Krishi Vigyan Kendra, Mohol

23/07/2026

Glimpses of Capacity Building Training Programme on "Food Processing Entrepreneurship Development" under PMFME Scheme organized by DLTI- KVK Mohol Dist-Solapur (Maharashtra) during 20-22 July, 2026 for Sustainable Food Processing Enterprise Establishment.

15/07/2026

🚨🚨 अत्यंत महत्त्वाची सूचना 🚨🚨

🌾 सर्व शेतकरी बांधवांना नम्र विनंती

📲 किसान सारथी मोबाईल अप्लिकेशन मध्ये Real-time Feedback सुरू झाले आहे.

📝 कृपया लवकरात लवकर ०५ प्रश्नांची उत्तरे भरून आपले प्रत्याभरण (Feedback) पूर्ण करावे.

🤝 आपल्या सहकार्यामुळे कृषि विषयक सेवा अधिक प्रभावीपणे शेतकऱ्यांपर्यंत पोहोचविण्यास मदत होईल.

🙏 आपले सहकार्य अपेक्षित आहे.

कृषि विज्ञान केंद्र, मोहोळ, जि. सोलापूर

टीप: आपण हवा असलेला पर्याय निवडावा... सोबत दिलेल्यात चित्रात उदाहरण दिलेले आहेत...

15/07/2026

19/06/2026

📢 शेतकरी बांधवांसाठी आवाहन 📢

प्रधानमंत्री किसान सन्मान निधी (PM-KISAN) योजनेच्या 23 व्या हप्त्याचा वितरण कार्यक्रम दिनांक 20 जून 2026 रोजी दुपारी 3:00 वाजता माननीय पंतप्रधानांच्या हस्ते आयोजित करण्यात आला आहे.

या कार्यक्रमाचे थेट प्रक्षेपण कृषी विज्ञान केंद्र, मोहोळ, जि. सोलापूर येथे आयोजित करण्यात आले आहे.

तसेच “खेत बचाओ अभियान” अंतर्गत मृदा आरोग्य संवर्धन, संतुलित खत व्यवस्थापन, सेंद्रिय व नैसर्गिक शेती तसेच शाश्वत कृषी पद्धतींबाबत मार्गदर्शन करण्यात येणार आहे.

🌾 सर्व शेतकरी बांधवांनी मोठ्या संख्येने उपस्थित राहून कार्यक्रमाचा लाभ घ्यावा.

📍 स्थळ: कृषी विज्ञान केंद्र, मोहोळ, जि. सोलापूर
📅 दिनांक: 20 जून 2026
🕒 वेळ: दुपारी 3:00 वाजता

“खेत बचाओ – माती वाचवा, शेती समृद्ध करा!”

आपली उपस्थिती ही शेतकरी कल्याण योजनांची माहिती व आधुनिक शेतीविषयक मार्गदर्शन मिळविण्याची उत्तम संधी आहे.

– कृषी विज्ञान केंद्र, मोहोळ, जि. सोलापूर 🌱🌾🚜

10/06/2026

फुले समृद्ध ग्राम योजनेसाठी कृषि विज्ञान केंद्रांची भूमिका महत्त्वाची : डॉ. जी. के. ससाणे

मोहोळ, दि. १० जून : महात्मा फुले कृषि विद्यापीठ, राहुरी येथील मा. विस्तार शिक्षण संचालक डॉ. जी. के. ससाणे यांनी आज कृषि विज्ञान केंद्र, मोहोळ येथे भेट देऊन केंद्राच्या विविध उपक्रमांचा आढावा घेतला. यावेळी त्यांनी फुले समृद्ध ग्राम योजनेच्या प्रभावी अंमलबजावणीसाठी कृषि विज्ञान केंद्रांची भूमिका अत्यंत महत्त्वाची असल्याचे प्रतिपादन केले.

कृषि विभाग व कृषि विज्ञान केंद्र यांच्या संयुक्त विद्यमाने गावपातळीवर अल निनो चा प्रभाव लक्षात घेवून विविध कृषी उपाययोजनांचा उपक्रम, तंत्रज्ञान प्रसार कार्यक्रम, शेतकरी प्रशिक्षण तसेच उत्पन्नवाढीसाठी पूरक व्यवसायांच्या प्रात्यक्षिकांचे आयोजन करण्यात यावे, असे त्यांनी सांगितले. फुले समृद्ध ग्राम योजनेअंतर्गत निवडलेल्या गावांमध्ये आधुनिक कृषि तंत्रज्ञानाचा प्रसार करून शेतकऱ्यांचे उत्पन्न वाढविण्यासाठी समन्वयाने कार्य करण्याच्या सूचना त्यांनी दिल्या.

