https://www.facebook.com/189435868098027/

𝕍𝕠𝕚𝕔𝕖 𝕆𝕗 𝕄𝕦𝕧𝕒𝕥𝕥𝕦𝕡𝕦𝕫𝕙𝕒, Muvattupuzha (2026)

05/09/2026

കോൺഗ്രസിൽ പൊട്ടിത്തെറി: എംഎൽഎയും സ്വന്തം പാർട്ടി പ്രവർത്തകരും തമ്മിൽ കയ്യാങ്കളി!

ചിറയിൻകീഴിൽ കോൺഗ്രസിന് പുതിയ തലവേദന

ചിറയിൻകീഴ് എംഎൽഎ രമ്യ ഹരിദാസും പ്രാദേശിക കോൺഗ്രസ് നേതാക്കളും തമ്മിലുണ്ടായ വാക്കേറ്റം കയ്യാങ്കളിയിലേക്ക് മാറിയ സംഭവത്തിൽ രാഷ്ട്രീയ വിവാദം ശക്തമാകുന്നു. സംഭവത്തിൽ രമ്യ ഹരിദാസിനും പരുക്കേറ്റതായി റിപ്പോർട്ടുണ്ട്. ഇരുവിഭാഗവും പരസ്പരം ആരോപണങ്ങൾ ഉന്നയിച്ചിരിക്കുകയാണ്.

തർക്കത്തിന് പിന്നിൽ പാർട്ടി യോഗത്തിൽ എംഎൽഎയുടെ പി.എ. പാളയം പ്രദീപിന്റെ പങ്കാളിത്തം, വാട്സ്ആപ്പ് ഗ്രൂപ്പിലെ പരാമർശങ്ങൾ, കൂടാതെ പ്രാദേശിക സഹകരണ ബാങ്ക് തിരഞ്ഞെടുപ്പുമായി ബന്ധപ്പെട്ട് നിലനിന്നിരുന്ന വിഭാഗീയ തർക്കങ്ങൾ എന്നിവയാണെന്നാണ് പുറത്തുവരുന്ന റിപ്പോർട്ടുകൾ.

സംഭവത്തിൽ രമ്യ ഹരിദാസിന്റെ പരാതിയിൽ ഏഴ് കോൺഗ്രസ് പ്രവർത്തകർക്കെതിരെ പൊലീസ് കേസെടുത്തു. എസ്.സി/എസ്.ടി അതിക്രമ നിരോധന നിയമത്തിലെ വകുപ്പുകൾ ഉൾപ്പെടെയുള്ള ജാമ്യമില്ലാ വകുപ്പുകളും ചുമത്തിയതായി റിപ്പോർട്ടുണ്ട്. മറുവിഭാഗവും പരാതി നൽകിയിട്ടുണ്ട്.

സംഭവം പാർട്ടിക്കുള്ളിലെ ആഭ്യന്തര പ്രശ്നങ്ങൾ കൂടുതൽ രൂക്ഷമാക്കുമെന്ന സാഹചര്യത്തിൽ കെപിസിസി അന്വേഷണ സമിതിയെ നിയോഗിച്ചു. മുൻ കെപിസിസി അധ്യക്ഷൻ എം.എം ഹസൻ അധ്യക്ഷനായ മൂന്നംഗ സമിതിയാണ് അന്വേഷണം നടത്തുക. രമണി പി. നായരും നെയ്യാറ്റിൻകര സനലുമാണ് മറ്റ് അംഗങ്ങൾ. ഇരുവിഭാഗങ്ങളുടെയും മൊഴിയെടുത്ത് റിപ്പോർട്ട് സമർപ്പിക്കാനാണ് നിർദേശം.

ഒരു ജനപ്രതിനിധിയും സ്വന്തം പാർട്ടിയുടെ പ്രാദേശിക നേതാക്കളും തമ്മിലുള്ള തർക്കം ഇത്രയും രൂക്ഷമായത് കോൺഗ്രസിലെ ആഭ്യന്തര വിഭാഗീയതയെക്കുറിച്ച് വീണ്ടും ചർച്ച ഉയർത്തുകയാണ്. അന്വേഷണ സമിതിയുടെ റിപ്പോർട്ടിന് ശേഷം കോൺഗ്രസ് നേതൃത്വം എന്ത് നടപടി സ്വീകരിക്കും എന്നതാണ് ഇനി രാഷ്ട്രീയ കേരളം ഉറ്റുനോക്കുന്നത്.

