District Administration Majuli

03/06/2026

লোকপিয়ল ২০২৭-ৰ জিলা পৰ্যায়ৰ প্ৰশিক্ষণ কাৰ্যসূচীৰ দ্বিতীয় দিনৰ কিছু মুহূৰ্ত

CMO Assam
Census Operations Assam
Census India 2027
Directorate of Information and Public Relations, Assam

03/06/2026

03/06/2026

ইংৰাজী ২ জুন, ২০২৬ তাৰিখে মাজুলী জিলা আয়ুক্ত কাৰ্যালয়ৰ সন্মিলন কক্ষত জিলা উন্নয়ন সমিতিৰ (District Development Committee - DDC) এখন গুৰুত্বপূৰ্ণ বৈঠক সম্পন্ন হয়। জিলা আয়ুক্ত সৃষ্টি সিংহ, IAS ৰ সভাপতিত্বত অনুষ্ঠিত এই পৰ্যালোচনা বৈঠকত জিলাখনৰ বিভিন্ন বিভাগৰ চলি থকা উন্নয়নমূলক কাম-কাজৰ খতিয়ান লোৱা হয়। উক্ত বৈঠকত মাজুলী সমষ্টিৰ সন্মানীয় বিধায়ক ভূৱন গাম বিশেষভাৱে উপস্থিত থাকে।

​বৈঠকত বিধায়কগৰাকীৰ লগতে অতিৰিক্ত জিলা আয়ুক্ত ভাস্কৰ জ্যোতি বড়া, সহকাৰী আয়ুক্ত দীপ্তিমণি টায়ে, জিলা প্ৰশাসনৰ বিভাগীয় বিষয়াসকল আৰু উন্নয়ন খণ্ডৰ খণ্ড উন্নয়ন বিষয়াদ্বয় (BDO) উপস্থিত থাকে। বৈঠকত জিলাখনত বৰ্তমান চলি থকা বিভিন্ন চৰকাৰী আঁচনিসমূহৰ কাম-কাজৰ অগ্ৰগতিৰ বুজ লোৱা হয় আৰু এইসমূহ কেনেদৰে অধিক ক্ষিপ্ৰ আৰু সুচাৰুৰূপে ৰূপায়ণ কৰিব পাৰি, সেই সন্দৰ্ভত উপস্থিত সকলো বিভাগৰ সৈতে বিশদভাৱে আলোচনা কৰা হয়।
​বৈঠকত উপস্থিত থাকি বিধায়ক ভূৱন গাম মহোদয়ে জিলা প্ৰশাসনৰ জৰিয়তে প্ৰতিটো বিভাগকে নিজ নিজ দায়িত্ব আৰু কাম-কাজসমূহ নিখুঁত তথা নিয়াৰিকৈ কৰিবলৈ বিশেষভাৱে গুৰুত্ব আৰোপ কৰে। তেওঁ কয় যে সকলো বিভাগে সমন্বয়ৰে কাম কৰিলেহে মাজুলীৰ উন্নয়নৰ গতি অধিক ত্বৰান্বিত হ’ব আৰু ধৰ্মীয় তথা সাংস্কৃতিক প্ৰাণকেন্দ্ৰ মাজুলীক সমগ্ৰ ৰাজ্যৰ ভিতৰতে এক আদৰ্শ আৰু জিলিকি থকা জিলা হিচাপে গঢ়ি তুলিব পৰা যাব।

​একেদৰে, জিলা আয়ুক্তগৰাকীয়েও নিৰ্ধাৰিত সময়সীমাৰ ভিতৰত প্ৰতিটো উন্নয়নমূলক প্ৰকল্প আৰু আঁচনিৰ কাম সম্পূৰ্ণ কৰিবলৈ বিভাগীয় বিষয়াসকলক নিৰ্দেশ দিয়ে, যাতে স্থানীয় জনসাধাৰণে সময়মতে ইয়াৰ প্ৰকৃত সুফল লাভ কৰিব পাৰে।
CMO Assam
Bhuban Gam

