08/10/2024
ਇੱਕ ਸਮਾਂ ਸੀ ਕਿ ਪਿੰਡ ਬਾਹੋਮਾਜਰਾ ਕੋਲ਼ ਆਪਣਾ ਗਰਾਊਂਡ ਹੁੰਦਾ ਸੀ ਜਿੱਥੇ ਖੇਡ ਕੇ ਪਿੰਡ ਦੇ ਕਈ ਮੁੰਡੇ ਪੁਲਿਸ, ਫੌਜ਼ ਵਿੱਚ ਭਰਤੀ ਹੋਏ ਵੱਡੇ ਅਫ਼ਸਰ ਬਣੇ ਅਤੇ ਪਿੰਡ ਚ ਨਸ਼ੇ ਦਾ ਨਾਮੋ ਨਿਸ਼ਾਨ ਨਹੀਂ ਸੀ । ਫਿਰ ਕੁਝ ਦੋਗਲੇ ਲਾਲਚੀ ਸੁਆਰਥੀ ਬੰਦਿਆ ਨੇ ਆਪਣੇ ਫ਼ਾਇਦੇ ਲਈ ਗਰਾਊਂਡ ਨੂੰ ਟੋਬੇ ਦਾ ਰੂਪ ਦੇ ਦਿੱਤਾ । ਤਕਰੀਬਨ 40 50 ਸਾਲ ਗਰਾਊਂਡ ਉਪਰ ਟੋਬੇ ਦਾ ਰਾਜ ਰਿਹਾ । ਇਹਨਾਂ ਸਾਲਾ ਵਿੱਚ ਪਿੰਡ ਵਿੱਚ ਨਸ਼ੇ ਨੇ ਆਪਣੇ ਪੈਰ ਖੁੱਲ੍ਹ ਕੇ ਪਸਾਰ ਲਏ ।
ਵਾਹਿਗਰੂ ਦੀ ਕਿਰਪਾ ਅਤੇ ਪਿੰਡ ਦੇ ਕੁਝ ਸੂਝਵਾਨ ਹਿੰਮਤੀ ਬੰਦਿਆ ਵਲੋਂ ਗਰਾਊਂਡ ਬਣਾਉਣ ਲਈ ਦਿਨ ਰਾਤ ਇੱਕ ਕੀਤਾ ਮਿਹਨਤ ਕੀਤੀ ਪਿੰਡ ਦੇ ਲੋਕਾਂ ਨੇ ਅਤੇ NRI ਵੀਰਾ ਨੇ ਸਾਥ ਦਿੱਤਾ ਤਾਂ 40 50 ਸਾਲਾ ਬਾਅਦ ਗਰਾਊਂਡ ਉਪਰੋ ਟੋਬੇ ਦਾ ਕਬਜ਼ਾ ਛੁਡਵਾ ਲਿਆ ਗਿਆ । ਐਨੀ ਖੁਸ਼ੀ ਹੋਈ ਕਿ ਜੋਂ ਕੰਮ ਅਸੀਂ ਐਨੇ ਸਾਲਾ ਤੋਂ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸੀ ਉਹ ਕੰਮ ਹੋ ਗਿਆ ਤੇ ਪਿੰਡ ਦੇ ਗਰਾਊਂਡ ਨੂੰ ਗੁਲਾਮੀ ਤੋਂ ਆਜ਼ਾਦੀ ਮਿਲੀ ਤੇ ਸਾਡੇ ਬੱਚੇ ਹੁਣ ਇਸ ਗਰਾਊਂਡ ਵਿੱਚ ਖੇਡ ਰਹੇ ਹਨ ਅਤੇ ਆਪਣੀ ਮਾਨਸਿਕ ਅਤੇ ਸਰੀਰਿਕ ਸਿਹਤ ਦਾ ਖ਼ਿਆਲ ਰੱਖ ਰਹੇ ਹਨ , ਨਸ਼ੇ ਤੋ ਦੂਰ ਹੋ ਰਹੇ ਹਨ ਗੁਰੂ ਵਾਲੇ ਬਣ ਰਹੇ ਹਨ । ਗਰਾਊਂਡ ਮਿਲਣ ਨਾਲ ਪਿੰਡ ਦੇ ਨੌਜਵਾਨਾਂ ਵਿੱਚ ਖੇਲ ਭਾਵਨਾ ਵਧੀ ਹੈ ਜਿਸ ਨਾਲ ਉਹ ਖੁਸ਼ ਅਤੇ ਨਸ਼ੇ ਤੋ ਦੂਰ ਰਹਿਣ ਲੱਗੇ ਹਨ ।
