MyBmc, Brihanmumbai Municipal Corporation, Annex Building, Mahapalika Marg, C. S. M. T, Mumbai (2026)

02/09/2026

🔷मतदार याद्यांचे विशेष सखोल पुनरिक्षण (SIR) कार्यक्रमांतर्गत बृहन्मुंबई महानगरपालिका क्षेत्रातील निवडणूक नोंदणी अधिकारी (ERO) आणि सहायक मतदार नोंदणी अधिकारी (AERO) यांच्या विशेष प्रशिक्षण शिबिराचे आज विले पार्ले येथील मास्टर दीनानाथ मंगेशकर नाट्यगृहात आयोजन करण्यात आले होते. यावेळी राज्याचे मुख्य निवडणूक अधिकारी श्री. एस. चोक्कलिंगम यांनी उपस्थितांना मार्गदर्शन केले.

🔷अतिरिक्त जिल्हा निवडणूक अधिकारी तथा अतिरिक्त महानगरपालिका आयुक्त (शहर) श्रीमती प्राजक्ता वर्मा-लवंगारे, अतिरिक्त जिल्हा निवडणूक अधिकारी तथा अतिरिक्त महानगरपालिका आयुक्त (पश्चिम उपनगरे) डॉ. विपिन शर्मा, अतिरिक्त जिल्हा निवडणूक अधिकारी तथा अतिरिक्त महानगरपालिका आयुक्त (प्रकल्प) श्री. अभिजीत बांगर, अतिरिक्त जिल्हा निवडणूक अधिकारी तथा जिल्हाधिकारी (मुंबई शहर जिल्हा) श्रीमती आंचल गोयल, अतिरिक्त जिल्हा निवडणूक अधिकारी तथा जिल्हाधिकारी (मुंबई उपनगर जिल्हा) श्री. सौरभ कटियार, महानगरपालिकेचे सह आयुक्त (कर निर्धारण व संकलन) श्री. विश्वास शंकरवार आदी उपस्थित होते.

🔷एकही पात्र नागरिक मतदार यादीतून वगळला जाणार नाही आणि एकही अपात्र व्यक्ती मतदार यादीत समाविष्ट होणार नाही, याची दक्षता घ्यावी. तसेच दिनांक २४ ऑक्टोबर २०२४ नंतर वयाची १८ वर्षे पूर्ण झालेल्या नव मतदार युवक आणि विद्यार्थ्यांसाठी विशेष शिबिरे आयोजित करून नमुना क्रमांक ६ भरून घेण्याची सुविधा उपलब्ध करून द्यावी, असे निर्देश मुख्य निवडणूक अधिकारी श्री. एस. चोक्कलिंगम यांनी यावेळी दिले.

02/09/2026

Partly cloudy sky with occasional light to moderate spells of rain in City and Suburbs.

01/09/2026

🔷'श्रीगणेशोत्सव २०२६' च्या अनुषंगाने महापौर श्रीमती रितू तावडे आणि उप महापौर श्री. संजय घाडी यांच्या अध्यक्षतेखाली बृहन्मुंबई महानगरपालिका पदाधिकारी, श्रीगणेशोत्सव मंडळांचे पदाधिकारी, मूर्तिकार संघटनेचे प्रतिनिधी आणि अधिकारी यांची आज महानगरपालिका मुख्यालयात आढावा बैठक पार पडली.

🔷श्रीगणेशोत्सव कालावधीत नागरिकांच्या आरोग्याची काळजी घेण्याच्या दृष्टीने माननीय मुख्यमंत्री श्री. देवेंद्र फडणवीस यांच्या संकल्पनेतून मुख्यमंत्री सहाय्यता निधी आणि महापौर वैद्यकीय सहायता निधीतून मुंबईत ‘श्रीगणेशा आरोग्याचा’ हा महत्त्वपूर्ण उपक्रम हाती घेण्यात येणार असल्याची घोषणा मुंबईच्या महापौर श्रीमती रितू तावडे यांनी केली.

🔷या विशेष उपक्रमांतर्गत श्रीगणेश मंडळांच्या सभामंडपात श्रीगणेश भक्तांसाठी मोफत आरोग्य तपासणी शिबिरे आयोजित केली जाणार असून, यासाठी गणेश मंडळांनी आपल्या मंडपात किंवा मंडप परिसरात या शिबिरासाठी जागा उपलब्ध करून द्यावी, असे आवाहन महापौर श्रीमती रितू तावडे यांनी केले आहे.

