडणुक,दिव्यांग मतदार व 85 वय वर्षां पेक्षा जास्त असलेल्या पात्र मतदार यांचे घरी जाऊन मतदान करून घेण्यासाठी गुहागर मतदार संघातील चिपळूण तालुक्यातील वाडी-वाडी मिळून वसलेलं कामथे गाव होतं .............. अतिशय घनदाट जंगल आणि नुसती नागमोडी वळणं... जायचं होत एका 95 वर्षाच्या आजींच मतदान घ्यायला... निवडणूक विभागाचं काम करण्याची आमच्या पथकाची पहिलीच वेळ.... मतदान केंद्र स्तरीय अधिकारी म्हणून लाभलेल्या मार्गदर्शक ने ( गुरुजींनी ) वाट दाखवत दाखवत वय वर्ष 95 असणाऱ्या आजीच घर दाखवलं.... घरी जाताच चेहऱ्यावर सुरकुत्याच जाळ पसरलेल्या आजी दिसल्या..... त्यांनी आम्हाला बघताच घरात पाणी आणण्याचा हुकूम सोडला तो पर्यंत पथकातील प्रमुख श्री. घुलेश्वर व राजेंमहाडिक सर व चमुतील लोक कामाच्या तयारीला पण लागले... तुम्ही कसं आलात ... का आलात...कुठून आलात हे सगळं विचारलं... आम्ही निवडणूक बाबत तुमचं मतदान घेण्यासाठी आलो आहे असं म्हणून नंतर आजींनी आधार ओळख पत्र आम्हाला दाखवल...... आम्ही मतदानाची पद्धत समजून सांगितली त्या आजीना सविस्तर माहिती दिली. नंतर मतपत्रिका अत्यंत काळजीपूर्वक वाचून कोणास मतदान करायचा याचा निर्णय आजीनं घेतला....
समजाऊन सांगितल्या प्रमाणे आजींनी गोपनीय पद्धतीने मतदान केले... नजर जरी अंधुक झालेली असली तरी दांडग्या अनुभवाच्या जोरावर आजींनी थरथरत्या हातांनी मतदानाचा हक्क बजावला.... आणि हसून आजी म्हणाल्या....
आम्ही केंद्रावर जाऊ शकत नाही म्हणून तुम्ही आला आहात , किती बर केलं निवडणूक आयोगानं…..आता चालवत नाही ओ.... पण निवडणूक आयोगाचा हा स्तुत्य उपक्रम आहे बरे.... आणि हो अजून 5 वर्षांनी परत या मी अशीच मतदान करेन.... 🙏
