20/08/2023
మాజీ మంత్రి డీకే అరుణ అరెస్ట్..
-- మెండోరా పీఎస్ కు తరలింపు..
-- అరెస్ట్ పై డీఎస్పీ గంగారెడ్డితో వాగ్వాదం.
-- జాతీయ రహదారిపై భారీగా మోహరించిన పోలీసులు.
నిర్మల్ జిల్లా కేంద్రంలో నూతన మాస్టర్ ప్లాన్ రద్దు చేయాలని డిమాండ్ చేస్తూ ఆమరణ నిరాహార దీక్ష చేపట్టిన మాజీ ఎమ్మెల్యే మహేశ్వర్ రెడ్డికి సంఘీభావం తెలిపేందుకు వచ్చిన మాజీ మంత్రి, బీజేపీ జాతీయ ఉపాధ్యక్షురాలు డీకే అరుణను సోన్ గోదావరి బ్రిడ్జి వద్ద ఆదివారం పోలీసులు అడ్డుకున్నారు. ఎందుకు అడ్డుకున్నారంటూ డీఎస్పీ గంగారెడ్డితో వాగ్వాదానికి దిగారు. మాస్టర్ పేరు రద్దు చేయాలని గత ఐదు రోజులుగా ఆమరణ నిరాహార దీక్ష చేస్తున్న ప్రభుత్వం స్పందించడం లేదని ప్రతిపక్ష నాయకులను పోలీసులతో అడ్డుకుంటూ దౌర్జన్యాలకు పాల్పడుతున్నారని మండిపడ్డారు. మహిళ పోలీసులచే బలవంతంగా ఆమెను నిజామాబాద్ జిల్లా మెండోరా పోలీస్ స్టేషన్ కు తరలించారు. జాతీయ రహదారిపై భారీగా పోలీసులు మోహరించారు వాహనాలను క్షుణ్ణంగా తనిఖీ చేస్తున్నారు.
