https://www.facebook.com/107461187639680/

Adv. V E Abdul Gafoor, Valiyaparambil House, Kongorppilly, Kochi (2026)

03/09/2026

കൊച്ചി കിൻഫ്ര പാർക്കിൽ മൂന്ന് ദിവസങ്ങളിലായി സംഘടിപ്പിക്കുന്ന TECHCON ’26-ന്റെ ഉദ്ഘാടന ചടങ്ങിൽ പങ്കുചേരാനായത് സന്തോഷകരമായ അനുഭവമാണ്.

കേരളത്തിന്റെ വ്യവസായ, ഐ.ടി. വകുപ്പ് മന്ത്രി ശ്രീ. പി.കെ. കുഞ്ഞാലിക്കുട്ടി ഉദ്ഘാടനം നിർവഹിച്ച പരിപാടി, വിദ്യാർത്ഥികളെയും യുവജനങ്ങളെയും പുതിയ കാലത്തിന്റെ Artificial Intelligence, Robotics, Cyber Security, Innovation, Startup മേഖലകളിലേക്ക് നയിക്കുന്ന ശ്രദ്ധേയമായ വേദിയാണ്.

TECHCON ’26-ന്റെ ഭാഗമായി ഒരുക്കിയിരിക്കുന്ന വിവിധ സെഷനുകളും സാങ്കേതിക അനുഭവങ്ങളും യുവതലമുറയുടെ കഴിവുകളും സർഗാത്മകതയും വളർത്തുന്നതിന് വലിയ പ്രചോദനമാകുമെന്ന് പ്രതീക്ഷിക്കുന്നു.

ഈ മികച്ച സംരംഭത്തിന് നേതൃത്വം നൽകിയ TechFed Kerala സംസ്ഥാന കമ്മിറ്റിയെയും മുഴുവൻ സംഘാടകരെയും അഭിനന്ദിക്കുന്നു. തുടർന്നുള്ള പരിപാടികൾക്കും എല്ലാവിധ ആശംസകളും നേരുന്നു.

TechCon 26, Future Technology, Innovation and Startup, PK Kunhalikutty, V E Abdul Gafoor

02/09/2026

മത്സ്യത്തിന്റെ ഗുണനിലവാരം സംരക്ഷിക്കുന്നതിനും മികച്ച വിപണനമൂല്യം ഉറപ്പാക്കുന്നതിനുമായി പ്രധാനമന്ത്രി മത്സ്യ സമ്പദാ യോജന (PMMSY) പദ്ധതിയിൽ ഉൾപ്പെടുത്തി സ്ഥാപിച്ച പ്രതിദിനം 30 ടൺ ഉൽപ്പാദന ശേഷിയുള്ള ഐസ് പ്ലാന്റ് നാടിന് സമർപ്പിച്ചു.

മത്സ്യത്തൊഴിലാളികൾക്കും മത്സ്യവ്യാപാരികൾക്കും ഗുണമേന്മയുള്ള ഐസ് ലഭ്യമാക്കുന്നതിനൊപ്പം മത്സ്യത്തിന്റെ ഗുണനിലവാരം നിലനിർത്താനും മത്സ്യബന്ധനാനന്തര നഷ്ടം കുറയ്ക്കാനും പദ്ധതി സഹായകരമാകും.

മത്സ്യസംസ്‌കരണം, സംഭരണം, ഗതാഗതം, വിപണനം തുടങ്ങിയ അനുബന്ധ മേഖലകളുടെ വളർച്ചയ്ക്കും കൂടുതൽ തൊഴിൽ അവസരങ്ങൾ സൃഷ്ടിക്കുന്നതിനും ഈ പദ്ധതി വഴിയൊരുക്കും.

