19/08/2026
महाराष्ट्रात आणि देशभरात साखर कारखानदारीतील प्रयोगशाळा म्हणून ओळखल्या जाणाऱ्या, राज्यातील सहकारी साखर कारखानदारीला दिशा देणाऱ्या #विकासरत्न विलासराव देशमुख मांजरा शेतकरी सहकारी साखर कारखान्याची ४२ वी सर्वसाधारण सभा आज माजी मंत्री #सहकारमहर्षी आदरणीय दिलीपराव देशमुख साहेब यांच्या अध्यक्षतेखाली अत्यंत खेळीमेळीच्या वातावरणात पार पडली. जिल्ह्यातील मान्यवरांसह या सर्वसाधारण सभेस उपस्थित राहून शेतकरी सभासद, अधिकारी, कर्मचारी, तोडणी वाहतूक ठेकेदार, कामगार या सर्वांशी संवाद साधला, सर्वांना शुभेच्छा दिल्या.
शेतकरी, शेतमजूर, आणि ग्रामीण जनतेच्या जीवनात आर्थिक क्रांती यावी, त्यांचे जीवनमान उंचावले जावे यासाठी आदरणीय विलासराव देशमुख साहेब यांनी चार दशकापूर्वी मांजरा शेतकरी सहकारी साखर कारखान्याची उभारणी केली. सहकार महर्षी आदरणीय दिलीपराव देशमुख साहेब यांच्या मार्गदर्शनाखाली मांजरा परिवाराचा आता मोठा विस्तार झाला असून, हे सर्वच कारखाने आज उत्तम रीतीने चालत आहेत. ज्या उद्देशाने मांजरा कारखान्याची उभारणी केली तो उद्देश साध्य करण्यासाठी या परिवारातील सर्वच साखर कारखाने अत्यंत शिस्तीत आणि काटेकोर नियोजनात वाटचाल करीत आहेत.
इथेनॉल, वीज, बायोगॅस, ऑक्सीजन, निर्मितीबरोबरच अद्यावत तंत्रज्ञानाच्या वापरातून मांजरा परिवारातील सर्व साखर कारखान्यांनी महाराष्ट्रात एक वेगळा ठसा उमटवला आहे. साखर कारखानदारीतील जवळपास सर्व पुरस्कार आणि बक्षिसे या कारखान्यांनी मिळवली आहेत. आज राज्यातील इतर अनेक कारखानेही या परिवारातील यशस्वी प्रयोगाचे आणि कारभाराचे अनुकरण करीत आहेत ही आपल्या सर्वांसाठी अभिमानाची बाब असल्याचे यावेळी म्हटले, आगामी काळातही याच पद्धतीचा उत्तम कारभार करून सर्वसामान्य जनतेला दिलासा देण्याचे काम या परिवाराच्या माध्यमातून होत राहील अशी ग्वाही याप्रसंगी दिली
#लातूर
#शेती #शेतकरी
#साखर #सहकार #साखरउद्योग
#मांजरा_परिवार
#मांजरा_साखर
Indian National Congress
Indian National Congress - Maharashtra
Indian National Congress - Mumbai
Indian Youth Congress
Maharashtra Pradesh Youth Congress
