What are the opening hours?

Monday 10am - 6am Tuesday 10am - 6am Wednesday 10am - 6am Thursday 10am - 6am Friday 10am - 6am

Collector Office Nandurbar, 86WH+MJ2, Navapur Choufulli, Devmogra, Nandurbar (2026)

06/08/2026

🌿 जिल्हास्तरीय वनहक्क समितीच्या बैठकीत २०६ दाव्यांवर सुनावणी

📍 नंदुरबार | दि. ६ ऑगस्ट २०२६

🌿 मा. जिल्हाधिकारी डॉ.मित्ताली सेठी यांच्या अध्यक्षतेखाली आज जिल्हाधिकारी कार्यालयात जिल्हास्तरीय वनहक्क समितीची बैठक आयोजित करण्यात आली.

📋 बैठकीत एकूण २०६ वनहक्क दाव्यांवर सविस्तर सुनावणी घेण्यात आली. प्रत्येक दाव्याचा नियमानुसार व वस्तुनिष्ठ पद्धतीने आढावा घेत संबंधित बाबींवर चर्चा करण्यात आली.

🤝 बैठकीस उपवनसंरक्षक, नंदुरबार तसेच प्रकल्प अधिकारी, नंदुरबार उपस्थित होते. संबंधित अधिकाऱ्यांनी दाव्यांबाबत आवश्यक माहिती सादर करत समितीसमोर वस्तुस्थिती मांडली.

✅ वनहक्क प्रकरणांचा पारदर्शक, न्याय्य व वेळेत निपटारा करण्याच्या दृष्टीने समितीने आवश्यक निर्देश दिले असून पात्र लाभार्थ्यांना नियमानुसार न्याय मिळावा यासाठी प्रशासन कटिबद्ध असल्याचे यावेळी अधोरेखित करण्यात आले.

#वनहक्क #डॉ_मित्ताली_सेठी

05/08/2026

🏛️ प्रलंबित भूसंपादन प्रस्तावांचा जिल्हाधिकाऱ्यांकडून सविस्तर आढावा

📍 संबंधित यंत्रणांनी समन्वयातून विहित कालमर्यादेत प्रस्ताव निर्गत करावेत; विलंब टाळण्याच्या डॉ.मित्ताली सेठी यांच्या सूचना

नंदुरबार, दि. ४ ऑगस्ट : जिल्ह्यातील विविध विकास प्रकल्पांसाठी प्रलंबित असलेल्या भूसंपादन प्रस्तावांचा सविस्तर आढावा जिल्हाधिकारी डॉ.मित्ताली सेठी यांच्या अध्यक्षतेखाली आयोजित बैठकीत घेण्यात आला. बैठकीत प्रलंबित प्रकरणांतील अडचणी, आवश्यक कार्यवाही तसेच प्रस्ताव निर्गत करण्याच्या प्रक्रियेचा सखोल आढावा घेण्यात आला.

🔹 जिल्हाधिकारी डॉ.मित्ताली सेठी यांनी संबंधित भूसंपादन अधिकारी, सक्षम प्राधिकारी, उपअधीक्षक भूमी अभिलेख तसेच संपादन संस्थांच्या अधिकाऱ्यांकडून प्रत्येक प्रकरणाची माहिती घेतली.

🔹 विविध विकास प्रकल्पांसाठी आवश्यक असलेल्या जमिनींचे संपादन वेळेत पूर्ण करून प्रलंबित प्रकरणांचा तातडीने निपटारा करण्याच्या सूचना देण्यात आल्या.

🔹 भूसंपादन, पुनर्वसन व पुनर्स्थापना अधिनियम, २०१३ मधील तरतुदीनुसार सर्व कार्यवाही काटेकोरपणे पूर्ण करण्याबरोबरच संबंधित विभागांनी परस्पर प्रभावी समन्वय ठेवून कामकाज करण्याचे निर्देश देण्यात आले.

