https://www.facebook.com/110120411474530/

Naba Kumar Borah "Poshake Mon", North Lakhimpur (2026)

21/08/2024

আজি আহো আন এটা ভিতৰুৱা অঞ্চলৰ কাহিনীৰ মাজলৈ..... গাঁৱত বছৰেকীয়া বৰ সবাহ আৰু ভাওনাৰ আয়োজন । গাঁৱৰ ডেকা চামে চিন্তা কৰিলে..... অন্য ঠাইৰ ভাওনাবোৰ ইমান ধুনীয়া হয়, কাৰিকৰী দিশবোৰ ইমান উন্নত, এই বাৰ আমাৰ ইয়াটো পাতিম,টকা যি যায় যাব......এই বুলি বাহিৰৰ ভাওনা শিল্পীৰ লগত যোগাযোগ কৰিলে আৰু গাঁৱৰ ও দুই চাৰিজন ক ভাও দি দহ দিন মানৰ পৰা আখৰা চলিল । একে বাৰে ভিতৰুৱা অঞ্চল হোৱাৰ বাবে কেইবাজনো ভাওনা শিল্পী সেই গাঁৱতেই থাকি ল'ব লগাত পৰিল । সুন্দৰ ভাওনা প্ৰদৰ্শন হোৱাৰ পিছত সকলো ঘৰা ঘৰি হ'ল । ভাওনাৰ পিছদিনাই এগৰাকী বোৱাৰী থানা পালেহি..... ছাৰ ছাৰ সৰ্বনাশ হ'ল ঘৰৰ সকলো সোণৰ মাল চুৰি হ'ল, মোৰ খিনি টো নিলেই ননদ কেইজনীৰ ও নিলে ......। সেই মতে গোচৰ তৰিলে আৰু তদন্ত আৰম্ভ হ'ল ।
পুলিচৰ প্ৰাৰম্ভিক তদন্তত জগৰীয়া কৰিলে,বাহিৰৰ পৰা ভাওনা কৰিবলৈ যোৱা ল'ৰা কেইজনক। তেওঁ লোকক বিচাৰি থানা পোৱালেগৈ আৰু জোৰদাৰ সুধা পোচা চলিত। হাতত হেণ্ডকাপ লগাই ডাক্তৰী পৰিক্ষা কৰি থানাতেই এক ৰাতি ৰাখিলে আৰু পিছদিনা অভিযুক্ত নহয় বুলি এৰি দিলে । এই সমগ্ৰ ঘটনাটোত, অযথা হেণ্ডকাপ লগোৱা কাণ্ডটোত, ভাওনা শিল্পী কেইজনে মৰ্মান্তিক দুখ পালে,তাতে লাজ অপমান আছেই । সেই ভাওনা শিল্পী কেইজনে কি কৰিব, ইমান টো ক্ষমতাশালী নহয় ওলোটাই প্ৰশ্ন ও কৰিব পাৰে । কিন্তু তেওঁ লোকৰ ওচৰত এটাই সম্পদ আছে,সেয়া হ'ল অগাধ ঈশ্বৰৰ প্ৰতি ভক্তি । সেয়ে পিছদিনা সেই খন গাঁৱৰ নামঘৰত গৈ ৰাইজ গোটাই পৰম ঈশ্বৰক কাকতি কৰি ক'লে......হে পৰম ঈশ্বৰ অন্ত:যামি তুমি নাৰায়ণ,আমি ভাওনাৰ শিল্পী সদায়েই তোমাৰেই ভকতি । তুমি টো জানা আমি চোৰ নহয়, অযথা অপমান , অযথা হেণ্ডকাপ লাগিল, সেয়ে তোমাতেই মিনতি , তুমি বিচাৰ কৰিবা আৰু তাৰ বিনিময়ত, তোমাৰ গুণানুকীৰ্তন কৰি এখন ভাওনা আমি নিজা খৰচত কৰি দিম.......। এই কথাখিনি শেষ নহওঁতেই উপস্থিত গঞাৰ মাজত কান্দোনৰ ৰুল বৈ গ'ল। যেন অতিথি নিমন্ত্ৰণ কৰি আনি ৰাজহুৱা কৈ আঘাত দিয়া হ'ল ।
ইতিমধ্যে এই কথা বোৰ প্ৰকৃত চোৰৰ কানত পৰিল ।চোৰ ঘৰৰ ভিতৰত চটফটাবলৈ ধৰিলে আৰু সকলো কথা ৰাজহুৱা কৰিলে.......ৰাইজ সকল মই য়ে চোৰ কৰিছিলোঁ আৰু মই য়ে গৈ মিছা গোচৰ দিছিলোঁ। সোণৰ কিছু চহৰত বিক্ৰী কৰিলো আৰু কিছু আছে......।
ৰাইজ আঁচৰিত হ'ল আৰু সেই মতে পুলিচৰ তদন্ত পুনৰ আৰম্ভ হ'ল। নাজানো সেই তদন্ত ই কি ৰূপ লয়, বিভাগীয় বিষয়াই জানিব। কিন্তু এটা ডাঙৰ প্ৰশ্ন আহিল অযথা কেইজনমান সংস্কৃতিবান যুৱকক হেণ্ডকাপ লগাই অপমানিত কৰা হ'ল । আমাৰ এটা ধাৰণা আছে, ঢোল এটা বজাই ঘুৰি ফুৰা যুৱক জনক, ভাওনা শিল্পী যুৱক সকলক গুৰুত্ব নিদো, তাতকৈ কপালত ফোট লৈ অহা চেঙেলীয়া এটা দেখিলেও চকীৰ পৰা উঠি সম্ভাষণ জনাবলৈ মন কৰো । কিন্তু এটা ঢোলীয়াই,এজন ভাওনাৰ শিল্পী য়ে সংস্কৃতিৰ ক্ষেত্ৰখন ধৰি ৰাখিছে, সেই কথা কল্পনাৰ সীমা ৰেখাই ঢুকি নাপাওঁ।
এতিয়া মূল প্ৰশ্ন, সেই অঞ্চলৰ ৰাইজে পুলিচক কি ভাৱে ল'ব, সেই হেণ্ডকাপ লগা ল'ৰা কেইজনে কি ভাৱত পুলিচক চাব , পুলিচৰ প্ৰতি সেই ভিতৰুৱা অঞ্চলত বিশ্বাসযোগ্যতা কিমান থাকিব ? কালিলৈ সময়ত খবৰ বোৰ দিব নে ? সেই পুলিচ অফিচাৰ জনে ক্ষমা খুজিব নে? এইয়া বৰ্তমান সময়ত বিভিন্ন অঞ্চলৰ ছবি। সেয়ে এই বোৰ দিশত পুলিচৰ মূৰব্বী সকলে, জিলাৰ মূৰব্বী সকলে নজৰ ৰাখক ।

