Aa'la Hazrat Research Center, Malegaon

Aa'la Hazrat Research Center, Malegaon Aa'la Hazrat Research Center is located in the centre of the Malegaon City and supervised by Noori Mission Malegaon.

We have library section, doing social activities etc.

میلاد پاک کی بہاروں میں نوری مشن/اعلیٰ حضرت فاؤنڈیشن کے فلاحی کاموں کی بزمِ صحافت میں گونج1- شامنامہ ڈیلی مالیگاؤں2- ترج...
27/08/2026

میلاد پاک کی بہاروں میں نوری مشن/اعلیٰ حضرت فاؤنڈیشن کے فلاحی کاموں کی بزمِ صحافت میں گونج

1- شامنامہ ڈیلی مالیگاؤں
2- ترجمان اردو ڈیلی مالیگاؤں
3- نشاط نیوز ڈیلی مالیگاؤں

بزمِ صحافت میں نوری مشن مالیگاؤں کی سرگرمیاں
26/08/2026

بزمِ صحافت میں نوری مشن مالیگاؤں کی سرگرمیاں

بارگاہِ رسالت ﷺ سے مستحقین کی معاونت کا پاکیزہ درس عطا ہوامیلادِ تاجدارِ ختم نبوت ﷺ پر نوری مشن و اعلیٰ حضرت فاؤنڈیشن سے...
26/08/2026

بارگاہِ رسالت ﷺ سے مستحقین کی معاونت کا پاکیزہ درس عطا ہوا

میلادِ تاجدارِ ختم نبوت ﷺ پر نوری مشن و اعلیٰ حضرت فاؤنڈیشن سے 250؍مستحقین میں ’'راشن کٹ‘‘ تقسیم

مالیگاؤں: بارگاہِ تاجدارِ ختم نبوت ﷺ سے غریب پروری اور اعانت مسلمین کا پاکیزہ و مبارک درس ملتا ہے۔ بے بس و بے کس مومنین کی فریاد رسی و معاملاتِ شفقت و مروت سنت ہے؛ اسی جذبے کے تحت اہلِ سنت کی فعال تنظیم نوری مشن سے مستحقین میں ’’میلاد راشن کٹ‘‘ کی تقسیم عمل میں آ رہی ہے۔ یہ ترغیبی عمل جہاں افادیت رکھتا ہے وہیں صالح فکر سازی کا مزاج بھی بنتا ہے- امسال بھی میلادِ مصطفیٰ ﷺ کی روح پرور ساعتوں میں اعلیٰ حضرت ریسرچ سینٹر سے اعلیٰ حضرت فاؤنڈیشن انٹرنیشنل کی سرپرستی میں 250؍راشن کٹ کی تقسیم عزتِ نفس کے ساتھ کی گئی۔ منتظمین کے مطابق ہر کٹ میں تیل، شکر، آٹا، چاول، تور دال، مسور دال، مٹر، مسالا، چائے پتی، نمک، چنا، ہلدی پاوڈر، دھنیا پاؤڈر، مرچ پاؤڈر وغیرہ شامل ہیں- یوں ہی فکر سازی کی غرض سے ایک سنجیدہ کتاب بھی کٹ کے ساتھ تحفتاً پیش کی گئی- واضح رہے کہ یہ کٹس بیواؤں، یتیموں، ضعیفوں اور محتاجوں میں باقاعدہ فارم جاری کر کے عزت و وقار کے ساتھ تفویض کی جاتی ہے۔ یوں ہی پابندی کے ساتھ سیرتِ مبارکہ سے منسلک لٹریچرز دیے جاتے ہیں جس کا نتیجہ ہے کہ اب تک پچاس ہزار سے زائد ایسے لٹریچرز بِلاقیمت تقسیم کیے گئے جن کا تعلق ناموسِ رسالت ﷺ سے ہے۔ کٹ کی تیاری میں فرید رضوی، معین پٹھان رضوی، محمد نعیم رضوی، یاسین رضوی، سعد رضوی، شاداب رضوی، آصف رضوی، شعیب رضوی، فیضان رضوی،احمر انجم، عبدالباسط جیلانی، طلحہ جیلانی، شانی رضا، محمد مشرف نیز دیگر احباب نے حصہ لیا- بحمدہٖ تعالیٰ اعانتِ مسلمین کے اِس مبارک موقع ’’عیدوں کی عید‘‘ پر نوری مشن سے متعدد کام ہر سال پابندی سے انجام دیے جاتے ہیں۔ امسال تقریباً 100 طالبات کو ڈریس بھی دیا گیا- یوں ہی ناموسِ رسالت ﷺ پر مدلل مواد سوشل میڈیا و پرنٹ میڈیا کی نذر کیا جاتا ہے۔ اللہ تعالیٰ مزید فلاحی و امدادی کاموں کا ذوقِ فراواں عطا فرمائے نیز اِس مبارک فریضے میں حصہ لینے والے معاونین/احباب کو میلاد مصطفیٰ ﷺ کی برکتوں سے نوازے۔ آمین بجاہ سیدالمرسلین ﷺ۔ ایسی رپورٹ نوری مشن مالیگاؤں سے ارسال کی گئی۔

