ZPM Southern Headquarters, Lunglei, Venglai, Lunglei (2026)

03/06/2026

Health Minister Pi Lalrinpuii'n Lungleia MIZOFED building sak thar a hawng
807/2026-2027

Lunglei, 2026 Nikir thla ni 2: Vawiin khan Mizoram sawrkara Health & Family Welfare Minister Pi Lalrinpuii chuan Lunglei Electric Venga MIZOFED (Mizoram State Cooperative Marketing & Consumers' Federation Limited) building sak thar a hawng.

Khuallian Pi Lalrinpuii chuan MIZOFED building thar hawn a ni ta chu Lunglei mipuite tan hmasawnna ropui tak a nih thu sawiin, Mizote chu thil tih ho nuam ti chi, feh kawng, tui chawina leh thing phurhna thlenga ṭhiante nena inlawma thil ti ṭhin kan nih angin kan mizia leh co-operative society chu inhmeh hlea a hriat thu a sawi a. Cooperative Society chuan Mizoramah zung a kaih thuk hle tih sawiin, khaw tin veng tin deuhthawah society dawr din a nih thu leh tun thleng pawhin thingtlang khaw tam takah mipuite tana dawr hlawhtling tak a la nih reng thu a sawi a. Mizoramah k*m 1981 aṭanga State pum huap Cooperative Society hlawhtling tak mai MIZOFED din a ni a, tun thlenga hlawhtling taka kalpui a ni chu lawmawm a tih thu sawiin, mipui mimir chuan MIZOFED chu a man tlawma thil zawrhna leh a hlawma thil lak tlawm theihna tia an hriat ṭhin a nih thu te, MIZOFED-ah chuan thil lem leh quality ṭha lo zawrh a nih ngai loh thu te a sawi a. Chu hmingṭhatna chu vawng nung reng turin thawktute pawh a chah nghal.

Pi Lalrinpuii chuan MIZOFED chu State pum huap Cooperative Society a nih avangin sawrkar pawhin a theih ang anga a lo duhsak ṭhin thu leh thawktute nen pawh inpawh tlang tak leh ṭhahnem ngai taka an thawh ho ṭhin thu sawiin, sawrkar nen thawh hona ṭha tak chu chhawm nung zel a, ram hmasawn nan theih tawpa ṭan la zel turin a chah a. MIZOFED Office Building thar pawh chu mipuite leh society tana ṭangkai taka hman a nih a, mi tam tak tana malsawmna a nih chho zel a beisei thu sawiin, duhsakna a hlan.

MIZOFED building hawnna inkhawm hi MIZOFED Chairman Pu K. Rothangpuia chuan kaihruaiin, kal khawmte lawmna thu a sawi a. Former Chairman Upa C. Vanlalmuana chuan hunserh hmangin, Managing Director Pu Lalhruaitluanga chuan technical report a pe a. Vice Chairman Pu Vunghnuna chuan lawm thu sawiin hun a khar.

Lungleia MIZOFED building sak nan hian cheng nuai 80 (₹80,00,000/-) ruahman niin, a sak hna hi Cascade Architecture and Engineering Zotlang Aizawl (Northpoint Consultancy) te'n an thawk a. March ni 1, 2025 khan hna thawh ṭan niin, thla 12 leh ni 2 chhungin sak zawh a ni a. A building hi chhawng hnih niin, a chhawng hnuai (ground floor) hi square feet 1,761-a zau leh a chhawng chung zawk (first floor) hi square feet 1,652-a zau a ni a. A chung zawl (roof area) hi square feet 1,652-a zau a ni bawk a. MIZOFED sum thawh chhuah aṭanga sak a ni.

01/06/2026

LMC WARD NO. 7 AH BAWLHHLAWH BAWM SEM A NI

Vawin ni 1st June, 2026 Thawhtanni khan Lunglei Municipal Council hmalakna kal zela a thlawna chhungtin tana bawlhhawlh bawm sem chu LMC Ward No. 7 (Chanmari) ah bawlhhlawh bawm semna neih a ni. Bawlhhlawh bawm semna hun hawnna hi Local Council Conference Hall Chanmari-ah neih niin Pu C. Ralliana Chairman, Local Council in programme kaihhruaiin Pu K. Lalrinawma LMC Ward No. 7-na Councillor/ Vice Chairman LMC leh Pu H. Laldinthara Secretary, YMA Chanmari Branch ten thu an sawi a ni.

