29/05/2026
*“ఫేక్ ప్రచారం కాదు… ఫెయిలైన రాజకీయాల కడుపుమంటే ఇది!”*
ఒకప్పుడు ఆంధ్రప్రదేశ్ యువత భవిష్యత్తుతో ఆటలాడింది ఎవరు?
ఐదేళ్లు ఒక్క డీఎస్సీ కూడా సక్రమంగా నిర్వహించకుండా నిరుద్యోగులను రోడ్డెక్కించింది ఎవరు?
“మెగా డీఎస్సీ” అంటూ హామీలు ఇచ్చి, చివరకు మెగా మోసం చేసింది ఎవరు?
ఈ ప్రశ్నలకు సమాధానం ఒక్కటే — వైసీపీ ప్రభుత్వం.
ఇప్పుడు అదే వైసీపీ, కూటమి ప్రభుత్వం అత్యంత పారదర్శకంగా నిర్వహించిన మెగా డీఎస్సీ-2025పై తప్పుడు ప్రచారాలు చేస్తుండటం చూస్తుంటే… ఇది రాజకీయ ప్రతీకారం తప్ప ఇంకేమీ కాదనిపిస్తోంది.
148 రోజుల్లో 16,347 పోస్టులతో మెగా డీఎస్సీ పూర్తి చేయడం చిన్న విషయం కాదు.
నోటిఫికేషన్… పరీక్షలు… కీ… అభ్యంతరాలు… మెరిట్ లిస్ట్… వెరిఫికేషన్… సెలక్షన్… ఇలా మొత్తం ప్రక్రియను రికార్డు సమయంలో పూర్తి చేయడం వెనుక ఒక కట్టుదిట్టమైన పరిపాలన ఉంది.
కానీ ప్రజల్లో ఆశ పెరుగుతుంటే… వైసీపీకి మాత్రం కడుపుమంట పెరుగుతోంది.
ఇప్పుడు వారు చెబుతున్న అబద్ధాలేంటో చూద్దాం.
“పేపర్ లీక్ అయింది” అంటున్నారు.
ఎలా లీక్ అవుతుంది?
ఈ పరీక్ష మొత్తం CBT విధానంలో జరిగింది.
వేర్వేరు సెషన్లు… వేర్వేరు ప్రశ్నపత్రాలు… డిజిటల్ సెక్యూరిటీ… మల్టీ లెవల్ ప్రొటెక్షన్… మానవ జోక్యం లేని సిస్టమ్.
అంటే ఒక అభ్యర్థికి ఏ ప్రశ్న వస్తుందో ముందే ఎవరికీ తెలియని విధానం.
ఇలాంటి పరీక్షలో పేపర్ లీక్ జరిగిందని చెప్పడం అంటే టెక్నాలజీ గురించి కనీస అవగాహన లేకపోవడం… లేదా కావాలనే ప్రజలను మోసం చేయడం.
అంత పెద్ద ఆరోపణలు చేస్తున్న వాళ్లు ఒక్క ఆధారం అయినా చూపించారా?
ఒక్క అధికారిక ఫిర్యాదు ఉందా?
ఒక్క సాక్ష్యం ఉందా?
ఏమీ లేదు.
ఇంకో కథ — “డేటా డిలీట్ చేశారు” అంటున్నారు.
అది కూడా పూర్తిగా అబద్ధమే అని విద్యాశాఖ స్పష్టం చేసింది.
మల్టీ లెవెల్ డిజిటల్ వెరిఫికేషన్ సిస్టమ్స్ మధ్య జరిగే ప్రక్రియలో డేటా మాయం చేయడం అనేది సినిమా కథల్లో సాధ్యం కావచ్చు… కానీ ఇక్కడ కాదు.
మరి అసలు సమస్య ఏంటి?