02/06/2026

আজি ইংৰাজী ২ জুন, ২০২৬ তাৰিখৰ পৰা মাজুলী জিলা আয়ুক্ত কাৰ্যালয়ৰ প্ৰেক্ষাগৃহত আগন্তুক 'লোকপিয়ল ২০২৭'ৰ গৃহ তালিকাভুক্তি আৰু গৃহ পিয়ল সম্পৰ্কীয় এক জিলা পৰ্যায়ৰ তিনিদিনীয়া প্ৰশিক্ষণ কাৰ্যসূচী আৰম্ভ হৈছে। জিলা আয়ুক্ত সৃষ্টি সিংহ (ভাঃপ্ৰঃসেঃ)ৰ সভাপতিত্বত অনুষ্ঠিত এই উদ্বোধনী সভাত অতিৰিক্ত জিলা আয়ুক্ত মনীষা কলিতা, সহকাৰী আয়ুক্ত সীমান্ত বুঢ়াগোহাঁই, চক্ৰ বিষয়াসকল প্ৰমুখ্যে লোকপিয়লৰ লগত জড়িত বিষয়া-কৰ্মচাৰীসকল উপস্থিত থাকে। লোকপিয়ল বিভাগৰ ৰাষ্ট্ৰীয় পৰ্যায়ৰ মাষ্টাৰ ট্ৰেইনাৰ তথা যুটীয়া সঞ্চালক বিকাশ নাথ আৰু ডি.পি.এ. নাঞ্জু ইংলেঙে এই কাৰ্যসূচীত ডিজিটেল গণনা আৰু তথ্য সংগ্ৰহ পদ্ধতিৰ ওপৰত বিস্তৃত প্ৰশিক্ষণ প্ৰদান কৰে।

​দেশত প্ৰথমবাৰৰ বাবে সম্পূৰ্ণ ডিজিটেল ডিভাইচ আৰু অনলাইন প্লেটফৰ্মৰ জৰিয়তে এই লোকপিয়ল সম্পন্ন কৰা হ’ব, যাৰ অধীনত অহা ২ আগষ্টৰ পৰা নাগৰিকৰ বাবে 'স্ব-পিয়ল' আৰু ১৭ আগষ্টৰ পৰা আনুষ্ঠানিক গৃহ তালিকাভুক্তি কাৰ্য আৰম্ভ হ’ব। আনহাতে, ইয়াৰ মূল জনসংখ্যা পিয়ল প্ৰক্ৰিয়া ২০২৭ চনৰ ফেব্ৰুৱাৰী মাহৰ পৰা আৰম্ভ হ’ব। জিলাখনত এক স্বচ্ছ আৰু নিখুঁত লোকপিয়ল সফল কৰাৰ স্বাৰ্থত ঘৰে ঘৰে যাবলগীয়া তথ্য সংগ্ৰহকাৰী দলসমূহক কোনো সংকোচ নকৰাকৈ সকলো সঠিক তথ্য দি পূৰ্ণ সহযোগিতা আগবঢ়াবলৈ মাজুলী জিলা প্ৰশাসনে সৰ্বসাধাৰণ ৰাইজক আহ্বান জনাইছে।
CMO Assam
Directorate of Information and Public Relations, Assam

30/05/2026

অসম বিধানসভা নিৰ্বাচন, ২০২৬-ৰ পৰিপ্ৰেক্ষিতত ৯৮-মাজুলী (ST) বিধানসভা সমষ্টিৰ প্ৰাৰ্থীসকলৰ নিৰ্বাচনী ব্যয় সন্দৰ্ভত আজি ৩০ মে’ তাৰিখে জিলা আয়ুক্ত কাৰ্যালয়ৰ সন্মিলন কক্ষত Account Reconciliation Meeting অনুষ্ঠিত হয়। পুৱা ১১:০০ বজাত অনুষ্ঠিত এই বৈঠকত বিভিন্ন ৰাজনৈতিক দলৰ নিৰ্বাচনী প্ৰতিনিধিসকল উপস্থিত থাকে।