🔹 खाजगी वाटाघाटीद्वारे संपादन तसेच राष्ट्रीय महामार्ग प्रकल्पांतील भूसंपादन प्रकरणांमध्ये आवश्यक कागदपत्रांची पूर्तता, तांत्रिक पडताळणी आणि विभागीय समन्वय वेळेत पूर्ण करून प्रस्ताव विहित कालमर्यादेत निर्गत करण्यावर विशेष भर देण्यात आला.

🔹 भूसंपादन प्रक्रियेत कोणत्याही स्तरावर अनावश्यक विलंब होणार नाही याची दक्षता घेऊन प्रलंबित प्रकरणांचा नियमित पाठपुरावा करण्याच्या सूचना संबंधित अधिकाऱ्यांना देण्यात आल्या.

👥 बैठकीस संबंधित भूसंपादन अधिकारी, सक्षम प्राधिकारी, उपअधीक्षक भूमी अभिलेख, संपादन संस्थांचे अधिकारी तसेच विविध विभागांचे प्रतिनिधी उपस्थित होते.

✅ विकास प्रकल्पांना गती मिळावी आणि भूसंपादन प्रक्रिया अधिक कार्यक्षम, पारदर्शक व कालबद्ध पद्धतीने पूर्ण व्हावी, यासाठी सर्व संबंधित यंत्रणांनी समन्वयाने कार्य करण्यावर बैठकीत विशेष भर देण्यात आला.

#डॉमित्तालीसेठी #नंदुरबार #भूसंपादन #विकासकामे #जनहित #शासनआपल्यादारी

04/08/2026

🏛️ **जिल्हाधिकारी कार्यालयात महसूल दिन उत्साहात साजरा**
**🏆 उत्कृष्ट अधिकारी व कर्मचाऱ्यांचा गौरव; उत्कृष्ट कर्मचारी पुरस्कार प्रदान**

📍 **नंदुरबार | दि. ३ ऑगस्ट २०२६**

🎉 जिल्हाधिकारी कार्यालय, नंदुरबार येथे महसूल विभागाच्या कार्याचा गौरव, सेवाभाव वृद्धिंगत करणे आणि नागरिकाभिमुख महसूल प्रशासनाचा संकल्प दृढ करण्याच्या उद्देशाने **महसूल दिन** उत्साहात साजरा करण्यात आला.

👩‍💼 कार्यक्रमास **जिल्हाधिकारी डॉ. मित्ताली सेठी**, अप्पर जिल्हाधिकारी धनंजय गोगटे, निवासी उपजिल्हाधिकारी आशा संघवी तसेच जिल्ह्यातील उपजिल्हाधिकारी, तहसीलदार, नायब तहसीलदार आणि महसूल विभागातील अधिकारी-कर्मचारी मोठ्या संख्येने उपस्थित होते.

📋 यावेळी महसूल विभागाच्या विविध उपक्रमांचा आढावा घेण्यात आला. नागरिकांना **पारदर्शक, गतिमान, जबाबदार आणि लोकाभिमुख सेवा** देण्यासाठी महसूल प्रशासन कटिबद्ध असल्याचा निर्धार व्यक्त करण्यात आला. विभागाची कार्यक्षमता अधिक सक्षम करण्यासाठी समन्वयाने काम करण्याचे आवाहन करण्यात आले.

🏅 सन **२०२५-२६** मधील उत्कृष्ट कामगिरीबद्दल महसूल विभागातील अधिकारी व कर्मचाऱ्यांचा **डॉ. मित्ताली सेठी** यांच्या हस्ते उत्कृष्ट कर्मचारी पुरस्कार व प्रशस्तीपत्र देऊन गौरव करण्यात आला.

👏 पुरस्कार प्राप्त मान्यवरांमध्ये श्रीमती कल्पना दुबे (उपजिल्हाधिकारी, निवडणूक शाखा, जिल्हाधिकारी कार्यालय, नंदुरबार), श्री संतोष बळीराम डेरे (तहसीलदार, पुनर्वसन केवडिया कॉलनी कॅम्प), श्री दिलीप कुलकर्णी (नायब तहसीलदार, नवापूर), श्री राहुल निकुंभे (सहाय्यक महसूल अधिकारी, उपविभागीय अधिकारी कार्यालय, नंदुरबार), श्री गुणवंत पाटील (महसूल सहाय्यक तथा जिल्हाधिकारी यांचे स्वीय सहाय्यक), श्रीमती वैशाली राजेंद्र गावित (ग्राम महसूल अधिकारी, तहसील कार्यालय अक्कलकुवा), श्री राजेंद्र भिवा शिंदे (पहरेकरी, तहसील कार्यालय शहादा), श्रीमती लता बारक्या पावरा (महसूल सेवक, तहसील कार्यालय तळोदा) आणि श्री दिलवरसिंग मुर्या वळवी (पोलीस पाटील, काकरडे, ता. अक्राणी) यांचा समावेश होता.