यावेळी डॉ. ससाणे यांनी मा. कुलगुरु, डॉ. विलास खर्चे यांच्या संकल्पनेनुसार कृषि विज्ञान केंद्र प्रक्षेत्रावर एकात्मिक शेती पद्धती (Integrated Farming System) मॉडेल विकसित करण्याचे निर्देश दिले. शेतकऱ्यांना विविध शेतीपूरक व्यवसाय व उत्पादन साधनांची प्रत्यक्ष माहिती मिळावी यासाठी आदर्श एकात्मिक शेती प्रात्यक्षिक उभारण्यावर त्यांनी भर दिला. तसेच कृषि विज्ञान केंद्राच्या बळकटीकरणासाठी विविध प्रात्यक्षिके, डेमो युनिट्स व तंत्रज्ञान प्रदर्शनांच्या माध्यमातून फिरता निधी निर्माण करण्याबाबतही मार्गदर्शन केले.

भेटीदरम्यान त्यांनी कृषि विज्ञान केंद्राच्या दैनंदिन कामकाजाचा तसेच विविध प्रकल्प व उपक्रमांचा सविस्तर आढावा घेतला.

यावेळी विस्तार शिक्षण संचालनालयाचे कार्यालय अधिक्षक श्री. महेश सुरवसे, कृषि विज्ञान केंद्राचे प्रभारी वरिष्ठ शास्त्रज्ञ व प्रमुख डॉ. तानाजी वळकुंडे, कृषि विद्या विषयाच्या विषय विशेषज्ञा डॉ. स्वाती कदम, पीक संरक्षण विषयाचे विषय विशेषज्ञ डॉ. पंकज मडावी, कार्यक्रम सहाय्यक – प्रयोगशाळा तंत्रज्ञ श्री. तुषार आहिरे, कार्यक्रम सहाय्यक – संगणक श्री. सुयोग ठाकरे, प्रक्षेत्र व्यवस्थापक श्री. नरेंद्र जाधव, सपोर्टिंग स्टाफ - हेल्पर श्री. नितीन बागल हे उपस्थित होते.

28/04/2026

खरीप हंगाम २०२६-२७ आढावा बैठक मोहोळ येथे संपन्न
मोहोळ, दि. २८ एप्रिल २०२६ : कृषि विज्ञान केंद्र, मोहोळ यांच्या सहकार्याने महाराष्ट्र शासन कृषि विभाग व आत्मा सोलापूर यांच्या संयुक्त विद्यमाने खरीप हंगाम २०२६-२७ आढावा बैठक कृषि विज्ञान केंद्र, मोहोळ येथे मोहोळ तालुक्याचे आमदार मा. श्री. राजूभाऊ खरे यांच्या अध्यक्षतेखाली संपन्न झाली.
कार्यक्रमाच्या सुरुवातीस ड्रोन दीदी सौ सोनाली रामेश्वर अभिवंत यांना सन्माननीय आमदार श्री राजाभाऊ खरे यांच्या हस्ते ड्रोन चे पूजन करून वाटप करण्यात आले. सदर बैठकीस तालुक्यातील शेतकरी, कृषि विभागातील अधिकारी व कर्मचारी मोठ्या संख्येने उपस्थित होते. बैठकीदरम्यान तालुका कृषि अधिकारी श्री. हर्षद निगडे यांनी खरीप हंगाम २०२५-२६ मधील कामकाजाचा आढावा सादर केला तसेच खरीप हंगाम २०२६-२७ साठी नियोजित उपक्रमांची माहिती दिली.
तांत्रिक सत्रामध्ये कृषि विज्ञान केंद्राच्या मृदशास्त्रज्ञ सौ. काजल म्हात्रे यांनी संतुलित खत व्यवस्थापन या विषयावर शेतकऱ्यांना मार्गदर्शन केले. कार्यक्रमाचे प्रास्ताविक कृषि विज्ञान केंद्राचे कार्यक्रम समन्वयक डॉ. तानाजी वळकुंडे यांनी केले. यावेळी तांत्रिक अधिकारी श्री. माळी उपस्थित होते.
बैठकीनंतर मा. आमदार श्री. राजूभाऊ खरे यांनी शेतकऱ्यांना वेळेवर खत उपलब्ध होण्यासाठी नियोजन करण्याच्या सूचना दिल्या तसेच खतामधील भेसळ रोखण्यासाठी तालुका कृषि अधिकाऱ्यांनी विशेष लक्ष द्यावे, असे निर्देश दिले. तालुक्यात कृषि विभाग व कृषि विज्ञान केंद्रामार्फत सुरू असलेल्या विविध उपक्रमांबद्दल त्यांनी समाधान व्यक्त केले.
कार्यक्रमाचे सूत्रसंचालन सौ. ललिता वाघमोडे यांनी केले तर आभार प्रदर्शन श्री. माळी यांनी केले. कार्यक्रमाच्या यशस्वी आयोजनासाठी कृषि विभाग व कृषि विज्ञान केंद्रातील सर्व अधिकारी व कर्मचाऱ्यांचे सहकार्य लाभले. याप्रसंगी कृषि विज्ञान केंद्राचे डॉ. पंकज मडावी विषय विशेषज्ञ पीक संरक्षण, डॉ. स्वाती कदम विषय विशेषज्ञ कृषि विद्या, डॉ. विशाल वैरागर विषय विशेषज्ञ कृषि विस्तार, श्री. सुयोग ठाकरे हे उपस्थित होते.

