31/07/2022
പരിസ്ഥിതി സംരക്ഷണ പ്രവർത്തനങ്ങളിൽ വിദ്യാർത്ഥികളുടെ സമർപ്പിത പങ്കാളിത്തം പരിപോഷിപ്പിക്കുക എന്ന മഹദ് ലക്ഷ്യത്തോടെ കേരളത്തിലെ ഹയർ സെക്കന്ററി വിഭാഗം നാഷണൽ സർവീസ് സ്കീം ആവിഷ്കരിച്ച *നാമ്പ്* പദ്ധതി പ്രകാരം ഫലവൃക്ഷങ്ങളുടെ വിത്തുകളടങ്ങിയ വിത്തുരുളകൾ, സപ്തദിന ക്യാംപിൽ തയാറാക്കിയിരുന്നു. ഇവ ഫലഭൂയിഷ്ടമായ ജൈവ ലോല പ്രദേശങ്ങളിൽ വിതച്ച് മുളപ്പിയ്ക്കുന്ന പദ്ധതിയാണ് ഇത്.
മാവൂർ എൻ. എസ്.എസ് യൂണ്ണിറ്റ് സീഡ് ബോൾ പൊതു ഇടങ്ങളിൽ വിതറൽ പ്രോഗ്രാം സ്കൂൾ ഗ്രൗണ്ടിന് സമീപം നിർവഹിച്ചു. പരിപാടിയുടെ ഉദ്ഘാടനം പി.ടി. എ പ്രസിഡന്റ് സുരേഷ് എൻ നിർവഹിച്ചു. ഹരിതവല്കരണ ഉദ്യമങ്ങളിൽ വോളന്റിയർമാരുടെ മനുഷ്യ വിഭവശേഷി ഗുണകരമായും ,ഫലപ്രദമായും വിനിയോഗിക്കാൻ സാധിച്ചത് അങ്ങേയറ്റം അഭിനന്ദനാർഹമാണെന്ന് ഉദ്ഘാടകൻ സൂചിപ്പിച്ചു. ചടങ്ങിൽ പ്രിൻസിപ്പൽ ജിഷ രാജൻ സി.പി , സ്റ്റാഫ് സെക്രട്ടറി ആലികുട്ടി സർ , സുമയ്യ ടീച്ചർ Nടട P0 മുഹമ്മദ് പി എന്നിവർ പങ്കെടുത്തു.