20/08/2024

আজি আমাৰেই ভিতৰুৱা গাঁৱৰ এটি কাহিনী আগবঢ়াব বিচাৰিছোঁ..... "শেৱালী চেতীয়া" গাঁৱৰে এগৰাকী বোৱাৰী। দেউতাকৰ ঘৰৰ অৱস্থা ভাল যদিও, প্ৰেমৰ জড়িয়তে পোৱা নতুন ঘৰখন সিমান তনকীয়াল নহয় । তথাপিও যিহেতু যুগ্মজীৱনৰ পাতনি মেলিলে "শোকুতা কে মুকুতা" বুলি ভাবি সকলো দিশৰ উপাৰ্জনৰ পথ বোৰ বিচাৰি আগবঢ়াৰ কথা চিন্তা কৰিলে ।
ঘৰতেই থকা হাঁহ জনীয়ে কনি পাৰিছে......অ' মা অ' মা হাঁহ জনীয়ে কনি পাৰিছে,কোনেও নাখাব দেই মই উমনি দিম.....। এটা হেঁপাহ, হাঁহ উমনি দিম পোৱালি জগিব, ডাঙৰ হ'ব আৰু সময়ত এটা হাঁহত পাঁচ শ টকাকৈ বিক্ৰী কৰিব । টকা খিনি গোটাই পাৰিলে ছাগলী এজনী লব,আজি কালি ছাগলীৰ বেচ চাহিদা আছে , ইত্যাদি বহুতো কল্পনা । সেই কল্পনা মতেই হাঁহ কনি উমনি দিলে সময়ত পোন্ধৰটা পোৱালি ওলাল , শেৱালী এতিয়া সম্পূৰ্ণ ব্যস্ত পোৱালি কেইটা যাতে হৰণ - ভগন নোহোৱাকৈ ডাঙৰ কৰা হয়........হুৰ,হুৰ,ঐ মা কাউৰি আহিছে চাওকচোন, ঐ মা মই মোৰ বজাৰৰ পৰা অহা অলপ দেৰি হ'ব, হাঁহ কেইটা চপাই আনিব......। এনেদৰে হাঁহ ডাঙৰ হ'ল মাঘ বিহুৰ ওচৰত একেলগে বিক্ৰী কৰিলে এটাত ছয়শ টকাকৈ,মুঠ প্ৰায় ন হাজাৰৰ বেছি টকা পালে ।
শেৱালী ৰ কল্পনাৰ সেই ছাগলী কিনিব লৈ টকা যোৰা মৰিল ।পোন চাটেই কিনি আনিলে এজনী চেউনি ছাগলী।অকলে আমনি পাব বুলি এটি সৰু পঠা ছাগলী। কিছুদিনৰ পিছত পঠাটো খাছী কৰিলে । লাহে লাহে খাছীৰ মঙহ ধৰি নিপুটলটো হ'ল । এক প্ৰকাৰৰ দেখনীয়াটো হৈছে । শেৱালীয়ে বৰ মৰম কৰে, শেৱালীৰ মাত শুনিলেই য'তেই নাথাকক দৌৰি আহে । পিছে সিদিনা হঠাতে খাছীটো নাইকীয়া হ'ল । নাইকীয়া মানে একেবাৰে নাই । চাৰিওফালে বিচাৰি কতোৱেই নাপালে ।