05/09/2026

കൈപ്പമംഗലത്ത് ഭീകര വാഹനാപകടം; 8 പേർക്ക് ദാരുണാന്ത്യം

തൃശൂർ കൈപ്പമംഗലം പനമ്പിക്കുന്നിൽ ദേശീയപാത 66-ൽ നിർത്തിയിട്ടിരുന്ന ചരക്ക് ലോറിയിലേക്ക് കാർ ഇടിച്ചുകയറി എട്ട് പേർ മരിച്ചു. വെള്ളിയാഴ്ച രാത്രി ഏകദേശം 11.40ഓടെയാണ് അപകടം.

ഗുരുവായൂർ ഭാഗത്തുനിന്ന് കൊടുങ്ങല്ലൂർ ഭാഗത്തേക്ക് പോവുകയായിരുന്ന തമിഴ്നാട് രജിസ്ട്രേഷനിലുള്ള കാറാണ് അപകടത്തിൽപ്പെട്ടത്. കാറിലുണ്ടായിരുന്ന എല്ലാവരും മരണപ്പെട്ടു. ഡിണ്ടിഗലിലെ എൻജിനീയറിങ് കോളജിലെ വിദ്യാർഥികളും ഡ്രൈവറും ആണ് മരണപ്പെട്ടത്.

അപകടത്തിൽ കാർ പൂർണമായും തകർന്നു. വാഹനം വെട്ടിപ്പൊളിച്ചാണ് യാത്രക്കാരെ പുറത്തെടുത്തത്. നാട്ടുകാരും അഗ്നിരക്ഷാസേനയും പൊലീസും ചേർന്നാണ് രക്ഷാപ്രവർത്തനം നടത്തിയത്. മൃതദേഹങ്ങൾ തൃശൂർ മെഡിക്കൽ കോളജ് ഉൾപ്പെടെയുള്ള ആശുപത്രികളിലേക്ക് മാറ്റി.

ദേശീയപാതയിൽ നിർമാണം പുരോഗമിക്കുന്ന ഭാഗത്താണ് അപകടമുണ്ടായത്. റോഡരികിൽ നിർത്തിയിട്ടിരുന്ന ലോറിയുടെ സാന്നിധ്യവും റോഡ് സുരക്ഷാ ക്രമീകരണങ്ങളും സംബന്ധിച്ച് അന്വേഷണം തുടരുകയാണ്. അപകടത്തെ തുടർന്ന് ദേശീയപാതയിലെ സുരക്ഷാ വീഴ്ചകളെക്കുറിച്ചും ആശങ്ക ഉയർന്നിട്ടുണ്ട്.

കൈപ്പമംഗലത്തെ നടുക്കിയ ദുരന്തത്തിൽ ജീവൻ നഷ്ടപ്പെട്ടവരുടെ കുടുംബങ്ങളുടെ ദുഃഖത്തിൽ പങ്കുചേരുന്നു.
ചിത്രം പുനർസൃഷ്ടിച്ചത്.

