https://www.facebook.com/235337999833889/

Paravur, Kollam, Kollam (2026)

28/02/2025

ഒടുവിൽ പൊളിഞ്ഞുപാളീസായി കിടന്ന പരവൂർ-തെക്കുംഭാഗം റോഡിനും ശാപമോക്ഷമാകുന്നു. സംസ്‌ഥാന മന്ത്രിസഭ നവീകരണ ടെണ്ടറുകൾക്ക് അംഗീകാരം നൽകിവയവയുടെ കൂട്ടത്തിൽ പരവൂർ-തെക്കുംഭാഗം റോഡിനൊപ്പം, പരവൂർ-കലയ്‌ക്കോട് റോഡ്, മണിയൻകുളം-കുട്ടൂർപാലം റോഡ് എന്നിവയും ഉൾപ്പെട്ടിട്ടുണ്ട്.

മൊത്തം 5 കോടി രൂപയാണ് ഈ റോഡുകളുടെ നവീകരണത്തിനായി ചിലവഴിക്കപ്പെടുക. പരവൂർ കൂടി ഉൾപ്പെടുന്ന ചാത്തന്നൂർ നിയോജകമണ്ഡലത്തിലെ MLA G.S ജയലാലിന്റെ ശ്രമഫലമായാണ് സംസ്‌ഥാന മന്ത്രിസഭ ടെണ്ടറിന് അംഗീകാരം നൽകിയത്.

22/02/2025

കുറെയേറെ ആളുകൾ ചോദിക്കുകയുണ്ടായി 'പരവൂരിൽ എവിടെയാണ് കൊല്ലം ജില്ലാ അതിർത്തി?' എന്ന്.

അവർക്കായാണ് ഈ വീഡിയോ.. കാപ്പിൽ പാലത്തിന്റെ ആരംഭസ്‌ഥാനം വരെ കൊല്ലം ജില്ലയാണ്. കാപ്പിൽ പാലം മുതലാണ് തിരുവനന്തപുരം ജില്ല തുടങ്ങുന്നത്. മുൻപ് കാപ്പിൽ പാലം തുടങ്ങുന്നിടത്ത് അതിർത്തി സൂചിപ്പിച്ചിരുന്ന ബോർഡും ഉണ്ടായിരുന്നു. എന്നാൽ പിന്നീട് സാമൂഹിക വിരുദ്ധന്മാർ അത് നശിപ്പിക്കുകയാണ് ചെയ്തത്.

പഴയ ലേക്‌സാഗർ റിസോർട്ട് ആയിരുന്ന കെട്ടിടം ഇപ്പോഴും പരവൂർ മുനിസിപ്പാലിറ്റിയിൽ തന്നെയാണ് കരം അടയ്ക്കുന്നത്. പാലം തുടങ്ങും മുൻപ് ഇടതുവശത്ത് കായൽതീരത്തുള്ള ഭൂമിയും പരവൂരിൽ തന്നെയാണ്. കാപ്പിൽ ബീച്ച് എന്നറിയപ്പെടുന്ന കായലും കടലും ചേരുന്ന ഭാഗമൊക്കെ തിരുവനന്തപുരം ജില്ലയിലാണ്. ലേക്‌സാഗറിന് എതിരിലായി ഇരിപ്പിടങ്ങളോടുകൂടിയ സ്‌ഥലം പഴയ തെക്കുംഭാഗം ബീച്ചിനോടു ചേർന്നുണ്ടായിരുന്ന ഭാഗമാണ്. "തെക്കുംഭാഗം ബീച്ച്".. 80കളിലെയും മറ്റും കുട്ടികളൊക്കെ അനവധി വൈകുന്നേരങ്ങൾ മനോഹരമായ ആ ബീച്ചിൽ കുടുംബത്തോടൊപ്പം ചിലവഴിച്ചിരുന്നത് ഓർമയുണ്ടാകും. കാലക്രമേണ ബീച്ച് സംരക്ഷണം ഇല്ലാതായതോടെ തെക്കുംഭാഗം ബീച്ച് ഓർമയായി. പഴയ 'ഇലയും മുള്ളും' സിനിമയിലൊക്കെ തെക്കുംഭാഗം ബീച്ചിൽ ചിത്രീകരിച്ച ചിലഭാഗങ്ങൾ ഉണ്ടായിരുന്നു.

