District Child Protection Unit Lunglei, Venglai, Lunglei (2026)

06/05/2026

Dt 10.4.2026 khan District Child Protection Unit (Child Helpline 1098) Lunglei te chuan Anganwadi,Primary School,Middle School Hrangchalkawn,Middle School Sethlun leh Bethesda Higher Secondary School ah te kal in naupag venhim pawimawhna leh naupang himna leh hlimna hi puitling te chung ah a innghah zia hrilh hriat thar a ni.Tin,naupang k*m 18 hnuai lam ten harsatna an tawh in engtin lai pawn 1098 hi a thlawn in an biak theih thu leh,naupang tu pawn harsatna tawk se,puibawm turin Child Protection kan awm thu hrilh an ni.

06/05/2026

*Lunglei District khaw 8 (pariat) -ah Child Protection chungchang sawihona neih a ni*
Dt. 23.04.26 (Zirtawpni) khan District Child Protection, Lunglei Office ai awhin Pu David Zaitinvawra , District Child Protection Officer (DCPO), Robin Lalramnuama, Counselor CHL Joseph Laltlanmawia, Outreach Worker leh TC. Lalruatfeli, Supervisor CHL te chuan Lunglei atanga Tlabung inkar khaw hrang hrang-ah leh a chhehvel khaw awmah te programme neiin an fehchhuak.

He hunah an hian khaw hrang hrang pariat (Hauruang, Pachang, Phairuangkai , Chhumkhum, Lungsen, Tuichawng, Tlabung leh Tablabagh) tlawhin , khaw tina Village Council member-te leh khawtlang hruaitu mi pawimawh awm ang angte nen inkawm hona hun neih a ni. Khawtlang hruaitute hnenah hian an khua a School awm zawng zawnga tar tur Child Helpline Poster pek vek an ni. Inkawm hona ah hian khawchhung atanga naupang sponsorship dawng mek te hriattirna leh sponsorship awmzia leh naupang chhungkaw khawsak harsa tak, hetiang lama dawng awm an awm chuan a tul anga hma lo lakpui tur te a sawm an ni.

Child Protection hnuai a hnathawh hrang hrangte hriattirna leh Child Helpline No 1098 chungchangte hrilh hriatna te pawh neih nghal bawk an ni. He programme in a tum ber mipuite a tam thei ang ber 1098 hrilh hriat leh puanzar chungchang pawh a theih ang ang a kalpui niin, kawngkam hotel leh thingpui dawr hrang hrangah te Child Helpline No 1098 poster engemawzat te tarin, hriattur awm ang angte hrilh hriat nghal bawk an ni.

Tin, hemi bakah Synod Home Mission School, Tuichawng te tlawhin, an zirtirtute ho nen child related issue te sawihona neihpui niin, naupang leh a kaihhnawih thilah harsatna emaw tanpui ngai an awm chuan a thlenna tur hmunna a rang lama thlen nghal vat thin tur leh thawk ho zel tura sawm bawk an ni.

Synod Home Mission School zirlai te zingah naupang venhimna chungchang Awareness Campaign neih nghal a ni a, naupangte dikna chanvo leh an mawhphurhnate hrilhhriat an ni a. Child Helpline chungchangte pawh an hriatthiam tur ang tawka hrilh leh zirtir an ni.
Naupang venhimna chungchanga khawltang hruaitu nena inkawmhona neih hi a hlawk thlak hle nia hriat a ni a, Lunglei district khaw dangah pawh hetianga khawtlang hruaitute nena inkawmhona leh inrawnkhawmna hi neih chhunzawm zel tum a ni.

28/04/2026

Dt.27.04.2026 khan District Child Protection Unit (DCPU), Lunglei te chuan Government Middle School Electric Veng, Lunglei ah Juvenile Justice (Care and Protection of Children) Act, 2015 leh The Protection of Children from Sexual Offences Act, 2012 chungchang ah awareness neih a ni.