دعویٰ محبت اسی وقت مقبولیت کی منزل پر سرفراز ہوتا ہے جب محبوب پاک صلی اللہ علیہ وسلم کے دشمنوں سے نفرت کی جائے......
24/08/2026

دعویٰ محبت اسی وقت مقبولیت کی منزل پر سرفراز ہوتا ہے جب محبوب پاک صلی اللہ علیہ وسلم کے دشمنوں سے نفرت کی جائے......

کتاب "ادب اور بے ادبی" کا اجرا بدست حضور جیلانی میاں گزشتہ یوم خاندیش کی سرزمین پر شہزادۂ غوث اعظم حضرت پیر سید عبدالقا...
24/08/2026

کتاب "ادب اور بے ادبی" کا اجرا بدست حضور جیلانی میاں

گزشتہ یوم خاندیش کی سرزمین پر شہزادۂ غوث اعظم حضرت پیر سید عبدالقادر جیلانی میاں صاحب قبلہ کے ہاتھوں نوری مشن/اعلیٰ حضرت ریسرچ سینٹر مالیگاؤں کی مطبوعہ کتاب "ادب اور بے ادبی" از پروفیسر ڈاکٹر محمد مسعود احمد کا اجرا عمل میں آیا- جس میں ناموسِ رسالت ﷺ کے احترام کا پاکیزہ درس ہے اور ہند میں باباے وہابیت کی توہین آمیز عبارتوں کا محاکمہ کیا گیا ہے- جیلانی میاں صاحب قبلہ نے اس موقع پر نوری مشن و اعلیٰ حضرت ریسرچ سینٹر کو دعاؤں سے نوازا- ایسی اطلاع نعت خواں ہاشم رضا نے ارسال کی-

اظہارِ محبت رسولﷺ: محفلِ نور بوقتِ سحر میلادالنبی ﷺمالیگاؤں : بارہویں شب گزر کر بوقتِ سحر 4 بجے اعلیٰ حضرت ریسرچ سینٹر ...
24/08/2026

اظہارِ محبت رسولﷺ: محفلِ نور بوقتِ سحر میلادالنبی ﷺ

مالیگاؤں : بارہویں شب گزر کر بوقتِ سحر 4 بجے اعلیٰ حضرت ریسرچ سینٹر نور باغ میں محفلِ نور منعقد ہوگی- جس میں میلاد مصطفیٰ ﷺ کی مناسبت سے نعتیہ نغمات پیش کیے جائیں گے- آمد مصطفیٰ ﷺ کی مناسبت سے بطریقۂ سلف صالحین مؤدب انداز میں نغمہ ہاے سلام باقیام گنگنائے جائیں گے- محفلِ نور کا اختتام اذان فجر سے قبل ہوگا بعدہٗ نماز فجر باجماعت ادا کی جائے گی- عاشقان رسول سے شرکت کی درخواست نوری مشن نے کی ہے-