"കാപ്പിൽ" എന്നൊരു സ്‌ഥലം സത്യത്തിൽ കൊല്ലം ജില്ലയിലേ ഇല്ല..!

22/02/2025

കൊല്ലം എന്നു കേട്ടാൽ എന്തോ 'വൃത്തികെട്ട സ്ഥലം' എന്നപോലെ നെറ്റി ചുളിച്ചിരുന്നവരൊക്കെ ഇത് കാണ്..

പൊല്യൂഷൻ സർട്ടിഫിക്കറ്റ് ഇല്ലാത്ത വണ്ടികൾ തിരഞ്ഞുപിടിച്ച് പെറ്റി അടിക്കാൻ ഇറങ്ങിയിരുന്ന ഉദ്യോഗസ്‌ഥന്മാരുടെ വണ്ടിയാ. ആ വണ്ടിക്ക് പൊല്യൂഷൻ സർട്ടിഫിക്കറ്റില്ലായിരുന്നു. അതുകൊണ്ട് വഴിയേ പോയൊരു സാധാരണക്കാരൻ ഉദ്യോഗസ്ഥരെ പിടിച്ചുനിർത്തി ആ വണ്ടിക്കുതന്നെ പെറ്റി അടിപ്പിക്കുന്നു.

അതും കൊല്ലം ഓയൂരിൽ🔥🔥🔥

https://www.facebook.com/share/v/15p7U3TatL/

17/02/2025

പരവൂരിലൂടെ കടന്നുപോകുന്ന ആദ്യ സ്റ്റേറ്റ് ഹൈവേയായ തീരദേശ ഹൈവേയുടെ സാമൂഹ്യാഘാത പഠനം പരവൂർ മേഖലയിൽ ഉടനെ ആരംഭിക്കും💥💥

നിലവിലെ റോഡിൻറെ വീതി കൂട്ടുവാനായി സ്‌ഥലമേറ്റെടുക്കാൻ കല്ലിടൽ പൂർത്തീകരിച്ച കോട്ടപ്പുറം, പരവൂർ, ഇരവിപുരം എന്നീ വില്ലേജുകളിലാണ് പഠനം നടത്തുക. ജില്ലയിലെ രണ്ടാം ഘട്ടമായ നീണ്ടകര-തങ്കശ്ശേരി റീച്ചിലെ സാമൂഹ്യാഘാത പഠനം ഏതാണ്ട് പൂർത്തീകരണത്തിലെത്തി. മുണ്ടയ്ക്കൽ ഭാഗത്തെ റോഡ് അലൈൻമെന്റ് കൊല്ലം തോടിന്റെ തീരത്തിന് പകരം കടൽത്തീരത്തുകൂടിയാക്കി മാറ്റുവാൻ തീരുമാനിച്ചതിനാൽ കല്ലിടൽ നടക്കേണ്ടതുണ്ട്.

തിരുവനന്തപുരം ജില്ലയിലെ പൊഴിയൂർ മുതൽ കാസർഗോഡ് ജില്ലയിലെ കുഞ്ചത്തൂർ വരെ നീളുന്ന 625 KM നീളമുള്ള തീരദേശ ഹൈവേ, NH-66ലെ വരാൻപോകുന്ന ഉയർന്ന ടോളിൽ നിന്നും സാധാരണക്കാരന് വലിയൊരു ആശ്വാസം തന്നെയായിരിക്കും പുറത്തുവരുന്ന കണക്കുകൾ പ്രകാരം ₹150 വരെ ഒരു ടോൾ ബൂത്തിൽ ഓരോതവണയും കാർ യാത്രികർ നൽകേണ്ടിവരും. അങ്ങനെങ്കിൽ എറണാകുളം വരെപോകാൻ ഓച്ചിറ, കൊമ്മാടി (ആലപ്പുഴ), കുമ്പളം (എറണാകുളം) ടോളുകളിലായി മൊത്തം ₹450 വരെ നൽകേണ്ടിവന്നേക്കാം. യാത്ര കാസർഗോഡ് വരെയാക്കിയാൽ ₹450 കൂടാതെ നാട്ടിക (തൃശൂർ), വെട്ടിച്ചിറ (മലപ്പുറം), മാമ്പുഴ (കോഴിക്കോട്), കല്യാശ്ശേരി (കണ്ണൂർ), പുല്ലൂര്‍ പെരിയ (കാസര്‍ഗോഡ്) എന്നീ ടോളുകളിലായി ₹750 കൂടി അധികമായി നൽകേണ്ടിവന്നേക്കാം.

