04/09/2026
శ్రీ అమిత్ బర్దార్, ఐ.పి.ఎస్., జిల్లా ఎస్పీ, అల్లూరి సీతారామరాజు జిల్లా
వినాయక మండపాల ఏర్పాటుకు సింగిల్ విండో విధానంలో ఉచిత అనుమతులు - https://ganeshutsav.net
వినాయక చవితి ఉత్సవాల సందర్భంగా మండపాలు ఏర్పాటు చేసుకునే నిర్వాహకులకు ఆన్లైన్లో అనుమతులు మంజూరు చేసేందుకు ఆంధ్రప్రదేశ్ పోలీసు శాఖ www.ganeshutsav.net అనే సింగిల్ విండో ఈ-పోర్టల్ ను అందుబాటులోకి తీసుకొచ్చింది.
ఈ సందర్భంగా జిల్లా ఎస్పీ శ్రీ అమిత్ బర్దార్ ఐపీఎస్ గారు మాట్లాడుతూ.
జిల్లాలోని వినాయక ఉత్సవ కమిటీలు ఎటువంటి అమౌంట్ / ఫీజు / చలానా పే చేయనవసరం లేదు. ఈ సేవ పూర్తిగా ఉచితం. ఎవరైనా డబ్బులు అడిగితే వెంటనే స్థానిక పోలీసులకు లేదా జిల్లా పోలీసు కంట్రోల్ రూమ్ కు తెలియజేయాలని సూచించారు.
అనుమతి పొందే విధానం:
1. https://ganeshutsav.net లో "NEW APPLICATION" పై క్లిక్ చేయాలి.
2. మొబైల్ నంబర్ ఇచ్చి OTP ద్వారా వెరిఫై చేసుకోవాలి.
3. అప్లికేషన్ ఫారంలో దరఖాస్తుదారుడి పేరు, అసోసియేషన్ పేరు, విగ్రహ ప్రతిష్టాపన స్థలం, జిల్లా - అల్లూరి సీతారామరాజు, పోలీస్ స్టేషన్ పరిధి, విగ్రహం ఎత్తు, మండపం ఎత్తు, 5 గురు కమిటీ సభ్యుల వివరాలు, నిమజ్జనం తేదీ, సమయం, ప్రదేశం, వాహనం వివరాలు నమోదు చేయాలి.
4. ఫారం సబ్మిట్ చేస్తే Application ID వస్తుంది. సింగిల్ విండో అధికారులు మీ ప్రాంతాన్ని సందర్శిస్తారు.
5. అప్లికేషన్ ఆమోదించబడిన తర్వాత https://ganeshutsav.net/applicationStatus లో మొబైల్ నంబర్ తో స్టేటస్ చూసి, NOC మరియు QR Code ను డౌన్ లోడ్ చేసుకోవాలి.
ముఖ్య గమనిక: డౌన్ లోడ్ చేసుకున్న NOC మరియు QR Code లను లామినేషన్ చేయించి తప్పనిసరిగా మీ గణేష్ మండపం గోడపై ప్రదర్శించాలి.
ఎటువంటి రుసుము లేకుండానే అనుమతులు పొంది, నిబంధనలు పాటిస్తూ, ప్రశాంతంగా ఉత్సవాలు జరుపుకోవాలని జిల్లా ఎస్పీ గారు విజ్ఞప్తి చేశారు.
జిల్లా పోలీసు శాఖ, అల్లూరి సీతారామరాజు జిల్లా, పాడేరు