গাঁৱত বুলে বহুতৰ ছাগলী হেৰাইছে,এটা ছাগলী চোৰ দলে গাড়ী লৈ চোৰ কৰে । তাৰেই উমান পাই ডেকা চামে খাপ দিছে । সিদিনা চোৰৰ দিন বেয়া ৰাইজে খেদি খেদি চোৰ, গাড়ী, বেলেগ এটা ছাগলী সহ থানাত চমজাই দিলে ।থানাত ছাগলীৰ মালিকে লিখিত দিলে,থানাই ছাগলীৰ মালিকক ছাগলী চমজাই দিলে আৰু সেই ৰাতি গাড়ী সহ চোৰ ৰাখি থ'লে । ইতিমধ্যে গোচৰীয়াৰ পিছত বেজ লাগিল...... হেৰী কেচ খেলি কি লাভ, আপোনাৰ ছাগলী পালেই যেতিয়া কেচটো উঠাই লওক......। "হোলাৰ ভাই মোলা" থানাত লিখি দিলে মই কেচ নেখেলো " । ভাৰপ্ৰাপ্ত আৰক্ষী বিষয়াই যেন সুযোগ পালে, পিছদিনা গাড়ী মানুহ থানাৰ পৰা এৰি দিলে ।
শেৱালীৰ ছাগলী চোৰ ধৰা বুলি জানি কৌতুহল উপজিল, কি জানি ,তাইৰ ছাগলী টো সিয়েই নিছে,তাক সুধিলে কিজানি ছাগলী টো ওলায়েই। পিছে কাম নহয়,জানিব পাৰিলে ইতিমধ্যে থানাই চোৰ এৰি দিলে ।
এতিয়া কথা হ'ল, সেই ভাৰপ্ৰাপ্ত আৰক্ষী বিষয়া জনৰ নিজা ববীয়া দ্বায়িত্ব হ'ব লাগিছিল চোৰৰ ওপৰত উচিত ব্যৱস্থা লোৱা,আগত চুৰি কৰি নিয়া ছাগলী ক'ত বিক্ৰী কৰিছে গোটেই ৰেকেটটো বাহিৰ কৰা আৰু যিহেতুকে ৰাইজে চুৰি বস্তু সহ ধৰি দিছে, উপযুক্ত সাক্ষীৰ অভাৱ নহয় আৰু এনেবোৰ কেচ সাধাৰণতে Conviction হয় । এই সুযোগ টো হেৰুৱালে আৰু জনসাধাৰণ অসুখী হ'ল। সেই চোৰৰ যদি উপযুক্ত তদন্তৰে সম্পূৰ্ণ নেটৱৰ্ক বাহিৰ কৰিলে হয়,সহজ সৰল জনগনে তেওঁক বিশ্বাসী অফিচাৰৰ তালিকাত ৰাখিলে হেঁতেন, অফিচাৰ জনৰ বিপদত সেই জনগণে সহায় কৰিলে হেঁতেন । সেই অফিচাৰ জনে শেৱালী ৰ মনৰ আবেগ বেথা বুজিবলৈ চেষ্টা কৰিলে নে? সেই জনগণে কালিলৈ তেওঁক বিশ্বাসত ল'ব নে ? কালিলৈ পাবলগীয়া খবৰ খিনি গাওঁবাসীৰ পৰা পাব নে? নিজেই বিবেচনা কৰক ।কোন আইনত থানাৰ পৰা কেচ উঠাই লোৱাৰ ব্যৱস্থা আছে ? Lalita Kumari V's state of Maharashtra গোচৰত FIR সম্পৰ্কত মহামান্য উচ্চতম ন্যায়ালয়ৰ নিৰ্দেশনা কি আছে ? জনাৰ দৰকাৰ ।
মই এতিয়া ও কও ,আইনে ভাৰপ্ৰাপ্ত আৰক্ষী বিষয়া আৰু তদন্ত কাৰী বিষয়াক চিনি পায় । গতিকে নিজা চাকৰি নিজৰ লগত,বিপদত পৰিলে কোনেও উদ্ধাৰ নকৰে । যেতিয়া ধতব্য অপৰাধ ত কেচ কিয় নহ'ল ভাৰপ্ৰাপ্ত আৰক্ষী বিষয়া ক সুধিব,তাৰ বাবে জগৰীয়া তেওঁ নিজেই হ'ব লাগিব,তাৰ উত্তৰ দিব লাগিব।