04/09/2026

ആശംസകൾ

03/09/2026

വീണ്ടും വൈദ്യുതി നിയന്ത്രണം

മഴ മാറിയതിനു പിന്നാലെ സംസ്‌ഥാനത്ത് വീണ്ടും വൈദ്യുതി നിയന്ത്രണം. കഴിഞ്ഞ ദിവസങ്ങളിൽ പലയിടത്തും 15 മിനിറ്റ് മുതൽ അരമണിക്കൂർ വരെ വൈദ്യുതി മുടങ്ങി. ഇന്നലെയും 300-500 മെഗാവാട്ടിന്റെ വൈദ്യുതിക്കുറവ് പ്രതീക്ഷിച്ച് കെഎസ്ഇബി വൈദ്യുതി നിയന്ത്രണം പ്രഖ്യാപിച്ചിരുന്നു. മഴ കുറഞ്ഞതിനെത്തുടർന്ന് ഉത്തരേന്ത്യയിലും വൈദ്യുതി ഉപയോഗം വർധിച്ചതും ഉൽപാദനം കുറഞ്ഞതുമാണ് തത്സമയ വിപണിയിൽ നിന്നു വൈദ്യുതി കണ്ടെത്താമെന്ന കെഎസ്ഇബിയുടെ പ്രതീക്ഷയ്ക്കു തിരിച്ചടിയായത്.

02/09/2026

മൂവാറ്റുപുഴ ജനറൽ ആശുപത്രി: രോഗികളുടെ പ്രശ്നങ്ങൾക്ക് പരിഹാരം എപ്പോൾ?

മൂവാറ്റുപുഴ ജനറൽ ആശുപത്രിയിൽ മണിക്കൂറുകളോളം കാത്തുനിന്നിട്ടും ഡോക്ടറെ കാണാൻ സാധിക്കാതെ വന്നത് പ്രതിഷേധത്തിന് ഇടയാക്കി. ഡോക്ടർമാർ ഇല്ലാത്തതും, രോഗികൾ നേരിടുന്ന വിവിധ പ്രശ്നങ്ങൾ സംബന്ധിച്ച് നടപടി ഇല്ലാത്തതും ശക്തമായ പ്രതിഷേധത്തിന് ഇടയാക്കി. രോഗികൾക്ക് ആശ്വാസവും മികച്ച ചികിത്സാ സൗകര്യങ്ങളും ലഭിക്കേണ്ട സർക്കാർ ആശുപത്രിയിൽ അടിസ്ഥാന സൗകര്യങ്ങളുടെ അപര്യാപ്തതയും വിവിധ സേവനങ്ങളിലെ പോരായ്മകളും സംബന്ധിച്ച് പരാതികൾ ഉയരുന്നത് ഗൗരവമായി കാണേണ്ട വിഷയമാണ്.

ആശുപത്രിയിലെ കാഷ്വാലിറ്റി ഉൾപ്പെടെയുള്ള പ്രധാന വിഭാഗങ്ങളിൽ ആവശ്യമായ സൗകര്യങ്ങൾ ഉറപ്പാക്കണമെന്നും, രോഗികൾക്കും കൂട്ടിരിപ്പുകാർക്കും ബുദ്ധിമുട്ടുണ്ടാകുന്ന സാഹചര്യങ്ങൾ അടിയന്തരമായി പരിഹരിക്കണമെന്നും ആവശ്യം ശക്തമാകുകയാണ്. ജനങ്ങൾക്ക് ഏറ്റവും കൂടുതൽ ആശ്രയിക്കേണ്ടി വരുന്ന സർക്കാർ ആശുപത്രികളിലൊന്നാണ് മൂവാറ്റുപുഴ ജനറൽ ആശുപത്രി. 266 കിടക്കകളുള്ള ഈ ആശുപത്രിയിൽ കൂടുതൽ മെച്ചപ്പെട്ട ചികിത്സയും അടിസ്ഥാന സൗകര്യങ്ങളും ഉറപ്പാക്കേണ്ടത് അധികൃതരുടെ ഉത്തരവാദിത്വമാണ്.

രാഷ്ട്രീയ വാഗ്ദാനങ്ങൾ മാത്രം പോരാഴ് രോഗികൾക്ക് നല്ല ചികിത്സയും അടിസ്ഥാന സൗകര്യങ്ങളും ഉറപ്പാക്കണം. മൂവാറ്റുപുഴ ജനറൽ ആശുപത്രിയുടെ പ്രശ്നങ്ങൾക്ക് അടിയന്തര പരിഹാരം കാണാൻ സർക്കാർ ആരോഗ്യവകുപ്പ് അധികൃതർ തയ്യാറാകണം.