He hun hi R. Lalruatpuii, IV semester MSW (interns), Bosco Institute, Jorhat a zirlai in kaihruai in.
C. Lalenkawli, DEO(JJB) DCPU Lunglei leh R.Lalthansanga, Juvenile Justice Board Member ten thu an sawi a ni.

Pi C. Lalenkawli chuan Govt. Middle School Electric Veng, Lunglei zirlai naupang te hnenah District Child Protection Unit hnawthawh leh Juvenile Justice (Care and Protection of Children) Act, 2015 hnuai a awm Children in Need of Care and Protection (CNCP), Children in Conflict with Law (CCL), Child Welfare Committee, Juvenile Justice Board leh POCSO Act,2012 chungchang ah zirtirna leh hriattur pawimawh te hrilh hria in, naupang te chu Child Helpline 1098 kal tlang a tanpui theih reng an nih thu hrilh an ni a.
Pu R .Lalthansanga, Juvenile Justice Board Member chuan social media in a naupangte a ṭha lo zawng a ngawng a neih theih dan te leh cyber crime chungchang a hmeichhia te fimkhur a tul zia a sawi a ni.

28/04/2026

*PYD Ramthar Local te tan Child Protection Awareness Campaign hmang*
Dated Lunglei 26th April, 2026: District Child Protection Unit (DCPU) Lunglei huaihawtin Penticostal Youth Department (PYD) United Penticostal Church, Ramthar Veng Lunglei-ah ni 26/4/2026 hian Child Protection Awareness Campaign hman a ni. He programme hi VL Remruata Zadeng, President PYD, Ramthar Local chuan a kaihruai a, inhmelhriat tirna a neih hnuin Resource Person, Pu David Zaitinvawra, District Child Protection Officer, chuan naupang venhimna chungchangah thusawina hun a hmang.
Pu David Zaitinvawra chuan Lunglei district chhunga naupangten venhim leh ngaihsak an mamawh zia sawiin thalaite pawhin naupang himna kawngah tih tur leh mawhphurhna pawimawh tak an neih thu a sawi a. Naupangte himnna leh tha taka enkawl an nih theih nan nu leh pate finchhuahtu ni turin thalai rualtet a sawm a. Hemi kawnga sawrkar hma lakna te ral thlir mai lova a theih anga tawiawm thin turin a sawm bawk a ni.
He hunah hian naupang venhimna dan - The Juvenile Justice (Care and Protection of Children) Act, 2015, The Protection of Children from Sexual Offences (POCSO) Act, 2012 bakah Prohibition of Child Marriage Act, 2006 chungchanga hriat tur tlangpui te tarlan a ni bawk. Tunlai khawvel hmasawnna hmanga awlsam taka naupangte chungchang report theihna Child Helpline chungchang pawh tarlan a ni bawk.
Tunlai khawvel hi thalaite khawvel a ni tih sawiin Pu Davida chuan thalai rualte chu naupang venhimna kawnga thawhho puiah a sawm a, zawhna leh chhanna hun te hman a ni bawk a, he programme hi kalkhawm ten hlawk thlak an ti hle.

17/04/2026

Dt 15.04.2026 (Wednesday) hian Pi S. Lalrotluangi (Legal/Probation Officer), District Child Protection Unit, Lunglei leh Romel Laldinmawia & R. Lalruatpuii, MSW (interns), Bosco Institute, Jorhat te chuan Tawipui North-II leh Mamte ah te kalin, naupang k*m 18 hnuailam ten buaina leh harsat na an tawh a, engtik lai pawh a an biak pawh theihna number Child Helpline 1098 awareness neih a ni.

Tawipui North-II ah hian an VC Secretary nena inkawm hona neih niin, hemi rual hian Tawipui North-II a school hrang hrang a tar tur Child Helpline 1098 poster hlan a ni.