19/08/2024

অৱসৰৰ পিছতেই চিন্তা কৰিলো আৰু দুমাহৰ পিছত বাৰিষা সোমাৱ,বাৰীখনত শাক পাচলি কিবা এটা নহ'লে, ৰান্ধনীয়ে ভাত দিয়েনো কেনেকৈ। এই বুলি ততাতৈয়াকৈ জাতি লাউৰ পুলি দুটা,জিকা,ভেন্দি,ভাত কেৰেলাৰ পুলি পৃথিৱীৰ বুকুত মেলি দিলো। এতিয়া এই ভৰ বাৰিষা, ভগৱন্তৰ কৃপাত জাতি লাউৰ চাং খন দেখিবলৈয়ে ভাল হৈছে । এতিয়ালৈকে দহ বাৰটা খোৱা হ'ল । অন্য পাচলি ও হৈ আছে ।
কথা এটা কও, আজিৰ বজাৰত এটা জাতি লাউৰ দাম প্ৰায় এশ টকা , যদি ডাঙৰ বিধৰ হয় । তেন্তে এইয়া এটা ভাল উপাৰ্জনৰ পথ নহয় নে?

16/08/2024

সুদীৰ্ঘ ৩৭ বছৰ চাকৰি কৰি যোৱা ৩১ মাৰ্চত অৱসৰ গ্ৰহণ কৰিলো । এই দীঘলীয়া সময়ত ২২ বছৰ বিভিন্ন থানাত ভাৰপ্ৰাপ্ত বিষয়া আৰু শেহতীয়াকৈ Dy SP Namrup ৰ দৰে স্পৰ্শ কাটৰ ঠাইত তিনি বছৰৰ অধিক কাল কটাই অৱসৰ লোৱা টোৱে প্ৰমাণ কৰে পুলিচ দৃষ্টিকোণৰ পৰাই উপযুক্ত বুলি বিবেচিত আছিলো । নাছিল কৰ্তব্য ৰ গাফিলতি, সাহসী কটাৰ পৰিচয় আছিল উপযুক্ত জনৰ ওচৰত । এই চাকৰি জীৱনত বহু জটিল সন্ধিক্ষনত ভাৰপ্ৰাপ্ত আৰক্ষী বিষয়াৰ দ্বায়িত্ব পালন কৰিছিলোঁ, বহু সফল অভিযানত সন্মুখৰ পৰা নেতৃত্ব দি সফল হৈছিলো তাৰ প্ৰমাণ ইতিমধ্যে পাৰ হৈ পোন্ধৰ আগষ্টৰ দৰে দিন এটাত মাননীয় ৰাষ্ট্ৰপতি মহোদয়ৰ " সাহসী কটাৰ আৰক্ষী বঁটা" গ্ৰহণ কৰিবলৈ সক্ষম হৈছিলো, তাৰ লগতে বহুতো এতিয়া বকলা নেমেলু। এই সফলতা বোৰৰ মূল কাৰণেই আছিল গুপ্তচৰৰ সংবাদ,গুপ্তচৰক পৰিচালনা,গুপ্তচৰ প্ৰস্তুত কৰণ, আৰু সমপৰিমাণে গুপ্তচৰৰ ওপৰত নিজা বিশ্বাসযোগ্যতা প্ৰতিপন্ন কৰা ।এটা কথা ঠিক, যিহেতু সন্ত্ৰাসবাদৰ বিৰুদ্ধে খোজ দিব, সন্ত্ৰাসবাদীৰ বিৰুদ্ধে খবৰ দিব, তেওঁৰ প্ৰতি মূহুৰ্তত থাকিব মৃত্যুৰ ভয়। সেয়া ও নেওচি যেতিয়া খবৰ দিব আহিব, তেনে ক্ষেত্ৰত যাক খবৰ দিবলৈ আহিব, সেই পুলিচ অফিচাৰ জন নিতান্তই বিশ্বাসী, সাহসী আৰু দক্ষতা সম্পন্ন হ'ব লাগিব । এতিয়াৰ বিফলতাৰ মূল কাৰণ সেয়াই ।