مالیگاؤں میں اسلامی روایات کا مظہر جلوسِ عید میلادالنبی ﷺ(چند اصلاحی نکات) مالیگاؤں اپنی منفرد شناخت و پہچان رکھتا ہے- ...
24/08/2026

مالیگاؤں میں اسلامی روایات کا مظہر جلوسِ عید میلادالنبی ﷺ
(چند اصلاحی نکات)

مالیگاؤں اپنی منفرد شناخت و پہچان رکھتا ہے- اس بستی کی تاریخ یوں تو کئی صدیوں پر محیط ہے- تاہم بعض دینی روایات ایسی ہیں کہ جنھیں اگر الگ کر دیا جائے تو شہر کی رونقیں گہنا جائیں- اس بستی کے نکھار کا ایک نمایاں پہلو رسول اللہ صلی اللہ تعالیٰ علیہ وسلم کی آمد آمد کی مسرت کے اظہار کا اسلامی طریقہ ہے-
میلادِ مصطفیٰ صلی اللہ تعالیٰ علیہ وسلم کی ساعت بہت دل افروز ہے- جس کی تابشیں ایمان کو توانائی بخشتی ہیں- یقینی طور پر نظامِ ہستی کی بہار ہے صبحِ بارہ ربیع الاول- جس کے دامن میں ہزاروں بہاریں جلوہ گر ہوئیں- انسانیت کا سویرا ہوا- کفر کی تاریکی چھٹ گئی- توحید کا اُجالا پھیل گیا- کفر لرزنے لگا- ہدایت کی شمعیں فروزاں ہوئی:

رُسل انھیں کا تو مژدہ سُنانے آئے ہیں
انھیں کے آنے کی خوشیاں منانے آئے ہیں

بات تھی مالیگاؤں میں جشنِ میلاد مصطفیٰ صلی اللہ تعالیٰ علیہ وسلم کی نکہتوں کی- ایک صدی قبل یہاں کے زندہ دل مسلمانوں نے جو روایت قائم کی- ذکرِ الٰہی و ذکرِ رسالت پناہی صلی اللہ تعالیٰ علیہ وسلم کے اظہار کا اسلوب عطا کیا؛ اسی جلوسِ عید میلاد النبی کے سو زیادہ جلوے اپنی کرنیں بکھیر چکے؛ امسال بھی بارہ ربیع الاول کی صبح مشاہدۂ روحانی ہو گا-
سُنّی جمعیۃ علماء نے جلوسِ عید میلاد کے اہتمام کا ذمہ لیا- سعادتوں کا سفر شروع ہوا- ایک صدی سے زیادہ مدت کی مسافرت طے ہوئی- ذکرِ الٰہی، ذکرِ رسالت پناہی صلی اللہ تعالیٰ علیہ وسلم کی نسیمِ فرحت بخش چلتی رہی- نعرۂ تکبیر و نعرۂ رسالت کی پاکیزہ گونج رہی- ہر سال یہاں کی بستی میں اس عزم کی تجدید ہوتی رہی کہ اقامتِ دین کے لیے رسول اللہ صلی اللہ تعالیٰ علیہ وسلم سے وفاداری ضروری ہے؛ اپنی عقیدتوں کا رشتہ مکینِ گنبدِ خضرا سے جوڑ لیں؛ کامیابیاں قدم بوس ہوں گی- تشخصِ اسلامی کی صبحِ درخشاں نمودار ہو گی-
جلوسِ میلاد نکلتا رہا- امنِ اسلام کا مظہر بنا- نفرتوں کو مٹاتا رہا- محبتوں کی سوغاتیں تقسیم کرتا رہا- اس کی قیادت سُنّی جمعیۃ علماء کے تحت کبھی متوسلینِ بریلی شریف و مارہرہ مطہرہ نے کی؛ کبھی ساداتِ کرام نے کی؛ کچھوچھہ مقدسہ کے بزرگوں نے کی؛ کبھی اکابر علماء کے قافلے مالیگاؤں کی بستی میں فروکش ہوئے- مشائخ کرام کی آمد ہوتی رہی- یہاں کی فضائیں اکابر علما و مشائخ کے لحنِ مبارک سے گونجتی رہیں- فاران کی چوٹیوں سے جو نغمۂ جاں افروز بلند ہوا؛ اس کی دعوت بزمِ جلوس سے اکابر دیتے رہے- قادری و چشتی؛ نقشبندی و سہروردی نسبتوں کے حاملین کی قیادت میں سُنّی جمعیۃ علماء کے جلوس کی شوکت بڑھتی رہی- مسلمانوں کی افرادی قوت و شان کا نظارہ اس جلوس سے ہویدا ہے- جس سے ظلمت کدۂ شرک و کفر مبہوت رہا-
امسال بھی حسبِ روایت جلوسِ عید میلاد النبی صلی اللہ تعالیٰ علیہ وسلم دارالعلوم حنفیہ سنیہ اسلام پورہ مالیگاؤں سے نمودار ہوگا- شہر کی آبادیوں، گلیاروں، کوچوں سے گزرے گا- روایات زندہ ہوں گی- جا بجا عشقِ رسول کے نغموں سے زبانیں تر ہوں گی- بوقتِ سحر ہی مساجد سے نغمات توحید و رسالت فضا کو مشکبار بنا رہے ہوں گے- عشقِ رسول صلی اللہ علیہ وسلم کے والہانہ نغمات گونج رہے ہوں گے- فجر کا منظر دیدنی ہوگا- نمازیوں سے مساجد پُر ہوں گی- یہ میلاد مصطفیٰ کی برکتیں ہیں؛ اگر ہم عہد کر لیں تو میلاد پاک کی برکتوں سے سال بھر بلکہ زندگی بھر نمازوں کے پابند بن جائیں گے- یہ میلادِ پاک کی نسبتوں کا اثر ہے کہ برائیوں کے خوگر بھی نیکیوں میں مشغول نظر آتے ہیں؛ جو زباں گندے گانوں اور عریاں لفظوں سے معاشرتی آلودگی بڑھاتی تھیں؛ وہ نغمۂ توحید و رسالت بلند کر رہی ہیں- ہاں! منظر روح پرور ہے- مسجدیں آباد ہیں- ہم بھی ان پاکیزہ ساعتوں میں ان نکات پر غور کریں اور نئی نسل کو نظامِ عمل دیں-
(1) عید میلاد کے صدقے نمازوں کی پابندی کا عہد کریں-
(2) جلوسِ میلاد کے تصدق اپنی صفوں میں عشقِ رسول و تحفظِ ناموسِ رسالت صلی اللہ علیہ وسلم کی بنیاد پر اتحاد قائم کریں-
(3) شریعت پر عمل کا عزمِ محکم کریں تا کہ کفر کی بلائیں اور امورِ شرع کی تباہی کے خواہاں نامراد ہوں- ان کی سازشیں ان پر ہی لوٹ جائیں-
(4) حقوق العباد کی پاس داری کا عہد کریں-
(5) اپنے اسلامی تمدن کی طرف مراجعت کریں-
(6) جس طرح میلاد کی ساعتوں میں اعزا و غرباء کو کھانا کھلاتے ہیں؛ پورے سال غریب پروری اور اُلفت کے نظارے پیش کریں تا کہ جنت کی ابدی نعمتوں کے حق دار بنیں- بحمدہٖ تعالیٰ نوری مشن مالیگاؤں سے ہر سال پابندی کے ساتھ 250 راشن کٹ کی تقسیم مستحقین میں ہوتی ہے-
(7) بیماروں، ضعیفوں، محتاجوں سے محبت و دل جوئی کا مظاہرہ کریں-
(8) جلوسِ مبارک میں ہمیشہ شائستگی، سنجیدگی و متانت کا مظاہرہ کریں جیسا کہ شرکا کی بڑی تعداد اس رخ سے مثالی کردار ادا کرتی بھی ہے- ڈی جے جو گروہ لاتے ہیں وہ اس سے بچیں کہ یہ ناپسندیدہ ہے-
(9) سجاوٹ بھی کریں اور کردار کی سجاوٹ بھی کریں-
(10) اللہ تعالٰی کی رضا اور رسول اللہ صلی اللہ تعالیٰ علیہ وسلم کی اتباع کا ساماں کریں-
(11) علومِ اسلامیہ کے فروغ میں حصّہ لیں- تا کہ پیغامِ میلادِ مصطفیٰ صلی اللہ تعالیٰ علیہ وسلم کی اشاعت ہو-
(12) جلوس و اہتمامِ میلاد النبی صلی اللہ تعالیٰ علیہ کے ساتھ ہی "اولاد کو سکھائیں محبت رسول کی"... یوں ہی اعلیٰ حضرت علیہ الرحمہ کے نعتیہ کلام یاد کریں تا کہ محبتِ محبوب صلی اللہ تعالیٰ علیہ وسلم کا جذبہ؛ ایمانی حرارت کو تیز کرے:

جس سُہانی گھڑی چمکا طیبہ کا چاند
اُس دل افروز ساعت پہ لاکھوں سلام

ابھی منزلِ عشقِ رسول پر کئی امتحان درپیش ہیں- تمام باطل قوتیں متحد ہیں- اسلام کے سیلِ رواں کے آگے بند باندھنا چاہتی ہیں- اس لیے ہماری ذمہ داری ہے کہ جلوس میلاد النبی صلی اللہ تعالیٰ علیہ وسلم کو تاریخی کامیابی سے ہمکنار کروائیں؛ اس جہت سے یقیں کے مینار تعمیر کریں کہ ہمیں اپنے اسلامی تشخص کے ساتھ جینا ہے؛ اور طلسمِ مغرب و سحرِ مشرک سے نکل کر تمدن اسلامی کی کرنوں سے جہان کو منور کرنا ہے...


قوتِ عشق سے ہر پست کو بالا کر دے
دہر میں اسمِ محمد سے اُجالا کر دے

آنکھوں کا تارا نام محمد
دل کا اُجالا نام محمد

غلام مصطفیٰ رضوی
Noori Mission Malegaon
٭٭٭

کوٗ بہ کوٗ ذکرِ رضا
20/08/2026

کوٗ بہ کوٗ ذکرِ رضا

> اظہارِ محبت رسول ﷺ میلادِ مصطفیٰ ﷺ پر ادب و احترام کا پاکیزہ نقش جمانے والی تحقیقی کتاب’’ادب اور بے ادبی‘‘از پروفیسر ...
20/08/2026

> اظہارِ محبت رسول ﷺ
میلادِ مصطفیٰ ﷺ پر ادب و احترام کا پاکیزہ نقش جمانے والی تحقیقی کتاب

