Pravin Jadhav - प्रविण जाधव

Pravin Jadhav - प्रविण जाधव जनतेचा विश्वासू सेवक Pravin Ramesh Jadhav was born on July 15, 1980. He completed his primary education at CDO MERI High School. He didn't stop here.

After graduating with a degree in arts, he looked for new opportunities in Construction Business to enhance he acknowledge in this field. After succeeding in small-scale private, government & semi-government works, he started a new construction company with his school friends. He has perfected the art of building dreams in Nashik City. They have grown to be one of the leading Company in Constructi

ons, serving the needs of their clients. He always wanted to do something good for the society. He believes he owes to the society. With the kind guidance of various elders and well-known people from the Gorakshnagar area, he set up the Gorakshnagar Sanskrutik Mitr Mandal. His colleagues were also involved in this social work to help him. He successfully organized several cultural and social events with his colleagues. Presently, he is working on some Social and Cultural works. He is doing fabulous jobs for society and it's going on uninterruptedly....

🙏🙏🌸🌸
26/08/2026

🙏🙏🌸🌸

#स्वच्छतागृहांचा_वापर_मोफतच_हवा; #प्रभागातील_सर्व_सार्वजनिक_स्वच्छतागृहांचा_ताबा #महापालिकेने_घ्यावा!प्रभाग क्र. १ मध...
22/08/2026

#स्वच्छतागृहांचा_वापर_मोफतच_हवा;
#प्रभागातील_सर्व_सार्वजनिक_स्वच्छतागृहांचा_ताबा
#महापालिकेने_घ्यावा!

प्रभाग क्र. १ मधील एकूण ६ सार्वजनिक स्वच्छतागृहांची देखभाल-दुरुस्ती आणि स्वच्छतेचा प्रश्न तातडीने मार्गी लावण्यासाठी महापालिका प्रशासनाकडे ठोस मागणी केली आहे.

ही स्वच्छतागृहे ‘सुलभ इंटरनॅशनल’च्या माध्यमातून उभारण्यात आली होती. मात्र, नागरिकांकडून अपेक्षित वापर शुल्क मिळत नसल्याचे कारण देत संबंधित संस्थेकडून योग्य देखभाल होत नसल्याची बाब समोर आली आहे.

सार्वजनिक स्वच्छतागृहांचा स्वच्छ, सुरक्षित आणि मोफत वापर नागरिकांना मिळालाच पाहिजे. नागरिकांनी पैसेही द्यायचे आणि तरीही त्यांना अस्वच्छ व दुरवस्थेतील सुविधा मिळणार असतील, तर ही व्यवस्था बदलणे आवश्यक आहे.

त्यामुळे ‘सुलभ इंटरनॅशनल’सोबतचा जुना करार रद्द करून सर्व सहा स्वच्छतागृहांचा ताबा व देखभाल नाशिक महानगरपालिकेने स्वतःकडे घ्यावी, अशी मागणी अतिरिक्त आयुक्तांकडे केली आहे.

यासंदर्भात घनकचरा व्यवस्थापन विभाग, बांधकाम विभाग आणि मलनिस्सारण विभागाची संयुक्त बैठक तातडीने घेऊन अंतिम निर्णय करण्याचीही मागणी केली आहे.

तसेच, ज्या स्वच्छतागृहांची अत्यंत दुरवस्था झाली आहे, ती पाडून त्याच ठिकाणी नवीन, स्वच्छ व अद्ययावत सार्वजनिक स्वच्छतागृहे उभारण्याचा प्रस्ताव यापूर्वीच प्रशासनाकडे दिलेला असून त्याचाही सातत्याने पाठपुरावा सुरू आहे.

स्वच्छता ही सुविधा नाही, तर नागरिकांची मूलभूत गरज आहे.
प्रभागातील प्रत्येक नागरिकाला स्वच्छ, सुरक्षित आणि मोफत सार्वजनिक स्वच्छतागृह उपलब्ध व्हावे, यासाठी हा विषय निश्चितपणे मार्गी लावू!