സംസ്‌ഥാനത്തെ 9 ജില്ലകളിലൂടെ കടന്നുപോകുന്ന തീരദേശ ഹൈവേ വരുന്നതോടെ കൊല്ലം-പരവൂർ-തിരുവനന്തപുരം യാത്ര കൂടുതൽ സുഗമമാകും.

08/02/2025

ബജറ്റ് പ്രഖ്യാപനം നടന്നു. "കൊല്ലം... കൊല്ലം.." എന്ന ആർപ്പുവിളികൾ മാത്രമുള്ള ഒരു ബജറ്റ്. കൊല്ലം ബീച്ചിനും, നഗരത്തിനുള്ളിൽത്തന്നെ ടെക്‌നോപാർക്കിനും, മറൈൻ ഓഷ്യനേറിയത്തിനും, ഫിഷിംഗ് നെറ്റ് നിർമ്മാണ ഫാക്റ്ററിയ്ക്കും ഒക്കെയായി ഒരു "കൊല്ലം-കൊട്ടാരക്കര" ബജറ്റ് തന്നെ പ്രഖ്യാപിക്കപ്പെട്ടു. വളരെ നല്ല വാഗ്ദാനങ്ങൾ.. കൊല്ലത്തുകാർക്ക് അഭിമാനിക്കാനുള്ള പ്രഖ്യാപനങ്ങൾ ഉണ്ടെന്നതിൽ സംശയമില്ല.

കൂട്ടത്തിൽ വ്യവസായ ഉന്നമനത്തിനായി വിഴിഞ്ഞം-കൊല്ലം-പുനലൂർ ഇടനാഴിയും പ്രഖ്യാപിക്കപ്പെട്ടു. മലയോരത്തെ നെടുമങ്ങാടും പാലോടും, ആറ്റിങ്ങലും, തീരത്തെ വർക്കലയും, പാരിപ്പള്ളിയും കുണ്ടറയും ഒക്കെ ഉൾപ്പെടുന്നൊരു വ്യാവസായിക ഇടനാഴി. പക്ഷെ വർക്കലയ്ക്കും കൊല്ലത്തിനും ഇടയ്ക്കുള്ള പരവൂരും പരിസരവും വളരെ തന്ത്രപൂർവ്വം ഒഴിവാക്കിയിട്ടുണ്ട്.

പിന്നെ ഉൾപ്പെട്ടാലും കാര്യമൊന്നുമില്ല. കഴിഞ്ഞ 2 ബജറ്റുകളിലായി വൻ തുകകൾ (ആകെ 45 കോടി) നിർമ്മാണത്തിനായി വാഗ്ദാനം ചെയ്യപ്പെട്ട പരവൂർ-മയ്യനാട് കായൽപ്പാലത്തിന് പ്ലാൻ പോലും തയ്യാറായിട്ടില്ല, നെല്ലേറ്റിൽ-കാപ്പിൽ പാലമൊക്കെ കഴിഞ്ഞ ബജറ്റിലെ വമ്പൻ വാഗ്ദാനമായിരുന്നു. എന്തിനേറെ 2021ൽ 50 കോടി വാഗ്ദാനം ചെയ്യപ്പെട്ട മേവറം മൊബിലിറ്റി ഹബ്ബിനെ കുറിച്ചുപോലും ഒരറിവും പിന്നീടില്ല.

അപ്പോഴാ വിഴിഞ്ഞം-കൊല്ലം-പുനലൂർ വികസന ത്രികോണം!!

