CPIM Kunnamangalm AC

01/06/2026

01/06/2026

26/05/2026

അന്താരാഷ്‌ട്ര വിപണിയിൽ ക്ര‍ൂഡ്‌ ഓയിൽ വില കുറയുന്പോൾ രാജ്യത്ത്‌ പെട്രോൾ, ഡീസൽ വില കൂട്ടി ജന ജീവിതം അതീവ ദുസ്സഹമാക്കി മോദി സർക്കാർ. തിങ്കളാഴ്‌ച പെട്രോൾ വില ലിറ്ററിന്‌ 2.61 രൂപയും ഡീസൽ വില 2.71 രൂപയുമാണ്‌ കൂട്ടിയത്‌. 10 ദിവസത്തിനിടെ നാലു തവണയായി പെട്രോളിന് ആകെ 7.38 രൂപയും ഡീസലിന് 7.52 രൂപയും കേന്ദ്രം കൂട്ടി.

സിഎൻജി വില മൂന്ന്‌ തവണ കൂട്ടി. വരുംദിവസങ്ങളിലും പെട്രോൾ, ഡീസൽ, സിഎൻജി വിലകൾ കൂട്ടിയേക്കും. അന്താരാഷ്‌ട്ര വിപണിയിൽ ബ്രെന്റ്‌ ക്രൂഡ്‌ ഓയിൽ വില ബാരലിന്‌ 98 ഡോളറിലേക്കും ഡബ്ല്യുടിഐ ക്രൂഡോയിൽ വില 91.58 ഡോളറിലേക്കും താഴ്‌ന്ന ഘട്ടത്തിലാണ് എണ്ണ കന്പനികൾക്ക്‌ ലാഭം കൊയ്യാനുള്ള കൊള്ള.

പശ്‌ചിമേഷ്യൻ സംഘർഷത്തെ തുടർന്ന്‌ രാജ്യാന്തര വിപണിയിൽ ക്രൂഡോയിൽ വില ബാരലിന്‌ 100 ഡോളർ കടന്നുവെന്ന കാരണത്താലായിരുന്നു നിയമസഭാ തെരഞ്ഞെടുപ്പുകൾ കഴിഞ്ഞപാടെ ഇന്ധനവില കൂട്ടിത്തുടങ്ങിയത്. സംഘർഷത്തിന്‌ മുന്പ്‌, ക്രൂഡ്‌ ഓയിൽ വില 60 ഡോളറിലും താഴെയായിരുന്നപ്പോൾ പെട്രോളിനും ഡീസലിനും ഒരു രൂപപോലും കുറച്ചിരുന്നില്ല.

തിങ്കളാഴ്‌ചത്തെ വില കൂട്ടലോടെ ഡൽഹി ഉൾപ്പെടെ എല്ലാ സംസ്ഥാനത്തും പെട്രോൾ വില 100 രൂപ കടന്നു. കേരളം, തെലങ്കാന, ആന്ധ്രപ്രദേശ്‌ തുടങ്ങി ഒമ്പത്‌ സംസ്ഥാനങ്ങളിൽ ഡീസൽ വിലയും നൂറ് കടന്നു. കേരളത്തിലും ആന്ധ്രയിലും തെലങ്കാനയിലുമാണ്‌ നിലവിൽ ഏറ്റവും ഉയർന്ന ഇന്ധനവില. സംസ്ഥാന തലസ്ഥാനങ്ങളിൽ ഏറ്റവും ഉയർന്ന പെട്രോൾ വില ഹൈദരാബാദിലും ഡീസൽ വില തിരുവനന്തപുരത്തും. ഹൈദരാബാദിൽ 115.73 രൂപയും തിരുവനന്തപുരത്ത്‌ 115.49 രൂപയുമാണ്‌ പെട്രോൾ വില. ഡീസൽ വില തിരുവനന്തപുരത്ത്‌ 104.41 രൂപയും ഹൈദരാബാദിൽ 103.82 രൂപയുമാണ്‌.

20/05/2026

വർഗ്ഗീയതയുടെ തീ കൊളുത്തി
കേരളത്തെ വിഭജിക്കാനവില്ല ......

വന്ദേമാതരത്തിന്റെ പേരിൽ പാർട്ടി സംസ്ഥാന സെക്രട്ടറിയേറ്റ് അംഗം സ: മുഹമ്മദ് റിയാസിനെ വർഗീയമായി ആക്രമിക്കാനുള്ള ആർഎസ്എസിനെയും സംഘപരിവാരത്തിന്റെയും ആസൂത്രിതമായ നീക്കത്തിനെതിരെ CPIM കുന്നമംഗലം ഏരിയ കമ്മിറ്റിയുടെ നേതൃത്വത്തിൽ കുന്നമംഗലത്ത് പ്രതിഷേധ പ്രകടനം.