🔷बैठकीस उप महापौर श्री. संजय घाडी, सभागृह नेता श्री. गणेश खणकर, स्थायी समिती अध्यक्ष श्री. प्रभाकर शिंदे, शिवसेना गटनेता श्री. अमेय घोले, एआयएमआयएमचे गटनेता श्री. विजय उबाळे, महाराष्ट्र नवनिर्माण सेनेचे गटनेता श्री. यशवंत किल्लेदार, समाजवादी पक्षाच्या गटनेता श्रीमती अम्रीन अब्रहानी, सुधार समिती अध्यक्ष श्रीमती संध्या दोशी-सक्रे, बेस्ट समिती अध्यक्ष श्रीमती तृष्णा विश्वासराव यांच्यासह अतिरिक्त महानगरपालिका आयुक्त (शहर) श्रीमती प्राजक्ता वर्मा-लवंगारे, अतिरिक्त महानगरपालिका आयुक्त (पश्चिम उपनगरे) डॉ. विपिन शर्मा, अतिरिक्त महानगरपालिका आयुक्त (प्रकल्प) श्री. अभिजीत बांगर, अतिरिक्त महानगरपालिका आयुक्त (पूर्व उपनगरे) डॉ. अविनाश ढाकणे, सर्व परिमंडळांचे सह आयुक्त, उप आयुक्त, विविध विभागांचे अधिकारी, विविध प्राधिकरणांचे अधिकारी, पोलिस आणि वाहतूक विभागाचे अधिकारी यांच्यासह बृहन्मुंबई सार्वजनिक गणेशोत्सव समन्वय समिती, मुंबई उपनगरे श्री गणेश उत्सव समन्वय समिती, अखिल सार्वजनिक गणेशोत्सव महासंघांसह विविध श्रीगणेशोत्सव समन्वय समित्यांचे पदाधिकारी उपस्थित होते.

01/09/2026

Partly cloudy sky with occasional light spells of rain in City and Suburbs.

31/08/2026

Partly cloudy sky with occasional spells of light to moderate rain in City and Suburbs. Possibility of occasional gusty winds.

30/08/2026

Partly cloudy sky with occasional spells of light to moderate rain in City and Suburbs. Occassioanal gusty winds are also likely.

29/08/2026

🔷बृहन्मुंबई महानगरपालिकेने हाती घेतलेल्या ‘पादचारी प्रथम’ (Pedestrian First) अभियानाच्या पहिल्या टप्प्यात २०० पदपथांपैकी १३४ पदपथांवरील अतिक्रमण हटविण्यात आले आहे. या कारवाईत १९७ किलोमीटर अंतर इतके पदपथ अडथळामुक्त करण्यात आले आहेत.

🔷महानगरपालिका आयुक्त श्रीमती अश्विनी भिडे यांनी 'पादचारी प्रथम' या अभियानाच्या काटेकोर अंमलबजावणीचे निर्देश प्रशासनाल दिले आहेत. प्रत्येक प्रशासकीय विभागाचा (वॉर्ड ऑफीस) आणि त्या विभागातील विविध खात्यांकडून सुरू असलेल्या कारवाईचा आढावा देखील आयुक्त श्रीमती भिडे यांच्याकडून दैनंदिन स्वरूपात घेण्यात येत आहे.

🔷या अभियान अंतर्गत भांडुप रेल्वे स्थानक (पश्चिम) परिसरातील पदपथांवर गत दोन दिवसांत ९४ अनधिकृत स्टॉल्सवर कारवाई करण्यात आली आहे. भांडुप परिसरात पहिल्या टप्प्यात १४ पदपथांवरील जवळपास ११ पदपथांवरील अतिक्रमण काढण्यात सुरुवात करण्यात आली आहे. या कारवाईमुळे भांडुप रेल्वे स्थानक परिसरातून लाल बहादूर शास्त्री मार्गाच्या दिशेने नागरिकांना आता अडथळामुक्त पदपथ मिळणार आहे. या कारवाईसाठी ५ जेसीबी, १० डंपर, ५० हून अधिक अधिकारी-कर्मचारी, १०० कामगार तसेच ७० हून अधिक पोलीस कर्मचारी तैनात करण्यात आले.

🔷अतिरिक्त महानगरपालिका आयुक्त (पूर्व उपनगरे) डॉ. अविनाश ढाकणे यांच्या मार्गदर्शनात , उप आयुक्त (परिमंडळ ६) श्री. संतोषकुमार धोंडे, सहायक आयुक्त (एस विभाग) श्रीमती समरीन सय्यद यांनी ही कारवाई करण्यात आली आहे.