🤝 कार्यक्रमाचा समारोप नागरिकांना अधिक कार्यक्षम, पारदर्शक आणि दर्जेदार महसूल सेवा देण्याच्या सामूहिक संकल्पाने झाला.

#महसूलदिन #नंदुरबार #जिल्हाधिकारीकार्यालय #डॉ_मित्ताली_सेठी #महसूलविभाग #सुशासन

04/08/2026

NEET/JEE/MHT-CET ची तयारी करू इच्छिणाऱ्या अनुसूचित जमातीच्या विद्यार्थ्यांसाठी ही सुवर्णसंधी आहे.

🎯 NEET / JEE / MHT-CET ची तयारी करू इच्छिणाऱ्या अनुसूचित जमातीच्या विद्यार्थ्यांसाठी सुवर्णसंधी!

📚 अनुसूचित जमाती (ST) प्रवर्गातील गुणवंत विद्यार्थ्यांना NEET, JEE आणि MHT-CET या स्पर्धा परीक्षांच्या दर्जेदार तयारीसाठी विशेष मार्गदर्शनाची संधी उपलब्ध झाली आहे.

✅ तज्ज्ञ शिक्षकांचे मार्गदर्शन
✅ स्पर्धा परीक्षांवर आधारित दर्जेदार प्रशिक्षण
✅ उज्ज्वल शैक्षणिक व करिअर घडविण्याची उत्तम संधी
✅ गुणवत्तापूर्ण शिक्षणाद्वारे यशाची वाट

🌟 डॉक्टर, अभियंता किंवा इतर व्यावसायिक क्षेत्रात करिअर करण्याचे स्वप्न पाहणाऱ्या अनुसूचित जमातीच्या विद्यार्थ्यांनी या संधीचा लाभ घ्यावा.

📌 अधिक माहितीसाठी संबंधित एकात्मिक आदिवासी विकास प्रकल्प कार्यालय किंवा आदिवासी विकास विभागाशी संपर्क साधावा.

03/08/2026

📢 लोकशाही दिनात नागरिकांच्या तक्रारींचे प्रभावी निवारण करण्यावर भर

नंदुरबार जिल्हास्तरीय लोकशाही दिनात आज नागरिकांकडून तक्रारी व निवेदन प्रशासनास प्राप्त झाली.या लोकशाही दिनात एकूण ५ अर्ज प्राप्त झाले असून त्यामध्ये महसूल विभागाचे ३, नगर परिषद विभागाचा १ आणि बँकेशी संबंधित १ अर्जाचा समावेश आहे. संबंधित विभागांना अर्जांवर नियमानुसार व तातडीने कार्यवाही करण्याच्या सूचना देण्यात आल्या आहेत.

नागरिकांच्या समस्या वेळेत व प्रभावीपणे सोडविण्यासाठी जिल्हा प्रशासन कटिबद्ध असून लोकशाही दिनाच्या माध्यमातून नागरिकांना त्यांच्या तक्रारी मांडण्यासाठी सक्षम व्यासपीठ उपलब्ध करून दिले जात आहे.