#प्रभाग_क्र_१ #स्वच्छतागृह #स्वच्छता #नाशिक_महानगरपालिका #नागरिक_सुविधा #स्वच्छ_प्रभाग

#जागतिक_आदिवासी_दिनाच्या_हार्दिक_शुभेच्छा!निसर्गाशी घट्ट नाते जपणाऱ्या, परंपरा, संस्कृती आणि सामाजिक मूल्यांचे संवर्धन ...
09/08/2026

#जागतिक_आदिवासी_दिनाच्या_हार्दिक_शुभेच्छा!

निसर्गाशी घट्ट नाते जपणाऱ्या, परंपरा, संस्कृती आणि सामाजिक मूल्यांचे संवर्धन करणाऱ्या आदिवासी समाजाच्या समृद्ध वारशाला आज मनःपूर्वक अभिवादन.

आदिवासी बांधवांचे श्रम, संघर्ष, कला, संस्कृती आणि पर्यावरण संवर्धनातील योगदान समाजासाठी प्रेरणादायी आहे. त्यांच्या हक्कांचे संरक्षण, शिक्षण, आरोग्य आणि सर्वांगीण विकासासाठी आपण सर्वांनी कटिबद्ध राहू या.

जागतिक आदिवासी दिनानिमित्त सर्व आदिवासी बंधू-भगिनींना हार्दिक शुभेच्छा! 🙏🙏

#दिंडोरी_रोड_वरील_अपघातग्रस्त_बेळे_आणि_गायकवाड #कुटुंबियांना_मनपातर्फे_प्रत्येकी_५_लाखांची_आर्थिक_मदतदिंडोरी रोड वर घड...
09/08/2026

#दिंडोरी_रोड_वरील_अपघातग्रस्त_बेळे_आणि_गायकवाड
#कुटुंबियांना_मनपातर्फे_प्रत्येकी_५_लाखांची_आर्थिक_मदत

दिंडोरी रोड वर घडलेल्या दुर्दैवी अपघातांमध्ये प्राण गमावलेल्या सौ. दिपाली बेळे आणि सौ. उज्वला गायकवाड यांच्या कुटुंबीयांना नाशिक महानगरपालिकेच्या आपत्ती व्यवस्थापन निधीतून प्रत्येकी ५ लाख रुपयांचे आर्थिक सहाय्य देण्यात आले. मानवी दृष्टिकोनातून आणि सामाजिक उत्तरदायित्वाची जाणीव ठेवत महानगरपालिकेने या कुटुंबांना आर्थिक आधार देण्याचा निर्णय घेतला.
अपघातात कुटुंबातील व्यक्ती गमावल्याने निर्माण झालेली पोकळी कोणत्याही मदतीने भरून निघू शकत नाही. मात्र, या दुःखद प्रसंगी या दोन्ही कुटुंबांच्या पाठीशी उभे राहून त्यांना आधार देण्याचा प्रयत्न महानगरपालिकेच्या माध्यमातून करण्यात आला. आज दोन्ही कुटुंबीयांना आर्थिक सहाय्याचे धनादेश प्रदान करण्यात आले.
यावेळी नाशिक मनपाच्या महापौ हिमगौरी ताई आडके, उपमहापौर विलास अण्णा शिंदे, स्थायी समिती सभापती मच्छिंद्र भाऊ सानप, मनपा आयुक्त मनीषा खत्री मॅडम, शिवसेना गटनेते अजय दादा बोरस्ते, भाजपा गटनेते श्याम भाऊ बडोदे, नगरसेविका रुपालीताई नन्नावरे यांच्यासह नगरसेवक व मनपा अधिकारी उपस्थित होते.

🙏 मा. उपमुख्यमंत्री श्री. एकनाथजी शिंदे साहेब यांची भेट घेऊन प्रभाग क्र. १ च्या सिंहस्थ विकासासाठी निवेदन सादर 🙏आगामी सि...
02/08/2026

🙏 मा. उपमुख्यमंत्री श्री. एकनाथजी शिंदे साहेब यांची भेट घेऊन प्रभाग क्र. १ च्या सिंहस्थ विकासासाठी निवेदन सादर 🙏

आगामी सिंहस्थ कुंभमेळा २०२७ लक्षात घेता पंचवटीतील प्रभाग क्र. १ हा भाविकांच्या प्रवेशाचा आणि वाहतुकीच्या दृष्टीने अत्यंत महत्त्वाचा भाग ठरणार आहे. या पार्श्वभूमीवर आज शिवसेनेचे मुख्य नेते मा. उपमुख्यमंत्री श्री. एकनाथजी शिंदे साहेब यांची भेट घेऊन नाशिक त्र्यंबकेश्वर कुंभमेळा प्राधिकरणामार्फत तातडीने निधी उपलब्ध करून देण्याबाबत सविस्तर निवेदन सादर केले.

