Fraternity Malappuram

05/06/2026

03/06/2026

വിവേചനങ്ങളോട് കലഹിക്കുക.

വികസനത്തിന് ജില്ലാ വിഭജനം
മാത്രമാണ് നീതി.

ജില്ലാ നിവർത്തന രേഖാ പ്രകാശനവും
സമര പ്രഖ്യാപനവും

2026 ജൂൺ 6 ശനി
3:30 PM ചെമ്മാട്

ഫ്രറ്റേണിറ്റി മലപ്പുറം
ജില്ലാ കമ്മിറ്റി

27/05/2026

അടിച്ചമർത്തലുകളെയും വിവേചനങ്ങളെയും അതിജീവിക്കാൻ നിർഭയത്വത്തിലൂടെയും ആത്മത്യാഗത്തിലൂടെയും മാത്രമേ സാധ്യമാകൂ എന്നാണ് ബലിപെരുന്നാൾ നൽകുന്ന പാഠം.

സഹനത്തിന്റെയും സമർപ്പണത്തിന്റെയും കർത്തവ്യബോധത്തിന്റെയും ഓർമ്മപുതുക്കി ഒരു പെരുന്നാൾ കൂടി.

ഏവർക്കും ബലിപെരുന്നാൾ സന്തോഷങ്ങൾ.

26/05/2026

+2,VHSE പരീക്ഷയിൽ വിജയിച്ച മുഴുവൻ കൂട്ടുകാർക്കും

സ്നേഹഭിവാദ്യങ്ങൾ

ഫ്രറ്റേണിറ്റി മലപ്പുറം ജില്ലാ കമ്മിറ്റി

25/05/2026

വിദ്യാർത്ഥി രാഷ്ട്രീയം വിലക്കിയ ഗവർണറുടെ നടപടി ജനാധിപത്യവിരുദ്ധമാണ്*

*അവകാശ സമരങ്ങളെ അടിച്ചമർത്താനുള്ള സംഘപരിവാർ അജണ്ടകളെ വിദ്യാർത്ഥികളെ അണിനിരത്തി പ്രതിരോധിക്കും

✍️കെ.പി ഹാദീ ഹസ്സൻ
(ജില്ലാ ജനറൽ സെക്രട്ടറി
ഫ്രറ്റേണിറ്റി മലപ്പുറം)

തുഞ്ചത്തെഴുത്തച്ഛൻ മലയാളം യൂണിവേഴ്സിറ്റി കോഡ് ഓഫ് കോൺടാക്ട് റൂൾസ് 2026 എന്ന പേരിൽ പുറത്തിറക്കിയ ഗവർണറുടെ പുതിയ ചട്ടം വിദ്യാർത്ഥികളുടെ ജനാധിപത്യ അവകാശങ്ങൾ അടിച്ചമർത്തൽ ലക്ഷ്യം വെച്ചുള്ളതാണ്.

തെരുവുകളിലും കലാലയങ്ങളിലും മുദ്രാവാക്യം വിളിച്ചും പ്രകടനം നടത്തിയും സമരം സംഘടിപ്പിച്ചുമെല്ലാമാണ് വിദ്യാർത്ഥി വിരുദ്ധ നിലപാടുകളെ നാളിതുവരെയും നമ്മൾ ചെറുത്തുതോൽപ്പിച്ചത്.

വിദ്യാർത്ഥി രാഷ്ട്രീയം വിലക്കിയ ഗവർണറുടെ നടപടി ജനാധിപത്യവിരുദ്ധമാണ്.
അവകാശ സമരങ്ങളെ അടിച്ചമർത്താനുള്ള സംഘപരിവാർ അജണ്ടകളെ വിദ്യാർത്ഥികളെ അണിനിരത്തി തന്നെ പ്രതിരോധിക്കും.

കലാലയങ്ങളെ സംഘ് വൽക്കരിക്കാനും അരാഷ്ട്രീയ വൽക്കരണത്തിലൂടെ ഹിന്ദുത്വ അജണ്ടകൾ നടപ്പിലാക്കാനുമാണ് ചാൻസ്ലർ പദവി ഉപയോഗിച്ച് ഗവർണർ ശ്രമിക്കുന്നത്.

വിദ്യാർത്ഥികൾ സംഘടിക്കുന്നതും, ആശയ സംവാദങ്ങളിൽ ഏർപ്പെടുന്നതും, സമരാഹ്വാനം മുഴക്കുന്നതും അച്ചടക്ക ലംഘനമായി കാണുന്ന ഏകാധിപതികളെ വരും നാളുകളിൽ ശക്തമായ വിദ്യാർത്ഥി പ്രതിഷേധങ്ങളിലൂടെ നിലക്കുനിർത്താൻ നമുക്കാകണം.

അക്കാദമിക ഫാസിസത്തെ ചെറുക്കാൻ സമര രംഗത്തിറങ്ങാൻ എല്ലാ വിദ്യാർത്ഥി സുഹൃത്തുക്കളോടും ഫ്രറ്റേണിറ്റി മൂവ്മെന്റ് ആഹ്വാനം ചെയ്യുന്നു.

