04/09/2026
മാവേലിക്കര ലോക്സഭാ മണ്ഡലത്തിലെ എം.പി. ഫണ്ട് വിനിയോഗത്തെക്കുറിച്ച് ചിലർ നടത്തുന്ന “എം.പി. ഫണ്ട് ചെലവഴിച്ചില്ല” എന്ന പ്രചാരണം വസ്തുതകൾ മറച്ചുവെച്ചുള്ള രാഷ്ട്രീയ ആരോപണം മാത്രമാണ്.
ലഭ്യമായ കണക്കുകൾ പരിശോധിച്ചാൽ യാഥാർത്ഥ്യം വ്യക്തമാണ്.
🔹 ₹17.2 കോടി രൂപയുടെ ആകെ MPLADS വിഹിതത്തിൽ ₹13 കോടി രൂപയുടെ പദ്ധതികൾ ഇതിനകം ശുപാർശ ചെയ്തിട്ടുണ്ട്. അതായത് അനുവദിച്ച തുകയുടെ 75.4 ശതമാനം വികസന പ്രവർത്തനങ്ങൾക്കായി മാറ്റിവെച്ചുകഴിഞ്ഞു.
🔹 ബാക്കിയുള്ള ₹4.2 കോടി രൂപയുടെ പ്രവർത്തികളുടെ പണം പൂർണ്ണമായും ബന്ധപ്പെട്ട വെൻഡർമാർക്കും നിർവഹണ ഏജൻസികൾക്കും നൽകിക്കഴിഞ്ഞു. അതിനാൽ ഈ തുക ഫണ്ടിൽ കിടക്കുന്ന പണമല്ല; പ്രവർത്തിയായി മാറി, പേയ്മെന്റ് പൂർത്തിയായ തുകയാണ്.
🔹 58 പദ്ധതികൾ ഇതിനകം പൂർത്തീകരിച്ചിട്ടുണ്ട്.
🔹 ₹1.5 കോടി രൂപയുടെ പ്രവർത്തികൾ വിവിധ ഘട്ടങ്ങളിൽ പുരോഗമിക്കുകയാണ്.
🔹 വികസന പ്രവർത്തനങ്ങളുടെ എണ്ണത്തിലും വലിയ വർധനവാണ് ഉണ്ടായിരിക്കുന്നത്. 2024-ൽ 5 പ്രവർത്തികളുണ്ടായിരുന്നത് 2025-ൽ 71 ആയും 2026-ൽ 82 ആയും ഉയർന്നു.
എം.പി. ഫണ്ട് ചെലവഴിക്കാതെ കിടക്കുകയല്ല; പദ്ധതികളായി മാറുകയും, പ്രവർത്തികളായി നടപ്പാക്കപ്പെടുകയും, പൂർത്തിയായ പ്രവർത്തികൾക്ക് പേയ്മെന്റ് നൽകുകയും ചെയ്യുകയാണ്.
MPLADS പദ്ധതികളിൽ എം.പി.യുടെ ശുപാർശയ്ക്ക് ശേഷം ഭരണാനുമതി, സാങ്കേതിക അനുമതി, ടെൻഡർ, നിർവഹണം, അളവെടുപ്പ്, ബിൽ പരിശോധന, പേയ്മെന്റ് തുടങ്ങിയ വിവിധ നടപടിക്രമങ്ങളിലൂടെയാണ് പദ്ധതികൾ മുന്നോട്ട് പോകുന്നത്. അതിനാൽ ഒരു ഘട്ടത്തിലെ പോർട്ടൽ കണക്ക് മാത്രം ഉയർത്തിക്കാട്ടി “എം.പി. ഫണ്ട് ചെലവഴിച്ചില്ല” എന്ന് പറയുന്നത് യാഥാർത്ഥ്യത്തെ വളച്ചൊടിക്കലാണ്.
ജനങ്ങളുടെ ആവശ്യങ്ങൾക്കനുസരിച്ച് പരമാവധി പദ്ധതികൾ കൊണ്ടുവരികയും അവ സമയബന്ധിതമായി പൂർത്തിയാക്കുകയും ചെയ്യുക എന്നതാണ് ലക്ഷ്യം.
രാഷ്ട്രീയ ആരോപണങ്ങൾക്ക് മറുപടി വാക്കുകളിലല്ല, കണക്കുകളിലും പൂർത്തിയായ വികസന പ്രവർത്തികളിലുമാണ്.
₹17.2 കോടിയിൽ ₹13 കോടി പദ്ധതികളായി ശുപാർശ ചെയ്തു.
₹4.2 കോടി പൂർണ്ണമായി പേയ്മെന്റ് ചെയ്തു.
58 പദ്ധതികൾ പൂർത്തിയായി.
82 പ്രവർത്തികൾ 2026-ൽ മാത്രം റിപ്പോർട്ട് ചെയ്തിട്ടുണ്ട്.
ഇതാണ് മാവേലിക്കരയിലെ യഥാർത്ഥ വികസന ചിത്രം.
https://empoweredindian.in/mplads/mps/shri-suresh-kodikunnil-mavelikkara-kerala-18th-lok-sabha
