CPM Cyber Voice Mangad

01/09/2024

20/08/2024

മങ്ങാടിന്റെ അഭിമാന മുത്തുകൾ :

അബി ബെൻസിഗർ & ആൻ മരിയ ബെൻസിഗർ.

മങ്ങാട് പള്ളിയഴികത്ത് വീട്ടിൽ സുനിലിന്റെയും (ബെൻസിഗർ) ഫ്രീഡ ബെൻസിഗറിന്റെയും മക്കൾ.

അബി, സ്കൂൾ തല കൊല്ലം Sub District ക്രിക്കറ്റ്‌ ടീമിലേക്കും, ദിവസങ്ങൾക്കുള്ളിൽ സഹോദരി ആൻ മരിയ AFC Womens' Futsal football Asian cup നായുള്ള കേരള ടീമിലേക്കും Kerala Football Association തിരഞ്ഞെടുത്തിരിക്കുന്നു.

അശ്രാന്ത പരിശ്രമത്തിലൂടെ, ഇല്ലായ്മകളെ അവസരങ്ങളാക്കി മാറ്റി, sports രംഗത്ത് തങ്ങളുടെ മികവ് തെളിയിച്ച്, വിജയത്തിന്റെ പടവുകൾ കയറി, കൊല്ലം ജില്ലയുടെ തന്നെ അഭിമാനമായി മാറിയിരിക്കുന്നു ഈ സഹോദരങ്ങൾ 💪🏻.

കായിക മേഖലയുടെ ഭാവി വാഗ്ദാനങ്ങളായ അബിക്കും ആൻ മരിയ ക്കും, അവർക്ക് എല്ലാവിധ പ്രോത്സാഹനങ്ങളും നൽകി ഒപ്പം നിന്ന മാതാ പിതാക്കൾക്കും, അദ്ധ്യാപകർക്കും, പരിശീലകർക്കും CPM Cyber Voice Mangad ന്റെ ഹൃദയാഭിവാദ്യങ്ങൾ.