Pu K. Lalrinawma chuan thu sawiin vawiin a bawlhhlawh bawm an sem tur chu LMC Urban Local Body Fund, Sanitation and Solid Waste Management hnuai atanga sem a nih thu a sawi a ni. Faina kawnga hma kan sawn a pawimawh thu sawiin YMA nen pawh thawk dunin Section fai inelna te buatsaih a nih thu a sawi a, chhung tin te pawh faina kawnga hma la theuh tura ngenin kan hmun hma ti tawp thei leh leimin siam thei a nih avangin tuichhe paihna te fimkhur a tul thu a sawi a, kawrha bawlhhlawh paih mai mai lo turin chhung tin te a ngen bawk a, kawrha bawlhhlawh paih chuan tuikhur te pawh a tih thianghlim loh thin thu leh midangte tan harsatna a siam thin thu a sawi a ni. Solid Waste Mangement Center sak chu hmalak mek a nih thu leh nakinah chuan bawlhhlawh thliar hran te pawh a la tul tur thu sawiin bawlhhlawh thliar hran dan lo in zirtir lawkna te pawh neih a la tul tur thu a sawi a ni.

Councillor chuan Chanmari chu veng lian a nih angin faina leh thianghlimna ah pawh entawn tlaka hmalak a tul thu sawiin School naupangte leh College zirlaite chu faina leh thianghlimna kawngah hma an sawm tawh thu sawiin nu leh pa leh upa lam te pawhin faina leh thinaghlimna kawng ah tan an lak zel a pawimawh thu a sawi bawk a ni.

LMC thawktute, Local Council Chanmari, YMA Chanmari Branch hruaitute leh Section hruaitute nen thawh hona tha tak hnuaia Ward chhung mipuite tana bawlhhlawh bawm semna an nei thei chu lawmawm a tih thu a sawi a ni.

29/05/2026

*ZORAM PEOPLE’S MOVEMENT (ZPM)*
*Southern Hqrs : Lunglei – 796701. Mizoram*

*PRESS RELEASE NO 82 OF 2024-2026.*

*LUNGLEI SOUTH BIAL MAMTE KHUA AṬANGIN ZPM ZAWM THAR MI 53 leh ṬAWIPUI SOUTH-II UNIT ATANGIN MI 26 AN VAIIN MI 79 LAWMLUHNA HUN PU LALRAMLIANA PAPUIA MLA CHUAN A HMANG.*

Dated Lunglei: the 29th May 2026 (Zirtawpni) Vawiin khan Pu Lalramliana Papuia MLA Lunglei South chuan a bialchhung Thlengang, Mamte, Thingfal leh Ṭawipui South khua te tlawhin Unit te leh Khawtlang hruaitute nen inkawmhona hun an hmang a, Mamte khua hun hmannaah hian ZPM zawm thar mi 53 lawmluhna hun a hmang nghal bawk.

Pu Lalramliana Papuia MLA Lunglei South chuan lawmluhna hunah hian thusawi in, Thingtlang khaw ṭhenkhat te'n hna ṭhulh a MLA te an lo dawngsawng ṭhin chu ṭhalo a tih thu sawiin, khawtlang tan a thil pawimawh leh mahni hna ṭul kalsan a MLA lo dawnsawn hi a ṭul berlo a ni tiin, Mi tamtak tan MLA hmu turin thingtlang atangin hmun hla tak tak pan te angai thin a, kan hun leh tha sum leh pai te seng lo thei ang berin khawtlang kan lo tlawh hunah te inthlahrung hauhlo in min be thei reng a chumi tur atan te pawh chuan khawtlang kan tlawh fo thin a, chutiang hun a theilo tan pawh phone hmangin an dilna te lehkha thlalak hmang te pawhin amah emaw a PA hnenah thawn mai ṭhin tur a ti in, sum leh pai tha seng a MLA te va hmuh tum kher chu a ṭha ber chuanglo ani a ti.