02/09/2026

സംസ്ഥാനത്തെ ഉൾനാടൻ ജലാശയങ്ങളിൽ അനുയോജ്യമായ രീതിയിൽ മത്സ്യകൃഷി വ്യാപിപ്പിക്കുന്നതിനും മത്സ്യോൽപ്പാദനം വർധിപ്പിക്കുന്നതിനും പ്രത്യേക പദ്ധതികളുമായി ഫിഷറീസ് വകുപ്പ് മുന്നോട്ടുപോകുകയാണ്. ഉൽപ്പന്നങ്ങൾക്ക് മികച്ച വിപണി കണ്ടെത്തുന്നതിനൊപ്പം കർഷകർക്ക് പ്രോത്സാഹനമായി വിവിധ ഇൻസെന്റീവുകളും പുതിയ പദ്ധതികളും നടപ്പാക്കും.

ഫിഷറീസ് വകുപ്പിന്റെ ജനകീയ മത്സ്യകൃഷി പദ്ധതിയുടെ ഭാഗമായി അഴൂർ ഗ്രാമപഞ്ചായത്തിലെ കൊട്ടാരംതുരുത്തിൽ നിർമ്മിച്ച എംബാങ്ക്മെന്റിൽ കരിമീൻ വിത്ത് നിക്ഷേപവും വിതരണോദ്ഘാടനവും നിർവഹിച്ചു.

ജലാശയങ്ങളുടെ സ്വാഭാവിക ഒഴുക്കിനും പരിസ്ഥിതിക്കും കോട്ടം തട്ടാത്ത രീതിയിൽ ആധുനിക സാങ്കേതികവിദ്യ ഉപയോഗിച്ചാണ് മത്സ്യകൃഷി യൂണിറ്റുകൾ സജ്ജീകരിക്കുന്നത്. മത്സ്യകൃഷി മേഖലയെ കൂടുതൽ ശക്തിപ്പെടുത്തി കേരളത്തിന്റെ മത്സ്യോൽപ്പാദനത്തിൽ വലിയ മുന്നേറ്റം കൈവരിക്കുകയാണ് ലക്ഷ്യം.

രമ്യ ഹരിദാസ് എം.എൽ.എ അധ്യക്ഷത വഹിച്ചു. ഫിഷറീസ് വകുപ്പ് ഡയറക്ടർ വി. ചെൽസസിനി ഐ.എ.എസ് സ്വാഗതം പറഞ്ഞു. ഷിജ മേരി, ജോളി പത്രോസ്, കീർത്തി സൈജു, മഹാണി ജസീം, മിനി ജയചന്ദ്രൻ, ആർ. അനിൽ, നൈസിയ സുധീർ, ഷഹീർ ജി. അഹമ്മദ്, ബഷറുള്ള, നാസർ ഉസ്മാൻ, അഡ്വ. കൃഷ്ണകുമാർ, അർഷിദ് എന്നിവർ പങ്കെടുത്തു.

Inland Fish Farming | Karimeen Farming | Fish Production | Janakeeya Matsyakrishi | Kottarathuruth

01/09/2026

കേരള സംസ്ഥാന വയോജന കമ്മീഷന്റെ ഒന്നാം വാർഷികാഘോഷ പരിപാടി ഇന്ന് തിരുവനന്തപുരം അയ്യൻകാളി ഹാളിൽ ഉദ്ഘാടനം ചെയ്തു.

വയോജനങ്ങളുടെ ക്ഷേമം ഉറപ്പാക്കുന്നതിനും അവരുടെ അവകാശങ്ങൾ സംരക്ഷിക്കുന്നതിനുമായി കേരളം മുന്നോട്ടുവെച്ച സുപ്രധാനമായ ഈ സംവിധാനം ആദ്യ വർഷം പൂർത്തിയാക്കുകയാണ്. ചുരുങ്ങിയ കാലയളവിൽ തന്നെ വയോജനങ്ങളെ ബാധിക്കുന്ന വിവിധ വിഷയങ്ങളിൽ ശ്രദ്ധേയമായ ഇടപെടലുകൾ നടത്താൻ കമ്മീഷന് കഴിഞ്ഞിട്ടുണ്ട്.

വർധിച്ചുവരുന്ന ജീവിതപ്രതിസന്ധികൾക്കിടയിൽ വയോജനങ്ങൾക്ക് കൂടുതൽ കരുത്തും പ്രതീക്ഷയും നൽകുന്ന കമ്മീഷന്റെ പ്രവർത്തനങ്ങൾക്ക് എല്ലാവിധ ആശംസകളും നേരുന്നു.

