गोंदिया जिल्हा राष्ट्रवादी काँग्रेस पक्ष - शरदचंद्र पवार

01/08/2026

कष्टकरी, वंचित आणि शोषित समाजाच्या वेदनांना आपल्या लेखणीतून आणि शाहिरीतून आवाज देणारे महान लोकशाहीर अण्णाभाऊ साठे यांचे कार्य आजही समाजाला समता, स्वाभिमान आणि सामाजिक न्यायासाठी प्रेरणा देत आहे.

"पृथ्वी शेषाच्या मस्तकावर नाही, तर कष्टकरी कामगारांच्या तळहातावर तरलेली आहे."
— लोकशाहीर अण्णाभाऊ साठे

त्यांच्या विचारांचा वारसा जपत समतामूलक, न्याय्य आणि प्रगत महाराष्ट्र घडविण्याचा संकल्प करूया.

लोकशाहीर, साहित्यरत्न अण्णाभाऊ साठे यांना जयंतीनिमित्त विनम्र अभिवादन..!

29/07/2026

गुरु पौर्णिमेच्या हार्दिक शुभेच्छा!

ज्ञान, संस्कार, विवेक आणि जीवनाला योग्य दिशा देणाऱ्या सर्व गुरुजनांना साष्टांग प्रणाम.

गुरुंच्या आशीर्वादाने आपल्या जीवनात यश, समाधान आणि सद्बुद्धी नांदो, हीच प्रार्थना.

गुरुर्ब्रह्मा गुरुर्विष्णुः गुरुर्देवो महेश्वरः।
गुरुः साक्षात् परब्रह्म तस्मै श्रीगुरवे नमः॥

26/07/2026

मुंडिकोटा येथील श्री आकाश बागडे यांचा राष्ट्रवादी काँग्रेस पक्ष (शरदचंद्र पवार) मध्ये जाहीर पक्षप्रवेश

तिरोडा, प्रतिनिधी : तिरोडा येथील स्थानिक जनसंपर्क कार्यालयात आयोजित विशेष पक्षप्रवेश कार्यक्रमात मुंडिकोटा येथील श्री आकाश बागडे यांनी राष्ट्रवादी काँग्रेस पक्ष (शरदचंद्र पवार) मध्ये जाहीर प्रवेश केला. पक्षाचे पुरोगामी विचार, सर्वसामान्यांच्या प्रश्नांप्रती असलेली बांधिलकी आणि गोंदिया जिल्हाध्यक्ष श्री रविकांत खुशाल बोपचे यांच्या नेतृत्वावर विश्वास व्यक्त करत त्यांनी पक्षाचा झेंडा हाती घेतला.

यावेळी जिल्हाध्यक्ष श्री रविकांत बोपचे यांनी पक्षाचा दुपट्टा परिधान करून श्री आकाश बागडे यांचे पक्षात विधिवत स्वागत केले. पक्षाच्या वतीने त्यांचे हार्दिक अभिनंदन करून आगामी सामाजिक व संघटनात्मक कार्यासाठी शुभेच्छा देण्यात आल्या.
पक्षप्रवेशानंतर बोलताना श्री आकाश बागडे म्हणाले, "राष्ट्रवादी काँग्रेस पक्ष (शरदचंद्र पवार) यांच्या विचारधारेवर माझा पूर्ण विश्वास आहे. समाजहित आणि जनतेच्या प्रश्नांसाठी प्रामाणिकपणे काम करण्याच्या उद्देशाने मी पक्षात प्रवेश केला असून, आगामी काळात पक्ष संघटना अधिक बळकट करण्यासाठी आणि जनतेच्या सेवेसाठी कटिबद्ध राहीन."

या कार्यक्रमास जिल्हाध्यक्ष श्री रविकांत खुशाल बोपचे, आदिवासी सेल अध्यक्ष श्री संजय धुर्वे, अल्पसंख्यांक सेल अध्यक्ष श्री जॉनी सैय्यद, मुंडिकोटा पंचायत समिती प्रमुख श्री निरज गजभिये, आदिवासी सेल उपाध्यक्ष श्री किशोर कुंभरे, कोयलारी पंचायत समिती क्षेत्र प्रमुख श्री अनिल रहांगडाले, श्री संकेत शामकुल, श्री रंजित श्रीबासरी तसेच पक्षाचे इतर पदाधिकारी व कार्यकर्ते मोठ्या संख्येने उपस्थित होते.

26/07/2026

भारताच्या सीमा सुरक्षित ठेवण्यासाठी आपल्या प्राणांची आहुती देणाऱ्या सर्व अमर वीर जवानांना कारगिल विजय दिनानिमित्त विनम्र अभिवादन व भावपूर्ण श्रद्धांजली.

आपले अदम्य शौर्य, पराक्रम, राष्ट्रनिष्ठा आणि सर्वोच्च बलिदान प्रत्येक भारतीयासाठी सदैव प्रेरणादायी राहील.

