Krishna District Police

06/09/2026

కృష్ణా జిల్లాలో శాంతి భద్రతల పరిరక్షణకు ప్రత్యేక పోలీసు చర్యలు - చెడు నడత కలిగిన షీట్ హోల్డర్స్‌ కు కౌన్సిలింగ్.

జిల్లాలో నేరాల నివారణకు, చెడు నడత కలిగిన వ్యక్తుల ప్రవర్తనలో మార్పు తీసుకురావడానికి, మరియు సమాజంలో శాంతి భద్రతలను మెరుగుపర్చడానికి కృష్ణా జిల్లా ఎస్పీ శ్రీ వి. విద్యా సాగర్ నాయుడు గారి ఆదేశాల మేరకు పోలీసు అధికారులు ప్రత్యేక చర్యలు చేపడుతున్నారు.

ఈ చర్యలలో భాగంగా, వివిధ పోలీస్ స్టేషన్ల పరిధిలో నివసించే రౌడీలు, డీసీలు, కేడి, మరియు సస్పెక్ట్ షీట్ హోల్డర్స్‌ను గుర్తించి వారికి కౌన్సిలింగ్ నిర్వహించారు. ఈ కౌన్సిలింగ్‌లో వారికి సత్ప్రవర్తన మరియు చట్టపరమైన జీవన విధానాన్ని అవలంబించాలనే సందేశం అందజేశారు. భవిష్యత్తులో నేరాలకు పాల్పడితే కఠిన చర్యలు తప్పవని వారిని హెచ్చరించారు.

మరలా మరలా నేరాలను పునరావృతం చేసే వారిపై మరింత కఠిన చర్యలు తీసుకోవడం తప్పదని స్పష్టం చేశారు. చెడు నడత కలిగిన వారి యొక్క ప్రవర్తనలో మార్పు వచ్చేలా చేయడమే కాకుండా, భవిష్యత్తులో సమాజానికి మంచి సేవలను అందించాలని వారికి అవగాహన కల్పించారు. అలాగే, జిల్లా పోలీస్ అధికారులు ఈ కార్యక్రమంలో పాల్గొన్న ప్రతి వ్యక్తికి తమ బాధ్యతలను వివరించి, నేర నిరోధానికి అవసరమైన చర్యలను వివరిస్తూ వారికి పలు సూచనలు, సలహాలు ఇచ్చారు.
Andhra Pradesh Police

06/09/2026

జిల్లా వ్యాప్తంగా ముమ్మర వాహన తనిఖీలు రోడ్డు ప్రమాదాల నివారణే లక్ష్యం.

కృష్ణా జిల్లా ఎస్పీ శ్రీ వి. విద్యాసాగర్ నాయుడు, ఐపీఎస్ గారి ఆదేశాల మేరకు జిల్లా వ్యాప్తంగా పోలీస్ అధికారులు మరియు సిబ్బంది ముమ్మర వాహన తనిఖీలు మరియు 'విజిబుల్ పోలీసింగ్' నిర్వహించారు.

జిల్లాలో రోడ్డు ప్రమాదాలను నివారించడం, అక్రమ రవాణాను అడ్డుకోవడం మరియు అవాంఛనీయ సంఘటనలు జరగకుండా నివారించడమే లక్ష్యంగా ఈ తనిఖీలు చేపట్టారు.
తనిఖీల సందర్భంగా అన్ని రకాల వాహనాలను ఆపి డ్రైవింగ్ లైసెన్స్, ఆర్.సి (RC), పొల్యూషన్ మరియు ఇన్షూరెన్స్ వంటి కీలక పత్రాలను క్షుణ్ణంగా పరిశీలించారు.

మోటార్ వెహికల్ యాక్ట్ నిబంధనలను ఉల్లంఘించిన వారిపై, ముఖ్యంగా హెల్మెట్ ధరించని వాహనదారులపై భారీగా చలాన్లు విధించారు.

మద్యం సేవించి వాహనాలు నడుపుతున్న వారిని గుర్తించి, వారి వాహనాలను సీజ్ చేయడంతో పాటు కఠిన కేసులు నమోదు చేశారు.
గంజాయి, మద్యం మరియు ఇతర నిషేధిత వస్తువుల అక్రమ రవాణా జరగకుండా వాహనాల డిక్కీలను, అనుమానాస్పద వ్యక్తుల బ్యాగులను తనిఖీ చేశారు. ప్రజల రక్షణే పోలీసుల ప్రాధాన్యత అని, వాహనదారులు తప్పనిసరిగా ట్రాఫిక్ నియమాలను పాటించి పోలీసులకు సహకరించాలని ఎస్పీ గారు కోరారు.

మద్యం సేవించి వాహనాలు నడపడం వల్ల తమ ప్రాణాలతో పాటు ఇతరుల ప్రాణాలను కూడా ప్రమాదంలోకి నెట్టవద్దని హెచ్చరించారు. జిల్లా వ్యాప్తంగా ఇటువంటి తనిఖీలు నిరంతరం కొనసాగుతాయని స్పష్టం చేశారు.
Andhra Pradesh Police

06/09/2026

భక్తి ముసుగులో ప్రజలకు అసౌకర్యం కలిగిస్తే ఊరుకునేది లేదు.