#മൂവാറ്റുപുഴ #ജനറൽആശുപത്രി #ആരോഗ്യം

02/09/2026

ശബരിമല വെർച്വൽ ക്യൂ ബുക്കിംഗ് ആരംഭിച്ചു:

ശബരിമലയിൽ കന്നിമാസ പൂജയോടനുബന്ധിച്ച് ദർശനം നടത്തുന്നതിനുള്ള ഓൺലൈൻ വെർച്വൽ ക്യൂ ബുക്കിംഗ് ആരംഭിച്ചു. www.sabarimalaonline.org എന്ന വെബ്സൈറ്റ് വഴിയാണ് ബുക്കിംഗ് നടത്തേണ്ടത്.

ശബരിമല ദർശനം നടത്താൻ ആഗ്രഹിക്കുന്ന എല്ലാ ഭക്തരും വെബ്സൈറ്റ് വഴി ദർശനത്തിനായുള്ള സ്ലോട്ടുകൾ ഉറപ്പാക്കണം. സെപ്തംബർ 16നാണ് കന്നിമാസ പൂജകളുടെ ഭാഗമായി നടതുറക്കുന്നത്.

ശബരിമല സന്നിധാനത്ത് താമസിക്കാൻ ആഗ്രഹിക്കുന്ന ഭക്തർക്ക് www.onlinetdb.com എന്ന വെബ്സൈറ്റ് വഴി സന്നിധാനത്ത് തിരുവിതാംകൂർ ദേവസ്വം ബോർഡിന് കീഴിലെ വിവിധ ഗസ്റ്റ് ഹൗസുകളിലും പിൽഗ്രിം സെന്ററുകളിലും റൂം ബുക്ക് ചെയ്യാവുന്നതാണ്.
#സന്നിധാനം #കന്നിമാസപൂജ

02/09/2026

കൈക്കൂലി ആരോപണം: ചാലക്കുടി എംഎൽഎക്കെതിരെ കോടതി നടപടി; സനീഷ് കുമാർ ജോസഫിനെതിരെ വിജിലൻസ് അന്വേഷണം;

ചാലക്കുടി എംഎൽഎ സനീഷ് കുമാർ ജോസഫിനെതിരെ കേസെടുത്ത് അന്വേഷണം നടത്താൻ തൃശൂർ വിജിലൻസ് കോടതി ഉത്തരവിട്ടത് യു.ഡി.എഫിന് പുതിയ രാഷ്ട്രീയ പ്രതിസന്ധി.

ജില്ലാ പഞ്ചായത്ത് അംഗമായിരുന്ന കാലത്ത് ഭൂമിക്ക് പട്ടയം ലഭ്യമാക്കുന്നതിനായി 5 ലക്ഷം രൂപ കൈക്കൂലി ആവശ്യപ്പെട്ടുവെന്ന പരാതിയിലാണ് കോടതി നടപടി. പിന്നീട് തുക 2 ലക്ഷം രൂപയായി കുറച്ചെന്നും പരാതിയിൽ ആരോപണമുണ്ട്. സനീഷ് കുമാർ ജോസഫിനൊപ്പം കെപിസിസി സെക്രട്ടറി രാജേന്ദ്രൻ അരങ്ങത്തും മറ്റ് സർക്കാർ ഉദ്യോഗസ്ഥർക്കുമെതിരെ അന്വേഷണം നടത്താനാണ് കോടതി നിർദേശം.

എന്നാൽ ആരോപണങ്ങൾ സനീഷ് കുമാർ ജോസഫ് നിഷേധിച്ചിട്ടുണ്ട്. തനിക്കെതിരെ ഗൂഢാലോചന നടക്കുകയാണെന്നും നിയമപരമായി നേരിടുമെന്നും അദ്ദേഹം വ്യക്തമാക്കിയിട്ടുണ്ട്. ഇത് അന്തിമ കുറ്റവിധിയല്ല. പരാതിയുടെ അടിസ്ഥാനത്തിൽ കേസെടുത്ത് അന്വേഷണം നടത്താനുള്ള കോടതി ഉത്തരവാണ്. അന്വേഷണത്തിലൂടെ ആരോപണങ്ങളുടെ യാഥാർഥ്യം പുറത്തുവരേണ്ടതുണ്ട്.

