LDF Kunnamkulam

03/04/2026

31/03/2026

‘FCRA ബില്ലിൽ ക്രൈസ്തവർക്ക് ആശങ്ക ഉണ്ട് ’; ബിഷപ്പ് മാർ ആൻഡ്രൂസ് താഴത്ത്

31/03/2026

വിദേശ സഹായ നിയന്ത്രണ നിയമത്തിൽ (FCRA) കേന്ദ്ര സർക്കാർ കൊണ്ടുവന്ന പുതിയ ഭേദഗതികൾ സന്നദ്ധ സംഘടനകളെയും കേരളത്തിലെ ക്രൈസ്തവ സ്ഥാപനങ്ങൾ ഉൾപ്പെടെയുള്ള ന്യൂനപക്ഷ വിഭാഗങ്ങളെയും പ്രതിസന്ധിയിലാക്കുന്ന സാഹചര്യത്തിൽ ഭേദഗതി പിൻവലിക്കണമെന്ന് ആവശ്യപ്പെട്ട് പ്രധാനമന്ത്രി നരേന്ദ്ര മോദിക്ക് കത്തയച്ചു.
ദശാബ്ദങ്ങളായി വിദ്യാഭ്യാസം, ആരോഗ്യം തുടങ്ങിയ മേഖലകളിൽ നിസ്തുലമായ സേവനം നൽകുന്ന സ്ഥാപനങ്ങളുടെ ആസ്തികൾ കണ്ടുകെട്ടാൻ 'ഡെസിഗ്നേറ്റഡ് അതോറിറ്റി'ക്ക് അധികാരം നൽകുന്ന വ്യവസ്ഥകൾ അത്യന്തം അപകടകരമാണ്. ഇത്തരം നിയന്ത്രണങ്ങൾ ഭരണഘടനാപരമായ അവകാശങ്ങളെ ലംഘിക്കുന്നതും പാർശ്വവൽക്കരിക്കപ്പെട്ടവരുടെ ക്ഷേമപ്രവർത്തനങ്ങളെ തടസ്സപ്പെടുത്തുന്നതുമാണ്.
രജിസ്‌ട്രേഷൻ നടപടികളിൽ സുതാര്യത ഉറപ്പാക്കണമെന്നും ന്യൂനപക്ഷ വിഭാഗങ്ങളുമായും സന്നദ്ധ സംഘടനകളുമായും സർക്കാർ അടിയന്തരമായി ചർച്ച നടത്തണമെന്നും ആവശ്യപ്പെട്ടു. സുതാര്യതയുടെ പേരിൽ സ്ഥാപനങ്ങളെ ശ്വാസം മുട്ടിക്കുന്ന നടപടികൾ ജനാധിപത്യത്തിന് ഭൂഷണമല്ല.