আজিৰ তাৰিখত কিমান যন ভাৰপ্ৰাপ্ত বিষয়াৰ ওচৰত তেনে গুপ্তচৰ আছে মোৰ সন্দেহ আছে আৰু যদি আছিল তেন্তে কিয় বিফল হৈছে তাত প্ৰশ্ন আছে । কাৰণ প্ৰকৃত গুপ্তচৰ সৃষ্টি কৰা আৰু পৰিচালনা কৰা অতি জটিল কাম তাৰ বাবে লাগিব জীৱনৰ অভিজ্ঞতা । আজি মোৰ অৱসৰ গ্ৰহণ কৰা ছয় মাহ হ'ল, মোৰ দৰে বহু অভিজ্ঞ পুলিচ বিষয়া অৱসৰ লৈ ঘৰত সাধাৰণ জীৱন অতিবাহিত কৰিছে, কোনো নতুন চাম পুলিচ অফিচাৰে সেই ব্যক্তি বোৰৰ সমল অভিজ্ঞতাৰ আভাস ল'বলৈ গৈছে নে? নাযায়,বাটত দেখিলেও মাত দিবলৈ কঠিন হয়। মই আগৰ এটা লিখাত লিখিবলৈ বাধ্য হৈছিলো " অৱসৰ লৈ অহাৰ পিছত ছাঁৰ দৰে, লাগি থকা ভাৰপ্ৰাপ্ত আৰক্ষী বিষয়াৰ, ফোন এটা কৰিবলৈ ও সময় নোলায়" । লক্ষীমপুৰ চহৰৰ মাজ মজিয়াত থাকো, অথচ চিনাকি পুলিচৰ ও খবৰ লোৱাৰ সময় নহয়, কিছু জানিবলৈ বুজিবলৈ আগ্ৰহ নহয় । মই এটা কথা সাহসেৰে ক'ব বিচৰো ..... আজিৰ তাৰিখৰ পুলিচে আমাৰ দহ শতাংশ সফল অভিযানত লিপ্ত হোৱা নাই । আজিৰ তাৰিখৰ তদন্ত সফলতাৰ আহিলা , কেৱল ম'বাইল নেটৱৰ্কৰ,FSL সংযোজন ।
তৃতীয়তে এটা কথা ক'ব ই লাগিব , অনুপযুক্ত বয়সত ভাৰপ্ৰাপ্ত আৰক্ষী বিষয়াৰ দৰে পদত অধিষ্ঠিত কৰা । ভাৰপ্ৰাপ্ত আৰক্ষী বিষয়াৰ চাকৰি বিচক্ষণতাৰে কৰিবলৈ হলে, লাগিব অভিজ্ঞতা । এনেকোৱা ও পাইছো, বুলে প্ৰবেচনৰ দুটা বছৰ শেষ হোৱাই নাই OC হ'লেই । সেয়ে হয়টো পদে পদে ভুল কৰে, ভাৰপ্ৰাপ্ত আৰক্ষী বিষয়া জনৰ লগত জড়িত,Crime & criminal records, building up source, tech full behaviour with common people ইত্যাদি কথাবোৰ ভবা মতে নহয়, কাৰণ এইবোৰ কামত অভিজ্ঞতাৰ কথাবোৰ আহে ।
এনে বহু ভাৰপ্ৰাপ্ত আৰক্ষী বিষয়া লগ পাইছো যি নিজা এলেকাৰ প্ৰতিটো অঞ্চল চিনি নাপাই, তেওঁৰ এলেকালৈ সোমাব পৰা কিমান টা ভিতৰুৱা পথ আছে,কিমানটা স্পৰ্শ কাটৰ তালাচীৰ ঠাই আছে, য'ত সফলতা আহিব পাৰে, হয়টো নখ দৰ্পণত নহয় । বিশ- ত্ৰিশ খন মটৰ চাইকেল ঘুৰাই চমক দিব পাৰি কিন্তু সফলতা নাহে। সফলতা আহিবলৈ হ'লে " চোৰ ধৰিবলৈ তাতকৈ কৌশলি হ'ব লাগিব,নিজক আত্মগোপন কৰিবলৈ ব্যৱস্থা ল'ব লাগিব" ।
যদি সঁচাকৈয়ে সংবাদ মাধ্যমত পোৱা তথ্যৰ ওপৰত বোমা উদ্ধাৰ হৈছে , তেন্তে সাৱধানতা আৰু বিশেষ ভাৱে চিন্তা কৰাৰ প্ৰয়োজন ।

