https://web.kolhapurcorporation.gov.in/

Kolhapur Municipal Corporation, C Ward, Chhatrapati Shivaji Maharaj Chowk, Bhausinghji Road, Kolhapur (2026)

05/10/2026

राष्ट्रीय सेवा योजना (NSS) विभागाच्या वतीने आज श्री शाहजी छत्रपती महाविद्यालय, दसरा चौक, कोल्हापूर येथे 'नवमतदार नाव नोंदणी शिबिराचे' अत्यंत उत्साहात आयोजन करण्यात आले. लोकशाहीमध्ये तरुणांचे महत्त्व आणि मतदानाचा अधिकार याविषयी विद्यार्थ्यांना मोलाचे मार्गदर्शन करण्यात आले.

२७४ दक्षिण कोल्हापूर विधानसभा मतदारसंघाच्या मतदार नोंदणी अधिकारी तथा करवीर उपविभागाच्या उपविभागीय अधिकारी मा. मौसमी चौगुले मॅडम, सहायक मतदार नोंदणी अधिकारी तथा कोल्हापूर महानगरपालिकेचे उपायुक्त मा. परितोष कंकाळ साहेब आणि निवडणूक नायब तहसीलदार करवीर श्री. बी. बी. बोडके यांनी नवमतदार नोंदणीचे महत्त्व व प्रक्रियेबाबत सविस्तर मार्गदर्शन केले. महाविद्यालयाचे प्राचार्य डॉ. आर. के. शानेदिवाण यांनी कार्यक्रमाचे अध्यक्षपद भूषवले. प्रास्ताविक व स्वागत डॉ. आर. डी. मांडणीकर यांनी केले, तर आभार प्रदर्शन प्रा. एस. एच. कांबळे यांनी केले. संपूर्ण कार्यक्रमाचे नियोजन व सूत्रसंचालन NSS कार्यक्रम अधिकारी डॉ. विजय देठे यांनी यशस्वीरीत्या पार पाडले. यावेळी विविध महाविद्यालयांचे NSS व NCC चे विद्यार्थी, प्राध्यापक व कार्यक्रम अधिकारी मोठ्या संख्येने उपस्थित होते.

लोकशाहीचा हक्क बजावण्यासाठी आणि नवीन मतदारांची नोंदणी करण्यासाठी प्रशासनाकडून राबविण्यात आलेला हा उप अत्यंत प्रेरणादायी आहे!

05/10/2026

कोल्हापुरातील लक्ष्मीपुरी परिसरातील 'नारायणी फरसाणा स्वीट' येथे अचानक गॅस भट्टीला आग लागल्याची दुर्घटना घडली. मात्र, माहिती मिळताच अग्निशमन दल स्टेशन नंबर दोनच्या जवानांनी अवघ्या काही वेळात घटनास्थळी धाव घेत अत्यंत वेगाने व धैर्याने परिस्थिती नियंत्रणात आणली.

जवानांनी तातडीने फायर एक्सटिंग्विशर (अग्निशामक यंत्र) व पाण्याचा मारा करत आगीवर पूर्णपणे नियंत्रण मिळवले. दुकानाच्या आतून तीन गॅस सिलिंडर टाक्या सुखरूप बाहेर काढून जवानांनी संभाव्य मोठा धोका व दुर्घटना वेळीच टाळली. या यशस्वी व साहसी कामगिरीत स्टेशन अधिकारी विजय सुतार, ड्रायव्हर प्रसाद गोइलकर, फायरमन उदय शिंदे व संग्राम पाटील यांनी अत्यंत महत्त्वाची भूमिका बजावली.

नागरिकांच्या सुरक्षेसाठी अहोरात्र तत्पर असणाऱ्या आपल्या अग्निशमन दलाच्या या शूर जवानांच्या धाडसाला मानाचा मुजरा!

05/10/2026

कोल्हापूर महानगरपालिकेच्या वतीने शहराचा विकास, महसूल वाढ आणि नागरिकांच्या सुविधा अधिक सक्षम करण्यासाठी आयुक्त डॉ. राजेंद्र भारूड यांच्या अध्यक्षतेखाली आयुक्त कार्यालयात महत्त्वाची आढावा बैठक पार पडली. या बैठकीत प्रशासकीय कामकाजाबाबत अत्यंत महत्त्वपूर्ण निर्णय घेण्यात आले आहेत.