21/09/2021

സുധാകര​ന്റെ വർഗീയ വിരോധവും കോൺഗ്രസിന്റെ നാ​ണംകെട്ട ചരിത്രവും..!!
CPI(M) സംസ്​ഥാന സെ​ക്രട്ടറി സഖാവ്​ എ. വിജയരാഘവനെ വർഗീയവാദിയെന്നും ശിഖണ്​ഡിയെന്നും അധി​ക്ഷേപിച്ചിരിക്കുകയാണ്​ KPCC പ്രസിഡൻറ്​ കെ. സുധാകരൻ. തന്റെ ഗുണ്ടാ സംസ്​കാരമാണ്​ സുധാകരൻ കാണിച്ചതെങ്കിലും കമ്മ്യൂണിസ്​റ്റ്​ പ്രസ്​ഥാനത്തി​ന്റെ സംസ്​ഥാനത്തെ അമരക്കാരനെ അധിക്ഷേപിക്കാനൊന്നും ഒരു ഗുണ്ടയും വളർന്നിട്ടില്ല. തന്റെ ധിക്കാരത്തിനെതിരെ ഒരക്ഷരം പോലും പ്രതികരിക്കാനാകാതെ കഴിയുന്ന കോൺഗ്രസിലെ ഗതികെട്ട നാലണ മെമ്പർമാരെക്കണ്ട്​ അഹങ്കാരം തലക്ക്​ പിടിച്ച സുധാകരന്​​, ​ആരാണ്​ വർഗീയതയെ പാലൂട്ടി വളർത്തിയതെന്ന്​ പറഞ്ഞ്​ തരാം.
UDF നെ തോൽപ്പിച്ചാൽ കോൺഗ്രസ്​ പ്രവർത്തകർ BJP യിൽ ചേരുമെന്ന്​ നിയമസഭ തെരഞ്ഞെടുപ്പ്​ സമയത്ത്​ ഭീഷണി മുഴക്കിയത്​ താൻ തന്നെയല്ലേ, കെ. സുധാകരാ. BJP യിലേക്ക് പോകണമെന്ന്​ തീരുമാനിച്ചാൽ താൻ പോകുമെന്ന്​ പറഞ്ഞതും താനല്ലേ സുധാകരാ.
UDF മുമ്പ്​ അധികാരത്തിലിരുന്ന സമയത്തല്ലേ സുധാകരാ, പോലീസിനെ ബോംബ് എറിഞ്ഞതടക്കം RSS കാർ​ക്കെതിരായ ക്രിമിനൽ കേസുകൾ എഴുതിത്തള്ളിയത്. അന്ന്​ ആഭ്യന്തരമന്ത്രി രമേശ്​ ചെന്നിത്തലയായിരുന്നി​ല്ലേ..
‘ശബരിമല’യിലെ സുപ്രീംകോടതി വിധിയുടെ മറവിൽ ‘വിശ്വാസ സംരക്ഷണം’ എന്ന ബാനർ ഉയർത്തി BJP ക്ക്​ ഒത്താശ ചെയ്​തത്​​ സംസ്ഥാനത്തെ കോൺഗ്രസല്ലേ, സുധാകരാ. തെരഞ്ഞെടുപ്പിൽ നാല്​ സീറ്റ്​ കിട്ടാൻ നാണം കെട്ട വർഗീയത കളിച്ച്​ എം.പിയായവരുടെ കൂട്ടത്തിൽ താങ്കളുമില്ലേ..?
പൗരത്വ ഭേദഗതി നിയമത്തിലെ മുസ്ലിം വിരുദ്ധതയ്‌ക്കെതിരെ മുഴുവൻ മതനിരപേക്ഷവാദികളെയും ഒന്നിപ്പിച്ച്‌ എതിർക്കാനും നിയമം കേരളത്തിൽ നടപ്പാക്കില്ലെന്ന്‌ പരസ്യമായി പറയാനും മുഖ്യമന്ത്രി പിണറായി വിജയൻ തയ്യാറായപ്പോൾ കോൺഗ്രസ്​ ഒളിച്ചുകളിച്ചി​ല്ലേ സുധാകരാ. അയോധ്യാക്ഷേത്ര നിർമാണത്തിൽ സർക്കാർ സംവിധാനങ്ങളെ കേന്ദ്രം ദുർവിനിയോഗം ചെയ്യുന്നതിനെയും യു.പി സർക്കാരിന്റെ നിർബന്ധിത പിരിവിനെയും CPI(M) എതിർത്തപ്പോൾ അയോധ്യയിലേക്ക്‌ വെള്ളി ഇഷ്ടിക കൊടുത്തയക്കുകയല്ലേ മധ്യപ്രദേശിലെ കോൺഗ്രസ്‌‌ മുഖ്യമന്ത്രിയായിരുന്ന കമൽനാഥ്‌ ചെയ്‌തത്‌..?ശിലാസ്ഥാപനത്തിൽ പ്രധാനമന്ത്രി പങ്കെടുത്തതിനെ എതിർക്കാതെ നിങ്ങളെ പങ്കെടുപ്പിച്ചില്ലെന്ന പരാതിയല്ലേ കോൺ​ഗ്രസ്​ ഉയർത്തിയത്​..?