Pu Papuia MLA chuan, Hmun thenkhatah zirtirtu te MLA hriatpui a, ai kal la an awm thin ni a thu dawn thu sawiin, tumah hi ai kal zirtirtu la tur a hriatpui a neihloh thu a sawi a, chutiang lo sawi an awm anih chuan Dawt ani tih minlo hriatpui rawh u a ti bawk. Hall tha leh Development lang thei hnathawh ai chuan mihring kan inpuih tawn hi a hlu zawk ani tiin, Damlo mangang leh rethei harsa te kan chhawmdawlnaah fund kan hmang nasa deuh anih pawhin thildang lang thei hmasawnna lamah kan lo thawk tlem zawk ta deuh anih pawhin a lawmawm lamah i ngai ang u. Mihring in ngaihsak tawnna hi thil hlu tak ani a ti.

Pu Papuia MLA Lunglei South chuan, Khawtlang huap rilru hi pu hram hram ṭhin tur a kalkhawmte chu chahin, khawtlang mi nawlpui in hmasawnna an chhawr theih tur enge tih hi ngaihtuah tlang i la, Ministry hmasa lamah te Party bel fuh mi tu emaw ten an hausak phah thur thur thin a, tunah chuan Block leh Unit ang pawhin khawtlang huap hmasawnna tamtak, tute pawhin an chhawr theih tur rilru kan pu chho mek a a lawmawm hle ani a ti a, khawtlang tan a ṭhahnem ngai tak a Solomon-a ang a rilru dik taka, dil dan dik tak a kan dil chuan keini MLA te tan pawh puih a phurawm bik em em a ni tiin, Khawtlang mipuite pawhin hruikhat vuan ula ka then kai ang che u tih ang khan hruikhat in vawn thiam a thawhhona a that chuan hmasawnna hi a awm zel ang a ti bawk.

Mamte khua atang a lamwluhte chu
MNF - 8
INC - 27
Neu - 18
An vaiin mi 53 te an ni.

ZPM Ṭawipui South Unit-II aṭangin vawiin vek hian mi 26 lawmluh an ni bawk.

INC-23
Neutral-3.

Ṭawipui South aṭang a lawmluh zingah hian Ṭawipui South INC Unit President ni lai Pu V. Hmingchungnunga chu lawmluh zingah hian a tel bawk.

Heti hian vawiin a Lunglei South bialtu MLA Pu Lalramliana Papuia lawmluh zawng zawng chu mi 79 an ni.

Vawiin Pu Papuia MLA Lunglei South bial fannaah hian ZPM Lungleo South Block-II hruaitu thenkhat te chuan ṭawiawmin Unit leh khawtlang hruaitu ṭhenkhat te chuan Pu Papuia MLA hi anlo dawngsawng ṭha hle bawk.

*Kalphung thar, Mipui sorkar.*
*No. ZPM-02/ZPM/SL/MEDIA/2024-26/82*

Sd/-
(C.LALRAMROPUIA)
Secretary
Media, Information & Publicity.
ZPM Southern Hqrs, Lunglei.

Dated Lunglei : the 29th. May 2026(Zirtawpni)

27/05/2026

Vawiin Ni 27th May 2026 Nilaini hian Sazaikawn Buarpui Rawpuichhip PMGSY kawng siamtu te Inkcah Infrasture Private Ltd. Company te Pu Vanlalhlana PWD Minister chuan a officeah ko-in an hna thawh mek chungchang a sawipui.