’’ادب اور بے ادبی‘‘از پروفیسر ڈاکٹر محمد مسعود احمد کی نوری مشن سے اشاعت

مالیگاؤں: تعظیم و تکریم مصطفیٰ ﷺ پر پروفیسر ڈاکٹر محمد مسعود احمد کی سنجیدہ و تحقیقی کتاب ’’ادب اور بے ادبی‘‘ کو نوری مشن نے 165؍ویں اشاعت کے بطور شائع کر دیا ہے۔ یہ کتاب سیرتِ رسول ﷺ کے تکریمی پہلوؤں پر درسِ عمل مہیا کرتی ہے۔ 88؍صفحات میں 138؍مصادر و مآخذ سے استفادہ کیا گیا ہے۔ اسلوبِ تحریر عمدہ، دل نشیں اورایمان افروز ہے۔ نقد و نظر کے پیمانے تعمیری مزاج اور تقدس ناموسِ رسالت ﷺ کا پاکیزہ درس ازبر کراتے ہیں۔ اسی رخ سے ماہِ ربیع الاول کی بہاروں میں نوری مشن نے اِس کتاب کو بِلاقیمت مہیا کیا ہے... ناموسِ رسالت ﷺ میں توہین و جرأت پر مبنی کتاب ’’تقویۃ الایمان‘‘ کی 16؍عبارتوں کا علمی و فکری محاکمہ کیا گیا ہے- بے ادبی و توہین کے جراثیم واضح کر کے قرآنی آیات کی روشنی میں محبت و تکریم بارگاہِ رسالت ﷺ کی پاکیزہ فضا ہموار کی ہے۔ علامہ محمد عبدالمبین نعمانی لکھتے ہیں:
’’زیر نظر کتاب ’’ادب اور بے ادبی" بھی اسی گستاخانہ کتاب کے خلاف ایک قلمی جہاد ہے، جسے سعادت لوح وقلم پروفیسر ڈاکٹر محمد مسعود احمد صاحب دہلوی (ایم اے، پی ایچ ڈی) فرزند حضرت مولانا شاہ مظہر اللہ صاحب مفتی اعظم دہلی نے اپنے مخصوص، اچھوتے اور دل نشیں انداز میں قلم بند فرما کر اربابِ علم و دانش کو دعوتِ فکر دی ہے، موصوف نے تیر و نشتر کے معروف طریقے سے ہٹ کر مذکورہ کتاب کی گستاخانہ اور غیر اسلامی عبارات کا علمی و فکری محاسبہ کیا ہے۔ اور قارئین کو عظمت وقارِ مصطفیٰ (علیہ التحیۃ والثناء) سے سینوں کو منور رکھنے کی تلقین کی ہے، پروفیسر صاحب موصوف اس کتاب میں ایک انشا پرداز ادیب اور مؤرخ سے زیادہ ایک پر سوز داعی اور پر جوش مبلغ کی حیثیت سے صاف دیکھے جا سکتے ہیں۔ جو ان کے غایتِ حبِ رسول ﷺ پر دال ہے۔‘‘(ص۸)...میلادِ مصطفیٰ ﷺ کی بہاروں میں ایسی ایمان افروز کتاب کا مطالعہ یقیناً ایمان کی تقویت کا باعث ہوگا۔ کتاب کے حصول کے لیے اعلیٰ حضرت ریسرچ سینٹر نور باغ مالیگاؤں یا مدینہ کتاب گھر نزد مدینہ مسجد رابطہ کیا جا سکتا ہے۔ پی ڈی ایف فائل کے لیے ان نمبرات پر واٹس ایپ رابطہ کیا جا سکتا ہے، 9325028586, 9273574090, 7588815888, ایسی اطلاع نوری مشن مالیگاؤں نے ارسال کی۔

آزادی ہند اور مولانا سید کفایت علی کافی مراد آبادی دیوان عام ڈیلی مالیگاؤں
18/08/2026

آزادی ہند اور مولانا سید کفایت علی کافی مراد آبادی
دیوان عام ڈیلی مالیگاؤں

Address

Aa'la Hazrat Road
Malegaon
423203

Telephone

+919325028586

Website

Alerts

Be the first to know and let us send you an email when Aa'la Hazrat Research Center, Malegaon posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Aa'la Hazrat Research Center, Malegaon:

Shortcuts

Share

Category