ఒక అభ్యర్థి వెరిఫికేషన్కు హాజరు కాలేదు. నిబంధనల ప్రకారం అతని అభ్యర్థిత్వం రద్దయింది. తర్వాత కోర్టుకెళ్లాడు. కోర్టు చెప్పిన విధంగానే గ్రీవెన్స్ కమిటీలు పరిశీలించాయి. అన్ని స్థాయిల్లో విచారణ జరిగింది.
అంటే మొత్తం వ్యవస్థ చట్టబద్ధంగా పనిచేసింది.
కానీ వైసీపీ సోషల్ మీడియా మాత్రం దీన్ని “స్కాం”గా మార్చే ప్రయత్నం చేస్తోంది.
ఎందుకు?
ఎందుకంటే యువతలో ఆశ పెరుగుతోంది.
ప్రభుత్వంపై నమ్మకం పెరుగుతోంది.
నిరుద్యోగుల్లో భవిష్యత్తుపై విశ్వాసం వస్తోంది.
అదే వైసీపీకి భయం.
ఐదేళ్లు ఉద్యోగాలు ఇవ్వని వాళ్లు…
ఇప్పుడు 16 వేల పోస్టులు ఇచ్చిన ప్రభుత్వాన్ని ప్రశ్నిస్తున్నారు.
డీఎస్సీ ఆపాలని కోర్టులకు వెళ్లింది ఎవరు?
పరీక్షలపై భయం పుట్టించే ప్రచారం చేసింది ఎవరు?
ఫేక్ పోస్టులు, కట్ వీడియోలు, యూట్యూబ్ అబద్ధాలతో నిరుద్యోగులను గందరగోళానికి గురి చేసింది ఎవరు?
ప్రజలకు అంతా తెలుసు.
నిజానికి ఇది కేవలం డీఎస్సీపై దుష్ప్రచారం కాదు…
యువత ఆశలపై దాడి.
ఎందుకంటే నిరుద్యోగ యువత ఉద్యోగం సంపాదిస్తే…
వారి జీవితాలు మారతాయి.
కుటుంబాలు నిలబడతాయి.
అప్పుడు అబద్ధపు రాజకీయాలకు మార్కెట్ ఉండదు.
అందుకే ప్రతి మంచి పనిపై విషం చిమ్మడం వైసీపీకి అలవాటైంది.
కానీ ఒక విషయం మాత్రం స్పష్టం —
ఈ తరం యువత 2019లో ఉన్న అమాయకులు కాదు.
సోషల్ మీడియాలో ఎవరు ఫేక్ ప్రచారం చేస్తున్నారో…
ఎవరు నిజంగా పనిచేస్తున్నారో గమనిస్తున్నారు.
పరీక్షలు పారదర్శకంగా జరిగితే మద్దతిస్తారు.
అబద్ధాలు చెబితే ప్రశ్నిస్తారు.
ఈ రాష్ట్ర యువతకు ఉద్యోగాలు కావాలి… అవకాశాలు కావాలి… అభివృద్ధి కావాలి.
కానీ వైసీపీ మాత్రం ఇంకా కుట్రలు, ఫేక్ నేరేటివ్లు, విష ప్రచారాల దగ్గరే ఆగిపోయింది.
ఇప్పుడు కాలం మారింది.
ప్రతి అబద్ధానికి ఫ్యాక్ట్ చెబుతున్న యువత ఉంది.
ప్రతి ఫేక్ ప్రచారాన్ని ఛేదించే సోషల్ మీడియా ఉంది.
ప్రతి కుట్రను గుర్తించే ప్రజా చైతన్యం ఉంది.
మెగా డీఎస్సీ-2025 ఒక నియామక ప్రక్రియ మాత్రమే కాదు…
“ఆంధ్రప్రదేశ్ మళ్లీ నిలబడుతోంది” అనే నమ్మకానికి నిదర్శనం.
ఆ నమ్మకాన్ని దెబ్బతీయాలని చూసేవారికి యువత ఒక్కటే సమాధానం చెబుతోంది —
“ఫేక్ ప్రచారాలు ఆపండి…
మా భవిష్యత్తుతో రాజకీయాలు చేయొద్దు!”