He sawihona ah hian Pu T Lalhlimpuia MLA Lunglei West pawh telin kawng siamna kawnga thawktute a duh khawp lohna leh hmachhawp an neih te tha taka thawk turin a hrilh a. He PMGSY kawng hi FDR (Full Depth Reclamation) technology a nih avangin fimkhur leh tlo tura thawk turin a hrilh bawk.
Sairang Rel kan neih tak avangin hemi kawnga motor kal tur estimate leh traffice count estimate hi a inmil dawn loh chungchangah hei aia kawng technology tha zawk nge awm thei ang tih te pawh sawi ho a ni.
He kawng dinhmun en hian a hma thei ang berah Minister leh MLA te chuan kal an tum thu Inkcah company te hi an hrilh nghal bawk.

27/05/2026

*ZORAM PEOPLE’S MOVEMENT (ZPM)*
*Southern Hqrs : Lunglei – 796701. Mizoram*

*Issue no 89 of 24-26*

Dated lunglei: the 27th May 2026 (Nilaini) Vawiin khan Pu Lalramliana Papuia MLA Lunglei South chuan a bialchhung Vaisam to Zehtet Via Sailen kawng PCC a siam tur chu Department hotute leh Contractor ho in an en.

Helai kawng hi laih tlang vek tawh niin siam ngai lai te leh a zauh ngai lai ṭul ang ang te chu sial tlang tawh niin PCC theih mai tawh tur a buatsaih a ni a, Pu Lalramliana Papuia MLA chuan helai kawng a tlang ta ringawt pawh chu lawmawm a ti in hmasawnna pakhat chu a thleng ta ani a ti a, kawng pangngai tak a a tlang theih hunah chuan Khawthlang Chawngte lam pawh a in hnaih hleih hle dawn a, he lai kawng chhawrtu tan an thlai thar hralh kawngah te pawh tangkai tak a an hman theih a beisei thu a sawi a, kuthnathawktu te tan malsawmna anih ngei a beisei thu sawiin, hmasawnna a thlen theihna atan a mamawh hmasa kawng an nei chu a lawmpui tih Pu Papuia chuan a sawi bawk.

He kawng Vaisam to Zehtet Via Sailen kawng hi k*m khat chhung a thawh zawh tur a ruahman niin Ni 2 February 2026 khan thawh tan niin, a kawng tlinglo leh zauh ngai hlek hlek chu zauh nghal ani a, tun dinhmunah hian WBM phah ṭan mek ani a, hemi phah zawh hnu hian PCC chu chhun ṭan nghal theih mai tawh tur a ruahman ani a, k*m 1 chhung a thawh zawh tur a ruahman ani bawk.

*Kalphung thar, Mipui Sorkar.*

Issued by :
Media, Information & Publicity
ZPM Southern Hqrs. Lunglei
Issue No. 89 of 24-26

Dated Lunglei : the 27th May 2026 (Nilaini).

25/05/2026

*ZORAM PEOPLE’S MOVEMENT (ZPM)*
_Southern Hqrs : Lunglei – 796701. Mizoram_

*PRESS RELEASE NO 81 OF 2024-2026.*

*‘MIPUI SORKAR THA LEH NGELNGHET A AWM ZEL THEIH NAN KEINI HO HIAN THEIH TAWP I CHHUAH ZEL ANG U’.*

- Lalduhawma President, ZPM Southern Hqrs, Lunglei

25th.May.2026:- Vawiin chawhma dar 11:00 Am khan ZPM Southern Hqrs Lunglei Chhung Inkhawm an Party Office Venglai, Lunglei-ah an hmang a, Pu.H Lalrinpuia Consultant, ZPM Southern Hqrs, Lunglei kaihhruai-ah hian Rev. Dr. R Lalbiakliana BCM chuan Hunserh hmangin Pu Lalduhawma President, ZPM Southern Hqrs, Lunglei chuan Political Sessionah thu a sawi.

Hunserh hmangtu Rev. Dr. R.Lalbiakliana chuan Jeremia 1:9-10 chhiarin Pathianin Puithiam hna leh Zawlnei hna thawk turin Jeremia a ti a, siam that ngai siam tha a, paih ngai paih a dinthar hna thawk turin hna a pe a ni. Hetiang chiah hian kan ram siam tha tur hian tun hunah ZPM Party chu Pathianin a ruat a, he hna hi hna awllai a ni lova, Jeremia pawh kha a hnaah khan harsatna tam tak a tawk a, Pathian lakah a vui hial anih kha! He ram siam tha tur leh kaihruai tura ZPM Party akohna che u ah hian a malsawmna ringawt nilovin a negative lam, chan ngai leh hrehawm tawrh ngai tam tak awm te hria a, rilru inbuatsaih turin a chah a, Pathian kohna tinghet tura ke pen zel turin kalkhawm Party mipuite a fuih a ni.