📌 निवेदनामध्ये खालील महत्त्वाच्या कामांचा समावेश करण्यात आला आहे :

🔹 म्हसरूळ - मखमलाबाद शिव रस्ता (किशोर सूर्यवंशी मार्ग) - काँक्रिटीकरण, संपूर्ण रुंदीकरण, ड्रेनेज, पथदिवे व पदपथासह सर्वांगीण विकास.

🔹सीता सरोवर विकास - पौराणिक व धार्मिक महत्त्व लक्षात घेऊन स्वच्छता, सौंदर्यीकरण, भाविकांसाठी मूलभूत सुविधा व पर्यटन विकास.

🔹 म्हसरूळ - वरवंडी रस्ता रुंदीकरण - व्हीआयपी व पर्यायी विमानतळ मार्ग असल्याने किमान संपूर्ण रुंदीकरणसह मजबुतीकरण करणे.

🔹म्हसरूळ - आडगाव रस्ता - रुंदीकरण व विकास. मुंबई-आग्रा महामार्गाशी जोडणारा महत्त्वाचा दळणवळण मार्ग विकसित करण्याची मागणी.

सिंहस्थ काळात भाविकांची, वाहनांची आणि सुरक्षेच्या दृष्टीने वाढणारी गरज लक्षात घेता ही कामे फक्त प्रभागाच्या नव्हे तर संपूर्ण कुंभनगरीच्या भविष्यासाठी अत्यावश्यक आहेत.

मा. शिंदे साहेबांनी निवेदन गांभीर्याने ऐकून सकारात्मक दखल घेतली. प्रभाग क्र. १ च्या सर्वांगीण विकासासाठी माझा सातत्यपूर्ण पाठपुरावा कायम राहील.

कुंभनगरीच्या विकासासाठी कटिबद्ध! 🚩

#प्रभाग१ #नाशिक #सिंहस्थ२०२७ #कुंभमेळा #विकासकामे #एकनाथशिंदे #प्रविणजाधव #पंचवटी #सीतासरोवर #म्हसरूळ #नाशिकमहानगरपालिका

💧नाशिककरांसाठी आनंदाची आणि दिलासादायक बातमी💧वरुणराजाच्या कृपेने आणि गोदावरी मातेच्या आशीर्वादाने गंगापूर धरण आता ९६ टक्क...
28/07/2026