24/05/2026

മലബാറിലെ, പ്രത്യേകിച്ച് മലപ്പുറം ജില്ലയിലെ വിദ്യാഭ്യാസ മേഖലയിലെ പരിമിതികളെയും പ്രതിസന്തികളെയും കുറിച്ചുള്ള സജീവ ചർച്ചകൾ ആരംഭിച്ചിട്ട് രണ്ടു പതിറ്റാണ്ടിലേറെയായി. ഈ കാലയളവിൽ ഈ വിഷയം ഉന്നയിച്ചുകൊണ്ട് ഫ്രറ്റേണിറ്റി മൂവ്‌മെന്റിന്റെ നേതൃത്വത്തിലടക്കം നിരവധി സമരങ്ങളും പ്രക്ഷോഭങ്ങളും നടന്നിട്ടുണ്ട്. എന്നാൽ, ഓരോ വർഷം കഴിയുമ്പോഴും സീറ്റ് പ്രതിസന്ധി കൂടുതൽ സങ്കീർണ്ണമാവുക മാത്രമാണ് ചെയ്യുന്നത്.

കഴിഞ്ഞ കാലങ്ങളിൽ തെക്കൻ ജില്ലകളിൽ കുട്ടികളില്ലാതെ ബാക്കിവരുന്ന ബാച്ചുകൾ മലബാറിലേക്ക് ട്രാൻസ്ഫർ ചെയ്തും, 'മാർജിനൽ ഇൻക്രീസ്' എന്ന പേരിൽ 50 കുട്ടികളിലിരിക്കേണ്ട ക്ലാസ് റൂമുകളിൽ 65-ലധികം പേരെ കുത്തിനിറച്ചും താൽക്കാലികമായ ഓട്ടയടക്കൽ പ്രഹസനങ്ങളാണ് അധികാരികൾ നടത്തിപ്പോന്നത്. ഇതിനുപകരം ശാശ്വതവും ശാസ്ത്രീയവുമായ ഒരു പരിഹാരം കാണാൻ സംസ്ഥാന സർക്കാർ ആത്മാർത്ഥമായി ശ്രമിച്ചിട്ടില്ല. മലബാർ സ്പെഷ്യൽ പാക്കേജ് എന്ന വാഗ്ദാനമടക്കം നൽകി അധികാരത്തിലേറുകയും, കഴിഞ്ഞ 10 വർഷമായി വിദ്യാഭ്യാസ-ആരോഗ്യ മേഖലകളിലടക്കം മലബാറിനോട് കനത്ത അവഗണന കാണിക്കുകയും ചെയ്ത ഇടതുപക്ഷത്തിന് ജനം നൽകിയ മറുപടി കൂടിയാണ് മലബാർ ജില്ലകളിലെ കഴിഞ്ഞ തിരഞ്ഞെടുപ്പ് ഫലം. പുതിയ യുഡിഎഫ് ഭരണകൂടത്തിന് ഇതൊരു മുന്നറിയിപ്പ് കൂടിയാണ്.

ഈ വർഷം മലപ്പുറം ജില്ലയിൽ എസ്.എസ്.എൽ.സി വിജയിച്ചത് 78,887 വിദ്യാർഥികളാണ്. അതിൽ 31,378 കുട്ടികൾക്ക് ജില്ലയിൽ പ്ലസ് വൺ സീറ്റുണ്ടാവില്ല എന്ന അവസ്ഥയാണുള്ളത്. കാലങ്ങളായി മാറിവന്ന സർക്കാരുകൾ ഒരു പ്രദേശത്തോട് തുടർന്ന വിവേചനത്തിന്റെയും അവഗണനയുടെയും ബാക്കിപത്രമാണിത്. ഈ അവസ്ഥയ്ക്ക് നിലവിലെ ഭരണമുന്നണിക്കും ഒഴിച്ചുകൂടാനാവാത്ത പങ്കുണ്ട്. എന്നിരുന്നാലും, കഴിഞ്ഞ പത്തു വർഷക്കാലം പ്രതിപക്ഷത്തിരുന്ന് ഈ വിഷയം ഉന്നയിച്ച് സമരങ്ങളും പ്രതിഷേധങ്ങളും നയിച്ചവർ ഭരണപക്ഷത്ത് എത്തുമ്പോൾ ഇതെല്ലാം മറന്നുപോകരുത്.

ഈ അധ്യയനവർഷത്തെ പരിഹാരശ്രമങ്ങൾക്ക് ഇപ്പോൾതന്നെ ഏറെ വൈകിയിട്ടുണ്ട്; പ്ലസ് വൺ പ്രവേശന നടപടികൾ ആരംഭിച്ചുകഴിഞ്ഞു. ആദ്യ അലോട്ട്മെന്റിന് മുമ്പ് തന്നെ ശാശ്വതവും ശാസ്ത്രീയവുമായ പരിഹാരം കണ്ടേ തീരു. പ്ലസ് വണ്ണിന് അപേക്ഷിച്ച മുഴുവൻ വിദ്യാർഥികൾക്കും സീറ്റ് ഉറപ്പാക്കും വരെ ഫ്രറ്റേണിറ്റി മൂവ്മെന്റ് തെരുവിൽ തന്നെ കാണും. 628 പെർമനെന്റ് ബാച്ചുകൾ അനുവദിച്ചുകൊണ്ടുള്ള ശാശ്വത പരിഹാരം മാത്രമാണ് നീതി.

23/05/2026

താൽക്കാലിക ബാച്ചും, മാർജിനിൽ സീറ്റ് വർധനവും
മലപ്പുറത്തോടുള്ള തുടരുന്ന സ്ഥിരം അവഗണന

പ്ലസ് വണ്ണിന് ജില്ലയിൽ 628 സ്ഥിരം ബാച്ചുകൾ ഉടൻ അനുവദിക്കുക.