​বৈঠকত প্ৰাৰ্থীসকলক অহা ৩ জুন, ২০২৬ তাৰিখৰ ভিতৰত তেওঁলোকৰ নিৰ্বাচনী ব্যয়ৰ চূড়ান্ত হিচাপ পত্ৰ যেনে— সাৰাংশ বিবৃতি, বেংক একাউণ্টৰ প্ৰমাণিত প্ৰতিলিপি আৰু বিল-ভাউচাৰ আদি জিলা নিৰ্বাচনী ব্যয় নিৰীক্ষণ কোষত (EEM Cell) দাখিল কৰিবলৈ নিৰ্দেশ দিয়া হয়। নিৰ্বাচন আয়োগৰ নিয়ম অনুসৰি সমগ্ৰ প্ৰক্ৰিয়াটো স্বচ্ছ কৰাৰ লক্ষ্যৰে প্ৰশাসনে এই বৈঠকৰ আহ্বান কৰে।
Chief Electoral Officer, Assam
Directorate of Information and Public Relations, Assam

28/05/2026

আজি ২৮ মে’, ২০২৬ তাৰিখে বনগাঁও জিপিএছএছ (GPSS) কাৰ্যালয়ত সুলভ মূল্যৰ দোকানৰ এজেণ্ট আৰু পৰিচালনা সমিতিৰ মাজত এক পৰ্যালোচনামূলক সভা অনুষ্ঠিত হয়। সভাত ৰাজহুৱা বিতৰণ ব্যৱস্থা (PDS/TPDS) অধিক স্বচ্ছ আৰু খৰতকীয়া কৰাৰ বাবে কেইবাটাও গুৰুত্বপূৰ্ণ সিদ্ধান্ত লোৱা হয়।

​সভাত হিতাধিকাৰীসকলৰ বাকী থকা ই-কেৱাইচি (e-KYC) আৰু আধাৰ সংযোগ প্ৰক্ৰিয়া ক্ষিপ্ৰতাৰে সম্পন্ন কৰা, নিষ্ক্ৰিয় ৰেচন কাৰ্ড (Silent RC) সমূহৰ বিৰুদ্ধে যাৱতীয় ব্যৱস্থা গ্ৰহণ আৰু হিচাপৰ বহী সঠিকভাৱে ৰক্ষণাবেক্ষণ কৰাৰ ওপৰত গুৰুত্ব আৰোপ কৰা হয়। ইয়াৰ উপৰি, ই-প’চ (ePOS) মেচিনৰ জৰিয়তে অনলাইনযোগে প্ৰতিগৰাকী যোগ্য হিতাধিকাৰীক সময়মতে ১০০% সামগ্ৰী বিতৰণ সুনিশ্চিত কৰিবলৈ এজেণ্টসকলক কঠোৰ নিৰ্দেশ দিয়া হয়।

CMO Assam
Bhuban Gam
Directorate of Information and Public Relations, Assam

28/05/2026

ইংৰাজী ২৭ মে', ২০২৬ তাৰিখে মাজুলী ৰাজহ চক্ৰৰ কৰ্দৈগুৰীৰ তীব্ৰ খহনীয়াগ্ৰস্ত এলেকা জিলা প্ৰশাসন আৰু জলসম্পদ বিভাগৰ এক যুটীয়া দলে পৰিদৰ্শন কৰে। পৰিদৰ্শনকালত মাজুলী DDMA-ৰ মুখ্য কাৰ্যবাহী বিষয়া (CEO), জলসম্পদ বিভাগৰ কাৰ্যবাহী অভিযন্তা, ব্ৰহ্মপুত্ৰ ব’ৰ্ডৰ বিষয়াবৰ্গই যৌথভাৱে খহনীয়াৰ বৰ্তমান পৰিস্থিতিৰ বুজ লয়।

​ভয়াবহ খহনীয়া ৰোধ কৰাৰ উদ্দেশ্যে তাত জৰুৰীকালীন সুৰক্ষামূলক ব্যৱস্থা গ্ৰহণৰ প্ৰস্তাৱ কৰা হৈছে। এই আঁচনিৰ অধীনত ৩০ মিটাৰৰ ব্যৱধানত ৫খন শাৰীত ২/৩ টা স্তৰৰ সৰ্বমুঠ ৫খন পি.এছ.চি. পৰ্কুপাইন স্ক্ৰীণ (PSC Porcupine screens) স্থাপন কৰা হ’ব। ইয়াৰ লগতে নদীৰ পাৰ সুৰক্ষিত কৰিবলৈ এই স্ক্ৰীণসমূহৰ মধ্যৱৰ্তী স্থানবোৰত জিঅ’ বেগ (Geo bags) আৰু জিঅ’ শ্বীট (Geo sheets) ব্যৱহাৰ কৰি খহনীয়া প্ৰতিৰোধৰ কাম অতি শীঘ্ৰেই আৰম্ভ কৰা হ’ব।