డీజే ఆపరేటర్లతో సమావేశంలో ఉయ్యూరు సీఐ టీవీవీ రామారావు.

రాబోయే గణేష్ నవరాత్రుల సందర్భంగా భక్తులకు, ప్రజలకు ఎటువంటి అసౌకర్యం కలగకుండా వేడుకలు ప్రశాంతంగా జరిగేలా అన్ని చర్యలు తీసుకోవాలని కృష్ణా జిల్లా ఎస్పీ శ్రీ విద్యాసాగర్ నాయుడు, ఐపీఎస్ వారు ఇచ్చిన ఆదేశాల మేరకు, గన్నవరం డిఎస్పి శ్రీ ధర్మేంద్ర గారి సూచనలతో, ఈరోజు ఉయ్యూరు టౌన్ పోలీస్ స్టేషన్‌లో డీజే ఆపరేటర్లతో ఉయ్యూరు సీఐ టీవీవీ రామారావు సమావేశం నిర్వహించారు.

ఈ సందర్భంగా సీఐ మాట్లాడుతూ, పబ్లిక్ ప్రదేశాల్లో డీజే ప్రదర్శనలు నిర్వహించేటప్పుడు నిర్వాహకుల ఆకాంక్షలకు అనుగుణంగా కాకుండా, చట్ట నిబంధనలు మరియు పోలీసుల ఆదేశాలకు అనుగుణంగా డీజే ఆపరేటర్లు పనిచేయాల్సి ఉంటుందని స్పష్టం చేశారు.

1. డీజే ప్రదర్శనకు నిర్వాహకులు పోలీసుల అనుమతి తీసుకున్నారో లేదో ముందుగానే నిర్ధారించుకోవాలి.
2. డీజే బాక్సులు అమర్చిన వాహనం వెడల్పుకు మించి బయటకు ఉండకూడదు.
3. నిర్దేశించిన శబ్ద పరిమితికి మించి సౌండ్ పెట్టకూడదు.
4. డీజే వాహనం వల్ల ట్రాఫిక్‌కు ఇబ్బంది కలగకుండా డ్రైవర్ నిరంతరం అప్రమత్తంగా ఉండాలి. డ్రైవర్‌తో పాటు డీజే ఆపరేటర్ కూడా బందోబస్తులో ఉన్న పోలీసుల సూచనలకు అనుగుణంగా పనిచేయాలి.
5. నిర్దేశించిన సమయం ముగిసిన వెంటనే డీజేను నిలిపివేయాలి.
6. మతాలు, కులాలు, వర్గాలు లేదా రాజకీయ పార్టీల మధ్య విద్వేషాలు, ఉద్రిక్తతలు రెచ్చగొట్టే విధంగా పాటలు, డైలాగులు ప్లే చేయకూడదు.

అధిక శబ్దంతో డీజేలు నిర్వహించడం వల్ల వృద్ధులు, అనారోగ్యంతో బాధపడుతున్నవారు, గర్భిణులు, పసిపిల్లలు తీవ్ర అసౌకర్యానికి గురవుతారని సీఐ గుర్తుచేశారు. విద్యార్థుల చదువుకు, సాధారణ ప్రజల ప్రశాంతతకు కూడా భంగం కలుగుతుందని తెలిపారు.

డీజేల విషయంలో ప్రజల నుంచి పెద్ద ఎత్తున అభ్యంతరాలు వ్యక్తమవుతున్నాయని, ప్రదర్శన వద్ద చేరే కొద్దిమంది ఆకతాయిల కోరికల కోసం ప్రజలందరినీ ఇబ్బందులకు గురిచేయడం సరికాదని స్పష్టం చేశారు. నిర్వాహకులు ప్రజల ఆకాంక్షలను, ఇబ్బందులను దృష్టిలో ఉంచుకోవాలే తప్ప ఆకతాయిల కోరికలకు అనుగుణంగా వ్యవహరించకూడదని సూచించారు.

“భక్తిశ్రద్ధలతో వేడుకలు జరుపుకునే వారికి రాత్రింబవళ్లు రక్షణ కల్పిస్తాం. అదే భక్తి ముసుగులో పోకిరి వేషాలు వేసి ప్రజలకు అసౌకర్యం కలిగించాలని ప్రయత్నిస్తే మాత్రం కఠిన చర్యలు తప్పవు” అని సీఐ టీవీవీ రామారావు హెచ్చరించారు.

05/09/2026

నైట్ రౌండ్స్ చెకింగ్‌లో భాగంగా కోనేరు సెంటర్‌లో సర్ప్రైజ్ చెకింగ్

జిల్లా నైట్ రౌండ్స్ చెకింగ్‌లో భాగంగా అవనిగడ్డ ఎస్డిపిఓ ఆర్. అభిషేక్ గారు మచిలీపట్నంలోని కోనేరు సెంటర్ నందు సర్ప్రైజ్ చెకింగ్ నిర్వహించారు. ఈ సందర్భంగా వాహనాలను పరిశీలించారు.

