30/07/2026
*ക്ലാസ് സമയത്തെ ഗേറ്റ് പൂട്ടിയിടൽ നടപടി ഉടൻ അവസാനിപ്പിക്കുക;✊🏿
കോളേജ് ക്യാമ്പസിനകത്ത് ക്ലാസുകൾ ആരംഭിച്ചതിന് ശേഷം കോളേജിന്റെ മെയിൻ ഗേറ്റ് അടച്ചിടുന്ന മാനേജ്മെന്റിന്റെയും അഡ്മിനിസ്ട്രേഷന്റെയും വിദ്യാർത്ഥി വിരുദ്ധ നടപടിയിൽ എസ്.എഫ്.ഐ മജ്ലിസ് കോളേജ് യൂണിറ്റ് ശക്തമായ പ്രതിഷേധം രേഖപ്പെടുത്തുന്നു.
ദൂരദേശങ്ങളിൽ നിന്നും വിവിധ ഗതാഗത സൗകര്യങ്ങളെ ആശ്രയിച്ചും കോളേജിലേക്ക് എത്തുന്ന സാധാരണക്കാരായ വിദ്യാർത്ഥികൾക്ക് ഈ തീരുമാനം വലിയ ബുദ്ധിമുട്ടാണ് സൃഷ്ടിക്കുന്നത്. ഒന്നാമത്തെ ഹവർ കഴിഞ്ഞതിനു ശേഷം മാത്രം ഗേറ്റ് തുറന്നു നൽകുന്ന നിലവിലെ രീതി ശരിയായ സമീപനമല്ല.
ക്യാമ്പസിനകത്ത് ഇത്തരം അനാവശ്യവും കർശനവുമായ നിയന്ത്രണങ്ങൾ അടിച്ചേൽപ്പിക്കുന്നത് വിദ്യാർത്ഥി സമൂഹത്തെ വലിയ രീതിയിലാണ് പ്രതിസന്ധിയിലാക്കുന്നത്. പൂർണ്ണമായും വിദ്യാർത്ഥി വിരുദ്ധമായ സമീപനമാണ് കോളേജ് അഡ്മിനിസ്ട്രേഷന്റെ ഭാഗത്തുനിന്നും ഉണ്ടായിക്കൊണ്ടിരിക്കുന്നത്. വിദ്യാർത്ഥികളെ ബാധിക്കുന്ന ഇത്തരം വിഷയങ്ങളിൽ വിദ്യാർത്ഥികളുമായി സംസാരിക്കാനോ ചർച്ചകൾ നടത്താനോ കോളേജ് അഡ്മിനിസ്ട്രേഷൻ തയ്യാറാകുന്നില്ലെന്നത് തികച്ചും പ്രതിഷേധാർഹമാണ്.
വിദ്യാർത്ഥികളുടെ യാത്രാപ്രയാസങ്ങളും ആശങ്കകളും കണക്കിലെടുത്ത് നിലവിലെ ഗേറ്റ് പൂട്ടിയിടൽ തീരുമാനം എത്രയും വേഗം പിൻവലിക്കണം. ഒപ്പം, വിദ്യാർത്ഥികളുടെ ജനാധിപത്യപരമായ അവകാശങ്ങളെ മാനിച്ചുകൊണ്ട്, അവരുമായി കൃത്യമായ ചർച്ചകൾ നടത്തിയ ശേഷം മാത്രം ക്യാമ്പസിലെ തീരുമാനങ്ങൾ കൈക്കൊള്ളാൻ അഡ്മിനിസ്ട്രേഷൻ തയ്യാറാവണം.
> *SFI Majlis Unit*