#लोकशाहीदिन #जिल्हाप्रशासननंदुरबार #जनतेच्यासेवेत

31/07/2026

🚨🌧️ रेड अलर्टच्या पार्श्वभूमीवर १ ऑगस्ट रोजी नंदुरबार जिल्ह्यातील सर्व शाळा, महाविद्यालये व अंगणवाड्यांना सुट्टी

📢 भारतीय हवामान विभागाने (IMD) नंदुरबार जिल्ह्यासाठी रेड अलर्ट जारी केल्याच्या पार्श्वभूमीवर विद्यार्थ्यांच्या सुरक्षिततेला सर्वोच्च प्राधान्य देत जिल्हाधिकारी डॉ. मित्ताली सेठी यांनी शनिवार, दि. १ ऑगस्ट २०२६ रोजी जिल्ह्यातील सर्व शासकीय, अनुदानित, खासगी शाळा, महाविद्यालये तसेच सर्व अंगणवाड्या बंद ठेवण्याचे आदेश जारी केले आहेत.

🌧️ जिल्ह्यात अतिवृष्टीची शक्यता लक्षात घेऊन विद्यार्थी, शिक्षक व पालकांची सुरक्षितता सुनिश्चित करण्यासाठी हा प्रतिबंधात्मक निर्णय घेण्यात आला आहे.

⚠️ नागरिकांनी विनाकारण घराबाहेर पडू नये, नदी-नाले, पूरग्रस्त किंवा धोकादायक ठिकाणांपासून दूर राहावे तसेच जिल्हा प्रशासन व आपत्ती व्यवस्थापन विभागाकडून वेळोवेळी देण्यात येणाऱ्या सूचनांचे काटेकोरपणे पालन करावे, असे आवाहन करण्यात आले आहे.

🤝 जिल्हा प्रशासन सर्व परिस्थितीवर बारकाईने लक्ष ठेवून असून आवश्यक त्या उपाययोजना युद्धपातळीवर राबविण्यात येत आहेत.

#नंदुरबार #जिल्हाधिकारी_डॉ_मित्ताली_सेठी

30/07/2026

📚 जिल्हा प्रशासन व प्रथम एज्युकेशन फाउंडेशनच्या संयुक्त सहभागातून नंदुरबार जिल्ह्यात गुणवत्तापूर्ण शिक्षणासाठी नवीन दिशा

📍 नंदुरबार जिल्ह्यातील विद्यार्थ्यांच्या मूलभूत साक्षरता व संख्याज्ञान (FLN) क्षमतांमध्ये सुधारणा घडवून आणणे, गुणवत्तापूर्ण शिक्षणाची संधी उपलब्ध करून देणे तसेच विद्यार्थ्यांमध्ये वैज्ञानिक दृष्टिकोन, नवोपक्रम व सर्जनशीलता विकसित करण्यासाठी जिल्हा प्रशासन विविध उपक्रम राबवत आहे. या पार्श्वभूमीवर जिल्हाधिकारी डॉ. मित्ताली सेठी यांनी दिनांक २३ व २४ जुलै २०२६ रोजी छत्रपती संभाजीनगर येथे प्रथम एज्युकेशन फाउंडेशनच्या विविध शैक्षणिक उपक्रमांना भेट देऊन सविस्तर आढावा घेतला.

🏫 भेटीदरम्यान Foundational Literacy and Numeracy (FLN) सुधारणा, STEM Lab व Maker Space उभारणी, शिक्षक क्षमता विकास (Teacher Capacity Building), अभिनव अध्यापन पद्धती, विद्यार्थ्यांमध्ये वैज्ञानिक विचारसरणी विकसित करण्यासाठी राबविण्यात येणारे उपक्रम तसेच समुदाय सहभागावर आधारित शिक्षण मॉडेलचा अभ्यास करण्यात आला.

👩‍🏫 यावेळी शिक्षकांचे सातत्यपूर्ण प्रशिक्षण, वर्गातील अध्यापन अधिक प्रभावी करण्यासाठी क्षमता विकास, FLN आधारित अध्यापन नियोजन, मूल्यमापन पद्धती तसेच विद्यार्थ्यांमध्ये जिज्ञासा, सर्जनशीलता आणि समस्या सोडविण्याची क्षमता विकसित करण्यासाठी STEM आधारित शिक्षण अधिक प्रभावीपणे राबविण्याबाबत चर्चा करण्यात आली.