Political Session hunah thusawiin Pu Lalduhawma (Maduha) President, ZPM Southern Hqrs, Lunglei chuan tunhnaiah ngaihtuah pawh an ngaihtuah ngailoh leh ngaihtuah phalloh an President nilai Pu C Lalhmingliana (ONO) chuan Chatuan ram min pan san a,kan lungngaiin kan hotupa ber hi kan ui tak zet a, vawiinah hian kan tuar em em a, a kalsan tak a chhungkuate Pathianin awmpuiin hruai zel se, tih chu kan tawngtaina a ni a ti.

Pu Maduha President chuan kan hotupa kan channa ah hian indawm kun reng thei reng kan nihloh avangin Meeting te neiin kan Party Dan Bu angin Executive Committee chuan fimkhur leh felfai takin hruaitu a siam rem a, hetah hian President nihna chanvo a chungah a tla ta tih sawiin, finna lamah te, thiamna lamah te, thil kawng hrang hrangah ka pachhiat zia ka inhria a, mahse he chanvo ka chungah a tlak takah hian Party mipuite leh kan hotute chu ka innghahna an ni a, an thawhpuina tha ka mamawh a, vawiinah hian thawhpuiah ka sawm a ni’a ti.

ZPM Southern Hqrs, Lunglei President thar Pu Maduha chuan kan Partyah hian kan hotute hi an fimkhur hle thin tih sawiin, Party chhungkuaah hian inlungruallohna awm thin hi Party chhiatna a ni fo thin a, chuvangin hrui khat vuan turin hma an la a, Pathianah an lo inkawltir thin a, chu chuan a malsawmna min chan tir thin tih sawiin, hun lokal zel turah pawh hian lungrual taka kal zel tur leh nghet taka inthlung khawm a kan lo kalphung tawh chu vawngnung zel turin kan Party mipuite leh kan hotute kan ngen a ni a ti.

Political Party a kan awmnaah hian Member leh hruaituteah te bik leh lian bik, pawimawh bik leh pawimawh lo bik kan awm lova, kan zavaiin, kan pawimawh vek a, kan theihna leh chaknate kan thawh khawm hian Party chak alo piang mai a ni Pu Maduha President chuan a ti. Vawiinah hian Kalphung thar, Mipui Sorkar alo piang a,hetah hian duhsak bik tumah an awm lova, Sorkar hnalak leh mipui chanvo awm thei ang chi te ah hian dik leh felfai, Dan hmanga thil kalpui zel a ni a, chumai bakah Kuthnathawktute thlengin an ham thatna tur chu Sorkarin a ngaipawimawh a, theih tawp chhuahin a kalpuiin hma ala mek zel a ni tiin, Mipui Sorkar tha leh hmasawnna a awm zel theihna turin keini Party hruaitu leh mipuite hian theih tawp i chhuah zel ang u tiin, kalkhawm mipuite a sawm a ni.

*Kalphung thar, Mipui sorkar.*
*No. ZPM-02/ZPM/SL/MEDIA/2024-26/81*

Sd /-
(RODINGLIANA KHIANGTE)
General Secretary
Media, Information & Publicity.
ZPM Southern Hqrs, Lunglei.

Dated Lunglei : the 25th. May 2026(Thawhtanni)

25/05/2026

*ZORAM PEOPLE’S MOVEMENT (ZPM)*
_Southern Hqrs : Lunglei – 796701. Mizoram_

*PRESS RELEASE NO 80 OF 2024-2026.*

*ZPM, LUNGLAWN VENGHNUAI UNIT BUATSAIH MITHAR 52 LAWMLUHNA HUN, BIALTU MLA PU LALRAMLIANA PAPUIA HOVIN HMAN A NI .*

*Party pakhat chauh MLA ni lovin, Mipui MLA nih hi ka duh ber a ni.*
-Lalramliana Papuia MLA, Lunglei South.