പ്രിയങ്കഗാന്ധിക്ക് ഉത്തർപ്രദേശിൽ നിൽക്കണമെങ്കിൽ രാമക്ഷേത്രത്തെ പിന്തുണക്കണം. അതേ കോൺഗ്രസിന്​ കേരളത്തിൽ ലീഗിന്റെ കണ്ണിൽ പൊടിയിടാൻ രാമക്ഷേത്രത്തെ എതിർക്കണം. ഇതല്ലേ കോൺഗ്രസിന്റെ വർഗീയ വിരുദ്ധത​..?
കശ്‌മീർ വിഷയത്തിലും കേന്ദ്ര നിലപാടിനെ പൂർണമായി എതിർക്കാതെ കോൺഗ്രസ്​ ഒളിച്ചുകളിച്ചില്ലേ..?ബീഫ് നിരോധനം മറ്റിടങ്ങളിൽ കോൺഗ്രസും നടപ്പാക്കിയില്ലേ എന്ന ചോദ്യത്തിന് അവിടങ്ങളിലെ ഭൂരിപക്ഷ വികാരം കണക്കിലെടുത്താണെന്ന് മറുപടി പറയേണ്ടി വന്ന നാണംകെട്ട പാർട്ടിയല്ലേ, സുധാകരാ താങ്കളുടെ കോൺഗ്രസ്.
കോൺ​ഗ്രസിന്​ മൃഗീയ ഭൂരിപക്ഷമുണ്ടായിരുന്ന എത്രയോ സംസ്​ഥാനങ്ങളിൽ BJP യിലേക്ക്​ ചാടി അവർക്ക്​ അധികാരം ലഭിക്കാൻ സഹായം നൽകിയത്​ കോൺഗ്രസ്​ MLA മാരല്ലേ..? അരുണാചൽ പ്രദേശിൽ 44 MLA മാരിൽ മുഖ്യമന്ത്രി ഉൾപ്പെടെ 43 പേർ മറുകണ്ടം ചാടി BJP മന്ത്രി സഭ ഉണ്ടാക്കിയത് താൻ മറന്നുപോയോ സുധാകരാ. 60 അംഗ സഭയിൽ BJP ക്ക് ആകെയുണ്ടായിരുന്നത് നാല്​ MLA മാർ മാ​ത്രമായിരുന്നു എന്നും മറക്കരുത്​.
'മതനിരപേക്ഷ' കക്ഷിയായ കോൺഗ്രസും, തീവ്ര വർഗ്ഗീയ കക്ഷിയായ ശിവസേനയും ചേർന്ന് മന്ത്രിസഭ ഉണ്ടാക്കാൻ പണിയെടുത്ത കാര്യം സുധാകരൻ മറന്നുപോയോ.?
കുറച്ച്​ കൂടി പിറകോട്ട്​ പോയാൽ എൽ.കെ. അദ്വാനിയുടെ രഥയാത്ര തടഞ്ഞതും അതിനെ തുടർന്ന് വി.പി സിംഗ് സർക്കാരിനെ കോൺഗ്രസും BJP യും ഒരുമിച്ചു ചേർന്ന് താഴെ ഇറക്കിയതും മറന്നോ സുധാകര.? അന്ന് BJP ക്ക് ഒപ്പം ചേർന്ന കോൺഗ്രസ് പിന്നീട് നരസിംഹ റാവുവിന്റെ നേതൃത്വത്തിൽ അധികാരത്തിൽ ഉള്ളപ്പോൾ അല്ലേ ബാബറി മസ്ജിദ് തകർത്തത്..?
ചേരിചേരാനയം പൂർണ്ണമായി വലിച്ചെറിഞ്ഞ് ഇസ്രായേൽ ബന്ധം സ്ഥാപിച്ച് , അമേരിക്കയുടെ ആജ്ഞാനുവർത്തിയായി രാജ്യത്തെ മാറ്റിയത്​ കോൺഗ്രസ് അല്ലേ സുധാകരാ..?രാജ്യം കാത്തുസൂക്ഷിച്ച എല്ലാ ജനാധിപത്യ മൂല്യങ്ങളെയുംതകർത്ത് പാർലമെന്റിനെ നോട്ട് കെട്ടുകളിൽ കുരുക്കിയ കോൺഗ്രസ് അല്ലേ, സംഘപരിവാർ ഭരണത്തിന്​ വഴിയൊരുക്കിയത്​ സുധാകരാ.?
ഗാന്ധിയുടെ ഫോട്ടോയും വച്ചു, ഗാന്ധിയെ കൊന്നവന്റെ സംഘടനയുടെ നേതാവിനോട്, കുശലം ചോദിച്ചു നിൽക്കുന്ന തനിക്ക് ഉളുപ്പുണ്ടോ..?
അപ്പൊ താൻ ചെല്ല്.. വർഗീയവാദി എന്ന്‌ കണ്ണാടി നോക്കി സ്വയം വിളിക്ക്..!!

