Nashik Public Forum

17/07/2026

नाशिकसाठी अभिमानाचा क्षण! ❤️

नाशिकची गुणवान टेबल टेनिसपटू सायली वाणी हिने Ultimate Table Tennis (UTT) Season 7 मध्ये भारताची आघाडीची स्टार खेळाडू मनिका बत्रा हिला अत्यंत रोमांचक सामन्यात Golden Point वर पराभूत करून UP Prometheans संघाला 8-7 असा थरारक विजय मिळवून दिला.

निर्णायक सामन्यात सायली ने पहिला गेम गमावल्यानंतर दमदार पुनरागमन केले. तिसऱ्या गेममध्ये संघ पराभवाच्या उंबरठ्यावर असताना तिने सलग तीन Tie Points वाचवत सामना Golden Point पर्यंत नेला आणि अतिशय शांत व आत्मविश्वासपूर्ण खेळ करत भारतातील सर्वोत्तम खेळाडूंमधील एक असलेल्या मनिका बत्रा हिला पराभूत केले.

सायली च्या या शानदार खेळीमुळे UP Prometheans ला UTT Season 7 मधील पहिला विजय मिळाला.

🏓 सायली वाणी ही नाशिकमधील NIWEC Club येथे सराव करते आणि जय मोडक टेबल टेनिस अकॅडमी ची विद्यार्थिनी आहे. तिच्या या यशामागे तिची कठोर मेहनत, प्रशिक्षकांचे मार्गदर्शन आणि सातत्यपूर्ण सराव यांचा मोठा वाटा आहे.

👏 नाशिकच्या या कन्येने आपल्या उत्कृष्ट कामगिरीने संपूर्ण शहराचे नाव राष्ट्रीय स्तरावर उज्ज्वल केले आहे.

नाशिक पब्लिक फोरम (NPF)) तर्फे सायली वाणी, तिचे प्रशिक्षक, जय मोडक टेबल टेनिस अकॅडमी आणि NIWEC Club, नाशिक यांचे मनःपूर्वक अभिनंदन व आगामी कारकिर्दीसाठी हार्दिक शुभेच्छा! 💐🇮🇳

जय हिंद! जय नाशिक! 💙

#नाशिककर #नाशिक

06/07/2026

📰 नाशिक जिल्ह्यासाठी अतिमहत्त्वाचा हवामान इशारा

नाशिक जिल्ह्यात पुढील ४८ तासांत अतिमुसळधार ते ढगफुटी सदृश्य पावसाची शक्यता वर्तविण्यात येत असल्याची माहिती समोर येत आहे. विशेषतः त्र्यंबकेश्वर आणि नाशिक परिसरात ३०० मिमीपेक्षा अधिक पावसाची शक्यता व्यक्त केली जात आहे.

तसेच, उद्या शाळा आणि महाविद्यालयांना सुट्टी जाहीर होण्याची शक्यता असल्याची सूत्रांची माहिती आहे. मात्र, याबाबतची अधिकृत घोषणा झाल्यानंतरच त्यावर विश्वास ठेवावा.

नागरिकांनी अनावश्यक प्रवास टाळावा, नदी-नाले व पूरप्रवण भागांपासून दूर राहावे आणि प्रशासन तसेच हवामान विभागाच्या अधिकृत सूचनांचे पालन करावे.

#नाशिककर #त्र्यंबकेश्वर

27/06/2026

⛩️ त्र्यंबकेश्वरच्या अमृतकुंडात प्राचीन शिवलिंगाचे दुर्मिळ दर्शन!

त्र्यंबकेश्वर मंदिर परिसरातील ऐतिहासिक अमृतकुंडाची भारतीय पुरातत्त्व विभागाने (ASI) स्वच्छता केल्यानंतर कुंडाच्या तळाशी असलेल्या प्राचीन शिवलिंगाचे दुर्मिळ दर्शन घडले आहे. अनेक वर्षांनंतर प्रथमच कुंडातील संपूर्ण पाणी उपसून साफसफाई करण्यात आल्याने हे शिवलिंग स्पष्टपणे दिसून आले.

सुमारे ६५ फूट खोल असलेले हे अमृतकुंड पेशवेकाळात बांधण्यात आल्याचे मानले जाते. या कुंडातील पाणी भगवान त्र्यंबकेश्वरांच्या नित्यपूजा आणि अभिषेकासाठी वापरले जाते. सुरक्षेच्या कारणास्तव भाविकांना कुंडात प्रवेश दिला जात नाही.

दरवर्षी पावसाळ्यात हे कुंड पूर्णपणे भरते आणि त्यातील पाणी वर्षभर विविध धार्मिक विधींसाठी उपयोगात आणले जाते. या स्वच्छता मोहिमेमुळे इतिहास, श्रद्धा आणि वारसा यांचा एक दुर्मिळ संगम पुन्हा एकदा समोर आला आहे.

#नाशिककर #त्र्यंबकेश्वर #नाशिक

26/06/2026

🌧️ नाशिककरांच्या सुरक्षिततेसाठी नाशिक महानगरपालिका सज्ज! 🌧️

पावसाळ्यात नागरिकांना कोणतीही अडचण येऊ नये आणि शहर सुरक्षित राहावे यासाठी नाशिक महानगरपालिकेने विशेष तयारी केली आहे.

पावसाळा पूर्व व पावसाळ्यादरम्यान उद्भवणाऱ्या तातडीच्या परिस्थितींना तोंड देण्यासाठी 'मान्सून टास्क फोर्स' तैनात करण्यात आला आहे.

📞 आपल्या परिसरात कोणतीही आपत्कालीन परिस्थिती, पाणी साचणे, झाडे पडणे, गटार तुंबणे किंवा इतर समस्या उद्भवल्यास आपल्या भागातील नियुक्त नोडल अधिकाऱ्याशी त्वरित संपर्क साधावा.

आपले सहकार्य आणि सतर्कता हेच सुरक्षित व स्वच्छ नाशिकचे बळ आहे.

#नाशिक #नाशिककर

25/06/2026

सुरक्षित आणि स्वच्छ नाशिकसाठी नाशिक महानगरपालिका सज्ज! 🌧️🏙️

आगामी सिंहस्थ कुंभमेळा आणि पावसाळ्याच्या पार्श्वभूमीवर नाशिक महानगरपालिकेतर्फे 'मॉन्सून टास्क फोर्स' सक्रिय करण्यात आले आहे. २६ जूनपासून याची अंमलबजावणी होणार असून, पावसाळ्यात नागरिकांना कोणत्याही प्रकारची अडचण निर्माण होऊ नये हे यामागचे प्रमुख उद्दिष्ट आहे.

#नाशिक #नाशिककर

22/06/2026

#नाशिक : पाणीटंचाई निवारणासाठी जिल्हा प्रशासन सज्ज

जिल्ह्यातील वाढत्या पाणीटंचाईच्या पार्श्वभूमीवर प्रशासनाने उपाययोजना अधिक गतिमान केल्या असून, सध्या १८२ टँकरद्वारे सुमारे ३.२३ लाख नागरिकांना पिण्याच्या पाण्याचा पुरवठा केला जात असल्याची माहिती निवासी उपजिल्हाधिकारी रोहितकुमार राजपूत यांनी दिली.

जिल्हा प्रशासनाकडून परिस्थितीवर सातत्याने लक्ष ठेवले जात असून, नागरिकांना आवश्यक पाणीपुरवठा सुरळीत राहावा यासाठी विविध यंत्रणा समन्वयाने कार्यरत आहेत.

#नाशिक #नाशिककर #वॉटरक्रिसिस

21/06/2026

📻 My FM Radio वरील RJ वैष्णवी यांच्याशी संवादात NMC आयुक्त सौ मनिषा खत्री याची विशेष मुलाखत

♻️ अगर्टाकळी येथील 97 MLD क्षमतेचा अत्याधुनिक Sewage Treatment Plant (STP) प्रकल्प नाशिकच्या गोदावरी नदी प्रदूषणमुक्ती अभियानातील एक महत्त्वाचा टप्पा ठरत आहे.

✅ दररोज 97 दशलक्ष लिटर सांडपाण्यावर प्रक्रिया करण्याची क्षमता
✅ आधुनिक C-Tech Technology आणि SCADA आधारित डिजिटल नियंत्रण प्रणाली
✅ गोदावरी नदीतील प्रदूषण कमी करून पाण्याची गुणवत्ता सुधारण्यास मदत
✅ ₹1600 कोटींच्या गोदावरी पुनरुज्जीवन प्रकल्पाचा महत्त्वाचा भाग
✅ सिंहस्थ कुंभमेळा 2027 पूर्वी प्रकल्प पूर्ण क्षमतेने सुरू करण्याचे उद्दिष्ट

नाशिक महानगरपालिकेच्या या उपक्रमामुळे गोदावरी नदी अधिक स्वच्छ, पर्यावरणपूरक आणि भाविकांसाठी सुरक्षित करण्यास मोठी मदत होणार आहे.

"स्वच्छ गोदावरी, निरोगी नाशिक आणि यशस्वी सिंहस्थ 2027" या ध्येयाकडे नाशिक आणखी एक महत्त्वाचे पाऊल टाकत आहे.

#नाशिक #नाशिककर

21/06/2026