29/08/2026

Partly cloudy sky with occasional spells of light to moderate rain in City and Suburbs.

28/08/2026

कर्करोगाच्या असह्य वेदनांवर प्रेमाची आणि विश्वासाची फुंकर

मुंबईच्या महापौर श्रीमती रितू तावडे यांनी चिमुकल्यांसमवेत रक्षाबंधन साजरे करत दिला कृतिशील सामाजिक संदेश!

राखीच्या नाजूक धाग्यातून उमटली जिद्द आणि जगण्याची नवी आशा

रोनाल्ड मॅकडोनाल्ड हाऊसमध्ये साजरा झाला अनोखा रक्षाबंधन सोहळा

🔷सण-उत्सव केवळ चार भिंतींतील औपचारिकतेत न ठेवता, दुर्धर आजाराशी झुंजणाऱ्या चिमुकल्यांच्या आनंदात मुंबईच्या प्रथम नागरिक महापौर श्रीमती रितू तावडे प्रत्यक्ष सहभागी झाल्या. दुर्धर आजारांशी दोन हात करीत असलेल्या बालकांना 'केवळ शब्दांची सहानुभूती नको, तर प्रत्यक्ष सहवेदना आणि मदतीचा हात हवा' हा कृतिशील सामाजिक संदेश महापौरांनी दिला आहे.

🔷कर्करोग असल्याने, वैद्यकीय उपचार म्हणून सुई, सलाईन आणि किमोथेरपीच्या असह्य वेदनांशी रोज दोन हात करणाऱ्या निष्पाप चिमुकल्यांच्या चेहऱ्यावर आनंदाचे हसू उमटले तर हा हळवा प्रसंग अनुभवून उपस्थितांचे डोळे पाणावले. निमित्त होते रक्षाबंधनाचे आणि या अत्यंत भावुक क्षणांच्या दुवा ठरल्या मुंबईच्या प्रथम नागरिक, महापौर श्रीमती रितू तावडे!

🔷मुंबईतील माहीम येथील 'रोनाल्ड मॅकडोनाल्ड हाऊस इंडिया' येथे गंभीर आजारांवर उपचार घेत असलेल्या कर्करोगग्रस्त मुलांसमवेत महापौरांनी काल (दिनांक २७ ऑगस्ट) अतिशय आपुलकीने आणि भावनिक वातावरणात रक्षाबंधन साजरे केले. वैद्यकीय उपचारांच्या कठीण प्रवासात मुलांच्या चेहऱ्यावरील निष्पाप हास्य पाहून गहिवरलेल्या महापौरांनी स्वतः मुलांशी मनमोकळ्या गप्पा मारल्या, त्यांना मायेने जवळ घेतले, भेटवस्तू दिल्या आणि त्यांच्या दीर्घायुष्यासाठी प्रार्थना केली.

🔷"उपचारांच्या तीव्र यातना सहन करणाऱ्या या चिमुकल्यांच्या चेहऱ्यावर राखीचा आनंद आणि डोळ्यांतील जगण्याची दुर्दम्य आशा पाहून मी निःशब्द झाले आहे. हा रेशमी धागा केवळ संरक्षणाचे वचन नाही, तर 'तुम्ही या लढाईत अजिबात एकटे नाही, संपूर्ण मुंबई तुमच्या पाठीशी खंबीरपणे उभी आहे' या दृढ विश्वासाची साक्ष आहे," असे महापौर श्रीमती रितू तावडे यावेळी म्हणाल्या.

चिमुकल्या हातांनी विणलेले प्रेमाचे रेशमी बंध

🔷या कार्यक्रमाचे हृदयस्पर्शी वैशिष्ट्य म्हणजे रुग्णालयातील वेदना विसरून या कर्करोगग्रस्त लहानग्यांनी स्वतःच्या नाजूक हातांनी बनवलेल्या सुंदर राख्या! जेव्हा या मुलांनी महापौरांना आणि एकमेकांना या राख्या बांधल्या, तेव्हा उपस्थित पालकांच्या व डॉक्टरांच्याही डोळ्यांत आनंदाश्रू तरळले. हा सोहळा म्हणजे भाऊ-बहिणीच्या प्रेमासोबतच जिद्द, आपुलकी आणि एकजुटीची अभेद्य भावना जपणारा ठरला.