Kerala State Senior Citizens Commission | Elderly Welfare | Senior Citizens Rights | Kerala Social Justice | Welfare of the Elderly

01/09/2026

സംസ്ഥാനത്തെ തീരദേശ മേഖലകളിൽ സന്തോഷത്തിന്റെയും പ്രതീക്ഷയുടെയും പുതിയ അധ്യായം തുറന്ന് UDF സർക്കാർ.

കഴിഞ്ഞ സർക്കാർ കുടിശ്ശികയാക്കിയ മത്സ്യത്തൊഴിലാളികളുടെ മക്കൾക്കുള്ള വിദ്യാഭ്യാസ ആനുകൂല്യങ്ങൾ പൂർണ്ണമായും വിതരണം ചെയ്ത് സർക്കാർ വാക്ക് പാലിച്ചു.

കടുത്ത സാമ്പത്തിക പ്രതിസന്ധികൾക്കിടയിലും വിവിധ വിദ്യാഭ്യാസ ആനുകൂല്യങ്ങൾക്കായി 15 കോടി രൂപ കൂടി അധികമായി അനുവദിച്ചതോടെ മത്സ്യത്തൊഴിലാളി കുടുംബങ്ങളുടെ മക്കളുടെ വിദ്യാഭ്യാസ സ്വപ്നങ്ങൾക്ക് കൂടുതൽ കരുത്തേകുകയാണ്.

അറിവിന്റെ ലോകത്തേക്ക് ഉയരുന്ന ഓരോ കുഞ്ഞു മനസ്സിലും വിരിയുന്ന പുഞ്ചിരിയാണ് ഈ സർക്കാരിന്റെ ഏറ്റവും വലിയ നേട്ടം.

Fisheries Kerala | Education Benefits | Fisherfolk Students | Coastal Welfare | V E Abdul Gafoor

31/08/2026

മത്സ്യബന്ധനത്തിന് ശേഷം മത്സ്യം കൃത്യസമയത്ത് തണുപ്പിച്ച് സംരക്ഷിക്കുന്നതിനും ഗുണനിലവാരം നിലനിർത്തി മികച്ച വിപണനമൂല്യം ഉറപ്പാക്കുന്നതിനും ആവശ്യമായ അടിസ്ഥാന സൗകര്യങ്ങൾ ഒരുക്കേണ്ടത് ഏറെ പ്രധാനമാണ്.

ഇതിന്റെ ഭാഗമായി പ്രധാനമന്ത്രി മത്സ്യ സമ്പദാ യോജന (PMMSY) പദ്ധതിയിൽ ഉൾപ്പെടുത്തി തിരുവനന്തപുരം ജില്ലയിലെ പഴയകുന്നുമ്മേൽ പഞ്ചായത്തിലെ തട്ടത്തുമല പ്രദേശത്ത് പ്രതിദിനം 30 ടൺ ഉൽപ്പാദന ശേഷിയുള്ള ഐസ് പ്ലാന്റ് സ്ഥാപിച്ചിരിക്കുകയാണ്.

120 ലക്ഷം രൂപയാണ് പദ്ധതിയുടെ യൂണിറ്റ് ചെലവ്. ഇതിൽ 48 ലക്ഷം രൂപ സബ്‌സിഡിയായി അനുവദിച്ചു. ബ്ലോക്ക് ഐസ് നിർമ്മാണ പ്ലാന്റ്, റഫ്രിജറേഷൻ സംവിധാനം, കൂളിംഗ് ടവർ, കോൾഡ് റൂം, ഐസ് ഹാൻഡ്ലിംഗ് സംവിധാനം തുടങ്ങിയ സൗകര്യങ്ങളും പദ്ധതിയുടെ ഭാഗമായി ഒരുക്കിയിട്ടുണ്ട്.