G.S.Jayalal KN Balagopal

06/02/2025

നാളെയാണ് സംസ്‌ഥാന ബജറ്റ്. കഴിഞ്ഞ 2 ബജറ്റുകളിലായി ₹45 കോടി അനുവദിക്കപ്പെട്ട പരവൂർ-മയ്യനാട് കായൽപ്പാലം എന്ന, ഭരിക്കുന്നവർക്കാർക്കും വേണ്ടാത്ത പദ്ധതിയ്ക്ക് ഇത്തവണയും അഞ്ചോ പത്തോ കോടികൂടി അനുവദിക്കാൻ സാദ്ധ്യതയുണ്ട്. ചുമ്മാ "₹15 കോടി അനുവദിച്ചു" എന്നുപറയാൻ നല്ല എളുപ്പമായോണ്ട് കുഴപ്പമില്ല.

എന്നാൽ 50 വർഷത്തോളമായി പരവൂർ കായലിന്റെ ഇരുകരകളിലുമായി അധിവസിക്കുന്ന ഏതാണ്ട് 75,000ത്തോളം വരുന്ന ജനങ്ങൾ കാത്തുകാത്തിരിക്കുന്ന ഒരു പദ്ധതിയെ ഇത്ര ലാഘവത്തോടെ തള്ളിക്കളയാൻ ഈ ആധുനിക കാലത്തും ഭരണത്തിലിരിക്കുന്നവർക്ക് ആർക്കും ഒരു മടിയുമില്ലല്ലോ എന്നതാണ് അതിശയകരമായ വസ്തുത.

പരവൂർ-മയ്യനാട് പാലം പദ്ധതിയ്ക്ക് പണമനുവദിച്ചു എന്ന് പ്രഖ്യാപനം വന്നശേഷം തന്നെ എത്ര പാലങ്ങളാണ് പുതിയതായി പ്രഖ്യാപിച്ചതും വന്നതും. അഴീക്കോട്-മുനമ്പം, പാണാമുക്കം, ചെട്ട്യാരാഴികത്ത് പാലം, പെരുമ്പളം, പെരിനാട്-മൺറോതുരുത്ത് ഒക്കെ പല ഘട്ടങ്ങളിലായി മുന്നേറുകയോ പൂർത്തീകരിക്കുകയോ ചെയ്യപ്പെട്ടിരിക്കുന്നു. എന്നാൽ 50 വർഷത്തിലധികം പഴക്കമുള്ള പരവൂരിന്റെ പാലം പദ്ധതിയ്ക്ക് ഇപ്പോഴും "പണമനുവദിക്കൽ സ്റ്റണ്ട്" മാത്രമേ ഉള്ളൂ.

കഴിഞ്ഞ 13 വർഷമായി മണ്ഡലത്തിലെ MLAയായി തുടരുന്ന G.S.Jayalal പള്ളിക്കമണ്ണടിയിൽ പാലം പണിയാൻ കാണിക്കുന്ന ഉത്സാഹംപോലും പരവൂർ-മയ്യനാട് പാലത്തിനായി കാണിക്കുന്നില്ല. നിയമസഭയിൽ ഒരു സബ്മിഷൻ പോലും നടത്തിയിട്ടില്ല ഈ പാലത്തിനായി. ജില്ലയിലെ തന്നെ കൊട്ടാരക്കര എന്ന സ്വന്തം മണ്ഡലത്തിലാകെ ഇഷ്ടംപോലെ പദ്ധതികൾ കൊണ്ടുവരുന്ന സംസ്‌ഥാന ധനമന്ത്രി KN Balagopal ബജറ്റ് പ്രഖ്യാപനത്തിൽ കോടികൾ അനുവദിക്കുന്നതല്ലാതെ പരവൂർ-മയ്യനാട് പാലത്തിനായി ഒന്നും ചെയ്യുന്നില്ല.

എന്ത് ടൈപ്പ് അവജ്ഞയാണോ ഈ പരവൂർ നാടിനോട്..!!

ഏതായാലും പുനലൂർ-കന്യാകുമാരി-പുനലൂർ പാസഞ്ചറിന്റെ പരവൂരിലെ സ്റ്റോപ്പ് മറ്റന്നാൾ വൈകിട്ടോടെ ആരംഭിക്കും. അതെങ്കിലുമായല്ലോ.. നല്ലകാര്യം!!