🤝 जिल्हा प्रशासन आणि प्रथम एज्युकेशन फाउंडेशन यांच्या संयुक्त सहभागातून अंगणवाडी ते प्राथमिक शाळांपर्यंत FLN बळकटीकरण, शिक्षक प्रशिक्षण, STEM Labs, Maker Spaces, विद्यार्थी-केंद्रित शिक्षण, नवोपक्रम आणि समुदाय सहभाग या क्षेत्रांमध्ये सहकार्य वाढविण्याबाबत सकारात्मक चर्चा झाली. तसेच नंदुरबार जिल्ह्यात या उपक्रमांच्या प्रभावी अंमलबजावणीसाठी संयुक्त कृती आराखडा तयार करण्याबाबत सहमती दर्शविण्यात आली.

🌱 प्रत्येक विद्यार्थ्याला गुणवत्तापूर्ण शिक्षण, मजबूत पायाभूत शिक्षण, वैज्ञानिक दृष्टीकोन आणि भविष्याभिमुख कौशल्ये उपलब्ध करून देण्यासाठी जिल्हा प्रशासन, शिक्षण विभाग आणि प्रथम एज्युकेशन फाउंडेशन यांच्या समन्वयातून शिक्षण क्षेत्रात प्रभावी उपक्रम राबविण्याचा निर्धार यावेळी व्यक्त करण्यात आला.

30/07/2026

📚 जिल्हा प्रशासन व पोलीस प्रशासनाच्या संयुक्त विद्यमाने राबविण्यात येणाऱ्या 'मिशन सक्षम' उपक्रमाला प्रथम एज्युकेशन फाउंडेशनची सकारात्मक साथ

📍:** जिल्हा प्रशासन व जिल्हा पोलीस प्रशासन यांच्या संयुक्त विद्यमाने नंदुरबार जिल्ह्यात युवकांचे शिक्षण, कौशल्य विकास, करिअर मार्गदर्शन व व्यक्तिमत्त्व विकासाच्या माध्यमातून सर्वांगीण सक्षमीकरण करण्यासाठी **'मिशन सक्षम'** हा उपक्रम प्रभावीपणे राबविण्यात येत आहे. या उपक्रमाला अधिक बळकटी देण्यासाठी जिल्हाधिकारी **डॉ.मित्ताली सेठी** यांनी दिनांक **२३ व २४ जुलै २०२६** रोजी छत्रपती संभाजीनगर येथे प्रथम एज्युकेशन फाउंडेशनच्या विविध शैक्षणिक व कौशल्य विकास उपक्रमांना भेट देऊन सविस्तर आढावा घेतला.

🎓 या भेटीदरम्यान **मिशन सक्षम ३.०** अंतर्गत पहिल्या तुकडीतील विद्यार्थ्यांच्या प्रमाणपत्र वितरण समारंभात सहभागी होत विद्यार्थ्यांना शिक्षणाचे महत्त्व, कौशल्य विकास, रोजगाराच्या संधी आणि जिल्ह्याच्या विकासात युवकांच्या भूमिकेबाबत प्रेरणादायी मार्गदर्शन करण्यात आले. विद्यार्थ्यांनी आत्मविश्वासाने पुढे जाऊन समाजाच्या विकासात योगदान द्यावे, असे आवाहन करण्यात आले.

🏫 भेटीदरम्यान मिशन सक्षम, अंगणवाडी केंद्रे, निपुण महाराष्ट्र मातृगट, शाळा, क्रिएटिव्हिटी क्लब, क्रिएटर लॅब, स्किलिंग सेंटर तसेच इतर विविध शैक्षणिक उपक्रमांची पाहणी करण्यात आली. विद्यार्थी, शिक्षक, पालक, समुदायातील सदस्य आणि क्षेत्रीय कार्यसंघांशी संवाद साधून उपक्रमांची परिणामकारकता जाणून घेण्यात आली.

🤝 यावेळी शिक्षण व कौशल्य विकास क्षेत्रात शासन आणि स्वयंसेवी संस्थांमधील समन्वय अधिक बळकट करण्याबाबत सकारात्मक चर्चा झाली. नंदुरबार जिल्ह्यात **मिशन सक्षम** उपक्रम अधिक व्यापक स्वरूपात राबविण्यासाठी जिल्हा प्रशासन, पोलीस प्रशासन आणि प्रथम एज्युकेशन फाउंडेशन यांच्या संयुक्त सहभागातून कार्यशाळा आयोजित करून पुढील कृती आराखडा निश्चित करण्याबाबत सहमती दर्शविण्यात आली.