14/08/2024

আজিৰ দিনটোত এজন সীমান্তৰ সৈনীকৰ মনৰ কথাৰে..........
সেনানী........................
আছনে কুশলে মৰমী আই,আছনে কুশলে বঙহৰ ভাই। তুষাৰ প্লাৱনে, সঘনে জুকাই,শতৰুৰ ভেঙুচালি, দিছোঁ উফৰাই,জুৰুৱা বতাহত,গাই বিজয়ৰ গান, ৰাখিছোঁ ধৰি দেশৰ মান।
আই তোৰ শপত, ৰাখিছোঁ মনত, থমকি নৰয় মোৰ, উতপ্ত শোণিত। প্ৰচণ্ড যুঁজাৰু হৈ,ধৰণী কঁপাম, ৰাখিম তোৰেই মান, এইয়া জীৱনৰ পন।

তথাপিও বাৰে বাৰে,চেনেহীৰ এটি ফোনে,মন প্ৰাণ উৰাই নিয়ে, পাবলৈ কাষত। হেঁপাহত ভাঙো -পাতো ,চেনেহৰ ভাষা বোৰ, অজানিতে বৈ আহে লোটক,অজলা অজলা ভাৱত। উৰণীয়া মনে মোক, নিয়ে উৰুৱাই। আই তোৰ চৰণত জনাম প্ৰণাম ,ঢালি দিম য'ত অভিমান ।

কুশলে থাক অ' মৰমী আই, চেনেহী লগৰী তই ও জীৱন জূৰাই।দেশৰ বাবেই আহিলো উলাই,শতৰুৰ বেহু ফালি, উৰাম স্বাধীনতাৰ বিজয় নিচান , জাগ্ৰত সেনানী,আছো আগুৱাই,শতৰুক দিছো সকিয়াই ......... চাকৰিৰ পৰা অৱসৰ ল'লে ও এই দিনটো লৈ মনত পৰে ।

