Niphad Taluka Congress Committee

04/06/2026

राज्याचे माजी मंत्री व ज्येष्ठ नेते अनंतराव थोपटे यांच्या निधनाची बातमी अत्यंत दुःखद आहे. एखाद्या मतदारसंघाचं ६ वेळा प्रतिनिधित्व करणं हीच त्यांच्या योगदानाची पोचपावती आहे आणि हे कर्तृत्व सिद्ध करण्याची संधी त्यांना भोरच्या जनतेने त्यांच्या जनमानसातील प्रतिमेमुळे दिली. जवळपास १४ वर्ष महाराष्ट्राचं मंत्रिपद भूषवत उच्च व तंत्रशिक्षण, परिवहन, पशुसंवर्धन, दुग्धविकास, मत्स्यव्यवसाय यांसारख्या अनेक महत्त्वाच्या खात्यांमध्ये त्यांनी मोलाचं योगदान दिलं.

अनंतराव थोपटे ह्यांच्या निधनाने राज्याने एक दीर्घ अनुभव असलेला, जनमानसाच्या प्रश्नांशी बांधिलकी जपणारा नेता गमावला आहे. साहेबांना भावपूर्ण श्रद्धांजली व थोपटे कुटुंबियां प्रती सहवेदना .. !!

28/05/2026

ईद मुबारक. बकरी ईदनिमित्त सर्व मुस्लिम बांधवांना हार्दिक शुभेच्छा!

27/05/2026

दूरदृष्टी, विचार आणि राष्ट्रनिर्मितीचा आदर्श ठेवणारे आधुनिक भारताचे प्रथम पंतप्रधान भारतरत्न पंडित जवाहरलाल नेहरू यांना पुण्यतिथीनिमित्त विनम्र अभिवादन. स्वातंत्र्योत्तर भारताच्या उभारणीत लोकशाही मूल्ये, धर्मनिरपेक्षता आणि वैज्ञानिक दृष्टीकोन यांना बळ देत आधुनिक राष्ट्राची पायाभरणी करणारे पंडित जवाहरलाल नेहरू यांनी देशाच्या प्रगतीला नवी दिशा दिली. औद्योगिकीकरण, शिक्षणसंस्था आणि नियोजनबद्ध विकासाच्या माध्यमातून त्यांनी भारताला आधुनिकतेकडे नेण्याचे महत्त्वपूर्ण कार्य केले.

19/04/2026

अक्षय्य तृतीयेच्या निमित्ताने सर्वांना हार्दिक शुभेच्छा.
नव्या आशा, समृद्धी आणि मंगलमयतेची सुरुवात घडवणारा हा पवित्र दिवस सर्वांच्या जीवनात आनंद आणि समाधान घेऊन येवो हीच सदिच्छा.

18/04/2026

महिलांच्या शिक्षणासाठी आणि त्यांच्या सक्षमीकरणासाठी आयुष्य अर्पण करणारे महर्षी धोंडो केशव कर्वे यांनी समाजपरिवर्तनाची नवी दिशा दिली. स्त्री सन्मान आणि समानतेचा विचार रुजवण्यासाठी त्यांचे कार्य आजही प्रेरणादायी ठरते. महिलांच्या हक्कांसाठी संघर्ष करणारे थोर समाजसुधारक महर्षी धोंडो केशव कर्वे यांना जयंतीदिनी विनम्र अभिवादन.

16/04/2026

काँग्रेस पक्ष महिला आरक्षणाचे पूर्णपणे समर्थन करतो. संसदेने २०२३ मध्ये हे विधेयक एकमताने मंजूर केले, जे आता आपल्या संविधानाचा भाग आहे.

सरकार आता जो प्रस्ताव पुढे आणत आहे, त्याचा महिला आरक्षणाशी काहीही संबंध नाही. मतदारसंघांची पुनर्रचना आणि सोयीस्कर मतदारसंघांची फेररचना करून सत्ता काबीज करण्याचा हा केवळ एक प्रयत्न आहे.

जात जनगणनेच्या आकडेवारीकडे दुर्लक्ष करून ओबीसी, दलित आणि आदिवासी समुदायांच्या वाट्याची होणारी 'हिस्सा चोरी' आम्ही कोणत्याही परिस्थितीत सहन करणार नाही. तसेच, दक्षिण, ईशान्य, वायव्य आणि लहान राज्यांवर होणारा अन्यायही आम्ही कोणत्याही परिस्थितीत होऊ देणार नाही.

14/04/2026

सामाजिक न्याय, समता आणि मानवमुक्तीच्या विचारांना बळ देत आधुनिक भारताच्या घडणीत मोलाचे योगदान देणारे भारतरत्न महामानव डॉ. बाबासाहेब आंबेडकर यांनी आपल्या दूरदृष्टी, विद्वत्ता आणि संघर्षाच्या बळावर वंचित घटकांना नवी दिशा दिली. भारतीय संविधानाच्या निर्मितीतून त्यांनी लोकशाही, अधिकार आणि समानतेची भक्कम पायाभरणी केली. भारतरत्न महामानव डॉ. बाबासाहेब आंबेडकर यांना जयंती दिनी विनम्र अभिवादन.

12/04/2026

आशाताईंच्या रूपाने भारतीय संगीतविश्वातील अजरामर आवाज हरपला आहे. त्यांच्या निधनामुळे संगीताच्या एका सुवर्णयुगाला विराम मिळाला आहे. त्यांच्या आवाजातली खुमारी, चपळता आणि भावनांची खोली ही त्यांची खरी ओळख ठरली. हिंदीसह मराठी, बंगाली, गुजराती, पंजाबी आणि अनेक भाषांमध्ये हजारो गाणी गाऊन तब्बल सहा दशकांहून अधिक काळ त्यांनी भारतीय संगीतविश्वासाठी दिलेले योगदान अमूल्य आहे. आज त्यांचा आवाज थांबला असला, तरी त्यांचे सूर सदैव घुमत राहतील. आशाताईंनी प्रत्येक भारतीय संगीतप्रेमींच्या मनात निर्माण केलेले अढळ स्थान कायम राहील. राष्ट्रीय पुरस्कार, पद्मविभूषण, दादासाहेब फाळके अशा असंख्य पुरस्कारांच्या मानकरी आशाताई भोसले यांना भावपूर्ण श्रद्धांजली!

11/04/2026

07/04/2026

आसामचे मुख्यमंत्री हिमंता बिस्वा सरमा यांनी राज्यसभा विरोधी पक्षनेते, काँग्रेस पक्षाचे राष्ट्रीय अध्यक्ष मा. श्री. मल्लिकार्जुन खरगे जी यांच्याबद्दल वापरलेल्या अभद्र भाषेचा जाहीर निषेध.

सत्तेची खुर्ची डळमळू लागली की मानसिक संतुलन ढासळते, याची प्रचिती त्यांच्या वक्तव्यातून दिसून येते. त्यांच्या कारभारातील भ्रष्टाचाराचे मुद्दे आसामच्या जनतेसमोर येऊ लागल्यामुळे ते अस्वस्थ झाले असून, त्यातूनच अशी विधाने करत आहेत.

एका ज्येष्ठ आणि अनुभवी नेत्यावर तसेच प्रमुख विरोधी पक्षाचे नेतृत्व करणाऱ्या व्यक्तीवर अशा प्रकारे अर्वाच्य भाषेत टीका करणे ही लोकशाहीसाठी धोकादायक बाब आहे.

आमच्या नेत्यांचा अपमान आम्ही कदापि सहन करणार नाही. आसामच्या मुख्यमंत्र्यांनी तत्काळ माफी मागावी!