चालू वर्षात मनपाच्या उत्पन्नात १०० ते १५० कोटी रुपयांनी वाढ करण्याचे उद्दिष्ट ठेवून घरफाळा, पाणीपट्टी, परवाना व इस्टेट विभागाच्या वसुली प्रक्रियेला गती देण्याचे कडक निर्देश देण्यात आले आहेत. अधिकृत नोंदणीकृत ५ हजार ८०० फेरीवाल्यांना क्यूआर कोड व ३ वर्षांसाठी परवाना देण्यासाठी दिनांक ६, ७ व ८ ऑक्टोबर रोजी विशेष कॅम्प आयोजित करून ८० टक्के काम पुढील आठ दिवसांत पूर्ण करण्याचे आदेश. केएमटी सेवेत दाखल होणाऱ्या नवीन ४० इ-बसेस शुक्रवारपर्यंत शहरातील गर्दीच्या प्रमुख मार्गांवर धावणार असून, नागरिकांनी पर्यावरणपूरक व आरामदायक प्रवासाचा लाभ घ्यावा. शासकीय जमिनीवरील अतिक्रमणे नियमानुकूल करण्यासाठी विशेष कॅम्प भरवणे आणि मनपाने परवाना दिलेल्या केबिनव्यतिरिक्त इतर सर्व अनधिकृत केबिनवर धडक कारवाई करण्याचे आदेश. मंजूर झालेલી सर्व विकासकामे नोव्हेंबर-डिसेंबरपर्यंत पूर्ण करण्याच्या दृष्टीने तातडीने कार्यवाही करून आचारसंहिता संपताच वर्कऑर्डर देण्याचे नियोजन करण्याचे निर्देश शहर अभियंता व संबंधित अधिकाऱ्यांना देण्यात आले.

शहराला शिस्तबद्ध, प्रगतीपथावर आणि आर्थिकदृष्ट्या सक्षम बनवण्यासाठी मनपा प्रशासन पूर्ण ताकदीने कार्यरत आहे!

05/10/2026

सांगली-मिरज-कुपवाड शहर महानगरपालिकेच्या मा. आयुक्त श्रीमती संजीता महापात्र (भा.प्र.से.) यांनी आज कोल्हापूर महानगरपालिकेस सदिच्छा भेट दिली. या दौऱ्यादरम्यान त्यांनी कोल्हापूर महानगरपालिका आयुक्तांची भेट घेऊन शहर विकास, नागरी सेवा आणि विविध प्रशासकीय उपक्रमांवर सकारात्मक चर्चा केली.

02/10/2026

कोल्हापूर महानगरपालिकेतर्फे शासकीय जमिनीवरील निवासी बांधकामे/अतिक्रमणे नियमित करण्याच्या अनुषंगाने स्थानिक वसाहतीत विशेष मार्गदर्शन शिबिर (कॅम्प) संपन्न झाले.

या शिबिरात कोल्हापूर महानगरपालिकेच्या सहायक आयुक्त मा. स्वाती दुधाने यांनी नागरिकांशी संवाद साधून अर्ज भरण्याची पद्धत व आवश्यक कागदपत्रांविषयी मार्गदर्शन केले. तसेच, वसाहतीतील सर्व पात्र रहिवाशांनी आपली कागदपत्रे व भरलेले अर्ज तातडीने शिवाजी मार्केट येथील मनपा विभागीय कार्यालयात जमा करावेत, जेणेकरून जागा/घर स्वतःच्या नावावर करण्याची पुढील शासकीय कार्यवाही जलद गतीने पूर्ण करता येईल, असे आवाहन केले.

सर्व नागरिकांनी या संधीचा लाभ घेऊन आपले अर्ज त्वरित सादर करावेत!

02/10/2026

कोल्हापूरकरांचा प्रवास आता अधिक सुखद, सुरक्षित आणि पर्यावरणपूरक! 🚌⚡

केंद्र सरकारच्या महत्त्वाकांक्षी 'पीएम ई-बस सेवा' (PM e-Bus Sewa) उपक्रमांतर्गत कोल्हापूर महानगरपालिका परिवहन उपक्रमाला (KMT) १०० पैकी ४० अत्याधुनिक ई-बसेस दाखल झाल्या असून, आजपासून त्यातील ९ बसेस प्रत्यक्ष प्रवाशांच्या सेवेत धावू लागल्या आहेत!

मनपा आयुक्त डॉ. राजेंद्र भारुड व उपायुक्त परितोष कंकाळ यांच्या मार्गदर्शनाखाली या सेवेचा अनौपचारिक शुभारंभ करण्यात आला आहे. आचारसंहिता संपल्यानंतर सर्व १०० बसेस पूर्ण क्षमतेने सुरू होऊन अधिकृत लोकार्पण सोहळा पार पडेल.

कोल्हापूरकर प्रवाशांना मनःपूर्वक शुभेच्छा!

02/10/2026

राष्ट्रपिता महात्मा गांधी यांच्या जयंतीनिमित्त आणि केंद्र शासनाच्या 'स्वच्छता ही सेवा-२०२६' अभियानांतर्गत कोल्हापूर महानगरपालिकेच्या वतीने आज शहरात विविध ठिकाणी स्वच्छता, वृक्षारोपण व जनजागृतीपर उपक्रम अत्यंत उत्साहात राबविण्यात आले.

