31/07/2026
আজি, ইংৰাজী ৩১/০৭/২০২৬ তাৰিখে শুক্ৰবাৰে দিনৰ ১০:০০ বজাত বোৱালগুৰি গাওঁ পঞ্চায়ত কাৰ্যালয়ৰ প্ৰেক্ষাগৃহত বোৱালগুৰি গাওঁ পঞ্চায়তৰ অন্তৰ্গত ২৬টা অংগনবাড়ী কেন্দ্ৰৰ সকলো অংগনবাড়ী কৰ্মী আৰু দায়িত্বত থকা পৰ্যবেক্ষক শ্ৰীমতী নমিতা বৰ্মনৰ উপস্থিতিত এখন পৰ্যালোচনা সভা অনুষ্ঠিত হয়।
সভাত সভাপতিত্ব কৰে বোৱালগুৰি গাওঁ পঞ্চায়তৰ সভাপতি মিজানুল হক-এ। সভাত অংগনবাড়ী কেন্দ্ৰসমূহত চলি থকা বিভিন্ন সমস্যা, সেৱা প্ৰদানৰ মানদণ্ড, শিশু আৰু মাতৃ কল্যাণমূলক কাৰ্যসূচীৰ ফলপ্ৰসূ ৰূপায়ণ, লগতে কেন্দ্ৰসমূহৰ সামগ্ৰিক উন্নয়নৰ সৈতে জড়িত বিভিন্ন বিষয়ত বিস্তৃতভাৱে আলোচনা কৰা হয়।
সভাত উপস্থিত সকলো অংগনবাড়ী কৰ্মীয়ে নিজ নিজ কেন্দ্ৰৰ সমস্যা আৰু প্ৰয়োজনীয়তাসমূহ দাঙি ধৰে। সেইসমূহৰ দ্ৰুত আৰু ফলপ্ৰসূ সমাধানৰ বাবে আলোচনা কৰি আগন্তুক দিনত সমন্বয় আৰু সহযোগিতাৰে কাম আগবঢ়াই নিয়াৰ ওপৰত গুৰুত্ব আৰোপ কৰা হয়।
সভাৰ শেষত সভাপতি মিজানুল হকে সকলো অংগনবাড়ী কৰ্মীক আন্তৰিকতা, নিষ্ঠা আৰু দায়িত্ববোধেৰে জনসাধাৰণক উন্নত সেৱা আগবঢ়োৱাৰ আহ্বান জনায়।