ਪਰ ਕੱਲ੍ਹ ਸਵੇਰੇ ਪਿੰਡ ਦੇ ਹੀ ਕਿਸੇ ਸ਼ੁਭਚਿੰਤਕ ਦਾ ਮੈਨੂੰ ਇੱਕ ਸੁਨੇਹਾ ਪ੍ਰਾਪਤ ਹੋਇਆ ਕਿ ਸਰ ਕੁਝ ਸ਼ਰਾਰਤੀ ਬੰਦਿਆ ਵੱਲੋ ਪਿੰਡ ਦੇ ਗਰਾਊਂਡ ਜਿਸ ਵਿੱਚ ਨਿੱਕੇ ਬੱਚਿਆ ਨੂੰ ਖੇਲਣ ਲਈ ਮਿੱਟੀ ਪਾਕੇ ਗਰਾਊਂਡ ਬਣਾਉਣਾ ਸੀ ਵਿੱਚ ਫਿਰ ਤੋ ਟੋਬੇ ਦਾ ਪਾਣੀ ਛੱਡ ਦਿੱਤਾ ਗਿਆ ਹੈ । ਪੜ੍ਹਕੇ ਬਹੁਤ ਧੱਕਾ ਲੱਗਿਆ ਕਿ ਜਿਸ ਗੁਲਾਮੀ ਤੋ ਅਜ਼ਾਦੀ 40ਸਾਲ ਬਾਅਦ ਮਿਲੀ ਸੀ ਫਿਰ ਤੋ ਉਹੀ ਗ਼ੁਲਾਮੀ ਵੱਲ ਗਰਾਊਂਡ ਨੂੰ ਲੈਕੇ ਜਾਣ ਦੀ ਤਿਆਰੀ ਹੋ ਰਹੀ ਹੈ ।
ਪਿੰਡ ਵਾਸੀਆਂ ਨੂੰ ਅਪੀਲ ਹੈ ਕਿ ਇਸ ਗੁਲਾਮੀ ਨੂੰ ਫਿਰ ਤੋਂ ਆਪਣੇ ਅਤੇ ਆਪਣੇ ਬੱਚਿਆ ਦੇ ਗੱਲ੍ਹ ਨਾ ਪਵਾ ਲੈਣਾ । ਉੱਠੋ ਇੱਕਠੇ ਹੋਵੋ ਤੇ ਇਸ ਖ਼ਿਲਾਫ਼ ਲੜੋ।
ਪਿੰਡ ਦੀ ਪੰਚਾਇਤ ਉਹੀ ਚੁਣਨਾ ਜੋਂ ਇਸ ਖ਼ਿਲਾਫ਼ ਡੱਟਕੇ ਖੜ ਸਕੇ ਜੋਂ ਇਹ ਗਰਾਊਂਡ ਜੋਂ ਬੱਚਿਆ ਲਈ ਬਣਨਾ ਸੀ ਵਿੱਚ ਟੋਬੇ ਦੇ ਪਾਣੀ ਨੂੰ ਰੋਕ ਸਕੇ।
ਜਿਸ ਚ ਜ਼ੁਲਮ ਨਾਲ ਲੜਨ ਦੀ ਹਿੰਮਤ ਹੋਵੇ।
ਜੋਂ ਪਿੰਡ ਦੇ ਸੁਧਾਰ ਲਈ , ਗਰਾਂਊਂਡ ਲਈ ਅਤੇ ਸਾਡੇ ਬੱਚਿਆ ਦੇ ਚੰਗੇ ਭਵਿੱਖ ਲਈ , ਬੱਚਿਆ ਨੂੰ ਨਸ਼ੇ ਤੋ ਬਚਾਉਣ ਲਈ ਲੜ ਸਕੇ ।
ਨੋਟ:- ਤੁਸੀ ਇੱਕਠੇ ਹੋਵੋ ਗਰਾਊਂਡ ਵਿੱਚ ਸੁਧਾਰ ਕਰਨ ਲਈ ਜਿੰਨ੍ਹੀ ਸਹਾਇਤਾ ਅਸੀਂ ਬਾਹਰੋਂ ਕਰ ਸਕਦੇ ਹੋਏ ਕਰਾਗੇ ।
ਧੰਨਵਾਦ ਸਹਿਤ
ਪਿੰਡ ਦੇ ਸ਼ੁਭਚਿੰਤਕ