Kadappadu: Kapil Murali, Titto Antony.

11/05/2021

നാടിന് മാതൃകയായി ഈ നന്മ മരങ്ങൾ:

മഹാമാരികാലത്ത് മനുഷ്യ സ്നേഹവും മാനവികതയും ഉയർത്തിപ്പിടിച്ച് DYFI, SFI മങ്ങാട് മേഖലാ നേതൃത്വങ്ങൾ നാടിന് മാതൃകയായി മാറുന്നു.

DYFI, SFI പ്രവര്‍ത്തകരായ സഖാക്കൾ അഡ്വ.അതുൽ, ജോസഫ്, നിതിൻ ബാബു, സുധീഷ്, സുജിത്, കണ്ണൻ, അതുൽ.A,അനന്തു ബാബു തുടങ്ങിയവരുടെ നേതൃത്വമാണ് അതിജീവനത്തിന്റെ പോരാട്ടത്തില്‍ ഇപ്പോഴും മാതൃകയാകുന്നത്. പ്രളയം, കോവിഡ് ഒന്നാം ഘട്ടം തുടങ്ങിയ സമയങ്ങളില്‍, നാട്ടില്‍ സന്നദ്ധ പ്രവര്‍ത്തനത്തിന് സജീവമായി മുന്‍ നിരയില്‍ ഉണ്ടായിരുന്നതും ഇവർ തന്നെ.

ഇപ്പോഴത്തെ രണ്ടാം ഘട്ട അതി തീവ്ര കൊവിഡ് വ്യാപനത്തില്‍ ജനം വിറങ്ങലിച്ച്‌ നില്‍ക്കെ വൈദ്യസഹായവും മരുന്നും ഭക്ഷണവുമെത്തിച്ചും, പൊതു ഇടങ്ങൾ അണു വിമുക്തമാക്കി മാറ്റിയും, കോവിഡ് ബാധിതരായി മരണപ്പെട്ടവരുടെ ശവസംസ്ക്കാരങ്ങൾക്ക് നേതൃത്വം നൽകിയും മാതൃകയാകുകയാണ് മങ്ങാടിന്റെ ഈ നന്മ മരങ്ങൾ.

ജാതിയോ, മതമോ, കൊടിയുടെ നിറമോ നോക്കാതെ അശരണർക്ക് ആശ്രയമായി സന്നദ്ധ പ്രവർത്തകർ മാറണമെന്ന നമ്മുടെ മുഖ്യമന്ത്രി സഖാവ് പിണറായി വിജയന്റെ വാക്കുകൾ നെഞ്ചിലേറ്റി, തദ്ദേശ ഭരണകൂടത്തിന്റെ നേതൃത്വത്തിൽ രൂപീകരിക്കപ്പെട്ട ജനകീയ സന്നദ്ധ സേനയുടെ ഭാഗമായി DYFI, SFI പ്രവർത്തകരായ ഈ സഖാക്കൾ മങ്ങാടിന് ആവേശമായി നിലകൊള്ളുന്നു.

CPM സൈബർ വോയ്സ് മങ്ങാടിന്റെ അഭിവാദ്യങ്ങൾ.

24/04/2021

ഇത് കേരളമാണെന്ന് ഓർത്തോളൂ....

വാക്ക് മാറ്റാനുള്ളതല്ല., സഖാവ് പിണറായി പറഞ്ഞാ അത് പറഞ്ഞത് തന്നാ... കോവിഡ് 19 നെതിരായുള്ള പ്രതിരോധ കുത്തിവെയ്പ് കേരളത്തിലെ എല്ലാ ജനവിഭാഗങ്ങൾക്കും ഒരു മാനദണ്ഡവുമില്ലാതെ തീർത്തും സൗജന്യമായിരിക്കുമെന്ന്.

കോടി കണക്കിന് ദരിദ്രര്‍ ഉള്ള ഒരു രാജ്യത്ത്, ഒരു മഹാമാരി കൊടും ദുരന്തം വിതക്കുമ്പോൾ, സാര്‍വത്രികവും സൌജന്യവുമായ വാക്സിന്‍ വിതരണം ഒരു ജനാധിപത്യസര്‍ക്കാരിന്റെ ഏറ്റവും പ്രാഥമികമായ കടമയാണ്. ആ കടമയാണ് ഇന്ത്യയുടെ ആദ്യ സർക്കാർ മുതലിങ്ങോട്ടുള്ള ഭരണ കർത്താക്കൾ യാതൊരു അവകാശവാദവും മടിയും കൂടാതെ നിശബ്ദമായി നടപ്പിലാക്കിയതും. ആ പ്രാഥമിക പരിഗണന പോലും അർഹിക്കാത്തവരായി നമ്മൾ ഇന്ത്യക്കാരെ മാറ്റി മറിയക്കാൻ ഇന്നത്തെ ഭാരത ഭരണകൂടം ശ്രമിയ്ക്കുന്നു.
ഒരു വശത്ത്‌, മനുഷ്യര്‍ ഓക്സിജനും, മരുന്നും കിട്ടാതെ നിസ്സഹായരായി മരണം വരിക്കുമ്പോള്‍പോലും, വിപണിയുടെ ലാഭതാല്പര്യത്തിനു മാത്രം വഴങ്ങി തീരുമാനമെടുക്കുന്നത്, രാഷ്ട്രതന്ത്രത്തിലെ ഏറ്റവും ക്രൂരമായ അനീതിയല്ലേ എന്ന് നേരിട്ട് ചോദിക്കാന്‍ ഈ സര്‍ക്കാരില്‍, ഭരിക്കുന്ന പാര്‍ട്ടിയില്‍ ഒരാള്‍ പോലുമില്ലാത്ത അവസ്ഥ നമ്മെ ആകെ ഭയപ്പെടുത്തുന്നു.