02/01/2026

📢 महत्त्वाची सूचना – शेतकरी व ग्रामीण बांधवांसाठी

ग्रामीण रोजगार अधिक सक्षम करण्यासाठी MGNREGA ऐवजी
“विकसित भारत – रोजगार व आजीविका हमी अभियान (ग्रामीण) २०२६
(V.B.G. RAM G)” ही योजना सुरू करण्यात आली आहे.

✅ प्रत्येक कुटुंबास १२५ दिवसांची रोजगार हमी
✅ टिकाऊ मालमत्ता निर्मिती व ग्रामीण विकासाला चालना
✅ ग्रामीण उपजीविका ‘विकसित भारत’ संकल्पनेशी संलग्न

या योजनेची सविस्तर माहिती देण्यासाठी
कृषी विज्ञान केंद्र, मोहोळ यांच्यामार्फत नजिकच्या गावांमध्ये जनजागृती कार्यक्रम
📅 दिनांक : ०३ ते ०४ जानेवारी, २०२६ दरम्यान राबविण्यात येणार आहे.

👉 सर्व शेतकरी व ग्रामीण नागरिकांनी उपस्थित राहून या योजनेचा लाभ घ्यावा.

24/12/2025

Dr. Bhalekar, ADR, Ganeshkhind visited KVK Mohol on 22nd December, 2025 for Deadstock verification.

24/12/2025

Visit of Dr. Nitin Danawale, CS, Seed, MPKV, Rahuri, Dr. Dodake, Pulse Breeder, MPKV, Rahuri, Dr. Kailas Ghagare, I/c Seed Processing, MPKV, Rahuri visited KVK, Mohol on 18th December, 2025 to inspect the seed production plots of KVK, Mohol.