​মাজুলীৰ ভূখণ্ড আৰু নদীপৰীয়া ৰাইজৰ সুৰক্ষা সুনিশ্চিত কৰিবলৈ জিলা প্ৰশাসন আৰু জলসম্পদ বিভাগ সম্পূৰ্ণ দায়বদ্ধ।

CMO Assam
Bhuban Gam
Directorate of Information and Public Relations, Assam

25/05/2026

23/05/2026

ইংৰাজী ২২/০৫/২০২৬ তাৰিখে মাজুলী জিলা আবকাৰী বিভাগে কুলিচাপৰি, ওখলচুক, ছেৰপাইখোৱা আদি অঞ্চলত অবৈধ সুৰা ব্যৱসায়ৰ বিৰুদ্ধে অভিযান চলাই মাজুলীলৈ অবৈধভাৱে সৰবৰাহ কৰা প্ৰায় ৫৪.২৯ লিটাৰ বিলাতী সুৰা জব্দ কৰে।

22/05/2026

ভাৰত চৰকাৰৰ “বেটী বচাওঁ বেটী পঢ়াওঁ” আঁচনিৰ অধীনত, মহিলা আৰু শিশু বিকাশ বিভাগ আৰু জিলা প্ৰশাসনৰ উদ্যোগত তথা ৰাষ্ট্ৰীয় কিশোৰী স্বাস্থ্য কাৰ্যসূচী, স্বাস্থ্য বিভাগ মাজুলীৰ সহযোগত ২১ মে তাৰিখে নতুন কমলাবাৰী নাৰায়ন দেৱ উচ্চ মাধ্যমিক বিদ্যালয়ত আৰু ২২ মে তাৰিখে পুৰণিবাৰী উচ্চ মাধ্যমিক বিদ্যালয়ত "ঋতুস্ৰাৱ পৰিষ্কাৰ-পৰিচ্ছন্নতা সপ্তাহ” উপলক্ষে সজাগতামূলক সভা অনুষ্ঠিত কৰা হয়। উক্ত সভাত সমল ব্যক্তি হিছাপে জিলা স্বাস্থ্য বিভাগৰ জিলা সমন্বয়ক মিত্ৰজ্যোতি কোঁৱৰ, পৰামৰ্শদাতা বনী ভঁৰালী আৰু মহিলা আৰু শিশু বিকাশ বিভাগৰ লিংগ বিশেষজ্ঞ ৰিম্পী ভূঞা উপস্থিত থাকি ঋতুস্ৰাৱৰ সময়ত মানি চলিবলগীয়া পৰিষ্কাৰ-পৰিচ্ছন্নতা,পুষ্টিকৰ আহাৰৰ প্ৰয়োজনীয়তা আৰু শাৰীৰিক- মানসিক যত্নৰ লগতে কৈশোৰ অৱস্থাত গৰ্ভধাৰণ( Teenage Pregnancy)ৰ ক্ষতিকাৰক প্ৰভাৱ, ইয়াৰ সামাজিক আৰু স্বাস্থ্যজনিত সমস্যা আৰু HPV vaccine-ৰ প্ৰয়োজনীয়তা বাল্য বিবাহৰ কুফল, শিক্ষাৰ অধিকাৰ আদিৰ ওপৰত বিস্তৃত ভাৱে ব্যাখ্যা আগবঢ়ায়। সভাৰ অন্তত ছাত্ৰ-ছাত্ৰীসকলৰ সৈতে মত-বিনিময় পৰ্ব অনুষ্ঠিত হয় আৰু স্বাস্থ্যসচেতনতা সম্পৰ্কীয় বিভিন্ন তথ্য সম্বলিত leaflet বিতৰণ কৰা হয়।

Directorate of Women & Child development, Assam
National Health Mission, Majuli. Assam