వాహనాల తనిఖీ సందర్భంగా వాహనదారులకు ట్రాఫిక్ నియమాలను పాటించాలని, వాహనాలకు సంబంధించిన పత్రాలను వెంట ఉంచుకోవాలని పలు సూచనలు చేశారు. రహదారి భద్రతకు ప్రతి ఒక్కరూ బాధ్యతగా వ్యవహరించాలని సూచించారు.

వాహనదారులు పోలీసుల సూచనలు పాటిస్తూ సురక్షితంగా ప్రయాణించాలని ఎస్డిపిఓ గారు సూచించారు. ప్రజల భద్రతకు పోలీస్ శాఖ నిరంతరం అందుబాటులో ఉంటుందని భరోసా కల్పించారు.

05/09/2026

నేరాల నివారణే లక్ష్యంగా జిల్లా వ్యాప్తంగా పోలీసుల ముమ్మర రాత్రి గస్తీ.

జిల్లా ఎస్పీ శ్రీ వి. విద్యా సాగర్ నాయుడు గారి ఆదేశాల మేరకు జిల్లాలో నేరాల నివారణే లక్ష్యంగా పోలీసు యంత్రాంగం రాత్రివేళ పకడ్బందీగా గస్తీ విధులు నిర్వహిస్తోంది. శాంతిభద్రతల పరిరక్షణలో భాగంగా పోలీసు అధికారులు క్షేత్రస్థాయిలో నైట్ రౌండ్స్ నిర్వహిస్తూ బీట్ పాయింట్లను నిరంతరం తనిఖీ చేస్తున్నారు.

ముఖ్యంగా ప్రార్థన మందిరాలు, ఏటిఎంలు, మరియు ప్రధాన వ్యాపార సముదాయాల వద్ద నిఘాను పెంచి, అక్కడ విధుల్లో ఉన్న సిబ్బందిని అప్రమత్తం చేస్తూ ఎటువంటి అవాంఛనీయ సంఘటనలు జరగకుండా కట్టుదిట్టమైన చర్యలు చేపడుతున్నారు.
మరోవైపు హైవేలపై రోడ్డు ప్రమాదాల నివారణకు పోలీసులు ప్రత్యేక ప్రాధాన్యతనిస్తున్నారు. డయల్ 100 మరియు హైవే మొబైల్ వాహనాల ద్వారా నిరంతరం పెట్రోలింగ్ నిర్వహిస్తూ, రాత్రి వేళల్లో డ్రైవర్లు నిద్రమత్తు కారణంగా ప్రమాదాలకు గురికాకుండా ఉండటానికి 'వాష్ అండ్ గో' కార్యక్రమాన్ని నిర్వహిస్తున్నారు.

ఇందులో భాగంగా వాహనాలను నిలిపి, డ్రైవర్లు ముఖం కడుక్కునేలా చేసి, వారికి ప్రమాదాల పట్ల అవగాహన కల్పించి పంపిస్తున్నారు. వీటికి తోడు జిల్లా వ్యాప్తంగా ప్రధాన కూడళ్లలో డ్రంక్ అండ్ డ్రైవ్ పరీక్షలు నిర్వహిస్తూ మద్యం సేవించి వాహనాలు నడిపే వారిపై కఠిన చర్యలు తీసుకుంటున్నారు.

ప్రజల భద్రత దృష్ట్యా పోలీసు వారు చేపడుతున్న ఈ తనిఖీలకు ప్రజలు, వాహనదారులు పూర్తిస్థాయిలో సహకరించాలని పోలీసు యంత్రాంగం కోరుతోంది.
Andhra Pradesh Police

04/09/2026

03/09/2026

కృష్ణా జిల్లా ఎస్పీ శ్రీ వి. విద్యాసాగర్ నాయుడు, ఐపీఎస్ గారి ఆదేశాల మేరకు, గుడ్లవల్లేరు ఎస్‌ఐ గారు తాడిచెర్ల గ్రామంలో షెడ్యూల్ గ్రామ సందర్శన కార్యక్రమాన్ని నిర్వహించారు.

ఈ సందర్భంగా గ్రామ పెద్దలను కలిసి రోడ్డు భద్రత, మహిళల భద్రత, POCSO Act, NDPS Act, సైబర్ మోసాలు, డిజిటల్ అరెస్ట్ తదితర అంశాలపై అవగాహన కల్పించారు. గ్రామంలో శాంతిభద్రతల పరిస్థితులు, ప్రజలు ఎదుర్కొంటున్న సమస్యలపై గ్రామ పెద్దలతో మాట్లాడి వివరాలను తెలుసుకున్నారు. నేరాల నివారణకు ప్రజలు పోలీసులకు సహకరించాలని, ఏవైనా సమస్యలు లేదా అనుమానాస్పద కార్యకలాపాలు గుర్తించినట్లయితే వెంటనే పోలీసులకు సమాచారం అందించాలని సూచించారు.
Andhra Pradesh Police