04/04/2025
*आजचा दिवस पानी फाउंडेशनच्या फार्मर कप २०२४ मोताळा तालुक्यातील विजेत्या शेतकरी गटांसाठी नक्कीच संस्मरणीय राहील! तालुक्याचे कृषी अधिकारी रामदास सिरसाट, मंडळ अधिकारी सचिन मोरे, अनुप लोहकरे, कृषी पर्यवेक्षक शिवशंकर बंडे, आत्मा विभाग प्रमुख दिनेश चित्रांग यांनी या गटांशी मनमोकळा संवाद साधला.🌱* यामध्ये लिहा येथील महात्मा फुले शेतकरी गट, भूमिपुत्र शेतकरी गट, खरबडी येथील परिवर्तन शेतकरी गट, कोथळी येथील निसर्गराजा महिला शेतकरी गट व युवकांचा शिव समर्थ शेतकरी गट यांचा समावेश होता.
शेतकरी गटांनी फार्मर कप प्रवासात घेतलेली मेहनत, गटशेतीतील धाडसी निर्णय, आलेल्या अडचणी, अनुभवलेले यश-अपयश आणि शेतीत केलेले नाविन्यपूर्ण प्रयोग, सर्व काही अधिकारी यांना सांगितले. हे सर्व त्यांनीही अत्यंत तन्मयतेने आणि प्रेमाने ऐकून घेतले. अनेक शेतकऱ्यांनी शेतीत आणि उद्योग उभारणीत येत असलेल्या समस्याही सांगितल्या.
या सर्व मुद्द्यांकडे गांभीर्याने लक्ष दिले तसेच त्वरित उपाययोजना करण्याचे आश्वासनही दिले. 🛠️✅
तालुका कृषी अधिकारी गटांविषयी बोलताना म्हणाले कि, "एकत्र येऊन गटशेती करणाऱ्या या शेतकऱ्यांची तळमळ, काम, एकमेकांना केलेले सहकार्य, त्यांच्यातील प्रगल्भता वाखाणण्याजोगी आहे. सध्यस्थितीत गटशेतीला प्राधान्य देणे खूप गरजेचे आहे आणि या गट पुढे जाऊन आदर्श बनावेत."
या शेतकरी गटांना आपला मौल्यवान वेळ देवून त्यांच्याशी केलेल्या अतिशय सुंदर हितगुजासाठी, आम्ही मन:पूर्वक आभारी आहोत.🙏✨
