26/08/2026
2027ലെ കേന്ദ്ര സെന്സസ് നടപടികളുടെ ഭാഗമായി ആധാര്, വോട്ടര് ഐഡി, പാസ്പോര്ട്ട്, മൊബൈല് നമ്പര്, ബാങ്ക് അക്കൗണ്ടുകളുടെ എണ്ണം ഉള്പ്പെടെയുള്ള സ്വകാര്യ വിവരങ്ങള് ശേഖരിക്കരുത്. സെന്സസിന്റെ രീതികളെക്കുറിച്ചും വിവരശേഖരണത്തെക്കുറിച്ചും ചര്ച്ച ചെയ്യുന്നതിന് അടിയന്തരമായി സര്വകക്ഷി യോഗം വിളിക്കണണം.
16 വര്ഷത്തെ ഇടവേളയ്ക്ക് ശേഷമാണ് രാജ്യത്ത് സെന്സസ് നടപടികള് ആരംഭിക്കുന്നത്. സെന്സസ് വിവരങ്ങള് വോട്ടര്പട്ടിക, ആധാര്, ക്ഷേമപദ്ധതികള്, പൗരത്വം എന്നിവയുമായി ബന്ധപ്പെട്ട മറ്റു സര്ക്കാര് ഡാറ്റാബേസുകളുമായി ബന്ധിപ്പിക്കരുതെന്നും ഇതിനായി കര്ശനമായ സുരക്ഷാ മാനദണ്ഡങ്ങള് നിശ്ചയിക്കണം.
സെന്സസ് കേവലം സ്ഥിതിവിവരക്കണക്ക് ശേഖരണം മാത്രമല്ലെന്ന് സിപിഐ എം വ്യക്തമാക്കി. വിഭവവിതരണം, ആസൂത്രണം, രാഷ്ട്രീയ പ്രാതിനിധ്യം എന്നിവയെ നിര്ണ്ണയിക്കുന്ന ഒന്നാണിത്. മാതാപിതാക്കള് ഇരുവരുടെയും വിവരങ്ങള്, അവരുടെ മതം, ജനനസ്ഥലം തുടങ്ങിയവ തേടുന്നത് ബിജെപിയുടെ രാഷ്ട്രീയ അജന്ഡയുടെ ഭാഗമാണെന്ന് ചോദ്യാവലി വ്യക്തമാക്കുന്നു.
ചില വിവരങ്ങള് നല്കുന്നത് 'സ്വമേധയാ' ആണെന്ന് പറയുന്നുണ്ടെങ്കിലും എന്യൂമറേറ്റര്മാര് ചോദിക്കുമ്പോള് സാധാരണക്കാര് വിവരങ്ങള് നല്കാന് നിര്ബന്ധിതരാകും. ആധാര്, ബാങ്ക് വിവരങ്ങള്, ജീവിതപങ്കാളിയെക്കുറിച്ചുള്ള ഡാറ്റ തുടങ്ങിയ വ്യക്തിഗത വിവരങ്ങള് ചോദിക്കുന്നത് ആപത്കരമായ സാധ്യതകളിലേക്ക് വഴിതുറക്കും.
മണ്ഡല പുനര്നിര്ണയം വരാനിരിക്കുന്ന സാഹചര്യത്തില് സെന്സസിന്റെ വിവരങ്ങള് ഏറെ നിര്ണ്ണായകമാണ്. ജനസംഖ്യാ സ്ഥിരത വിജയകരമായി കൈവരിച്ച സംസ്ഥാനങ്ങളെ സാമ്പത്തികമായോ രാഷ്ട്രീയ പ്രാതിനിധ്യത്തിന്റെ കാര്യത്തിലോ ശിക്ഷിക്കുന്ന രീതിയിലാകരുത് സെന്സസിന് ശേഷമുള്ള മണ്ഡല പുനര്നിര്ണയം. ഫെഡറലിസത്തിനും സംസ്ഥാനങ്ങള്ക്കിടയിലെ രാഷ്ട്രീയ സന്തുലിതാവസ്ഥയ്ക്കും കോട്ടം തട്ടാത്ത രീതിയിലാകണം സെന്സെസ് നടപടികള്.
പട്ടികജാതി, പട്ടികവര്ഗ വിഭാഗങ്ങള്ക്കൊഴികെ മറ്റു വിഭാഗങ്ങള്ക്ക് പൊതുവായ ജാതി വര്ഗ്ഗീകരണത്തിനും ശാസ്ത്രീയമായ കോഡിങ്ങിനും സംവിധാനമില്ലാത്തത് ജാതി കണക്കെടുപ്പിന്റെ കൃത്യതയെ ബാധിക്കും. മുന്കൂട്ടി തയ്യാറാക്കിയ ഘടനാപരമായ രീതിയില്ലാത്തത് കണക്കെടുപ്പിന്റെ ലക്ഷ്യത്തെത്തന്നെ ദോഷകരമായി ബാധിച്ചേക്കാം.
അതുപോലെ 2016ലെ ഭിന്നശേഷിക്കാരുടെ അവകാശ നിയമപ്രകാരം 21 ഭിന്നശേഷികള് അംഗീകരിച്ചിട്ടുണ്ടെങ്കിലും നിലവിലെ സെന്സസ് ചട്ടക്കൂടില് 9 ഭിന്നശേഷി വിഭാഗങ്ങള് മാത്രമാണുള്ളത്. ഇത് നിരവധി ഭിന്നശേഷിക്കാരെ കണക്കെടുപ്പില് നിന്ന് പുറത്താക്കാനും അവര്ക്കുള്ള ബജറ്റ് വകയിരുത്തലിനെയും പദ്ധതികളെയും പ്രതികൂലമായി ബാധിക്കാനും ഇടയാക്കും.