Mamte ah hian school pathum- Govt. Primary, Middle leh High School ah te Child Helpline 1098 tangkaina leh pawimawhna hrilh hriat a ni a, Child Helpline Poster tar nghal bawk a ni. Hemi rual hian Mamte khawtlang hruaitu te hnenah an khawchhung a naupang Sponsorship dawng te ngaiven leh bawhzui tura ngen an ni.

10/04/2026

Dt 09.04.2026 (Thursday) hian Pu David Zatinvawra District Child Protection Officer, District Child Protection Unit Lunglei leh Romel Laldinmawia & R. Lalruatpuii MSW (intern), Bosco Institute, Jorhat te chuan Thingfal, Tawipui South, Tawipui North-I & TAWIPUI north-II Village Council President te hmu in, naupang venhimna chungchang sawiho a ni a, naupang k*m 18 hnuai lam ten buaina leh harsatna an tawh a, engtik lai pawh a an biak pawh theihna number Child Helpline 1098 tangkaina leh pawimawhna hrilhhriat an ni.

Thingfal ah hian Village Council President hmuh niin Child Helpline (CHL) Banner khawchhung hmun langsar laia tar tur leh school hrang hranga tar tur Poster bakah Child Helpline leaflet a remchan anga semchhuah turte Thingfal Village Council President kutah hian hlan a ni.

Tawipui South khua ah pawh Child Helpline Banner leh poster hi Village Council member te nen vantlang hmun langsar laiah tar a ni a, heng bakah hian school hrang hrang a tarchhuah tur poster pek tel nghal an ni. Tawipui South khawtlang hruaitute hian khaw chhung a Sponsorship dawngtu ten an hman tangkai dan lo enzui tura ngen an ni. Khawtlang hruaitute nen hian inkawmhona hun tha tak neih a ni.

Tawipui North-I Village Council kaihruaina hnuaiah Anganwadi ah leh Panchayati Bhavan, Tawipui North-I ah Child Helpline poster te tar nghal niin, heng bakah hian school hrang hranga tar tur pek a ni. Hemi bakah hian Tawipui North-I khawchhung a naupang Sponsorship dawng te ngaihven leh bawhzui tura ngen an ni.

Tawipui North-II ah hian an Village Council President te nen inkawmna hun neih a ni a, hemi ah hian Sponsorship dawng tute bawhzui chungchang leh naupang venhimna chungchang thu pawimawh tâk tâk sawiho a ni.

Hemi ni hian Lawngtlai Children’s Home ah naupang pathum dah phei nghal an ni a, Pi Mary Lalremruati, District Child Protection Officer, District Child Protection Unit, Lawngtlai pawh a office ah tlawhin inkawm ho na hun neihpui nghal a ni bawk.

27/03/2026

Vawiin ni 27.03.2026 hian District Child Protection Unit, Lunglei District buatsaihin Tawipui South mipui te hnenah Digital Literacy and Cyber Security in connection with POSCO Act, 2012 and Child And Adolescence Labour Act, 1986 chungchang ah Awareness Programme hman a ni.
He hun hi Pu C. Lalthanzama VC, Tawipui South in kaihruaiin, Pu David Zaitinvawra District Child Protection Officer, District Child Protection Unit, Lunglei-in thu a sawi a ni.

Pu David Zaitinvawra chuan Tawipui South mipui te hnenah naupang enkawl dan tur tul pawimawh te, chhungkaw mawhphurhna te leh nu pawimawhna te a sawi lang a ni. Tin, social media hman fimkhur a tul zia leh POCSO act hrang hrang te leh a hremna dan te sawiin naupang mai bakah nu leh pate fimkhur lehzual a tul thu a sawi bawk a ni.

Child & Adolesence Labour act 1986 chungchangah zirtirna leh hriattur pawimawhte mipui lokal khawm hmaah a sawi a. Child Labour nihphung leh hei hi danin a khap thu te, a tih tirtu te chungah danin hremna a lekhawh theih dan hrang hrang te a sawi a ni.

