29/05/2026
ভাৰতীয় জনতা পাৰ্টিৰ নগাঁও জিলা সমিতিৰ প্ৰতিষ্ঠাৰ সৈতে ওতঃপ্ৰোতভাৱে জড়িত তথা ১৯৯১ চনত ভাৰতীয় জনতা পাৰ্টিৰ প্ৰাৰ্থী হিচাপে সংসদীয় নিৰ্বাচনত অৱতীৰ্ণ হোৱা নগাঁও চহৰৰ খুটিকটীয়া নিবাসী বিৰিঞ্চি কুমাৰ শৰ্মা ডাঙৰীয়াৰ পৰলোকপ্ৰাপ্তিৰ খবৰে সকলোকে গভীৰভাৱে মৰ্মাহত কৰিছে ।
দলৰ এগৰাকী অতি নিষ্ঠাবান, অভিজ্ঞ আৰু জ্যেষ্ঠ কাৰ্যকৰ্তা হিচাপে তেখেতে দীৰ্ঘদিন ধৰি ভাৰতীয় জনতা পাৰ্টিৰ আদৰ্শ, নীতি আৰু সাংগঠনিক ভেটি সুদৃঢ় কৰাৰ ক্ষেত্ৰত উল্লেখযোগ্য অৱদান আগবঢ়াই আহিছিল।
তেখেতৰ মৃত্যুত কেৱল ভাৰতীয় জনতা পাৰ্টিয়েই নহয়, সমগ্ৰ নগাঁও জিলাই এজন অভিজ্ঞ সংগঠক আৰু অভিভাৱকসদৃশ ব্যক্তিত্বক হেৰুৱালে।
প্ৰয়াত বিৰিঞ্চি কুমাৰ শৰ্মা ডাঙৰীয়াৰ বিদেহ আত্মাৰ চিৰশান্তি কামনা কৰাৰ লগতে শোকসন্তপ্ত পৰিয়ালবৰ্গ, আত্মীয়-স্বজন আৰু গুণমুগ্ধ সকললৈ ভাৰতীয় জনতা পাৰ্টি নগাঁও জিলাৰ তৰফৰ পৰা গভীৰ সমবেদনা জ্ঞাপন কৰিছোঁ ।