आपल्या त्यागाचे ऋण हा देश कधीही विसरणार नाही.

जय हिंद! 🇮🇳 वंदे मातरम्!

25/07/2026

25/07/2026

विद्यार्थ्यांच्या न्याय्य लढ्याला माझा ठाम पाठिंबा! ✊

📍 राणी अवंतीबाई चौक, तिरोडा येथे आपल्या न्याय्य हक्कांसाठी शांततापूर्ण आंदोलन करणाऱ्या विद्यार्थ्यांची भेट घेऊन त्यांच्या मागण्या जाणून घेतल्या व त्यांच्या न्याय्य आंदोलनाला माझा जाहीर पाठिंबा दिला.

दिल्लीतील जंतर-मंतर येथे शांततेच्या मार्गाने आंदोलन करणाऱ्या विद्यार्थ्यांवर झालेला अमानुष लाठीचार्ज हा लोकशाहीवरील आघात असून त्याचा मी तीव्र निषेध करतो.

विद्यार्थ्यांचे प्रश्न दडपशाहीने नव्हे, तर संवाद, संवेदनशीलता आणि न्यायाच्या भूमिकेतून सोडवले गेले पाहिजेत. लोकशाहीत विद्यार्थ्यांचा आवाज दाबला जाऊ शकत नाही.

विद्यार्थ्यांच्या न्यायाच्या लढ्यात मी आजही, उद्याही आणि सदैव त्यांच्या खंबीरपणे सोबत आहे!

25/07/2026

१२ वर्षांच्या अहंकाराला विद्यार्थ्यांच्या एकजुटीने अखेर झुकावं लागलं!

केंद्रीय शिक्षणमंत्री धर्मेंद्र प्रधान यांच्या राजीनाम्याने देशभरातील लाखो विद्यार्थी, युवा आणि या आंदोलनात सहभागी झालेल्या प्रत्येक नागरिकाच्या संघर्षाला मोठं यश मिळालं आहे. लाठीमार सहन केला, दडपशाहीचा सामना केला; पण विद्यार्थ्यांनी यशस्वी करून दाखवलं.

या ऐतिहासिक विजयासाठी देशभरातील तमाम विद्यार्थी, युवा आणि आंदोलनाला पाठिंबा देणाऱ्या प्रत्येक व्यक्तीचं मनःपूर्वक अभिनंदन!

या आंदोलनाने एक गोष्ट निर्विवादपणे सिद्ध केली—सामान्य जनतेवर अन्याय झाला, तर कितीही शक्तिशाली आणि अहंकारी सरकार असलं तरी लोकशक्तीसमोर झुकावंच लागतं.

या आंदोलनाला दहशतवादाशी जोडण्याचा प्रयत्न झाला, परदेशी शक्तींचा हात असल्याचे आरोप झाले; पण आजच्या या राजीनाम्याने त्या सर्व आरोपांना जनतेनेच ठोस उत्तर दिलं आहे.

यापुढे सरकारला फक्त 'मन की बात' नव्हे, तर 'जन की बात' ऐकावीच लागेल.

25/07/2026

भक्ती, समता, सेवा आणि मानवतेचा संदेश देणारी वारकरी परंपरा ही महाराष्ट्राच्या सांस्कृतिक व आध्यात्मिक वैभवाची अमूल्य ओळख आहे. संतांच्या विचारांनी प्रेरित होऊन लाखो वारकरी श्रद्धा, निष्ठा आणि एकात्मतेचा संदेश अखंडपणे समाजात रुजवत आहेत.

भगवान श्री विठ्ठल-रुक्मिणी यांच्या कृपेने सर्वांच्या जीवनात सुख, समृद्धी, आरोग्य आणि आनंद नांदो, हीच प्रार्थना.

आषाढी एकादशीच्या पावन पर्वानिमित्त सर्व विठ्ठल भक्तांना हार्दिक मंगलमय शुभेच्छा!

24/07/2026

🌿 वाढदिवसाच्या हिरव्यागार शुभेच्छा! 🌿

निसर्गावर मनापासून प्रेम करणारे, पर्यावरण संवर्धनाला जीवनाचे ध्येय मानणारे श्री कैलास व्यास जी आपणास वाढदिवसाच्या मनःपूर्वक शुभेच्छा!

आपल्या प्रत्येक उपक्रमातून हरित भविष्याची प्रेरणा मिळत राहो. आपल्या आयुष्यात आनंद, उत्तम आरोग्य, यश आणि भरभराटीची सदैव नवी पालवी फुटत राहो.

🌱 "झाडे जपणारा माणूस भविष्यातील पिढ्यांचे जीवन समृद्ध करतो."

आपला वाढदिवस आनंदमय जावो, हि सदिच्छा..! 💚🎉