മത്സ്യത്തൊഴിലാളികൾക്കും മത്സ്യവ്യാപാരികൾക്കും ആവശ്യമായ അളവിൽ ഗുണമേന്മയുള്ള ഐസ് ലഭ്യമാക്കുന്നതിലൂടെ മത്സ്യത്തിന്റെ ഗുണനിലവാരം സംരക്ഷിക്കാനും, വിപണി വില മെച്ചപ്പെടുത്താനും, മത്സ്യബന്ധനാനന്തര നഷ്ടം കുറയ്ക്കാനും പദ്ധതി സഹായകരമാകും.

മത്സ്യസംസ്‌കരണം, സംഭരണം, ഗതാഗതം, വിപണനം തുടങ്ങിയ അനുബന്ധ മേഖലകളുടെ വളർച്ചയ്ക്കും കൂടുതൽ തൊഴിൽ അവസരങ്ങൾ സൃഷ്ടിക്കുന്നതിനും ഈ പദ്ധതി വഴിയൊരുക്കും.

സെപ്റ്റംബർ 1-ന് വൈകിട്ട് 3.30ന് തട്ടത്തുമല, പഴയകുന്നുമേലിൽ 30 ടൺ ഐസ് പ്ലാന്റിന്റെ ഉദ്ഘാടനം നിർവഹിക്കും.

30/08/2026

ജന്മനാ ഭിന്നശേഷിയോടെയാണ് സ്വാലിഹ് ജീവിതം തുടങ്ങിയത്. എന്നാൽ, ആ പരിമിതികളെ ഒരിക്കലും തന്റെ സ്വപ്നങ്ങൾക്കും ജീവിതത്തിനും മുന്നിലുള്ള തടസ്സമായി അദ്ദേഹം കണ്ടില്ല.

സ്വന്തം അധ്വാനത്തിലൂടെ വാഹന കച്ചവടത്തിലും വ്ലോഗിങ്ങിലുമായി ആത്മാഭിമാനത്തോടെ ജീവിതം മുന്നോട്ടുകൊണ്ടുപോയ സ്വാലിഹ്, പ്രതിസന്ധികളെ അതിജീവിച്ച് സ്വന്തം കാലിൽ നിൽക്കാൻ ആഗ്രഹിക്കുന്ന ഓരോരുത്തർക്കും പ്രചോദനമായിരുന്നു.

പരിമിതികൾക്കിടയിലും ആത്മവിശ്വാസവും അധ്വാനവും കൈമുതലാക്കി അന്തസ്സോടെ ജീവിച്ച അദ്ദേഹത്തിന്റെ ജീവിതം എന്നും ഓർമ്മിക്കപ്പെടും.

പ്രിയപ്പെട്ട സ്വാലിഹിന് ആദരാഞ്ജലികൾ.
കുടുംബത്തിന്റെയും പ്രിയപ്പെട്ടവരുടെയും ദുഃഖത്തിൽ പങ്കുചേരുന്നു. 🙏

Salih Valanchery | Inspiration | Disability Empowerment | Self Reliance | Tribute

29/08/2026

പരിമിതികൾക്കപ്പുറം സ്വപ്നം കാണുന്ന ആസിം വെളിമണ്ണയെ നേരിൽ കാണാൻ സാധിച്ചത് ഏറെ സന്തോഷം പകർന്ന നിമിഷമായിരുന്നു.

90 ശതമാനം ഭിന്നശേഷിക്കാരനായിട്ടും പാരാ നീന്തലിൽ ദേശീയ-അന്തർദേശീയ തലങ്ങളിൽ ശ്രദ്ധേയമായ നേട്ടങ്ങൾ കൈവരിച്ച മുഹമ്മദ് ആസിം വെളിമണ്ണ ആലുവയിലെ വസതിയിലെത്തി സന്ദർശിച്ചു.

ആലുവ പെരിയാർ 44 തവണ നീന്തിക്കടന്ന ആസിം, “നീന്തലറിയാത്തതിന്റെ പേരിൽ ആരും മുങ്ങി മരിക്കരുത്” എന്ന സന്ദേശം സമൂഹത്തിലെത്തിക്കുന്നതിന്റെ ഭാഗമായി വേമ്പനാട്ട് കായൽ നീന്തിക്കടക്കാനുള്ള തന്റെ ആഗ്രഹം പങ്കുവെച്ചു.