Kalkhawm te hi NL Ruthi Vanlalhmangaihi ORW DCPU chuan thiam tak in zai in a awi a Pu R. Lalrinzuala, DCPU chuan lawmthusawi na nei in he hun hi khar a ni.

Awareness Programme hman hi Tawipui South mipui leh naupang kal khawm te hian hlawkthlak an tih bakah naupang an enkawl zelna tur atan tha an ti hle a ni.

26/03/2026

Preparation of Children and Families under Sponsorship programme hun hman a ni.

25 March 2026 chawhnu dar 2:00pm khan District child Protection Unit Lunglei te chuan Lunglei District chhung a Sponsorship la tu te pual in Convention centre Lunglei ah hun hman a ni.
Pu David.Zaitinvawra District Child Protection Officer chuan he hun hi kaihruai in Rev.Laldingliana Presbetery Superintendent EFCI Chuan Hun Serh a hmang in, Pu.J.Lalmuankima Superintendent Of Police chuan Khuallian ni in he hun hi a hmanpui a ni.

Khuallian chuan thusawi in chhungkaw harsa ten an fate enkawlna tur leh an School kal na tur sorkar a tang a pawisa an dawng chu a Lawmpui thusawi in, an pawisa dawn te a lo thlawn a hmang mai lo in tangkai tak a hmang tur leh a nih na ang tak a hmang tur a chah in, a mah ngei pawh Thingtlang Naupang a nih thin thusawi in taihmak na leh tum ruhna kan neih chuankan hlawhtling thei a ni tih sawi in, Naupang lokal khawm te pawh tumruhna leh taihmak na nen a Lehkha zir a hlawhtling ngei tur in a chah a ni.

Hemi hnu hian Pi. S.Lalrotluangi LPO DCPU chuan thu sawiin POCSO chung chang sawi in,Puitling mai nilo Naupang te pawhin he dan hi an lo bawhchhe thei a he dan hian Hmeichhia chauh nilo in Mipa te pawh a huam thu a sawi,JJ Act chung chang te, Child marriage chung chang leh tunlai a India ramin kan buaipui Child Labour Naupang k*m 14 hnuailam hnathawk tura chhawr luih chung chang te sawi in heng dan hi kal khawm te hma ah a sawifiah a ni.

Hemi hnu hian Pi Zokhumi PO (NIC) DCPU chuan thusawi leh in Sponsorship kal phung leh a dawng thei chunchang te sawi in, Sponsorship dawngtu te chu an pawisa dawn te a nihna ang tak a hmang tur a chah in, Sponsorship hi mahni duh leh mamawh zawng leina tur nilo in, kan tu kan fa ten Lei rem an rah a an dinhmun a lo zia awm nan an School kal na tur a tang leh Naupang a bik a enkawl ngai te enkawl nan Central sorkar in a pek a nih thu te a sawi a ni.

Kalkhawm te hi NL Ruthi Vanlalhmangaihi ORW DCPU chuan thiam tak in zai in a awi a Pu. Joseph Laltlanmawia ORW DCPU chuan lawmthusawi na nei in he hun hi khar a ni.

He hun ah hian Sponsorship dawngtu Naupang, Nu leh Pa te leh an chhungte mi 350 vel an kalkhawm a ni.

24/01/2026

Training of Parents on Digital Literacy and Cyber security in connection with POCSO Act, 2012 & PCM Act, 2006 @ Lalnutui and Lungrang South, Lunglei District.

17/01/2026

Training of Parents on Digital Literacy and Cyber security in connection with POCSO Act, 2012 & PCM Act, 2006 @ Lungsen, Tlabung and Tuichawng Lunglei District

District Child Protection Unit Lunglei

06/05/2026

06/05/2026

28/04/2026

28/04/2026

17/04/2026

10/04/2026

27/03/2026

26/03/2026

24/01/2026

17/01/2026

Address

Telephone

Website

Alerts

Shortcuts

Share

Category