05/07/2021
കഴിഞ്ഞ കാലവർഷ സമയത്ത് വട്ടേക്കുന്നം ഹെൽത്ത് സെന്ററിന് സമീപമുള്ള 20 അടിയോളം ഉയരമുള്ള സുരക്ഷ മതിൽ തകർന്നു വീണു, ജീവഹാനി പോലും ഉണ്ടാകാൻ സാധ്യത ഉണ്ടായിരുന്ന ഈ ദുരന്തത്തിൽ റോഡ് തകരുകയും പാർക്ക് ചെയ്തിരുന്ന മൂന്ന് കാറുകളും സുരക്ഷ മതിലിന്റെ കരിങ്കല്ലുകളും താഴെയുള്ള വീടുകളിലേക്ക് പതിച്ചു നാശനാഷ്ടങ്ങൾ ഉണ്ടായി. അടുത്ത കാലാവർഷം എത്തിയിട്ടും തകർന്ന ഭിത്തി അതേപടി ആണ് ഇപ്പോഴും നിലനിൽക്കുന്നത്. മഴ തുടങ്ങിയപ്പോൾ മണ്ണിടിച്ചിൽ വീണ്ടും കാണപ്പെട്ടു. ഇത് മൂലം സുരക്ഷാ മതിലിന് സമീപമുള്ള വീട്ടുകാർ ഭയപ്പാടോടെയാണ് ഓരോ ദിവസവും തള്ളിനീക്കുന്നത്. ദിവസവും നൂറു കണക്കിന് രോഗികൾ ആശ്രയിക്കുന്ന ഹെൽത്ത് സെന്ററിനും പിഞ്ചു കുട്ടികൾ പഠിക്കുന്ന അംങ്കണവാടിക്കും ഇത് ഭീഷണി പുലർത്തുന്നുണ്ട്. ഒരു വർഷക്കാലം ആയിട്ടും ബന്ധപ്പെട്ട ജനപ്രതിനിധികളോ മുൻസിപ്പാലിറ്റിയോ ഇത് പുനർനിർമ്മിച്ചില്ല. അനന്തമായി നീണ്ടു പോകുന്ന സുരക്ഷാ മതിലിന്റെ പുനർനിർമ്മാണം വേഗത്തിലാക്കണമെന്ന് ആവശ്യപ്പെട്ടും ഇതുവരെ ഇതിൽ ഒരു നടപടിയും ആകാത്ത അതിൽ പ്രതിഷേധിച്ചും DYFI വട്ടേക്കുന്നം റീത്ത് വെച്ചു പ്രതിഷേധിച്ചു. DYFI വട്ടേക്കുന്നം യൂണിറ്റ് സെക്രട്ടറി ദീപക്ക് കുമാർ അദ്ധ്യക്ഷനായ യോഗത്തിൽ പള്ളിത്താഴം യൂണിറ്റ് സെക്രട്ടറി സ.താഹിർ സ്വാഗതം പറഞ്ഞു പ്രതിഷേധയോഗം CPIM ആക്ടിങ്ങ് ഏരിയ സെക്രട്ടറി KB വർഗീസ് ഉദ്ഘാടനം ചെയ്തു. കളമശ്ശേരി വെസ്റ്റ് ലോക്കൽ സെക്രടറി TT രതീഷ് ,ലോക്കൽ കമ്മിറ്റി അംഗങ്ങളായ സലീം പതുവന ,ഗോപാലകൃഷ്ണ പിള്ള DYFl മേഖലാ സെക്രടറി ബാലു രവീന്ദ്രൻ ,മേഖലാ പ്രസിഡന്റ് ശ്യാംജിത്ത് ജോഷി ,ട്രഷറർ നിഖിൽ P.S എന്നിവർ സംസാരിച്ചു .പളളിത്താഴം യുണിറ്റ് വൈസ് പ്രസിഡന്റ് സ. അൻനീർ നന്ദി രേഖപ്പെടുത്തി പ്രതിഷേധപരിപാടിക്ക് നൗഫൽ , സുധീർ ,ഷിനോജ് ,അഷറഫ് അലി,ലിബിൻ, റിയാസ് ,നിതിൻ ,വിഷ്ണു എന്നിവർ പരിപാടിക്ക് നേതൃത്വം നൽക്കി.