ഇവിടെയാണ്, ഇങ്ങ് തെക്കേ അറ്റത്തെ ഈ ചെറിയ ചുവന്ന തുരുത്തും ഇവിടുത്തെ കമ്മ്യൂണിസ്റ്റ് ഭരണകൂടവും പ്രത്യാശയുടേയും ആവേശത്തിന്റേയും നേർ സാക്ഷ്യമായി മാറുന്നത്... സകല കേരളീയർക്കും സാർവ്വത്രികവും സൗജന്യവുമായി വാക്സിൻ വിതരണം ചെയ്യുമെന്ന്....

രാഷ്ട്രീയ വിയോജിപ്പാൽ, കോവിഡിന്റെ ആദ്യ നാളുകളിൽ, കർണ്ണാടകത്തിലേക്കുള്ള നമ്മുടെ വഴി കെട്ടിയടച്ച് ദ്രുത കർമ്മ സേനയെ നിർത്തിയവർ, ഇന്ന് സ്വന്തം ജീവൻ നിലനിർത്താൻ, കെട്ടിയടച്ച വഴി തനിയേ തുറന്ന് മെഡിക്കൽ ഓക്സിജനുവേണ്ടി കേരള സർക്കാരിനെ തേടിയെത്തുമ്പോൾ എല്ലാ തിന്മകളും മറന്ന് നന്മയുടെ കാവലാളായി മാറി, ഇപ്പോൾ കർണ്ണാടകത്തെയും ജീവ വായു നൽകി സഹായിക്കാനെടുത്ത പിണറായി സർക്കാരിന്റെ തീരുമാനം - ഇത് വിധിയുടെ കുസൃതിയല്ല, മറിച്ച്; സഹായമാവശ്യമുള്ള ജനതയുടെ നേർക്ക് പുറം തിരിഞ്ഞ് നിൽക്കാനറിയാത്ത കമ്മ്യൂണിസ്റ്റ് ഭരണകൂടത്തിന്റെ മാനവികതയുടെ നേർ സാക്ഷ്യം.

24/11/2020

ആസന്നമായ തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പ്.

കേരളത്തിന്റെ ഓരോ നാടും നഗരവും ആരവോന്മുഖമായി കഴിഞ്ഞു.

ദുരന്തങ്ങളും പകർച്ച വ്യാധിയും കെട്ട കാലം സമ്മാനിച്ചപ്പോഴും കേരളത്തിലെ ഓരോ കുടുംബങ്ങളേയും റേഷൻ കാർഡിന്റെ നിറത്തിന് അതീതമായി ചങ്കോട് ചേർത്ത് പിടിച്ച് അവരുടെ ജീവിതം പ്രകാശ പൂരിത മാക്കാനും ഓരോ പ്രാദേശിക വികസന പദ്ധതികളും സാധാരണക്കാരുടെ ഉന്നമനം ലക്ഷ്യം വച്ചുള്ളതാക്കി തീർക്കാനും ഊന്നൽ നൽകിയ ഇടതുമുന്നണി ഭരണം. കുടിശിഖ ഒന്നും തന്നെ ഇല്ലാതെ ഓരോ അശരണരുടേയും മുഖം പ്രകാശപൂരിതമാക്കുന്ന LDF ഭരണം.

വ്യാജ ആരോപണങ്ങളിൽ മുക്കി LDF ഭരണത്തിന്റെ നന്മയെ ചെളി വാരി എറിയാനുളള വൃഥാ ശ്രമങ്ങൾ; തിരിച്ചറിയുന്നു കേരള ജനത.

