30/03/2026
वानाडोंगरी ‘वेस्ट टू वंडर’ उपक्रमातून शून्य कचरा वॉर्ड कडे वाटचाल
स्वच्छ भारत मिशन अंतर्गत “शून्य कचरा वॉर्ड” साकार करण्यासाठी वानाडोंगरी येथील मंगलमूर्ती कॉलनी, बावडे लेआउट (वॉर्ड ११) येथे “वेस्ट टू वंडर” हा अभिनव उपक्रम उत्साहात राबविण्यात आला. RRR (Reduce, Reuse, Recycle) या संकल्पनेवर आधारित या उपक्रमातून कचऱ्याचा पुनर्वापर करून कलात्मक व उपयुक्त वस्तू तयार करण्याचा उत्कृष्ट प्रयत्न नागरिकांनी केला.
नगरपरिषद वानाडोंगरी, फीडबॅक फाउंडेशन आणि गोदरेज यांच्या संयुक्त विद्यमाने या कार्यक्रमाचे आयोजन करण्यात आले होते. यावेळी मुख्याधिकारी श्रा. राहुल परिहार, स्वच्छता निरीक्षक विनय व्यास, शहर समन्वयक आचल चव्हाण तसेच इतर अधिकारी आणि फीडबॅक फाउंडेशनच्या सविता गजभिये आणि टीमने उपक्रमाला भेट देऊन पाहणी केली.
भेटीदरम्यान स्थानिक नागरिकांनी ओल्या कचऱ्यापासून सेंद्रिय खत निर्मिती, टाकाऊ वस्तूंमधून टिकाऊ साहित्य निर्मिती तसेच प्लास्टिक पिशव्यांऐवजी कापडी पिशव्यांचा वापर याबाबत प्रात्यक्षिके सादर केली. कचरा कमी करण्यासाठी आणि पर्यावरणपूरक जीवनशैली स्वीकारण्यासाठी नागरिकांनी घेतलेली पुढाकार उल्लेखनीय ठरली.
या उपक्रमासाठी गणेशराव खोकरे, कृष्णाजी डवरे, धनराज धोंडे, कसनदास चव्हाण, रमेश वैद्य, यादवराव जयपूरकर आणि जयश्री भदाडे यांनी विशेष पुढाकार घेतला.
नागरिकांच्या उत्साही सहभागाचे कौतुक करत माननीय मुख्याधिकारी यांनी त्यांना प्रोत्साहन दिले. “वेस्ट टू आर्ट, रोड ब्युटीफिकेशन” ही संकल्पना परिसराच्या सौंदर्यात भर घालणारी ठरत असून वानाडोंगरीला नवी ओळख मिळण्यास मदत होणार आहे. तसेच अशा प्रकारचे उपक्रम संपूर्ण वॉर्डमध्ये राबविण्याचे मार्गदर्शनही यावेळी करण्यात आले.
#स्वच्छभारत
#स्वच्छभारतअभियान
#माझीवसुंधरा
#जनजागृती
#स्वच्छभारत