💧नाशिककरांसाठी आनंदाची आणि दिलासादायक बातमी💧
वरुणराजाच्या कृपेने आणि गोदावरी मातेच्या आशीर्वादाने गंगापूर धरण आता ९६ टक्के भरले आहे. ही केवळ पाणीसाठ्याची आकडेवारी नाही, तर लाखो नाशिककरांच्या मनातील पाण्याच्या चिंतेवर उमटलेला दिलास्याचा ठसा आहे.
आज गंगापूर धरणावर महापौर मा. हिमगौरीताई आडके यांच्या शुभहस्ते जलपूजन करण्यात आले.
नाशिककरांच्या पाण्याच्या चिंतेचे निवारण करणाऱ्या या आनंदाच्या क्षणी आज गंगापूर धरणावर जाऊन ‘जलपूजन’ करून कृतज्ञता व्यक्त केली. यावेळी स्थायी समिती सभापती मच्छिंद्र भाऊ सानप, मनपा आयुक्त मनिषा खत्री मॅडम, शिवसेना गटनेते अजय दादा बोरस्ते, भाजपा गटनेते श्याम भाऊ बडोदे, राष्ट्रवादी काँग्रेस गटनेत्या सीमा वहिनी ठाकरे, शिवसेना उद्धव बाळासाहेब ठाकरे पक्षाचे गटनेते केशव अण्णा पोरजे, पश्चिम प्रभाग सभापती सुरेश अण्णा पाटील, सातपूर प्रभाग सभापती समाधान भाऊ देवरे, नगरसेवक निवृत्ती अण्णा इंगोले, नितीन भाऊ निगळ, भगवान भाऊ दोंदे, नगरसेविका अंकिता ताई शिंदे, अतिरिक्त आयुक्त अमित रंजन साहेब, अधिक्षक अभियंता पाणी पुरवठा रविंद्र धारणकर साहेब, शहर अभियंता संजय अग्रवाल साहेब, विद्युत व यांत्रिकी अधीक्षक अभियंता अविनाश धनाईत साहेब व मनपा अधिकारी - कर्मचारी उपस्थित होते.
नाशिकचा पिण्याच्या पाण्याचा आणि शेतीचा प्रश्न मिटवणारा हा क्षण आपल्या सर्वांसाठीच अत्यंत समाधानाचा आणि उल्हासाचा आहे. निसर्गाने दिलेल्या या अमूल्य संपत्तीबद्दल कृतज्ञता व्यक्त करण्याचा हा भावपूर्ण क्षण होता.
भरलेले धरण म्हणजे शहरासाठी सुरक्षित पिण्याचे पाणी, शेतकऱ्यांसाठी नव्या आशा आणि आगामी काळासाठी अधिक आत्मविश्वास. नाशिकच्या विकासाला बळ देणारा आणि प्रत्येक कुटुंबाला समाधान देणारा हा क्षण आपल्या सर्वांच्या आनंदाचा आहे.
चला, निसर्गाने दिलेल्या या वरदानाचे जतन करूया आणि “पाणी वाचवा, भविष्य घडवा” हा संकल्प अधिक दृढ करूया. 🙏🌧️
#गंगापूरधरण #नाशिक #जलपूजन #पाणीआहेतरजीवनआहे #निसर्गाचेवरदान

दादांना जयंती दिनी विनम्र अभिवादन !🙏🙏🌸🌸
22/07/2026

दादांना जयंती दिनी विनम्र अभिवादन !
🙏🙏🌸🌸

21/07/2026

प्रभाग क्र. १ मधील नागरिकांचा उत्स्फूर्त प्रतिसाद – मनःपूर्वक आभार! 🙏

मतदार यादी विशेष सखोल पुनरीक्षण मोहीम (SIR-2025) अंतर्गत आयोजित करण्यात आलेल्या विशेष शिबिराला प्रभाग क्र. १ मधील नागरिकांनी अभूतपूर्व प्रतिसाद दिला.

या शिबिरामध्ये जवळपास ३,५०० मतदारांनी आपल्या मतदार नोंदणी/पडताळणीची प्रक्रिया पूर्ण करून लोकशाही बळकट करण्यासाठी सक्रिय सहभाग नोंदवला. हा प्रतिसाद आपल्या सर्वांच्या जागरूकतेचा आणि लोकशाहीप्रती असलेल्या बांधिलकीचा पुरावा आहे.

या अभियानाच्या यशस्वीतेसाठी सहकार्य करणाऱ्या सर्व मतदार बंधू-भगिनी, निवडणूक विभागाचे अधिकारी-कर्मचारी, स्वयंसेवक, कार्यकर्ते आणि माझ्या संपूर्ण टीमचे मनःपूर्वक आभार!

आपला हा विश्वास आणि साथ कायम ठेवत प्रभाग क्र. १ च्या सर्वांगीण विकासासाठी आम्ही नेहमीच कटिबद्ध राहू.

आपला विश्वास हीच आमची ताकद!

प्रविण मंदाकिनी रमेश जाधव
नगरसेवक, प्रभाग क्र. १
सदस्य, वृक्ष प्राधिकरण समिती
नाशिक महानगरपालिका

📢 प्रभाग क्र. १ मधील सर्व मतदार बंधू-भगिनींसाठी महत्त्वाची सूचना!मतदार यादी विशेष सखोल पुनरीक्षण मोहीम (SIR-2026) अंतर्ग...
18/07/2026

📢 प्रभाग क्र. १ मधील सर्व मतदार बंधू-भगिनींसाठी महत्त्वाची सूचना!

मतदार यादी विशेष सखोल पुनरीक्षण मोहीम (SIR-2026) अंतर्गत आपली मतदार नोंदणी/पडताळणी प्रक्रिया सुलभ व्हावी यासाठी विशेष शिबिराचे आयोजन करण्यात आले आहे.

