01/01/2025
डिसेंबर २३ व २४ रोजी झालेल्या अत्याचाराच्या निषेधार्थ म्हाडा पर्यंतच्या पायी मोर्चासाठीचे जाहीर आवाहन!
नमस्कार,
उद्या दिनांक २ जानेवारी, २०२५ रोजी सकाळी १० वा.पासून निर्मल नगर, वांद्रे पूर्व येथून गृहनिर्माण भवन - म्हाडा कार्यालयापर्यंत इमारत क्रमांक ९ व १० तसेच म्हाडाच्या ५६ संक्रमण शिबिरातील रहिवासी यांच्या उपस्थितीत हाताला काळी फिती बांधून पायी मोर्चा काढण्यात येत आहे. दि. २३ डिसेंबर, २०२४ पासूनचे रस्त्यावरच्या आंदोलनाला लाखो कुटुंबीयांचा भरभरून प्रतिसाद मिळाला. म्हणूनच उद्याचा मोर्चा हा मुंबईतील म्हाडाच्या प्रत्येक संक्रमण शिबिरातील प्रत्येक पीडीत कुटुंबापर्यंत तसेच लाखो महाराष्ट्र वासीयांपर्यंत पोहोचणार असल्याने, सर्वांनी आपला संविधानिक हक्क बजावून अन्यायाविरुद्ध शांततामय आंदोलन करून सरकारपर्यंत आपला प्रस्ताव ठेवणे गरजेचे आहे.या आंदोलनाचे नेतृत्व रहिवाशी/सदस्य तसेच माजी नगरसेवक ऍड. मनमोहन चोणकर करणार आहेत. त्यांनी सर्व रहिवासीयांवर झालेल्या दुःखदायक प्रकाराच्या निषेधार्थ तसेच न्यायासाठी त्यांच्या दशकांच्या राजकीय कारकिर्दितील पक्षाच्या पदाचा राजीनामा दिला व सदस्यत्वाचा त्याग केला. आपल्या सर्वांची लढाई संक्रमण शिबिराच्या पुनर्विकासात तेथील रहिवाश्यांचा समभाग व सहभाग मिळणे व निर्मल नगर येथेच हक्काचे घर ह्या पीडितांना मिळण्याचे प्रयत्न सर्वांनी जिद्दीने उपस्थित राहून प्रशासनास त्याची विचारणा करू अशी कळकळीची विनंती करत आहे. धन्यवाद.
इमारत क्र. ९ व १० मधील सर्व बेघर मराठी कुटुंबीय.
Varsha Gaikwad Varun Satish Sardesai