കേരളത്തെ തോൽപ്പിക്കാൻ കോൺഗ്രസും ലീഗും, BJP യും തകർത്ത് മത്സരിക്കുമ്പോൾ, രക്ഷിയ്ക്കാൻ ഞങ്ങൾ സഖാക്കളുടെ, പുരോഗമന ജനാധിപത്യ വിശ്വാസികളുടെ പ്രസ്ഥാനം, LDF ഉണ്ട് എന്ന ജനങ്ങളുടെ വിശ്വാസം കാത്ത് സൂക്ഷിയ്ക്കാൻ പ്രതിജ്ഞാ ബന്ധരായി LDF സാരഥികൾ നിങ്ങളെ ഓരോരുത്തരേയും വീണ്ടും സമീപിപ്പിക്കുയാണ്. വിജയിപ്പിച്ചാലും....ഓരോ വോട്ടും LDF ന്.

29/07/2020

നേരിന്റെയും നന്മയുടേയും രാഷ്ട്രീയത്തിലേക്ക് ഉറച്ച കാൽവെപ്പുകളോടെ, ചാരുതയോടെ:

മറ്റ് വിവിധ രാഷ്ട്രീയ പാർട്ടികളിൽ നിന്ന് CPI(M) ലേക്ക് കടന്ന് വന്ന മങ്ങാട്ടെ 20 ഓളം ചെറുപ്പക്കാരെ പാർട്ടി കൊല്ലം ജില്ലാ സെക്രട്ടേറിയറ്റ് അംഗം സ: എക്സ്. ഏണസ്റ്റ്, ഏരിയാ കമ്മിറ്റി സെക്രട്ടറി സ: S.പ്രസാദ്, മങ്ങാട് ലോക്കൽ കമ്മിറ്റി സെക്രട്ടറി സ: C.ബാബു എന്നിവർ രക്ത ഹാരമണിയിച്ച് സ്വീകരിച്ചു. കോവിഡ് മാനദണ്ഡമനുസരിച്ച് നടന്ന ലളിത ചടങ്ങിൽ, തുടർന്ന് അങ്ങോട്ട് എന്നും CPI(M) നോടൊപ്പം അടിയുറച്ച് ഉണ്ടാകുമെന്ന് അവർ അറിയിച്ചു.
നുണകൾ കൊണ്ട് പുകമറ സൃഷ്ടിച്ച് മുഖ്യമന്ത്രി സ: പിണറായി വിജയനേയും, സർക്കാരിനേയും, CPI(M) നെ തന്നെയും കരിവാരി തേക്കാൻ ഇറങ്ങി പുറപ്പെട്ട കോൺഗ്രസ്, BJP പ്രാദേശിക നേതൃത്വത്തിന് ലഭിച്ച കനത്ത പ്രഹരം.

പാർട്ടിക്കൊപ്പം പ്രവർത്തിക്കാൻ തീരുമാനമെടുത്ത് കടന്ന് വന്ന മങ്ങാട്ടെ ഈ പുതിയ സഖാക്കൾക്കും, നേർ വഴിയിലേക്ക് കടന്ന് വരാൻ നിലപാടെടുത്ത അവർക്ക് എല്ലാവിധ പ്രചോദനവും നൽകിയ LCS സ: സി. ബാബുവിനും ഏരിയാ കമ്മിറ്റി മെമ്പർ മാർക്കും CPM Cyber Voice മങ്ങാടിന്റെ അഭിവാദ്യങ്ങൾ.

23/06/2020

പതിനഞ്ച് ദിവസമായി ഇന്ത്യൻ ജനതയെ ആക്രമിക്കുന്ന പെട്രോൾ കമ്പനികളെ നിലയ്ക്ക് നിർത്താൻ കഴിയാത്തവരേ, വീര വാദങ്ങൾ നിർത്തി ആദ്യം ഈ കോർപ്പറേറ്റ് കൊള്ളയടിയിൽ നിന്ന് ഇന്ത്യൻ ജനതയെ രക്ഷിക്കൂ.

15/05/2020

കൊറോണ ദുരന്ത മുഖത്തും ഇജ്ജാതി ജന്മങ്ങൾ:

യുദ്ധ സമാനമായ ദുരന്ത മുഖത്ത് കപട രാഷ്ട്രീയം കളിക്കാനിറങ്ങിയവർ ഒടുവിൽ പെട്ടു.... പാസും പരിശോധനയുമില്ലാതെ ആൾക്കാരെ അതിർത്തി കടത്തിവിടാനൊരുങ്ങി; കേരളം ജാഗ്രതയോടെ കാത്തു സൂക്ഷിച്ച കൊറോണയ്ക്കെതിരെയുള്ള പോരാട്ടത്തെ കുളംതോണ്ടാനിറങ്ങിയ കോൺഗ്രസിന്റെ 3 MP മാർക്കും 2 MLA മാർക്കും കാലം കരുതിയ നിയോഗം - 14 ദിവസ ക്വോറന്റൈൻ.