05/02/2025

നിലവിൽ ചെന്നൈ വരെയോടുന്ന ട്രെയിനുകളിൽ ടിക്കറ്റിന് അത്യാവശ്യം നല്ല ഡിമാൻഡ് ഉള്ള ഒന്നാണ് കൊല്ലം ജംഗ്ഷൻ-ചെന്നൈ എഗ്മൂർ അനന്തപുരി സൂപ്പർഫാസ്റ്റ് ട്രെയിൻ. പരവൂരിൽ സ്റ്റോപ്പുള്ള ഏറ്റവും വേഗതയേറിയ ട്രെയിനുകളിൽ ഒന്നും അനന്തപുരിയാണ് (മാവേലിയും അനന്തപുരിയും).

എന്നാൽ അനന്തപുരിയ്ക്ക് സ്റ്റോപ്പുള്ളതുകൊണ്ട് പരവൂർ സ്റ്റേഷന് മറ്റൊരു പ്രത്യേകത കൂടിയുണ്ട് (ചുമ്മാ പറയാൻ മാത്രം കൊള്ളാവുന്ന ഒരു പ്രത്യേകത😄😄)

👇👇👇👇

03/02/2025

കൊല്ലം, കരുനാഗപ്പള്ളി, കുന്നത്തൂർ, കൊട്ടാരക്കര, പുനലൂർ, പത്തനാപുരം എന്നിങ്ങനെ 6 താലൂക്കുകളാണ് നമ്മുടെ കൊല്ലം ജില്ലയിലുള്ളത്. അശാസ്ത്രീയമായി വിഭജിക്കപ്പെട്ട താലൂക്കുകളാണ് ഭൂരിഭാഗവും. ഭരിച്ചിരുന്ന പാർട്ടികളിലെ മേലാളന്മാർ അവരുടെ പിടിപാടുകൊണ്ട് വിഭജിപ്പിച്ചെടുത്തവയാണ് ഒട്ടുമിക്കതും. ജനസംഖ്യയെ അടിസ്‌ഥാനമാക്കി രൂപീകരിക്കേണ്ടതിന് പകരം, അർഹിക്കുന്നവരെ തഴഞ്ഞു അപ്പുറവും ഇപ്പുറവുമായി പലതും രാഷ്ട്രീയ പിടിപാടിന്റെ ഫലമായി ഉണ്ടാക്കിയവ. അതിന്റെ തെളിവാണ് ജില്ലയിലെ ഏറ്റവും ജനസംഖ്യയേറിയ കൊല്ലം താലൂക്കും, ജില്ലയുടെ തെക്കുകിഴക്കൻ മലയോരത്തെ പാവങ്ങൾ താലൂക്ക് ആസ്‌ഥാനമായ പുനലൂർ വരെ സഞ്ചരിക്കേണ്ടിവരുന്ന ഗതികേടും.

ആകെ താലൂക്കുകളുടെ എണ്ണം 5ൽ നിന്നും 6 ആക്കിയപ്പോഴും, ഈ രണ്ട് പ്രശ്നങ്ങളെയും പരിഹരിക്കാൻ ശ്രമിക്കാതെ ഉള്ളവയുടെ ഇടയിൽത്തന്നെ ജില്ലയുടെ വടക്കോട്ടുമാറി പുതിയൊരെണ്ണം കൂടി രൂപീകരിച്ചു. അൽപമെങ്കിലും ജനോപകാരപ്രദമാകണമെങ്കിൽ, ഇനി കൊല്ലം ജില്ലയിൽ രൂപം കൊടുക്കേണ്ടത് 2 പുതിയ താലൂക്കുകൾക്കാണ്;

👉ജില്ലയുടെ തെക്കൻ തീരത്ത് പരവൂർ ആസ്‌ഥാനമായ പരവൂർ താലൂക്ക്

👉ജില്ലയുടെ തെക്കുപടിഞ്ഞാറ് കടയ്ക്കൽ ആസ്‌ഥാനമായ കടയ്ക്കൽ താലൂക്ക്

ഇത്രയുംകാലം രാഷ്ട്രീയ പിടിപാടുകൾക്ക് വഴങ്ങി വേണ്ടിടത്തും വേണ്ടാത്തിടത്തുമൊക്കെ താലൂക്കുകൾ രുപീകരിച്ചില്ലേ?