24/12/2025

महात्मा फुले कृषि विद्यापीठ, राहुरी अंतर्गत, कृषि विज्ञान केंद्र, मोहोळ जि. सोलापूर आणि जिल्हा अधिक्षक कृषि अधिकारी, सोलापूर यांचे संयुक्त विद्यमाने दि. ०४ ते ०६ डिसेंबर, २०२५ या कालावधी दरम्यान प्रधानमंत्री सूक्ष्म अन्न प्रक्रिया योजना (PMFME) अंतर्गत जिल्हास्तरीय क्षमता बांधणी व प्रशिक्षण घटकांतर्गत “अन्न प्रक्रिया उद्योजकता विकास” प्रशिक्षणाचे आयोजन करण्यात आले.
सदर प्रशिक्षणाचे उद्घाटन तालुका कृषि अधिकारी मोहोळ श्री हर्षद निगडे यांचे हस्ते झाले. याप्रसंगी कृषि विज्ञान केंद्र, मोहोळचे कार्यक्रम समन्वयक डॉ. तानाजी वळकुंडे, सदर प्रशिक्षणाचे समन्वयक व अन्नशास्त्र व तंत्रज्ञान विषयाचे विषय विशेषज्ञ श्री. दिनेश क्षिरसागर, पिक संरक्षण विषयाचे विषय डॉ. पंकज मडावी, कृषी विस्तार विषयाचे विषय विशेषज्ञ डॉ. विशाल वैरागर, मृद विज्ञान व कृषि रसायनशास्त्र विषयाच्या विषय विशेषज्ञ श्रीमती काजल म्हात्रे, कृषि विद्या विषयाच्या विषय विशेषज्ञ डॉ. स्वाती कदम हे उपस्थित होते.
श्री. हर्षद निगडे यांनी शाश्वत आर्थिक उत्पन्नासाठी कृषि मालाचे मूल्यवर्धन करणे गरजेचे आहे असे अवाहन करून कृषि प्रक्रिया उद्योगासाठी सहाय्यभूत योजनांची माहिती दिली. डॉ. तानाजी वळकुंडे यांनी यशस्वी प्रक्रिया उद्योजक होण्याकरिता ग्रामीण युवकांनी कृषि विज्ञान केंद्र, मोहोळ या कार्यालयाच्या मदतीने परिपूर्ण माहिती व तांत्रिक प्रशिक्षण घेऊन कृषि प्रक्रिया उद्योग उभारावेत असे नमूद केले. अन्नशास्त्र व तंत्रज्ञान विषयाचे विषय विशेषज्ञ श्री. दिनेश क्षिरसागर यांनी सदर कार्यक्रमाचे प्रास्ताविक करतांना स्पर्धेच्या युगात टिकून राहण्यासाठी आणि व्यवसाय वाढीसाठी अन्न प्रक्रिया उद्योजकांनी पौष्टिक, निर्भेळ आणि नाविन्यपूर्ण उत्पादने निर्मित करून आपल्या उत्पादनाचे आकर्षक पॅकेजिंग, ब्रॅंडिंग आणि विपणन करावे असे मत व्यक्त केले.
प्रशिक्षणा दरम्यान तांत्रिक सत्रांत सदर प्रशिक्षणाचे समन्वयक श्री. दिनेश क्षिरसागर यांनी ज्वारी व भरड धान्ये प्रक्रिया, फळे व भाजीपाला प्रक्रिया तंत्रज्ञान, बेकरी आधारित प्रक्रियायुक्त पदार्थांची निर्मिती तंत्रज्ञान, ऑईल मिल, मसाले प्रक्रिया उद्योग आणि आवश्यक यंत्र सामुग्री व पॅकेजिंग मधील अद्यावत तंत्रज्ञान, तसेच अन्न सुरक्षा आणि मानके कायदा, परवाना व नोंदणी या बाबत सविस्तर माहिती दिली.
डॉ. तानाजी वळकुंडे यांनी दुग्ध प्रक्रिया व पशुखाद्य निर्मिती उद्योग, योजनेंतर्गत प्रकल्प अहवाल मुल्यांकन व वित्त व्यवस्थापन या विषयावर, डॉ. विशाल वैरागर यांनी उद्योजकता विकास व विपणन संधी या विषयावर आणि कार्यक्रम सहाय्यक संगणक श्री सुयोग ठाकरे यांनी डिजीटल मार्केटिंग साठी सोशल मिडिया माध्यमांचा वापर याविषयी सखोल मार्गदर्शन केले.
प्रशिक्षणा दरम्यान दिनांक ०६ डिसेंबर , २०२५ रोजी श्री. तुषार कदम यांच्या खंडोबाचीवाडी ता. मोहोळ येथील सर्वस्व दूध व दुग्ध प्रक्रिया उद्योग येथे अभ्यास दौरा व प्रात्यक्षिक आयोजित करण्यात आले. यावेळी प्रशिक्षणार्थीनी दुधाचे होमोजिनायझेशन, पाश्चरायझेशान, पॅकिंग, खवा, पनीर आणि लस्सी दुग्ध उत्पादने निर्मिती तसेच पॅकेजिंग तंत्रज्ञान प्रात्यक्षिकासह आत्मसात केले.
कार्यक्रमाचे सूत्रसंचालन श्री. दिनेश क्षिरसागर तसेच आभार प्रदर्शन डॉ. पंकज मडावी यांनी केले. सदर प्रशिक्षणास सोलापूर जिल्ह्यातील जिल्हा स्तरीय समिती मार्फत शिफारशीत मंजूर लाभार्थी हे बहूसंख्येने उपस्थित होते. प्रशिक्षणाच्या यशस्वितेसाठी कृषि विज्ञान केंद्राचे सर्व अधिकारी व कर्मचारी यांनी विशेष परिश्रम घेतले.