Dated Lunglei: the 25th May 2026 (Thawhtanni)
Ni 23.5.2026 zan dar 8:30 khan Pu Lalramliana Papuia MLA Lunglei South chuan Lunglawn venghnuai Unit buatsaih lawmluh inkhawm chu telpuiin, Party hrang hrang atang a ZPM zawm thar mi 52 te ZPM Party-ah a lawmlut.

Pu Lalramliana Papuia MLA Lunglei South chuan lawmluhnaah hian thusawiin, hmun hrang hrangah Khuallian te niin mi hrang hrangte nen hun pawimawh tak tak hmangho thin mahse, MLA anihna zawn atang chuan Party bulṭhut Unit te nen a hun hmanho chu a nuamin phurawm bera a hriat thu a sawi.

He huna ZPM zawm tharte hi
MNF – 14
INC – 27
Neu – 11
An vaiin mi 52 te chu ZPM-ah a lawmlut a ni.

ZPM Member te chu Party dang atang a kalkhawm an nih thu Pu Papuia MLA chuan sawiin, tuna vote nei tam zawk hi chu ZPM alo pian hmaa party danga awm ṭhinte an ni a. Thil ṭha leh hmasawnna beisei a, kalphung thlâk duh avanga kalkhawmin ZPM chu lo piang ta ani tih sawiin, ṭhuthmun an insawn chhan ang taka ram tan thawkho turin member kalkhawm te chu a sawm a ni.

Pu Lalramliana Papuia MLA Lunglei South chuan, Party Pakhat bil MLA ang chauha lan a tumloh thu leh ṭha a tih loh thu sawiin, ZPM memberte chauhin an vote avanga thlan tlin a ni lova; Pathian hnathawh piah lamah neutral vote leh party dang chhuahsan chuang lova party dang member amah duhsaktute pawhin an puihna azara hlawhtling nia a inngaih thu a sawi. Chuvangin *Mipui MLA ti a miin an sawi chu a duh ber* thu a sawi.

Lang thei hmuh theih hmasawnna chu MLA/Local Council leh Sorkar chak tehna atan hman ani thin a, lang thei hmasawnna chu an tih tur anih tho rualin khawtlangah Pathian ram a lo thlen theihna tur chuan tisa mamawh bulpui ngaihtuahpui hmasak kan mamawh a, chuvangin Riangvai leh Rethei te khaichhuah chu an party thil tum hmasa ani tiin, hetiang zawng hian ZPM chuan hmalakna pawh a kalpui thu a sawi.

Hall leh Indoor Stadium lian pui pui neihte kan mamawh tho rualin, mi rethei leh harsa zawk ten kan mamawh hmasa zawk chu kan nitin ei tur thawhchhuah leh damloh nikhuaa inenkawlna turte a ni ṭhin tih MLA Pu Papuia chuan tarlangin, heng hi hre rengin Sorkar chuan Kuthnathawkte Thlai thar leisak dan a ruahman a, Damloh manganna nikhuaah Rethei/harsa zawk ten inenkawlna tha an neih ve theihna nan Health Care system (MUHCS) tha tak a duang chhuak bawk a. Khual khuaa boralte ruang an in leh lo thlensakin, K*m Upa leh rualbanlote Chhawmdawlna sum dawn ṭhin chu a let engemawzatin a tihpunsak bawk a ni a ti.
Heng bakah hian harsa zawk ten an chhawr tam theih nan a neinung zawkte buhfai man tisangin MLA leh Officer liante phei chu ration buhfai lak tihtawpsak tam tak an awm thu a sawi.
Heng bakah mi harsate khai chhuahna tur thil tam tak a duan atang hian tun sorkar hi Sorkar tha kan ti ngam a ni, Pu Papuia chuan a ti bawk.