03/05/2026

കോർപറേറ്റുകളുടെ താൽപര്യം മുൻനിർത്തി വാണിജ്യാവശ്യത്തിനുള്ള പാചകവാതകത്തിൻ്റെ വില ചരിത്രത്തിലില്ലാത്തവിധം വർധിപ്പിച്ച കേന്ദ്രസർക്കാരിനെതിരെ പ്രക്ഷാഭമുയർത്താൻ സിപിഐ എം സംസ്ഥാന സെക്രട്ടറിയറ്റ് ബഹജുനങ്ങളോടും പാർടി ഘടകങ്ങളോടും ആഹ്വാനംചെയ്തു‌തു. കേരളം ഉൾപ്പെടെ അഞ്ചു സംസ്ഥാനങ്ങളിലെ നിയമസഭാ തെരഞ്ഞെടുപ്പ് കഴിഞ്ഞയുടൻ ബിജെപി സർക്കാർ തനിനിറം പുറത്തുകാട്ടി.
വാണിജ്യ ആവശ്യങ്ങൾക്കുള്ള എൽപിജി സിലിണ്ടറുകളുടെ വില ആയിരം രൂപയോളം ഒറ്റയടിക്ക് വർധിപ്പിച്ചത് വിലക്കയറ്റത്തിന് കാരണമാകുന്നതിൽ ബിജെപിക്കു മാത്രമേ ആശങ്കയില്ലാതിരിക്കൂ. ഹോട്ടലുകളിലും റെസ്റ്റോറന്റുകളിലും ഭക്ഷ്യസാധനങ്ങളുടെ വില വർധിക്കും. ഇതിന്റെ ആത്യന്തികമായ ആഘാതം ജനങ്ങളാണ് അനുഭവിക്കേണ്ടത്. പശ്ചിമേഷ്യൻ സംഘർഷത്തെത്തുടർന്നുണ്ടായ പാചകവാതക ക്ഷാമമുണ്ടാക്കിയ പ്രയാസങ്ങൾ കുറഞ്ഞിട്ടില്ല. ഭക്ഷ്യസാധനങ്ങൾക്ക് ഇപ്പോൾതന്നെ വില കൂടി. ഇനിയും വർധിപ്പിക്കേണ്ടിവരുമെന്നത് ജനങ്ങൾക്ക് താങ്ങാനാകാത്തതാകും. ചെറുകിട ഹോട്ടലുകൾ പലതും അടഞ്ഞുകിടക്കുകയാണ്. അത് തൊഴിലാളികളുടെ നിലനിൽപിനേയും ബാധിക്കും.
കോർപറേറ്റുകൾക്കുവേണ്ടി നിലകൊള്ളുന്ന ബിജെപിക്ക് ജനങ്ങളുടെ പ്രയാസം തിരിച്ചറിയാനാകില്ല. വിലക്കയറ്റം രൂക്ഷമാക്കുന്ന ഈ ജനവിരുദ്ധ നയത്തിനെതിരെ ശക്തമായ പ്രതിരോധം ഉയരണം. ഈ മാസം ആറിന് ഹോട്ടലുകളും റെസ്റ്റോറൻറുകളും അടച്ചിട്ട് പ്രതിഷേധിക്കാൻ ആ മേഖലയിലെ സംഘടനകൾ തീരുമാനിച്ചിട്ടുണ്ട്. ജനജീവിതം ദുസ്സഹമാക്കുന്ന കേന്ദ്രസർക്കാരിനെതിരെ രാഷ്ട്രീയ ഭിന്നതകൾ മറന്ന് പ്രതിഷേധിക്കണമെന്ന് സിപിഐ എം സംസ്ഥാന സെക്രട്ടറിയേറ്റ് പ്രസ്‌താവനയിൽ അഭ്യർഥിച്ചു.

09/04/2026

ഇടതുപക്ഷത്തിന് വോട്ടുകൾ ചെയ്ത മുഴുവൻ വോട്ടർമാർക്കും നന്ദി...
നവ കേരളത്തിൻ്റെ വികസനക്കുതിപ്പ് തുടരാൻ ഇടതുപക്ഷത്തോടൊപ്പം ചേർന്നുനിന്ന മുഴുവൻ മനുഷ്യരെയും ഹൃദയപൂർവ്വം അഭിവാദ്യം ചെയ്യുന്നു.
ഈ പോരാട്ടം നമ്മൾ ഒരുമിച്ച് ജയിക്കും.

02/04/2026

മറ്റാരുണ്ട് എൽഡിഎഫ് അല്ലാതെ എന്ന് വിളിച്ചോതുന്ന ജനസാഗരം....🔥💪

വിജയം ഉറപ്പിച്ച് സഖാവ് പിണറായി കുന്ദമംഗലത്ത്..♥️