കൊറോണയ്ക്കെതിരായ കേരളത്തിന്റെ പ്രതിരോധം ലോക ശ്രദ്ധ ആകർഷിക്കുന്നു എന്നറിഞ്ഞ നിമിഷം മുതൽ തുടങ്ങിയതാ പിണറായി സർക്കാരിനെതിരായ കോൺഗ്രസിന്റെ ഈ കുരുപൊട്ടൽ. പ്രതിരോധ പ്രവർത്തനങ്ങളിൽ വിള്ളൽ വീഴ്ത്താനുള്ള കുഴി തുരുമ്പ് പ്രവർത്തികളിൽ വിശ്രമമില്ലാതെ അവർ ഏർപ്പെട്ടു; ഒപ്പം കൂട്ടിന് ചില മാദ്ധ്യമങ്ങളും. പക്ഷേ ഓരോന്നും ബൂമറാങ്ങ്‌ ആയി; എട്ടിന്റെ പണിയായി; സ്വന്തം തട്ടകം തകർത്ത് തിരിച്ചവിടെ തന്നെ എത്തി.

വകതിരിവ് വീണ്ടെടുക്കാനുള്ള സമയം അതിക്രമിച്ചിട്ടില്ലെന്നേ.... നമുക്ക് ഒന്നിച്ച് പോരാടം ഈ ലോക വിപത്തിനെതിരെ. അന്നിട്ടാകാം നിങ്ങടെ മൂന്നാംകിട രാഷ്ട്രീയ കളികൾ.

05/04/2020

മുഖ്യമന്ത്രിയിൽ നിന്നും പ്രധാനമന്ത്രിയിലേക്കുള്ള ദൂരം.

കേരളത്തിൽ നിന്ന് ഡൽഹിയിലേക്കുള്ള ദൂരത്തേക്കാൾ അധികമുണ്ട് അത്.
മുഖ്യമന്ത്രി ദിവസവും ഇവിടത്തെ ജനങ്ങളോട് മണിക്കൂറുകളോളം സംസാരിക്കുന്നു. മനുഷ്യർക്കപ്പുറം ഇതര
ജീവജാലങ്ങളുടെ, തെരുവുനായ്ക്കളുടെ പോലും, ജീവ ,ആവാസ സുരക്ഷിതത്വം ഉറപ്പാക്കുന്ന വ്യക്തമായ കർമ്മപദ്ധതികൾ അവതരിപ്പിക്കുന്നു. ഒരു കുടുംബനാഥനോ, കാരണവരോ എന്ന പോലെ
കുടുംബത്തിൻ്റെ നിലനിൽപ്പിനും അവിടെ കുടുംബാംഗങ്ങൾ പ്രകടിപ്പിക്കേണ്ട കൂട്ടായ ഉത്തരവാദിത്ത്വങ്ങളെയും കുറിച്ച് കരുതലോടും സ്നേഹത്തോടും ക്ഷമയോടും കൂടെ ഓർമ്മിപ്പിക്കുന്നു. ജീവിതത്തിൽ ഇതുവരെ സ്വന്തം കുടുംബത്തിൽ നിന്നു പോലും ലഭിക്കാത്ത പരിഗണനയും സുരക്ഷിതത്വവും മനുഷ്യർ അനുഭവിക്കുന്നു.
ആരും പട്ടിണി കിടക്കേണ്ടി വരില്ലന്ന് ഉറപ്പുതരിക മാത്രമല്ല, അത് കാണിച്ചു തരികയും ചെയ്യുന്നു. ഒരിടത്തും 'ജാതി, ദേശ സാമുദായിക, രാഷ്ട്രീയ പരിഗണന നോക്കാതെ എല്ലാവരേയും ഒരു കുടക്കീഴിലെന്ന പോലെ ചേർത്തു പിടിച്ചിരിക്കുന്നു. മാനവികതയ്ക്കും മനുഷ്യത്വത്തിനും ഏറ്റവും മികച്ച പരിഗണന നൽകുന്നു '
രോഗികളായി കഴിയുന്നവരുടെ കാര്യങ്ങൾ
അവരുടെ പരിചരണവും മരുന്നും പ്രത്യേക ഭക്ഷണവും ഉറപ്പാക്കുന്നു.
മൊത്തത്തിൽ കുടുംബ ജീവിതത്തിലേക്കും സാമൂഹ്യ സഹവർത്തിത്വത്തിലേക്കും പുതിയ ദിശാബോധം നൽകുന്നതാണ്
സഖാവ് പിണറായി വിജയൻ്റെ ഓരോ
പത്രസമ്മേളനങ്ങളും. അതിനാൽ തന്നെ അതു കാണുവാനും കാര്യങ്ങൾ മനസിലാക്കുവാനും ജനങ്ങൾ കാത്തിരിക്കുന്നു. പത്രസമ്മേളനത്തിലാകട്ടെ, തനിക്കറിയാത്ത കാര്യങ്ങൾ അറിയില്ലന്നു തന്നെ വ്യക്തമായി പറയാനുള്ള സത്യസന്ധതയും കാണിക്കുമദ്ദേഹം.