घरच्या मायेची ऊब: रोनाल्ड मॅकडोनाल्ड हाऊसचे सेवाकार्य
🔷दूरवरच्या खेड्यापाड्यांतून आपल्या काळजाच्या तुकड्यावर उपचार करण्यासाठी शेकडो किलोमीटरचा प्रवास करून मुंबईत येणाऱ्या कुटुंबांसाठी उपचारांचा, निवासाचा व खाण्यापिण्याचा खर्च पेलवणे अशक्यप्राय असते. अशा अत्यंत बिकट काळात रोनाल्ड मॅकडोनाल्ड हाऊस इंडिया ही संस्था या कुटुंबांना केवळ मोफत निवास व भोजनाची व्यवस्था करत नाही, तर त्यांना हक्काची कौटुंबिक सुरक्षितता प्रदान करते. माहीम मधील या वास्तूतील १६ सुसज्ज खोल्या व स्वयंपाकघर पाहून महापौरांनी समाधान व्यक्त केले. "येथे आई स्वतःच्या हाताने बाळासाठी आवडीचे जेवण बनवू शकते, ही भावनाच त्या आजारी मुलाला घरात असल्याचा मोठा मानसिक दिलासा देते," असे महापौर श्रीमती रितू तावडे यांनी नमूद केले.

🔷प्रत्यक्ष मदतीची कृती करत महापौरांनी स्पष्ट केले की, मुंबई महानगरपालिका कर्करोगग्रस्त बालकांच्या पाठीशी सदैव कटिबद्ध आहे. या गंभीर आजारांशी लढा देणाऱ्या गरजू कुटुंबांसाठी 'महापौर वैद्यकीय मदत कक्ष' मार्फत तत्काळ आर्थिक सहाय्य उपलब्ध करून देण्यात येईल. त्यासाठी त्वरित प्रस्ताव सादर करण्याचे निर्देश महापौरांनी यावेळी संस्था संचालकांना दिले.

🔷महापौरांच्या या स्नेहमयी व आत्मीय भेटीमुळे उपचारांच्या खडतर प्रवासात लढणाऱ्या कुटुंबीयांना नवे मानसिक व भावनिक बळ लाभले असल्याची भावना पालकांनी व्यक्त केली. याप्रसंगी रोनाल्ड मॅकडोनाल्ड हाऊस इंडियाचे संचालक श्री. निशेत पांडे, श्रीमती सुलक्षणा मुखर्जी यांच्यासह संस्थेचे सर्व समर्पित कर्मचारी व बालरुग्णांचे कुटुंबीय उपस्थित होते.

28/08/2026

महापौर बंगल्यातील कर्मचाऱ्यांसोबत महापौरांनी साजरी केली 'कृतज्ञतेची राखी'

महापौर श्रीमती रितू तावडे व आमदार श्रीमती चित्राताई वाघ यांच्या उपस्थितीत पार पडला सोहळा

🔷"रक्षाबंधन सण हा केवळ रक्ताच्या नात्यापुरता मर्यादित नसून तो प्रेम, विश्वास, काळजी आणि संरक्षणाचा अतूट धागा आहे. दिवस-रात्र सेवा देणारे महापौर बंगल्यातील सर्व कर्मचारी हे आमचे कुटुंबच आहेत," असे भावोद्गार मुंबईच्या महापौर श्रीमती रितू तावडे यांनी काढले.

🔷भायखळा स्थित महापौर निवासस्थानी आज (दिनांक २८ ऑगस्ट २०२६), महापौर बंगल्यातील सर्व कर्मचाऱ्यांसमवेत रक्षाबंधन सण कौटुंबिक वातावरणात साजरा करण्यात आला. याप्रसंगी आमदार श्रीमती चित्राताई वाघ यांची प्रमुख उपस्थिती होती.

🔷महापौर श्रीमती रितू तावडे व आमदार चित्राताई वाघ यांनी कर्मचाऱ्यांना स्वतः राखी बांधून त्यांचे औक्षण केले तसेच त्यांच्या उत्तम आरोग्यासाठी व दीर्घायुष्यासाठी शुभेच्छा दिल्या. सण-उत्सवाच्या काळातही कर्तव्यावर तत्पर राहणाऱ्या कर्मचाऱ्यांप्रति कृतज्ञता व्यक्त करण्यासाठी या छोटेखानी सोहळ्याचे आयोजन करण्यात आले होते.

MyBmc

02/09/2026

02/09/2026

01/09/2026

01/09/2026

31/08/2026

30/08/2026

29/08/2026

29/08/2026

28/08/2026

28/08/2026

Address

Website

Alerts

Shortcuts

Share

Category

Listing takedown request