🌱 युवक, विद्यार्थी आणि समुदायाच्या सर्वांगीण सक्षमीकरणासाठी शासन, प्रशासन आणि सामाजिक संस्थांच्या समन्वयातून शिक्षण व कौशल्य विकासाचे उपक्रम अधिक प्रभावीपणे राबविण्याचा निर्धार यावेळी व्यक्त करण्यात आला.
#नंदुरबार #डॉ_मित्ताली_सेठी

30/07/2026

📢 🚨 महिलांच्या सुरक्षित कार्यस्थळासाठी POSH कायद्याची काटेकोर अंमलबजावणी करा सर्व शासकीय व खाजगी आस्थापनांसाठी महत्त्वाचे आवाहन : अंतर्गत समिती स्थापन करणे बंधनकारक

30/07/2026

📰 जिल्ह्यातील सार्वजनिक वितरण व्यवस्थेचा आढावा; लाभार्थ्यांना वेळेत अन्नधान्य उपलब्ध करण्यावर भर
📍 नंदुरबार

🔹 मा.जिल्हाधिकारी डॉ. मित्ताली सेठी यांच्या अध्यक्षतेखाली जिल्हा तसेच तालुका पुरवठा कार्यालयातील अधिकारी व कर्मचाऱ्यांची आढावा बैठक संपन्न झाली. बैठकीत सार्वजनिक वितरण प्रणाली अधिक प्रभावी करण्यासाठी विविध महत्त्वाच्या विषयांचा सविस्तर आढावा घेण्यात आला.

🔸 नियमित धान्य वाटप सुरळीतपणे पार पाडणे, लाभार्थ्यांची e-KYC प्रक्रिया गतीने पूर्ण करणे, मयत लाभार्थ्यांची नावे वगळणे, साखर वाटपाची अंमलबजावणी, नो-नेटवर्क क्षेत्रातील रास्तभाव दुकानांची तपासणी, शिधापत्रिकांशी मोबाईल क्रमांक संलग्न करणे तसेच पुनर्वसन गावांमध्ये विशेष शिबिरे आयोजित करण्याबाबत सविस्तर चर्चा करण्यात आली.

🔹 मा.जिल्हाधिकारी डॉ. मित्ताली सेठी यांनी विभागांतर्गत सर्व कामे विहित मुदतीत पूर्ण करण्याचे निर्देश देत, कोणताही पात्र लाभार्थी अन्नधान्यापासून वंचित राहणार नाही यासाठी आवश्यक ती दक्षता घेण्याचे आदेश दिले.

🔸 तसेच अक्कलकुवा व अक्राणी तालुक्यातील अतिदुर्गम भागांमध्ये विशेष शिबिरे आयोजित करून नागरिकांची शिधापत्रिकेसंदर्भातील प्रलंबित कामे तातडीने पूर्ण करण्याचे निर्देशही देण्यात आले.

👥 बैठकीस जिल्हा पुरवठा अधिकारी, सहाय्यक जिल्हा पुरवठा अधिकारी तसेच जिल्हा व तालुका स्तरावरील सर्व अधिकारी व कर्मचारी उपस्थित होते.
#नंदुरबार #डॉमित्तालीसेठी #सार्वजनिकवितरणप्रणाली #शिधापत्रिका #अन्नसुरक्षा #रास्तभावदुकान #सुशासन #जिल्हाप्रशासननंदुरबार

Collector Office Nandurbar

06/08/2026

05/08/2026

04/08/2026

04/08/2026

03/08/2026

31/07/2026

30/07/2026

30/07/2026

30/07/2026

30/07/2026

Address

Opening Hours

Website

Alerts

Shortcuts

Share

Category

Listing takedown request

Monday	10am - 6am
Tuesday	10am - 6am
Wednesday	10am - 6am
Thursday	10am - 6am
Friday	10am - 6am