Info Aravalli GoG

05/09/2026

🎓 અરવલ્લી જિલ્લામાં શ્રેષ્ઠ શિક્ષક પારિતોષિક વિતરણ સમારોહ 🎓
ડૉ. બાબાસાહેબ આંબેડકર ભવન, મોડાસા ખાતે અન્ન અને નાગરિક પુરવઠા મંત્રીશ્રી પી.સી. બરંડાના અધ્યક્ષસ્થાને શ્રેષ્ઠ શિક્ષક પારિતોષિક વિતરણ સમારોહ યોજાયો.
જિલ્લાકક્ષાના ૪ અને તાલુકા કક્ષાના ૫ શ્રેષ્ઠ શિક્ષકોનું સન્માન, ૯ શાળાઓને અભિનંદનપત્ર તેમજ શિક્ષણાધિકારીઓને ઉત્કૃષ્ટ કાર્ય પારિતોષિક આપવામાં આવ્યા.
મંત્રીશ્રીએ જણાવ્યું: “શિક્ષકોથી આપણે સૌ ઘડતર પામ્યા છીએ. અરવલ્લી જિલ્લો સુશાસન, પ્રગતિ અને વિકાસના ક્ષેત્રે આગળ વધી રહ્યો છે.”
સાંસદશ્રી શોભનાબેન બારૈયા અને જિલ્લા પંચાયત પ્રમુખશ્રી મયુર પટેલે પણ શિક્ષકોની સેવાઓને બિરદાવી.
“શિક્ષક માત્ર જ્ઞાન આપનાર નથી, પરંતુ સમાજ અને રાષ્ટ્રના ભવિષ્યનું ઘડતર કરનાર શિલ્પી છે.”
#અરવલ્લી #શ્રેષ્ઠશિક્ષક #શિક્ષણ #મોડાસા #ગુજરાત

03/09/2026

03/09/2026

03/09/2026

03/09/2026

'Viksit Gujarat - Shaping Global Future' થીમ સાથે આગામી જાન્યુઆરીમાં આયોજિત 'વાઈબ્રન્ટ ગુજરાત ગ્લોબલ સમિટ 2027'ના ઉપલક્ષમાં આજે મુંબઈમાં ધ તાજ મહલ પેલેસ ખાતે યોજાશે વિશેષ રોડ-શૉ...

➡️ માન. મુખ્યમંત્રી શ્રી ભૂપેન્દ્રભાઈ પટેલની ઉદ્યોગકારો સાથેની વન ટૂ વન બેઠકોનો પ્રારંભ; જેમાં રોકાણની નવી તકો, વ્યવસાયના વિસ્તરણ અને વ્યૂહાત્મક ભાગીદારી અંગેની ચર્ચા

➡️ આજે સાંજે આયોજિત રોડ શૉમાં કોન્સ્યુલ જનરલ પણ રહેશે ઉપસ્થિત; વાઈબ્રન્ટ ગુજરાત ગ્લોબલ સમિટ 2027માં સેમીકન્ડક્ટર, ફીન્ટેક, ગ્રીન હાઈડ્રોજન, એ.આઈ. જેવા ઉભરતા સેક્ટર્સ તેમજ ગ્રીન ગ્રોથ પર રહેશે વિશેષ ફોકસ

➡️ ગુજરાતના મજબૂત ઔદ્યોગિક આધાર, આધુનિક માળખાગત સુવિધાઓ, રોકાણ માટે અનુકૂળ નીતિઓ અને ટકાઉ તથા ટેક્નોલોજી-આધારિત વિકાસ પર રાજ્ય સરકારની પ્રતિબદ્ધતાને પણ ઉજાગર કરવામાં આવી રહી છે

03/09/2026

માનનીય રાજ્યકક્ષાના મંત્રીશ્રી શ્રી કમલેશભાઈ પટેલ દ્વારા અરવલ્લી જિલ્લાના પ્રસિદ્ધ દેવાયત ધામ (દેવરાજધામ)ની પવિત્ર મુલાકાત લેવામાં આવી હતી.

આ અવસરે મંત્રીશ્રીએ ધામમાં વિરાજમાન ભગવાન રામદેવપીર તથા દેવાયત પંડિતની સમાધિના દર્શન કરીને શ્રદ્ધાસુમન અર્પણ કર્યા અને પરંપરાગત આરતી-પૂજામાં ભાગ લીધો.

મુલાકાત દરમિયાન તેઓએ ધામના મહંતશ્રી તથા વહીવટી અધિકારીઓ સાથે મુલાકાત કરીને સ્થળની ઐતિહાસિક મહત્તા અને સેવાકીય પ્રવૃત્તિઓ અંગે વિગતવાર માહિતી મેળવી.