'प्लॅनेट कंपनी'च्या सहकार्याने सायबर कॉलेजच्या विद्यार्थ्यांनी पापाची तिकटी व भवानी मंडप परिसरात पथनाट्य सादर केले. याद्वारे कचरा वर्गीकरण, सार्वजनिक स्वच्छता आणि नागरिकांच्या जबाबदारीविषयी प्रभावी संदेश देण्यात आला. शाहू विद्यालय (न्यू पॅलेस) येथील विद्यार्थी व शिक्षकांनी गांधी मैदान परिसरात विशेष स्वच्छता मोहीम राबवून परिसर चकाचक केला. जयंतीचे औचित्य साधून पर्यावरण संवर्धनाचा संदेश देत शहरात विविध ठिकाणी वृक्षारोपण करण्यात आले. या उपक्रमात मनपाचे उपायुक्त परितोष कंकाळ, मुख्य आरोग्य निरीक्षक जयवंत पवार, शहर समन्वयक मेघराज चडचणकर, हेमंत काशीद, विभागीय आरोग्य निरीक्षक नंदकुमार पाटील, आरोग्य निरीक्षक विनोद नाईक, भूमी कदम यांच्यासह अधिकारी, कर्मचारी व नागरिक मोठ्या संख्येने सहभागी झाले होते.

'स्वच्छ कोल्हापूर, सुंदर कोल्हापूर' या संकल्पनेला बळ देण्यासाठी आपण सर्वजण मिळून आपला परिसर स्वच्छ ठेवूया!

02/10/2026

सत्य, अहिंसा आणि शांततेचा संदेश संपूर्ण जगाला देणारे राष्ट्रपिता महात्मा गांधी यांच्या १५७ व्या जयंतीनिमित्त आज कोल्हापूर महानगरपालिकेच्या वतीने गांधी मैदान, वरुणतीर्थवेश येथे विशेष अभिवादन सोहळ्याचे आयोजन करण्यात आले. महापालिका आयुक्त डॉ. राजेंद्र भारूड व उपमहापौर अक्षय जरग यांच्या प्रमुख उपस्थितीत गांधीजींच्या पुतळ्यास पुष्पहार अर्पण करून आदरांजली वाहण्यात आली.

जयंतीच्या औचित्य साधून गांधी मैदान परिसरात आयुक्त डॉ. राजेंद्र भारूड व उपमहापौर अक्षय जरग यांच्या हस्ते पर्यावरण संवर्धनासाठी विशेष वृक्षारोपण करण्यात आले. या सोहळ्यात महिला व बालकल्याण उपसभापती दीपा ठाणेकर, नगरसेविका निलांबरी साळोखे, उपायुक्त परितोष कंकाळ, नागेंद्र मुतकेकर, सहायक आयुक्त उज्ज्वला शिंदे, स्वाती दुधाणे, राम काटकर, उपशहर अभियंता मिलिंद जाधव, मुख्य आरोग्य निरीक्षक जयवंत पवार, पर्यावरण अधिकारी समीर व्याघ्रांबरे, जनसंपर्क अधिकारी मोहन सूर्यवंशी, कनिष्ठ अभियंता राजेश हुजरे, अनिल कोर्डे उपस्थित होते. तसेच कॉम्रेड चंद्रकांत यादव, अनिल चव्हाण, शर्मण पाटील, सुमित लपाटकर, हंबीराव मेंगाने, सूर्यकांत यादव, राजेंद्र पायमल, संजय अतिग्रे, पांडू भोळे, दगडू पाटील, राजू मगदूम, शिरीष गायकवाड, संभाजी पाटील, सतीश सावंत यांच्यासह छत्रपती शाहू विद्यालयाचे शिक्षक, शिक्षिका, विद्यार्थी आणि मोठ्या संख्याने नागरिक उपस्थित होते.

महात्मा गांधीजींचे विचार आणि त्यांचे स्वच्छता व स्वावलंबनाचे मूल्य आपल्याला सदैव प्रेरित करत राहील!

02/10/2026

'जय जवान, जय किसान' असा देशप्रेमाचा नारा देत भारताला स्वाभिमानी बनवणारे, साधेपणा आणि प्रामाणिकपणाचे मूर्तिमंत प्रतीक असलेले देशाचे माजी पंतप्रधान लालबहादूर शास्त्री यांच्या जयंतीनिमित्त आज कोल्हापूर महानगरपालिकेच्या वतीने शास्त्रीनगर येथील त्यांच्या पुतळ्यास पुष्पहार अर्पण करून आदरांजली वाहण्यात आली.

महापालिकेच्या वतीने उपशहर अभियंता सुरेश पाटील यांच्या हस्ते शास्त्रीजींच्या पुतळ्यास पुष्पहार अर्पण करण्यात आला. या प्रसंगी सागर शिंदे, माजी नगरसेविका प्रा. डॉ. रूपा शहा, शैलजा पाटील, पूजादेवी आपटे, अनिता कांबळे, शंकर गुरव, महादेव गुरव, विनायक कुंभार, कविता पाटील, अमित ढोबळे यांच्यासह सरस्वती चुनेकर विद्यालयाचे शिक्षक, शिक्षिका, विद्यार्थी आणि मनपा अधिकारी-कर्मचारी मोठ्या संख्येने उपस्थित होते.

शास्त्रीजींचे विचार, त्यांचे उच्च देशभक्तीपर कार्य आणि प्रामाणिकपणा आपल्याला सदैव प्रेरणा देत राहील. त्यांना त्रिवार अभिवादन!

Kolhapur Municipal Corporation

05/10/2026

05/10/2026

05/10/2026

05/10/2026

02/10/2026

02/10/2026

02/10/2026

02/10/2026

02/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request