മറ്റ് വികസിത രാജ്യങ്ങളിലേക്കാളും മികവുറ്റ രീതിയിൽ ദേശീയാടിസ്ഥാനത്തിൽ കോവിഡ് പ്രതിരോധ പ്രവർത്തനങ്ങൾക്ക് പ്രധാനമന്ത്രി നേതൃത്വം കൊടുക്കുന്നുണ്ടെങ്കിലും, UP അടക്കം പല നോർത്ത് ഇൻഡ്യൻ സംസ്ഥാനങ്ങളിലും ലോക്ക് ഡൗൺ പോലും ഫലപ്രദമായി നടപ്പാക്കാനുള്ള നിർദ്ദേശത്തിന് കഴിയുന്നില്ല. (പാത്രം കൊട്ടൽ എങ്ങനെയാണ് ഗുജറാത്തിൽ പോലും നടന്നതെന്ന് നമ്മൾ കണ്ടതാണല്ലോ). ദേശിയ മാധ്യമങ്ങളിലൂടെ വികാരപരമായും ഭാവനാത്മകമായും അഭിനയ മികവോടെ
പാത്രം കൊട്ടൽ, ദീപം തെളിക്കൽ എന്നിങ്ങനെയുള്ള കണ്ണിൽ പൊടിയിടുന്ന പരിപാടിയുമായാണോ ഈ നിർണ്ണായക സമയത്ത് നമ്മുടെ പ്രധാനമന്ത്രി രാജ്യം ഭരിക്കേണ്ടത്.? മുമ്പിലൊരു ചോദ്യവും ഉയരില്ലന്ന് ഉറപ്പുള്ള ശക്തമായ ഉരുക്കു കോട്ടയിലിരുന്ന് ഈ പ്രജാപതിക്കെന്നല്ല, ഏതു നിസാരക്കാരനും ഇത്തരത്തിൽ അർത്ഥരഹിതവും ഭാവനാശൂന്യവുമായ നേരം പോക്കുകൾ കാണിക്കാം.
ഈ സാഹചര്യത്തിൽ ഇത്രയൊക്കെ കഴിയൂ എന്ന പരിതപിക്കലാകരുത് ലോക ശ്രദ്ധയിൽ എത്തിയിട്ടുള്ള നമ്മുടെ പ്രധാന മന്ത്രി ഈ രാജ്യത്തിന് നൽകേണ്ടത്.

(രാജ്യം കോവിഡ് ഭീതിയിൽ നിൽക്കുമ്പോൾ ഒരാനാവശ്യ രാഷ്ട്രീയ സംവാദമുണ്ടക്കലല്ല ഞങ്ങളുടെ ലക്ഷ്യം... എങ്കിലും പറയേണ്ടത് പറയേണ്ട സമയത്ത് തന്നെ പറയണമല്ലോ എന്ന സാമാന്യ യുക്തിയിൽ നിന്ന്)
Copied & edited. Source: Whats App post.

31/03/2020

അഭിമാനിക്കാം ഓരോ മലയാളിക്കും... നമ്മുടെ നാടിനേയും ഭരണാധിപരേയുമോർത്ത് .

കടപ്പാട് : FB page കൊണ്ടോട്ടി സഖാക്കൾ.