મંત્રીશ્રીએ ધાર્મિક સ્થળોના સંરક્ષણ, સ્વચ્છતા અને વિકાસ કાર્યોને પ્રોત્સાહન આપતાં જણાવ્યું કે આવા આસ્થાના કેન્દ્રો સમાજમાં સદ્ભાવ અને એકતા વધારે છે.

#દેવરાજધામ #દેવાયતધામ #અરવલ્લી #કમલેશપટેલ #રામદેવપીર

03/09/2026

*અરવલ્લી જિલ્લાના મુખ્ય મથક મોડાસા ખાતે પોલીસ કર્મચારીઓ માટે રહેણાક આવાસો, પુસ્તકાલય, બાળ મંદિર અને જન સંપર્ક કાર્યાલયનું લોકાર્પણ*

માનનીય રાજ્યકક્ષાના મંત્રીશ્રી (નાણાં, પોલીસ હાઉસિંગ, જેલ, સરહદી સુરક્ષા, ગૃહ રક્ષક દળ અને ગ્રામ રક્ષક દળ, નાગરિક સંરક્ષણ, નશાબંધી અને આબકારી) શ્રી કમલેશભાઈ પટેલના વરદ્ હસ્તે કરવામાં આવ્યું.

ગુજરાત રાજ્યની રક્ષાશક્તિ વધુ પ્રબળ બનાવવા અને પોલીસ કર્મચારીઓના કલ્યાણ માટે આજે અરવલ્લી જિલ્લાના મોડાસા ખાતે નવીન પોલીસ હેડ ક્વાર્ટર્સ, મોડાસા-શામળાજી હાઇવે પર સી-૨૦, ડી-૮ અને ઈ-૨ કક્ષાના રહેવાણક આવાસો તેમજ પોલીસ વેલ્ફેર ફંડ સંચાલિત પુસ્તકાલય, બાળ મંદિર તેમજ જન સંપર્ક કાર્યાલયનું લોકાર્પણ માનનીય મંત્રીશ્રી શ્રી કમલેશભાઈ પટેલના વરદ્ હસ્તે કરવામાં આવ્યું. અતિથિ વિશેષ તરીકે માનનીય મંત્રીશ્રી શ્રી પી. સી. બરંડા ઉપસ્થિત રહ્યા હતા.

કાર્યક્રમમાં માનનીય સાંસદ શ્રીમતી શોભનાબેન બારૈયા, જિલ્લા પંચાયત પ્રમુખશ્રી મયુરકુમાર આર. પટેલ, ધારાસભ્યશ્રી ભીખુસિંહજી પરમાર અને ધવલસિંહ ઝાલા, નાયબ પોલીસ મહાનિરીક્ષકશ્રી વિરેન્દ્ર સિંહ યાદવ આઈ.પી.એસ. તથા પોલીસ અધિક્ષકશ્રી મનોહરસિંહ એન. જાડેજા આઈ.પી.એસ.ની હાજરી રહી હતી.

માનનીય મંત્રીશ્રી પી.સી. બરંડા અને મંત્રીશ્રી કમલેશભાઈ પટેલે પોલીસ કર્મચારીઓના કલ્યાણ અને રક્ષાશક્તિ મજબૂત બનાવવા અંગે સંબોધન કર્યું.

#અરવલ્લી #મોડાસા #પોલીસકલ્યાણ #ગુજરાતસરકાર #કમલેશપટેલ

30/08/2026

અરવલ્લી જિલ્લાના નવનિર્મિત શામળાજી તાલુકામાં આજે માનનીય મંત્રીશ્રી પી.સી.બરંડાના હસ્તે સરકારી તાલુકા પુસ્તકાલયનું ભવ્ય ઉદ્ઘાટન કરવામાં આવ્યું.
આ પુસ્તકાલય વિદ્યાર્થીઓને સ્પર્ધાત્મક પરીક્ષાઓની તૈયારી, આધુનિક પુસ્તકો, સામયિકો અને ડિજિટલ સુવિધાઓ પૂરી પાડશે. નવા તાલુકાના શિક્ષણ ક્ષેત્રે આ એક મહત્વપૂર્ણ પગલું છે.
#શામળાજી #અરવલ્લી #પુસ્તકાલય #શિક્ષણ

29/08/2026

તહેવારોમાં સોશ્યલ મીડિયા પર સુરક્ષિત રહેવાના ૩ મહત્વના ટિપ્સ:
1️⃣ પરિવારની ફોટોઝ અને વીડિયો શેર કરતા પહેલા લોકેશન અને પર્સનલ માહિતી દૂર કરો.
2️⃣ અજાણ્યા લોકોના ફ્રેન્ડ રિક્વેસ્ટ અને મેસેજ સ્વીકારતા પહેલા વિચારો.
3️⃣ ફેક ન્યૂઝ અને ભ્રામક માહિતી ફોરવર્ડ કરતા પહેલા વેરિફાઈ કરો.
નાની સાવચેતી મોટી મુશ્કેલીથી બચાવે છે.! 🛡️