12/08/2024

কালি ৰাতিপুৱা ৰ পৰা পকা মিস্ত্ৰীৰ লগত কামত লাগি আছো , কাৰণ এটাই যোগালী এজন আহিল,এজন বিচাৰি পোৱা নগল । মিস্ত্ৰী আহি জনালে..... ছাৰ আজি কাম নহ'ব,যোগালী এজন নাপালো......কাম হ'ব, মই যোগালী কৰিম......ব্যঙ্গ নকৰিব ছাৰ, কালিলৈ কৰিম.....নহয় মই কৰিম ।
এই বুলি পোচাক জোৰ সলাই লাগি গলো । মিস্ত্ৰী য়ে কৰণী খন মাৰে আৰু মাজে মাজে মোলৈ চাই। মনতে ভাবিছে... কেনেকুৱা মানুহ এইজন .....। হয়!আমি পুলিচৰ পৰা অৱসৰ লোৱা মানুহ হ'লেও মনৰ উদ্যম মজবুত থাকে । ৰাস্তাৰ কাষতেই যোগালীৰ কাম কৰি আছো । ৰাস্তাৰে যোৱা মানুহ চিনাকি- অচিনাকী সকলোৱে ঘুৰি চাই গৈছে । তাকেই দেখি মিস্ত্ৰীয়ে মাত দিছে......ছাৰ আপোনাক সকলোৱে ঘুৰি ঘুৰি চাই গৈছে ....। চিনাকি সকলে ভাবিছে চাগৈ..... এইটো মৰ একেলুৱা টো আৰু অচিনাকী সকলে ভাবিছে চাগৈ ..... চেহ! মানুহজন ধনী ঘৰৰেই আছিল চাগৈ, কিবা বিপদত পৰিহে হাজিৰা কৰিছে ।
এনেতে অলৌ তলৌ কৈ ঘুৰি ফুৰা দুটা ৰাস্তাৰে গৈ মাত লগালে.......অ খুড়া, আপোনাৰ কি নাই হাজিৰা লগাই দিয়ক...... ঠিক কৈছা,হাজিৰা কৰা মানুহ বিচাৰি আছো,আহা কাম কৰা হাজিৰা দিম....নাই খুড়া, ইমান গধুৰ কাম কৰিব নোৱাৰো... । ক'ত পাৰিব ফ্ৰি ৰেচন, মাকৰ অৰুণোদয়, এহ্! কোনে পায়। পিছে এনেকৈ জীৱন অতিবাহিত কৰি কৰি এটা সময়ত একেবাৰেই নিশকতীয়া হ'ব যে বেতাৰ খবৰেই নাই । আৰু নিশকতীয়াৰ বাবেই যেতিয়া কামবোৰত বেলেগে অগ্ৰাধিকাৰ লাভ কৰিব, তেতিয়া "নিকিনি খোৱা" কেইটাৰ লগত ৰাজপথত চেন্টি ফালিব....... আমাৰ অধিকাৰ সুৰক্ষা কৰক, সন্দেহ জনক নাগৰিক শ্ৰমিক নিয়োগ বন্ধ কৰক......। এক কথাত কবলৈ গলে আমাৰ খিনিৰ বুজন সংখ্যকেই কাম ধান্দা এৰিলে।যি দুই একে কৰি আছে, তেওঁলোকৰ ও এলাহ আৰু ভাগৰৰ পৰিমাণ জোখতকৈ বেছি। এইয়া জাতিটোৰ বাবেই বৃহত্তম ক্ষ্যতি ।
কালি এই বয়সতো বিয়লি চাৰি বজালৈকে হাজিৰাৰ সমানেই কাম কৰিলো আৰু দেখা পালো অন্য দিনত কৈ কামৰ পৰিমাণ বেছি হ'ল ।

Naba Kumar Borah "Poshake Mon"

21/08/2024

20/08/2024

19/08/2024

16/08/2024

14/08/2024

12/08/2024

Address

Telephone

Website

Alerts

Contact The Organization

Shortcuts

Share

Category

Listing takedown request