ജനപ്രതിനിധികൾക്കെതിരായ ആരോപണങ്ങളിൽ സുതാര്യമായ അന്വേഷണം വേണമെന്ന ആവശ്യം ശക്തമാകുകയാണ്.

#സനീഷ്കുമാർജോസഫ് #ചാലക്കുടി #വിജിലൻസ് #കോടതി

02/09/2026

മാണി സി. കാപ്പന് ഒരു വർഷം തടവ്; 5.30 കോടി രൂപ നഷ്ടപരിഹാരം

ചെക്ക് കേസിൽ പാലാ എംഎൽഎയും യു.ഡി.എഫ് നേതാവുമായ മാണി സി. കാപ്പന് ഒരു വർഷം തടവ് ശിക്ഷ വിധിച്ച് മുംബൈ ബോറിവലി മജിസ്ട്രേറ്റ് കോടതി. കണ്ണൂർ വിമാനത്താവളത്തിൽ ഓഹരി പങ്കാളിത്തം വാഗ്ദാനം ചെയ്ത് പണം വാങ്ങിയെന്ന പരാതിയുമായി ബന്ധപ്പെട്ട കേസിലാണ് നടപടി. വ്യവസായി ദിനേശ് മേനോൻ നൽകിയ പരാതിയടക്കം നാല് ചെക്ക് കേസുകളിലാണ് കാപ്പൻ കുറ്റക്കാരനാണെന്ന് കോടതി കണ്ടെത്തിയത്.

കോടതി ഉത്തരവ് പ്രകാരം 5.30 കോടി രൂപ പലിശ സഹിതം നഷ്ടപരിഹാരമായി നൽകണം. ഒരു മാസത്തിനകം തുക അടച്ചില്ലെങ്കിൽ അധിക തടവ് അനുഭവിക്കേണ്ടിവരുമെന്നും റിപ്പോർട്ടുകളുണ്ട്. കേസിൽ കാപ്പനെ അറസ്റ്റ് ചെയ്യുന്നതിനായി നോൺ-ബെയിലബിൾ വാറന്റും പുറപ്പെടുവിച്ചതായി റിപ്പോർട്ടുകൾ പറയുന്നു.

അതേസമയം, വിധിക്കെതിരെ അപ്പീൽ പോകുമെന്ന് മാണി സി. കാപ്പൻ പ്രതികരിച്ചു. തനിക്കെതിരായ ഗൂഢാലോചനയാണ് കേസെന്നും തന്റെ ഭാഗം കേൾക്കാതെയാണ് വിധിയെന്നും അദ്ദേഹം ആരോപിച്ചു. ശിക്ഷ ഒരു വർഷമായതിനാൽ നിലവിലെ നിയമപ്രകാരം എംഎൽഎ സ്ഥാനത്തിന് അയോഗ്യത വരില്ല. രണ്ട് വർഷമോ അതിൽ കൂടുതലോ തടവ് ശിക്ഷ ലഭിച്ചാൽ മാത്രമാണ് ബന്ധപ്പെട്ട അയോഗ്യതാ വ്യവസ്ഥ ബാധകമാകുന്നത്.

മാണി സി കാപ്പന് ഒരു കൊല്ലമല്ല ശിക്ഷ എന്നും, നാല് കേസുകളുടെ വിധിയും വ്യത്യസ്തമാണെന്നും ശിക്ഷ ഒരുമിച്ചനുഭവിച്ചാൽ മതി എന്ന് കോടതി പറഞ്ഞിട്ടില്ലെന്നും രാജി നിർബന്ധം ആണെന്നുമാണ് കേരള യൂത്ത് ഫ്രണ്ട് (M) നിലപാട്.
#മാണിസികാപ്പൻ

01/09/2026

മുവാറ്റുപുഴ മുൻ മുൻസിപ്പൽ കൗൺസിലർ തോപ്പികുടിയിൽ ഹമീദ് കുഞ്ഞ് മരണപ്പെട്ടു. ഖബറടക്കം (02/09/26 ബുധൻ) നാളെ പെരുമറ്റം ജുമാ മസ്ജിദ് ഖബർ സ്ഥാനിൽ നടക്കും.
ആദരാഞ്ജലികൾ

