27/06/2026
ਜੇ ਗੱਲ ਟੇਬਲ ਤੇ ਚੱਲੀ ਤਾਂ ਓਥੇ ਖਾਲਸੇ ਵਰਗਾ ਬਿਬੇਕ ਅਤੇ ਸਹਿਣਸ਼ੀਲਤਾ ਨਹੀਂ ਕਿਸੇ ਕੋਲ। ਤੇ ਜੇ ਗੱਲ ਜੰਗ ਦੇ ਮੈਦਾਨ ਤੱਕ ਚਲੀ ਗਈ ਓਥੇ ਇਹਨਾਂ ਵਰਗਾਂ ਯੋਧਾ ਕੋਈ ਨਹੀਂ, ਸੂਰਮਾਂ ਕੋਈ ਨਹੀਂ।
ਖਾਲਸੇ ਨੇ ਸਾਬਿਤ ਕਰ ਦਿੱਤਾ ਕਿ ਖ਼ਾਲਸਾ ਛੋਟੇ ਮੈਚਾਂ ਦਾ ਖਿਡਾਰੀ ਨਹੀਂ ਜਿੱਥੇ ਮਿਥ ਕੇ ਖੇਡਿਆ ਜਾਂਦਾ ਅਤੇ ਮੈਚ ਫਿਕਸ ਕਰ ਲਏ ਜਾਂਦੇ ਆ। ਖਾਲਸਾ ਹਮੇਸ਼ਾ ਵੱਡੇ ਮੈਂਚਾ ਦਾ ਖਿਡਾਰੀ ਸੀ ਅਤੇ ਰਹੂਗਾ। ਇਹ ਓਦੋਂ ਹੀ ਮੈਦਾਨ ਵਿੱਚ ਆਉਂਦੇ ਆ ਜਦੋਂ ਅੱਗਿਓਂ ਵੰਗਾਰਾਂ ਪੈਣ ਲੱਗ ਜਾਣ। ਇਹ ਗੱਲ ਉੱਤਰਾਖੰਡ ਵਾਲੀ ਘਟਨਾ ਨੇ ਸਾਬਤ ਕਰ ਦਿੱਤੀ ।
ਇੱਕ ਗੱਲ ਹੋਰ ਵੀ ਐ ਨਿੱਜੀ ਲੜਾਈਆਂ ਕਿੰਨੀਆ ਮਰਜ਼ੀ ਲੜੀ ਜਾਣ ਪਰ ਦੁਸ਼ਮਣ ਸਾਹਮਣੇ ਇਹ ਸਾਰੇ ਕੱਠੇ ਹੀ ਹੈਨ। ਚਿੱਟੇ ਵਿੱਚ ਮਾਰਨ ਦੀ ਕੋਸ਼ਿਸ਼ ਕੀਤੀ ,ਜੇਲਾਂ ਕੀਤੀਆਂ , ਇਨਕਾਉਂਟਰ ਕੀਤੇ ਪਰ ਆਹ ਪਤਾ ਹੀ ਨਹੀਂ ਕਿੱਥੋਂ ਪ੍ਰਗਟ ਹੋ ਜਾਂਦੇ ਆ।
ਜਿੰਨੀ ਤਾਕਤ ਅੱਜ ਅਮਰੀਕਾ ਕੋਲ ਹੈ ਇਸ ਦੇ ਬਰਾਬਰ ਦਾ ਤਖ਼ਤ ਸੀ ਅਬਦਾਲੀ ਕੋਲ ਉਸ ਸਮੇਂ । ਕੋਈ ਖੱਬੀ ਖਾਨ ਅੱਖ ਨਹੀਂ ਸੀ ਚੱਕਦਾ,, ਜਦੋਂ ਸਿੱਖਾਂ ਨੇ ਮੂਹਰੇ ਲਾ ਲਿਆ ਤਾਂ ਰਣ ਤੱਤੇ ਵਿੱਚੋਂ ਆਪਣੇ ਛਿੱਤਰ ਛੱਡ ਕੇ ਭੱਜਿਆ ਅਤੇ ਲਹੌਰ ਜਾ ਕੇ ਬੈਠ ਗਿਆ, ਕਹਿੰਦੇ ਜਦੋਂ ਸਿੱਖਾਂ ਨਾਲ ਲੜ ਰਿਹਾ ਸੀ ਤਾਂ ਇੱਕ ਦੀ ਜਗਾ ਚਾਰ ਚਾਰ ਦਿਖਾਈ ਦਿੰਦੇ ਸੀ।
ਸੰਤਾ ਨੂੰ ਇੱਕ ਵਾਰ ਕਿਸੇ ਸ਼ਰਾਬੀ ਨੇ ਘੇਰ ਲਿਆ ਕਹੀ ਜਾਵੇ ਕਿ ਆਜਾ ਤੂੰ ਵੱਡਾ ਸੂਰਮਾਂ ਆਪਾਂ ਦੇਖ ਲੈਨੇ ਆ ਅੱਜ,, ਅੱਗੋਂ ਸੰਤਾਂ ਨੇ ਏਨੀ ਗੱਲ ਕਹੀ ਕਿ ਗੁਰਮੁਖਾ ਆਪਸ ਵਿੱਚ ਲੜ ਕੇ ਆਪਾਂ ਇੱਕ ਦੂਜੇ ਨੂੰ ਜਿੱਤ ਨਹੀਂ ਸਕਦੇ। ਆਜਾ ਆਪਾਂ ਗੁਰੂ ਦੇ ਲੜ ਲੱਗ ਕੇ ਮਰ ਜਾਈਏ । ਸੰਤਾ ਦੀ ਗੱਲ ਧੁਰ ਅੰਦਰ ਤੱਕ ਚੀਰ ਗਈ। ਸੰਤਾ ਦੇ ਬੋਲ ਰੂਹ ਤੱਕ ਪਹੁੰਚ ਗਏ। ਅਖੀਰ ਤੱਕ ਸੰਤਾਂ ਦੇ ਨਾਲ ਖੜ ਕੇ ਫ਼ੌਜ ਦੇ ਖਿਲਾਫ ਲੜਾਈ ਲੜੀ ਤੇ ਸਦਾ ਲਈ ਅਮਰ ਹੋ ਗਿਆ।
ਖਾਲਸਾ ਦੁਨੀਆਂ ਦੀ ਉਹ ਅਦਭੁਤ ਸ਼ੈਅ ਆ ਜੋ ਸਮੁੰਦਰ ਦੇ ਐਨ ਵਿਚਕਾਰ ਜਾ ਕੇ ਸ਼ਿਕਾਰ ਚੁੱਕਣ ਦੀ ਜੁਰਤ ਰੱਖਦੈ, ਤੇ ਘੜੇ ਦੀਆਂ ਮੱਛੀਆਂ ਦੀ ਕੀ ਔਕਾਤ ਹੈ ਭਲਾ? ਨਾਂ ਛੇੜਿਆ ਕਰੋ ਇਹਨਾਂ ਨੂੰ ਬੈਠੇ ਰਹਿਣ ਦਿਓ ਸਮਾਧੀ ਵਿੱਚ , ਜੇ ਛੇੜੋਗੇ ਤਾਂ ਇਹਨਾਂ ਨੇ ਪਤਾ ਨਹੀਂ ਕੀ ਕੁੱਝ ਦੱਬ ਲੈਣਾਂ
ਆਜ ਖਾਲਸਾ ਖਾਸ ਭਇਓ
ਸਤਿਗੁਰ ਕੇ ਦਰਬਾਰ
ਰਣਤੇਗ ਸਿੰਘ( ਅਨੰਦਪੁਰ ਤੋਂ ਖੈਹਬਰ )
copied