🗓️ शिबिराचे वेळापत्रक

📍 दि. २० (सोमवार) व दि. २१ (मंगळवार) जुलै

🕙 वेळ : सकाळी १०.०० ते सायंकाळी ५.००

📌 शिबिराचे ठिकाण : नगरसेवक प्रविण जाधव यांचे संपर्क कार्यालय - १, एकदंत अपार्टमेंट, गोरक्षनगर, मेरी-आर.टी.ओ. लिंक रोड, नाशिक.

📄 सोबत आवश्यक कागदपत्रे -
✅ आधार कार्ड
✅ मतदार ओळखपत्र
✅ चालू मोबाईल क्रमांक
✅ २ कलर पासपोर्ट फोटो
✅तसेच उपलब्ध असल्यास : जन्म दाखला • १० वीचे गुणपत्रक • कुटुंब नोंदवही • पासपोर्ट • रहिवासी प्रमाणपत्र

प्रभाग क्र. १ मधील सर्व नागरिकांनी या शिबिराचा लाभ घ्यावा व आपली मतदार नोंदणी/पडताळणी वेळेत पूर्ण करून सक्षम मतदार यादी तयार करण्यासाठी सहकार्य करावे.

🙏🙏🙏

प्रविण मंदाकिनी रमेश जाधव
नगरसेवक प्रभाग क्रमांक १ तथा
सदस्य, वृक्ष प्राधिकरण समिती,
नाशिक महानगरपालिका

🚩🚩शिवसेनेच्या आंदोलनाला यश🚩🚩दिंडोरी रोडवरील रस्त्याच्या कामादरम्यान झालेल्या अपघातात मृत्युमुखी पडलेल्या सौ. उज्वला सीता...
09/07/2026

🚩🚩शिवसेनेच्या आंदोलनाला यश🚩🚩

दिंडोरी रोडवरील रस्त्याच्या कामादरम्यान झालेल्या अपघातात मृत्युमुखी पडलेल्या सौ. उज्वला सीताराम गायकवाड आणि जखमी झालेल्या सौ. दिपाली दिलीप बेळे यांच्या वैद्यकीय उपचाराचा खर्च संबंधित ठेकेदाराने उचलण्यास संमती दर्शविली असून त्याबाबत दोन्ही कुटुंबीय समाधानी झाले आहेत. नागरिकांच्या न्याय्य हक्कांसाठी उभारलेल्या आपल्या लढ्याला हे मोठे यश मिळाले आहे.

"त्यामुळे उद्या आयोजित केलेले रास्ता रोको आंदोलन सध्या स्थगित करण्यात येत आहे".

या आंदोलनाला पाठिंबा देणाऱ्या मेरी–म्हसरूळ परिसरातील सर्व नागरिक, शिवसैनिक, पदाधिकारी, कार्यकर्ते, प्रसारमाध्यमे तसेच प्रशासनाचे मनःपूर्वक आभार.

हा विजय केवळ एकजुटीने लढणाऱ्या आपल्या सर्व नागरिकांचा विजय आहे.

मात्र आमची भूमिका आजही ठाम आहे –
✅ रस्त्याच्या कामांमध्ये सुरक्षा नियमांचे काटेकोर पालन झालेच पाहिजे.
✅ भविष्यात नागरिकांच्या जीवाशी खेळणाऱ्या निष्काळजीपणाला कोणतीही माफी नाही.
✅ अपघातग्रस्तांना न्याय मिळालाच पाहिजे.

नागरिकांच्या सुरक्षेसाठी आमचा संघर्ष यापुढेही अविरत सुरूच राहील!

प्रविण मंदाकिनी रमेश जाधव
नगरसेवक, प्रभाग क्र. १ तथा
सदस्य, वृक्ष प्राधिकरण समिती
नाशिक महानगरपालिका

Address

Nashik
422004

Opening Hours

Monday 9am - 9pm
Tuesday 9am - 9pm
Wednesday 9am - 9pm
Thursday 9am - 9pm
Friday 9am - 9pm
Saturday 9am - 9pm
Sunday 9am - 9pm

Telephone

+919403011111

Website

Alerts

Be the first to know and let us send you an email when Pravin Jadhav - प्रविण जाधव posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Pravin Jadhav - प्रविण जाधव:

Shortcuts

Share

Category