*Pu Lalramliana Papuia MLA chuan, a bial mi harsa rethei mangang te tanpuina tur atan Unit ten a bula tanpui ngai an sawi chu tihhlawhtlinsak loh a neih a la hriat loh thu sawiin, hun kal zelah pawh Mi rethei harsa zawkte tanpuina atan chuan a MLA Fund chu ui a tumlo tih a sawi bawk.*

Duhthusam, Duh khawp tling MLA kan awm ngai dawnlo a, mipui huat zawng a awm a, mipui leh Pathian pawi khawih hi a pawi ber a ni tih Pu Papuia MLA chuan sawiin, a tha lamah an duhthu kan sam theilo anih pawhin Mipui leh Pathian pawi khawih chu theihtawp a inven an tum tur a ni tih a sawi a. Dik taka Pathian tihna nena kal turin party hruaitute pawh a sâwm bawk.

Inrinni zan lawmluh inkhawm hi Pu Rokunga Kingbawl Sr Vice President Lunglawn Unit te inah hman ni in Pu C. Fakzuala Sr. Vice President ZPM Southern Hqrs, Lunglei pawhin thusawina hun a hmang a, Pu J. Sangkhuma President, Lunglawn Unit chuan a kaihruai a, Upa H. Rohmingliana chuan hunserh hmangin Block leh Unit Report ngaihthlak anih bakah lawmluh ai awhin Pu A. Remsangpuia chuan thusawina hun a hmang bawk.

*Kalphung thar, Mipui sorkar.*
*No. ZPM-02/ZPM/SL/MEDIA/2024-26/80*

Sd /-
*(C. LALRAMROPUIA)*
Secretary
Media, Information & Publicity.
ZPM Southern Hqrs, Lunglei.

Dated Lunglei : the 25th. May 2026(Thawhtanni)

25/05/2026

Full video: https://youtu.be/PY5FzE0q8fI?si=zAlpnVGxGIS4E4WF

19/05/2026

MUP Run chu Mipui thawhlawm hmanga sak a ni- K.Lalrinawma

LMC Ward No. VII Chanmari ah Ward councillor Pu K.Lalrinawma hmalakna-a sak MUP Run chu hawn a ni.

Chanmari MUP Run Rev. H.Lalhmingmawia Admintrative Secretary, Chhimbial Synod in hawngin thusawiin Pu Mawitea chuan Pathian in upa te ah finna a dah avangin Run pawh hi finna lo chhuahna a nih tur thu a sawiin hlim taka an hun hmanna hmun a nih ngei a rin thu a sawi.

Ward councillor Awmtea chuan he Run hi Property tax hmanga sak a ni a, chanmari mipui ten kan thawhlawm hmangin Upa Run kan sa a, mipui tan ho na vang chauh a ni a ti a, an hmun hma tha tak hman tirtu Branch YMA te chungah thinlung taka lawmthu sawiin an hman tir mai ni lovin phur takin thil tul tam tak min tih sak a ti bawk. Chanmari chu k*m upa, naupang leh hmeichhia te himna veng a ni a ti.

MUP Secretary Pu C.Lalhmingliana chuan chanmari MUP chu k*m 1978 a nih thu sawiin MUP Run nei lova hun rei tak an awm hnuah Run an nei thei ta chu MUP tana ni chhinchhiah tlak a nih thu a sawi.

He hunah hian veng chhunga NGO hruaitute leh party lam hruaitute an tel bawk.

17/05/2026

11th, May, 2026 (Thawhṭanni) khan Pi Lalrinpuii Minister chu ZPM Southern Hqrs, Lunglei chuan India ram chawimawina Women Icon Award lawmman a lak chawimawina hun an hmang a, Lunglei East bial aṭangin mi 425 lawmluhna hun a hmang nghal bawk.

ZPM Southern Headquarters, Lunglei

03/06/2026

01/06/2026

29/05/2026

27/05/2026

27/05/2026

25/05/2026

25/05/2026

25/05/2026

19/05/2026

17/05/2026

Address

Website

Alerts

Shortcuts

Share

Category