ഭിന്നശേഷിക്കാരുടെ കഴിവുകളും ആത്മവിശ്വാസവും സമൂഹത്തിന് മുന്നിൽ ഉയർത്തിക്കാട്ടുന്ന ആസിമിന്റെ പ്രവർത്തനങ്ങൾ ഏറെ പ്രചോദനകരമാണ്. തന്റെ ജീവിതത്തിലൂടെ പരിമിതികൾക്കപ്പുറം സ്വപ്നം കാണാനും അവ യാഥാർഥ്യമാക്കാനും കഴിയുമെന്ന് ആസിം തെളിയിക്കുന്നു.

ആസിമിന്റെ ജീവിതവും നേട്ടങ്ങളും ഉൾപ്പെടുത്തി പ്രസിദ്ധീകരിച്ച ‘പരിമിതികളില്ലാതെ’ (Without Limitation) എന്ന പുസ്തകം സ്നേഹസമ്മാനമായി നൽകി.

വേമ്പനാട്ട് കായൽ നീന്തിക്കടക്കാനുള്ള ആസിമിന്റെ ഉദ്യമത്തിനും തുടർന്നുള്ള യാത്രകൾക്കും എല്ലാ പിന്തുണയും ആശംസകളും അറിയിച്ചു.

ആസിമിന്റെ സ്വപ്നങ്ങൾക്ക് കരുത്തേകാം.
പരിമിതികളില്ലാത്ത ഒരു ഉൾച്ചേർന്ന സമൂഹത്തിനായി ഒരുമിച്ച് മുന്നേറാം.

28/08/2026

അയ്യങ്കാളി ജയന്തിയോടനുബന്ധിച്ച് കളമശ്ശേരി നിയോജകമണ്ഡലത്തിലെ വിവിധ പ്രദേശങ്ങളിൽ നടന്ന പരിപാടികളിൽ പങ്കെടുത്തു.

28/08/2026

അന്ധവിശ്വാസങ്ങളുടെയും അനാചാരങ്ങളുടെയും ഇരുട്ടിൽ നിന്ന് അറിവിന്റെയും മനുഷ്യസ്നേഹത്തിന്റെയും വെളിച്ചത്തിലേക്ക് ഒരു സമൂഹത്തെ കൈപിടിച്ചുയർത്തിയ മഹാഗുരുവാണ് ശ്രീനാരായണ ഗുരുദേവൻ.

ജാതി-മത ഭേദങ്ങൾക്കപ്പുറം മനുഷ്യനെ മനുഷ്യനായി കാണാനും, അറിവിലൂടെയും വിദ്യാഭ്യാസത്തിലൂടെയും സമൂഹത്തെ മുന്നോട്ട് നയിക്കാനും ഗുരുദേവൻ പകർന്നുനൽകിയ സന്ദേശങ്ങൾ ഇന്നും ഏറെ പ്രസക്തമാണ്.

“ഒരു ജാതി, ഒരു മതം, ഒരു ദൈവം മനുഷ്യന്‍” എന്ന മഹത്തായ സന്ദേശത്തിലൂടെ മനുഷ്യസ്നേഹത്തിന്റെയും സമത്വത്തിന്റെയും പ്രകാശം പകർന്ന മഹാഗുരുവിന്റെ ഓർമ്മകൾക്ക് മുന്നിൽ പ്രണാമം.

ശ്രീനാരായണ ഗുരുദേവ ജയന്തി ദിനത്തിൽ ഏവർക്കും ഹൃദയം നിറഞ്ഞ ആശംസകൾ.

Adv. V E Abdul Gafoor

03/09/2026

02/09/2026

02/09/2026

01/09/2026

01/09/2026

31/08/2026

30/08/2026

29/08/2026

28/08/2026

28/08/2026

Address

Website

Alerts

Shortcuts

Share

Listing takedown request