05/09/2026
ഇവരൊക്കെ ഇപ്പോഴും മീഡിയകൾക്ക് മുൻപിൽ സിംപ്ലിസിറ്റിയുടെയും ജനകീയതയുടെയും പര്യായങ്ങളാണ്.
എന്നാൽ ഇന്നലെയുണ്ടായ സംഭവങ്ങളുടെ പത്തിലൊന്ന് പോലും ഗൗരവമില്ലാതിരുന്ന വിഷയങ്ങളിൽ പെട്ട് പോയ ചിലർ അഹങ്കാരികളും.
എന്നോട് അപമര്യാദയായി പെരുമാറി, അത് കൊണ്ട് ഞാൻ തന്നെയാണ് ആദ്യം പോയി പൊട്ടിച്ചത് എന്ന് പറയുന്നത് രമ്യ തന്നെയാണ്.
എന്നാൽ വീഡിയോയിൽ ഉടനീളം കാണാൻ കഴിയുന്നത് അങ്ങേയറ്റം പ്രകോപിതയായ, ആക്രമിക്കുന്ന രമ്യയെയാണ്. വീഡിയോ ഷൂട്ട് ചെയ്തയാളെ മുതൽ ജില്ലാ പഞ്ചായത്ത് അംഗത്തെ വരെ കൈ വെച്ചിട്ടുണ്ട്. ഒരു വീട്ടിൽ രാത്രി കയറി ചെന്ന് അവിടെയുള്ള കുട്ടികളെ വരെ പരിഭ്രാന്തിയിലാക്കിയിട്ടുണ്ട്.
അവസാനം ജില്ലാ പഞ്ചായത്ത് അംഗത്തിന്റെ കൈ പിടിച്ച് സ്വന്തം എളിയിൽ തിരുകി ലോക്കാക്കി എന്റെ കൈ വിഡ്രാ എന്നും പറഞ് നാടകം കളിച്ചിട്ടുണ്ട്.
എന്നിട്ടും മീഡിയകൾ കൊടുത്ത വാർത്ത രമ്യ ഹരിദാസ് എംഎൽഎയെ ആക്രമിച്ചു എന്നാണ്. പിന്നീടത് പലരും വിഴുങ്ങി.
സ്വന്തം മണ്ഡലത്തിലെ വോട്ടർമാരുടെയും സ്വന്തം പാർട്ടി പ്രവർത്തകരുടെയും നേതാക്കളുടെയും ദേഹത്ത് കൈ വെച്ച രമ്യ ഇപ്പോഴും സിംപിളാണ്, അഹങ്കാരം ഒട്ടുമില്ല.
മാത്രവുമല്ല രമ്യ പറയുന്ന വിശദീകരണം കേൾക്കാൻ ഇപ്പോഴും മീഡിയകൾ കാത്തിരിക്കുന്നുമുണ്ട്.
വർഷങ്ങൾക്ക് മുൻപ് ഒരു ക്രിമിനൽ പശ്ചാത്തലമുള്ള ksrtc താത്കാലിക ഡ്രൈവർ കാണിച്ച തെമ്മാടിത്തരത്തെ അന്നേരം ആർക്കും തോന്നുന്ന ചോര തിളപ്പിലോ അല്ലെങ്കിൽ പ്രതികരണ ശേഷി കൊണ്ടോ ഒരു പെൺകുട്ടി നടു റോഡിൽ തടഞ്ഞു ചോദ്യം ചെയ്തപ്പോൾ, അവളുടെ രാഷ്ട്രീയം വ്യത്യസ്തമായത് കൊണ്ട് മാത്രം അഹങ്കാരിയും കൊള്ളരുതാത്തവളുമായി മാറി.
ഓടിക്കൊണ്ടിരുന്ന ബസ് ഡിപ്പോയിലെത്തും മുൻപ് പ്രസ്തുത ദൃശ്യങ്ങളടങ്ങിയ മെമ്മറി കാർഡ് അടക്കം മറഞ്ഞു പോയ കേസിലെ അന്നത്തെ ആരോപണ വിധേയന് പിന്നീട് മാറി വന്ന സർക്കാർ വക ജോലിയും..!!
മേയർ സംയമനം പാലിക്കണമായിരുന്നു എന്നായിരുന്നു അന്ന് ചിലർ പറഞ്ഞത്.
ഇന്ന് മറ്റുള്ളവരെ തല്ലി പതം വരുത്തിയ രമ്യാ ഹരിദാസിനോട് ഇത്തരത്തിൽ എന്തെങ്കിലും ഉപദേശം ആർകെങ്കിലും നൽകാനുണ്ടോ..?? ഉണ്ടെങ്കിൽ വേഗമാവട്ടെ..