സ. എം.എ. ബേബി
സിപിഐഎം ജറല് സെക്രട്ടറി..........................................................................................................................................................................
രജിസ്ട്രാര് ജനറല് ഒഫ് ഇന്ത്യയ്ക്കും സെന്സസ് കമ്മീഷണര്ക്കും നല്കിയ മെമ്മോറാണ്ടത്തില് സിപിഐ എം മുന്നോട്ടുവെച്ച 7 പ്രധാന ആവശ്യങ്ങള്:..........................................................................................................................................................................
സെന്സസ് രീതിശാസ്ത്രത്തെക്കുറിച്ച് അടിയന്തരമായി സര്വകക്ഷി ചര്ച്ച നടത്തുക.
മാതാപിതാക്കളുടെ മതം, ബാങ്ക് അക്കൗണ്ട് വിവരങ്ങള്, ആധാര് ഉള്പ്പെടെയുള്ള തിരിച്ചറിയല് നമ്പറുകള് തുടങ്ങിയ വ്യക്തിഗത വിവരങ്ങള് ശേഖരിക്കുന്നത് ഒഴിവാക്കുക.
ശാസ്ത്രീയവും സുതാര്യവുമായ ജാതിവര്ഗീകരണ-കോഡിങ് സംവിധാനം തയ്യാറാക്കുക.
സെന്സസ് വിവരങ്ങള് തെരഞ്ഞെടുപ്പ്, ആധാര്, ക്ഷേമപദ്ധതി, പൗരത്വ ഡാറ്റാബേസുകളുമായി ബന്ധിപ്പിക്കാതിരിക്കാന് കര്ശന സുരക്ഷ ഉറപ്പാക്കുക.
പൗരത്വം നിര്ണയിക്കാനോ വോട്ടര്പട്ടികയില്നിന്ന് ഒഴിവാക്കാനോ സെന്സസ് വിവരങ്ങള് ഉപയോഗിക്കില്ലെന്ന് ഉറപ്പുനല്കുക.
അതുപോലെ 2016ലെ ഭിന്നശേഷിക്കാരുടെ അവകാശ നിയമപ്രകാരം 21 ഭിന്നശേഷികള് അംഗീകരിച്ചിട്ടുണ്ടെങ്കിലും നിലവിലെ സെന്സസ് ചട്ടക്കൂടില് 9 ഭിന്നശേഷി വിഭാഗങ്ങള് മാത്രമാണുള്ളത്. ഇത് നിരവധി ഭിന്നശേഷിക്കാരെ കണക്കെടുപ്പില് നിന്ന് പുറത്താക്കാനും അവര്ക്കുള്ള ബജറ്റ് വകയിരുത്തലിനെയും പദ്ധതികളെയും പ്രതികൂലമായി ബാധിക്കാനും ഇടയാക്കുമെന്നും മെമ്മോറാണ്ടം വ്യക്തമാക്കുന്നു.
സിപിഐ എം മുന്നോട്ടുവെച്ച 7 പ്രധാന ആവശ്യങ്ങള്:
സെന്സസ് രീതിശാസ്ത്രത്തെക്കുറിച്ച് അടിയന്തരമായി സര്വകക്ഷി ചര്ച്ച നടത്തുക.
മാതാപിതാക്കളുടെ മതം, ബാങ്ക് അക്കൗണ്ട് വിവരങ്ങള്, ആധാര് ഉള്പ്പെടെയുള്ള തിരിച്ചറിയല് നമ്പറുകള് തുടങ്ങിയ വ്യക്തിഗത വിവരങ്ങള് ശേഖരിക്കുന്നത് ഒഴിവാക്കുക.
ശാസ്ത്രീയവും സുതാര്യവുമായ ജാതിവര്ഗീകരണ-കോഡിങ് സംവിധാനം തയ്യാറാക്കുക.
സെന്സസ് വിവരങ്ങള് തെരഞ്ഞെടുപ്പ്. ആധാര്, ക്ഷേമപദ്ധതി, പൗരത്വ ഡാറ്റാബേസുകളുമായി ബന്ധിപ്പിക്കാതിരിക്കാന് കര്ശന സുരക്ഷ ഉറപ്പാക്കുക.
പൗരത്വം നിര്ണയിക്കാനോ വോട്ടര്പട്ടികയില്നിന്ന് ഒഴിവാക്കാനോ സെന്സസ് വിവരങ്ങള് ഉപയോഗിക്കില്ലെന്ന് ഉറപ്പുനല്കുക.
മണ്ഡല പുനര്നിര്ണയവും ഫെഡറലിസവുമായി ബന്ധപ്പെട്ട സെന്സസിന്റെ പ്രത്യാഘാതങ്ങളെക്കുറിച്ച് സുതാര്യമായ പൊതുചര്ച്ച സംഘടിപ്പിക്കുക.
2016ലെ ഭിന്നശേഷിക്കാരുടെ അവകാശ നിയമപ്രകാരം (RPwD Act) അംഗീകരിച്ച 21 ഭിന്നശേഷികളും സെന്സസില് പ്രത്യേകം കണക്കാക്കുക.
