16/03/2026
आदरणीय साहेब…
सर्वोत्तम समाजकारणी, अनुभवी राजकारणी, संवेदनशील व्यक्तिमत्त्व, दूरदृष्टी असलेले नेतृत्व आणि कुटुंबवत्सल स्वभाव — अशी असंख्य विशेषणे ज्यांच्या व्यक्तिमत्त्वाला लागू पडतात, ते म्हणजे आदरणीय साहेब....खऱ्या अर्थाने माझ्या जीवनाचे मार्गदर्शक दीपस्तंभ ....
माणूस आयुष्यात खूप काही शिकतो…पण काही व्यक्ती अशा असतात की त्यांचा सहवासच आयुष्याची शाळा बनतो..आणि साहेब तर विचारांचे विद्यापीठच...
मला मिळालेली माणुसकीची शिकवण, समाजासाठी काहीतरी करण्याची प्रेरणा, लोकांप्रती असलेली संवेदनशीलता — हे सर्व बाबांच्या सहवासातूनच मला मिळाले आहे.
एक म्हण आहे —
“मोठ्या झाडाखाली दुसरे झाड वाढत नाही.”
पण बाबांसारख्या एका विशाल आधारवडाने मात्र संस्कारांची अशी बीजे पेरली की आज त्या छायेखाली असंख्य रोपे वाढली, फुलली आणि एका विस्तीर्ण बागेत रूपांतरित झाली.
आज त्या बागेची गोड फळे केवळ कुटुंबालाच नाहीत,
तर संपूर्ण तालुक्याला आणि पंचक्रोशीतील जनतेला जनसेवेच्या रूपाने मिळत आहेत.
आज माझ्या हातून जे काही चांगले घडत आहे…
समाजासाठी जे काही काम होत आहे…
ते सर्व फक्त बाबांनी दिलेल्या संस्कारांचे फलित आहे.
त्यांच्या विचारांची आणि संस्कारांची ही शिदोरी आयुष्यभर माझ्या पाठीशी राहील…
आणि माझ्या प्रत्येक पावलाला दिशा देत राहील…
हीच त्यांच्या चरणी माझी भावपूर्ण कृतज्ञता आणि नम्र अभिवादन.
