30/08/2024
വലിയാട്ടിലെ മുസ്ലിം ലീഗിന്റെ കഴിഞ്ഞ പത്തറുപത് വർഷത്തെ ചരിത്രത്തിൽ നിസ്വാർത്ഥമായി പാർട്ടിക്കൊപ്പം നിന്ന് നയിച്ച അപൂർവം വ്യക്തിത്വങ്ങളിൽ ഒരാളായിരുന്നു ബാപ്പുകാക്ക.
പാർട്ടി പ്രവർത്തകർക്ക് ഉപദേശ നിർദേശങ്ങൾ നൽകിയും പഴയകാലത്തെയും പുതിയ കാലത്തെയും പ്രവർത്തങ്ങൾ മനസ്സിലാക്കി സ്ഥാനങ്ങളിരിക്കാതെ തന്നെ ബാപ്പുകാക്ക പാർട്ടിയെ മുന്നോട്ട് നയിച്ചു..
2018 ൽ വലിയാട്ടിലെ മുസ്ലിം ലീഗ് ഓഫീസിന്റെ പഴയ മിനുട്സ് പരിശോധിച്ചപ്പോൾ കടമ്പോട്ട് ബാപ്പുകാക്ക ഇല്ലാത്ത ഒരു മീറ്റിങ്ങും മിനുട്സിൽ കണ്ടില്ല എന്ന് തന്നെ പറയാം ! എല്ലാത്തിലും ബാപ്പുകാക്കയുടെ കയ്യൊപ്പ് പതിഞ്ഞിട്ടുണ്ട് ..പാർട്ടിക്കൊപ്പം നടന്നു ചിന്തിച്ചു ഗുണകരമെന്ന് തോന്നുന്നത് ഉപദേശിച്ചും ബാപ്പുകാക്ക പാർട്ടിയുടെ കാരണവരായിരുന്നു !
തിരഞ്ഞെടുപ്പ് കാലത്തെ തന്ത്രങ്ങൾ മിനയുന്നതിനും , നിർണായക മീറ്റിങ്ങുകളിലും സജീവ സാന്നിധ്യമായി സ്കോഡു വർക്കിന് വരെ ബാപ്പു കാക്ക സജീവമായി ! വലിയാടിന്റെ ഹൃദയമറിയുന്ന മറ്റാരുണ്ട് ഈ നാട്ടിൽ !
പാർട്ടി പ്രവർത്തകർക്ക് മാത്രമല്ല നാട്ടിലുള്ളവർക്കെല്ലാം മുതിർന്ന കരണവരായിരുന്നു ബാപ്പുകാക്ക ഇടപെടൽ വേണ്ടയിടത്തെല്ലാം കൃത്യമായി ഇടപെടും അഭിപ്രായങ്ങൾ പറയും , മദ്രസ , പള്ളി കമ്മിറ്റി പ്രവർത്തങ്ങളിലും സാന്നിധ്യമായി !
ചിലയിടത്ത് അഭിപ്രായം പറയുന്നതിന് പകരം ബാപ്പുകാക്കയുടെ തീഷ്ണമായ ഒരു നോട്ടമുണ്ടാവും അതിലുണ്ടാവും എല്ലാം.. !
തിരഞ്ഞെടുപ്പ് കാലത്ത് സ്കോഡ് വർക്കിനിടയിൽ ബാപ്പുകാക്കയുടെ വീട്ടിലെത്തിയാൽ ഒരു സൽകാരമുണ്ട് , നമ്മളെ ലീഗിന്റെ കുട്ട്യാളെ അങ്ങനെ വെറുതെ വിടാൻ പറ്റില്ലല്ലോ... സ്നേഹവും കരുതലും അങ്ങനെ ചായയും വെള്ളവുമായൊക്കെ എത്തും.
തൊള്ളായിരത്തി അറുപതുകളിലും എഴുപതുകളിലും എൺപതുകളിലും മുസ്ലിം ലീഗിന്റെ വലിയ സമ്മേളനങ്ങൾക്ക് കാൽ നടയായി യാത്ര ചെയ്തതായി ബാപ്പുകാക്ക പറഞ്ഞു കേട്ടിട്ടുണ്ട് ! ലീഗനുഭവങ്ങളിലേക്ക് നടന്നു പോയി അതിന്റെ ആഴങ്ങളിലെത്തിയ മനുഷ്യൻ ! 2004 ൽ മഞ്ചേരിയിൽ പാർട്ടി തോറ്റപ്പോൾ വളരെ വികാരീതാനായി ബാപ്പുകാക്ക പി പി കമ്മു സാഹിബിന്റെ വീട്ടിലെത്തിയതോർമ്മയുണ്ട്.
എല്ലാത്തിലും ഉപരി വലിയാട്ടിലെ പവർഫുള്ളായ കമാൻഡിങ് പവർഉള്ള ഒരു വ്യക്തിത്വം കൂടിയായിരുന്നു അദ്ദേഹം ! അദ്ദേഹത്തെ എല്ലാവർക്കും ഇഷ്ടമായിരുന്നു ബഹുമാനമായിരുന്നു!
ഓർമ്മകളുടെ കരുത്തിൽ അദ്ദേഹം എല്ലാ ഘട്ടത്തിലും മുറുകെപ്പിടിച്ച ഹരിത രാഷ്ട്രീയത്തോടൊപ്പം നമുക്ക് പ്രയാണം തുടരാൻ സാധിക്കട്ടെ…
കാരുണ്യവാനായ അല്ലാഹു പരേതന്റെ എല്ലാ ദോഷങ്ങളും പോറുത്ത് കോടുക്കുകയും സ്വർഗീയ അനുഗ്രങ്ങൾ നൽകുകയും ചെയ്യട്ടെ ആമീൻ...
𝄞പിരിയുകയാണീ
ദുനിയാവിൽ നിന്നും,
പറയാതെ ഓരോ
നിമിഷം തോറും..
പറവകൾ പോലേ
പറന്നകലുന്നൂ...
പ്രിയപ്പെട്ട പലരും
അരികിൽ നിന്നും..!
മറയുന്ന പകലും,
ഉറക്കുന്ന രാവും,
മടങ്ങി വരുമെന്ന്
കരുതരുതാരും..
മറക്കേണ്ട മരണം..
അത് നിശ്ചയം..
മയക്കുന്ന ഈ ലോകം,
വെറും നശ്വരം..!
ഓർക്കുമ്പോ പരലോകം
ഒരു പാട് ദൂരേ..
ഒരു നിമിഷം ശ്വാസം
നിലച്ചാൽ നാം അവിടേ..
ഓരോരോ മരണവും
പറയുന്നു നേരേ..
ഒരുങ്ങി ഇരുന്നോ
നിൻ യാത്ര അരികേ..!🎵
✍️ആഫിൽ