ഇനി ജനങ്ങൾക്ക് ഉപകാരപ്പെടുന്ന ഇവകൂടി രൂപീകരിക്കു അധികാരികളേ...🙏🙏🙏

K Rajan
KN Balagopal
Chief Minister's Office, Kerala

29/01/2025

പരവൂരിൽ സ്റ്റോപ്പുള്ള എല്ലാ പ്രതിദിന ട്രെയിനുകളുടെയും (ഒരുവശത്തേയ്ക്കുള്ളത് മാത്രം) ലിസ്റ്റ്

28/01/2025

പരവൂരിൽ സ്റ്റോപ്പനുവദിക്കപ്പെട്ട 56705/56706 പുനലൂർ-കന്യാകുമാരി-പുനലൂർ പാസഞ്ചർ ഇതുവരെയും പരവൂരിൽ നിർത്തിത്തുടങ്ങിയില്ല. ഈ ട്രെയിൻ തിരുവനന്തപുരം ഭാഗത്തേക്കു പോകുമ്പോൾ രാവിലെ 8.10നും, കൊല്ലത്തേക്ക് വൈകിട്ട് ഏകദേശം 6.30നും പരവൂരിൽ എത്തും. ഇതോടെ പരവൂരിൽ സ്റ്റോപ്പുള്ള ഡെയ്‌ലി ട്രെയിനുകളുടെ എണ്ണം (ഇരുവശത്തേയ്ക്കും ചേർത്ത്) 32 ആയി (കൊല്ലം-കന്യാകുമാരി MEMU ആഴ്ചയിൽ ഒരുദിവസം സർവീസ് നടത്താത്തതിനാൽ ഉൾപ്പെടുത്തിയിട്ടില്ല).

എന്നാൽ എന്തുകൊണ്ടാണ് ട്രെയിനിന്റെ പരവൂരിലെ അനുവദിക്കപ്പെട്ട സ്റ്റോപ്പ് വൈകുന്നത് എന്നത് ഇതുവരെ അറിവായിട്ടില്ല

NK Premachandran

20/01/2025

നമ്മുടെ രാജ്യത്തെ ചില റെയിൽവേ സ്റ്റേഷനുകളും അവയുടെ വാർഷിക ടിക്കറ്റ് വരുമാനവും. 2023-24 സാമ്പത്തിക വർഷത്തെ കണക്കുകൾ പ്രകാരം വരുമാനത്തിന്റെ കാര്യത്തിൽ ഇന്ത്യയിൽ 136-മത് സ്‌ഥാനത്താണ് നമ്മുടെ കൊല്ലം ജംഗ്‌ഷൻ.

പരവൂരാകട്ടെ 1737മതും..!!

16/01/2025

അങ്ങനെ കോൺഗ്രസ്സുകാർ ഉൾപ്പെടുന്ന UDF മുന്നണി ഒടുവിൽ മനസ്സിലാക്കി.. തിരുമുക്കിലെ അടിപ്പാതയ്ക്ക് വീതി കുറവാണെന്നും അത് ഗതാഗത തടസ്സമുണ്ടാക്കുമെന്നും..

ഇലക്ഷൻ അടുക്കാറായതിന്റെ ലക്ഷണം അല്ല ഇത് എന്ന് കരുതാം. ഏതായാലും ചരിത്രസംഭവം തന്നെയാണ് ഇത്. സ്വന്തം മുന്നണിയിലെ നമ്മുടെ MPയെക്കൂടി ഇതൊന്ന് അറിയിച്ചാൽ കൊള്ളാമായിരുന്നു.

ഇനിയും ഇക്കാര്യത്തോട് പ്രതികരിക്കാത്ത LDF, NDA മുന്നണികൾ പണി മുഴുവൻ തീരാൻ കാത്തിരിക്കുകയായിരിക്കും, പ്രക്ഷോഭം തുടങ്ങാൻ..

Paravur, Kollam

28/02/2025

22/02/2025

22/02/2025

17/02/2025

08/02/2025

06/02/2025

05/02/2025

03/02/2025

29/01/2025

28/01/2025

20/01/2025

16/01/2025

Address

Website

Alerts

Contact The Organization

Shortcuts

Share

Category