28/01/2026
ഭക്ഷ്യസുരക്ഷാ വകുപ്പ്, പാലക്കാട് ജില്ലയുടെ നേതൃത്വത്തിൽ സംയുക്ത ഭക്ഷ്യസുരക്ഷാ നഗരം പദ്ധതി 2025–26യുടെ ഭാഗമായി ഭക്ഷ്യസുരക്ഷാ അവബോധ ക്ലാസ്സുകളും ലൈസൻസ് മേളയും 2026 ജനുവരി 27-ന് രാവിലെ 10 മണിക്ക് പാലക്കാട് ടോപ്പ് ഇൻ ടൗൺ ഹോട്ടലിൽ വച്ച് വിജയകരമായി സംഘടിപ്പിച്ചു.
പരിപാടിക്ക് ഡോ. ഹസീല എം. (ഫുഡ് സേഫ്റ്റി ഓഫീസർ – പാലക്കാട് സർക്കിൾ I/C) സ്വാഗതം അർപ്പിച്ചു. ഡോ. രേഖ എ. (അസിസ്റ്റന്റ് കമ്മീഷണർ ഓഫ് ഫുഡ് സേഫ്റ്റി, പാലക്കാട്) അദ്ധ്യക്ഷത വഹിച്ചു. പാലക്കാട് നഗരസഭ ചെയർമാൻ ശ്രീ. സ്മിതേഷ് പി. പരിപാടി ഉദ്ഘാടനം ചെയ്തു.
ഭക്ഷ്യസുരക്ഷാ നിയമങ്ങൾ, FSSAI ലൈസൻസ്/രജിസ്ട്രേഷൻ നടപടികൾ, ശുചിത്വ മാനദണ്ഡങ്ങൾ, സുരക്ഷിത ഭക്ഷ്യ കൈകാര്യം, പോഷകസമൃദ്ധമായ ആഹാരത്തിന്റെ പ്രാധാന്യം എന്നിവയെക്കുറിച്ച് ഭക്ഷ്യവ്യാപാരികൾക്ക് വ്യക്തമായ ബോധവത്കരണ ക്ലാസ് നോഡൽ ഫുഡ് സേഫ്റ്റി ഓഫീസർ ഡോ. ലിജ എസ്. നടത്തി, കൂടാതെ ബേക്കറി മേഖലയിൽ പ്രവർത്തിക്കുന്ന ജീവനക്കാർക്കായി പ്രത്യേക ബോധവൽക്കരണ ക്ലാസ് ഡോ. ഹസീല എം. നയിച്ചു.
ലൈസൻസ് മേളയുടെ ഭാഗമായി, ഫുഡ് ബിസിനസ് ഓപ്പറേറ്റേഴ്സിന് FSSAI ലൈസൻസ്/രജിസ്ട്രേഷൻ അപേക്ഷകൾ സമർപ്പിക്കാനും നിലവിലുള്ള ലൈസൻസുകൾ പുതുക്കാനും ആവശ്യമായ സൗകര്യങ്ങൾ ഫുഡ് സേഫ്റ്റി ഓഫീസർ ഡോ. ഹസീല എ.എം.യുടെ നേതൃത്വത്തിൽ വിജയകരമായി ഒരുക്കി.
പരിപാടിയുടെ വിജയത്തിനായി സഹകരിച്ച എല്ലാ ഉദ്യോഗസ്ഥർക്കും, KHRA അംഗങ്ങൾക്കും, ബേക്കേഴ്സ് അസോസിയേഷൻ അംഗങ്ങൾക്കും, കൂടാതെ പങ്കെടുത്ത എല്ലാ ഫുഡ് ബിസിനസ് ഓപ്പറേറ്റേഴ്സിനും പരിപാടിയുടെ സമാപനത്തിൽ ഡോ. ലിജ എസ്. നന്ദി രേഖപ്പെടുത്ത # Food Safety Kerala # Food Safety and Standards Authority of India