01/09/2026

രാജ്യത്തെ ഞെട്ടിച്ച് ഡല്‍ഹി എസ്‌ഐആര്‍; മൂന്നിലൊന്ന് വോട്ടര്‍മാരും പുറത്തായി

ഡല്‍ഹിയിലെ തീവ്ര വോട്ടര്‍പട്ടിക പരിഷ്‌കരണത്തിന്റെ (എസ്‌ഐആര്‍) ഭാഗമായി പുറത്തിറക്കിയ കരട് വോട്ടര്‍പട്ടികയില്‍ 47.7 ലക്ഷം പേര്‍ പുറത്ത്. 1.45 കോടി വോട്ടര്‍മാരുണ്ടായിരുന്ന പട്ടികയില്‍ നിന്നാണ് 47.7 ലക്ഷം പേരെ വെട്ടിയത്. ആകെ വോട്ടര്‍മാരുടെ മൂന്നിലൊന്ന് വരുമിത്. പരാതിയുള്ളവര്‍ക്ക് സെപ്റ്റംബര്‍ 30 വരെ അപ്പീല്‍ നല്‍കാം. അന്തിമ വോട്ടര്‍പട്ടിക നവംബര്‍ നാലിന് പ്രസിദ്ധീകരിക്കും.

എസ്‌ഐആര്‍ നടപടിയുടെ ഭാഗമായി വീടുതോറുമുള്ള പരിശോധനയില്‍ 97.5 ലക്ഷം വോട്ടര്‍മാരുടെ എന്യൂമറേഷന്‍ ഫോമുകളാണ് ശേഖരിച്ച് ഡിജിറ്റൈസ് ചെയ്തത്. ആകെ വോട്ടര്‍മാരുടെ 67.18 ശതമാനമാണിത്. ബാക്കിയുള്ളവരെ കാണാനില്ലാത്തവര്‍, സ്ഥലംമാറിപ്പോയവര്‍, അന്തരിച്ചവര്‍, ആവര്‍ത്തിച്ചവര്‍, മറ്റുള്ളവര്‍ എന്നീ വിഭാഗങ്ങളിലാണ് ഉള്‍പ്പെടുത്തിയത്.

കരട് പട്ടികയില്‍ പേര് ഇല്ലാത്തവര്‍ക്ക് സെപ്റ്റംബര്‍ 30 വരെ പരാതികള്‍ നല്‍കാം. ഇതിനായി ഫോം 6, ഡിക്ലറേഷന്‍ ഫോം, ആവശ്യമായ രേഖകള്‍ എന്നിവ സമര്‍പ്പിക്കണമെന്ന് തെരഞ്ഞെടുപ്പ് അധികൃതര്‍ അറിയിച്ചു. വോട്ടര്‍മാര്‍ക്ക് കരട് പട്ടികയില്‍ സ്വന്തം പേര് ഓണ്‍ലൈനായി പരിശോധിക്കാം. വോട്ടര്‍ എപിക് നമ്പര്‍, വ്യക്തിഗത വിവരങ്ങള്‍, രജിസ്റ്റര്‍ ചെയ്ത മൊബൈല്‍ നമ്പര്‍ എന്നിവ ഉപയോഗിച്ച് തെരഞ്ഞെടുപ്പ് കമ്മീഷന്റെ വോട്ടര്‍ സെര്‍ച്ച് പോര്‍ട്ടലില്‍ പരിശോധിക്കാനുള്ള സൗകര്യമുണ്ട്.

𝕍𝕠𝕚𝕔𝕖 𝕆𝕗 𝕄𝕦𝕧𝕒𝕥𝕥𝕦𝕡𝕦𝕫𝕙𝕒

05/09/2026

05/09/2026

04/09/2026

03/09/2026

02/09/2026

02/09/2026

02/09/2026

02/09/2026

01/09/2026

01/09/2026

Address

Website

Alerts

Shortcuts

Share

Category

Listing takedown request